李曉佳﹕Apple Pay條件辣 逼銀行派錢
1 :
GS(14)@2016-09-29 07:52:35【明報專訊】Apple Pay的優惠真的源源不絕，就在今個星期一，筆者收到匯豐（0005）的手機短訊，話直至11月底每次用匯豐信用卡透過Apple Pay簽帳滿200元，即回贈20元，變相九折消費。每張卡直至11月底的優惠累積最多200元。只要大家精打細算，其實用Apple Pay找數，真係「山大斬埋有柴」。
之前筆者逛兩大超級市場，亦見到兩大銀行各自推優惠，買滿500元用Apple Pay找數獲60元回贈，筆者立即叫家人去超市訂貨，由筆者用Apple Pay簽帳。Apple Pay在7月底登陸香港，最初匯豐銀行、恒生銀行（0011）、中銀香港（2388）、渣打銀行（2888）、星展同美國運通加入，至8月中東亞銀行（0011）亦跟隨，即香港最大型的6家銀行基本上已經加入了Apple Pay的戰團。由7月底推出時開始，各大銀行已經公布了一大籮優惠，令人目不暇給，以消費回贈25％至50%的優惠最「吸睛」。
料優惠推至2018年 令用戶習慣
但首輪優惠，其實都唔係「筍」，好似星展話有50%現金回贈，原來上限只有50元，而且首輪優惠，至8月底或9月底便到期。但以匯豐新近又推出優惠來看，Apple Pay的優惠真的陸續有來。
有銀行界朋友就同筆者講，蘋果手瓜相當硬，跟香港各銀行商討合作推Apple Pay時，條件頗辣，向銀行收取一個小比例的分成之外，還要求銀行自己掏腰包推優惠，而且要推足18個月，銀行界朋友話，條數都幾「襟計」。所以，Apple Pay的優惠應該會一直派到2018年。蘋果自有它的如意算盤，若果推出初期就大手筆地派錢，大家攞完着數就不再用Apple Pay，對蘋果沒甚好處。寧願細水長流，才有機會令消費者養成用Apple Pay的習慣。
Apple用戶消費高 銀行不得不就範
况且，現時接受Apple Pay找數的仍以連鎖超市、藥房、便利店為主，一般餐廳，衣履電器商店都未有採用，蘋果仍需要用其獨有的「牙力」，迫使銀行為Apple Pay爭取時間。
銀行界朋友說，雖然明知蘋果開出條件狠辣，但仍然要就範，因為始終在香港使用iPhone、Apple Watch的都是高消費階層，而且Apple Pay是潮流的象徵，銀行很難不加入。坊間傳聞Android Pay亦排隊在下個月推出，另外還有Samsung Pay，看來一眾銀行界大佬年底前都要挖空心思，向廣大消費者提供著數。
其實蘋果兩年前在美國推出Apple Pay以來，一直未有公開其成績表。
早前公布截至今年6月底一季的業績時，公布包括Apple Music、Apple Pay在內的服務收入，按年增長19%至59.8億美元（約466億港元）。在iPhone銷售額也跌23%的時候，服務收入已成為蘋果的唯一亮點。
iPhone銷售放緩 蘋果攻服務收費
蘋果行政總裁庫克（Tim Cook）講過，下一個年度服務收入希望可以追上「財富」百強，即約一年281億美元。以過去12個月，蘋果服務收入有230億美元來看，即希望新一年度可有22%增長。
Apple Pay要在香港落地生根，除了靠一眾銀行推波助瀾之外，應用地點更廣泛、推展至大銀碼交易，都是刻不容緩的事。
[李曉佳 財經澡堂]
來源:
http://www.mpfinance.com/fin/dai ... 0763&issue=20160929