張致恒兩年後娶莊端兒
1 :
GS(14)@2016-02-15 02:19:50張致恒（Steven）與女友莊端兒拍拖年多，兩人經常出雙入對兼網上放閃，最近更情侶檔在年輕人市集開檔，兩人一條心拍住搵錢。趁着情人節，他們打算搞搞新意思，找來甜品師傅Koby Au教製作愛心曲奇。原來兩人平日都熱愛煮食，莊端兒最拿手煲湯，難怪食得Steven肥肥白白。
■愛煮食的Steven和莊端兒，合力炮製曲奇。
今年已經是兩人共度的第二個情人節，Steven表示一早已互送禮物：「女友送咗部粉紅色情人節限量版嘅電話畀我，我都送咗部咖啡機畀佢，都係粉紅色情人節限量版。」問兩人可有結婚計劃？Steven說：「係有初步商量過，希望至少兩年，等我努力工作搵多啲錢先。」莊端兒忍不住搭嘴：「你求咗婚先講啦！」Steven即耍賴皮：「不如你答咗我應唔應承先啦，你話應承我咪求囉。」你一言我一語打情罵俏，羨煞旁人。撰文：曹家誠服裝提供：Zeal（張致恒）髮型及化妝：Faye's makeover場地提供：The Loft Kitchen
來源:
http://hk.apple.nextmedia.com/entertainment/art/20160214/19490097
張致恒偷食到話要「睇醫生」吳浩康婚前媾六女
1 :
GS(14)@2016-09-23 08:10:06張致恒(Steven)近年信奉基督教嘅Steven睇嚟好似好專心事業咁，喺大台拍劇、主持乜都做，連感情都低調埋，轉咗同莊端兒玩地下情，但係日前就爆出佢原來背住女友偷食台妹Doris過夜斷正，事後佢當住傳媒向莊端兒道歉，仲話考慮喺性方面想向醫生求助。吳浩康(Deep)自認花心嘅Deep04年同胡定欣拍拖時就搭上莊思敏，之後2013年就同鍾舒漫一齊，兩個仲去到談婚論嫁嘅地步，可惜Deep一個月內被爆連媾6個女仔，最後取消埋婚禮。最近Deep接受本報專訪時，公開向莊思敏道歉。崔建邦「散打王」崔建邦好耐之前就有一個對佢死心塌地嘅女友唐詩詠，但佢就背住詩詠搭上「中巴」鄺敏慧，點知就暴力對待中巴，之後仲搞到上差館。之後崔建邦就搭上廣州模特兒陳嘉莉（Kelly），但有指佢再用暴力，用iPhone掟瘀Kelly手臂，仲背住Kelly搭上林姍姍嘅細女李怡。
來源:
http://hk.apple.nextmedia.com/entertainment/art/20160923/19778875
祖兒斥張致恒衰仔
1 :
GS(14)@2016-09-27 07:14:50容祖兒、梁家輝女兒梁穎晨昨日在中環出席服裝品牌活動，祖兒透露有意舉辦唱非主打歌的音樂會，歌迷優先購票。對於張致恒（Steven）自認性沉溺兼有小三，而被莊端兒狠飛，祖兒謂：「呢個衰仔，由細講到大。哀莫大於心死，佢自己事自己處理。」而梁穎晨表示畢業後暫未有工作，經常在社交平台晒火辣泳照的她，被問到會否行泳衣騷？她說：「都冇乜問題，好多人着比堅尼，但接工作前會先問過父母。」
■劉浩龍到跑馬地買咖啡。
此外，祖兒男友劉浩龍（師兄）前日現身跑馬地，他買完凍咖啡之後，邊行邊飲，再去買麵包，全程笑容滿面，離開時發現記者，亦笑着道別。採訪：王連連攝影：畢紹基、徐錦池、沈健程
來源:
http://hk.apple.nextmedia.com/entertainment/art/20160926/19781783
阿Sa睇Lanvin騷點歌《死性不改》寸張致恒偷食
1 :
GS(14)@2016-09-29 08:05:52蔡卓妍(阿Sa)、郭碧婷、馬天佑、向佐昨日現身巴黎時裝周，睇Lanvin2017春夏騷，阿Sa穿上品牌2017早春系列的粉紅色長袖長裙，sharp爆現身。不過阿Sa表示前日才到埗，昨日有點水腫：「要狂灌咖啡去水腫。」她表示多看一個騷，及與同場的馬天佑拍MV後就會回港，問會否趁機shopping？她說：「阿嬌同Mani都叫我買袋，但冇時間。不過之前我飛咗去上海，幫霆鋒做《十二道鋒味》嘉賓，佢應承送手袋俾我，而且不設上限，所以Mani都搭單。」師弟張致恒新聞多多，因偷食台妹Doris而與拍拖兩年多的女友莊端兒分手，阿Sa對此說：「呢個衰仔，送首歌畀佢，叫《死性不改》，佢有份唱。」可有問候張致恒？她說：「希望佢大個仔，佢都係細我幾年咋，希望佢成熟啲，睇相啲人話如果另一半穩定，事業就會好，希望佢都係咁。」
Lanvin2017春夏由新上任的女設計師Bouchra Jarrar主理，是她上任後的首個時裝騷，如之前發表的2017早春系列一樣主打黑白二色，但這次有透視floral print飄逸裙、紫藍色、glitter元素穿插其中，是女性化內衣風喱士、see through，以及男性化tailoring的融合，與昔日Lanvin截然不同。
來源:
http://hk.apple.nextmedia.com/entertainment/art/20160929/19784940
吳岱融推張致恒上床網民：佢又想對個仔做咩
1 :
GS(14)@2016-10-16 08:20:04講到亂倫劇，大家會諗到邊套？相信就係最近嘅代表作《巨輪II》喇，因為演陳凱琳養父嘅吳岱融，要強姦陳凱琳，嗰場戲真係睇到大家都硬晒....個拳頭，套劇播到o依家陳凱琳都仲未被姦，但之後會點？好難講嘅，不過唔講陳凱琳嘅情節，可以講下另一個疑似強姦嘅情節。是咁的，喺日前嘅《亂倫II》吖...唔係...《巨輪II》先啱，出現咗一幕就係吳岱融鬧張致恒嘅戲，場戲係講張致恒同李佳芯有咗BB，但係做爸爸嘅吳岱融就極力反對，直指李佳芯係性工作者，人人畀錢都可以同佢上床，甚至吳岱融都同李佳芯上過床。呢一段戲吳岱融被網民力讚，讚佢演得好有力，大讚話：「吳岱融，真係超級好戲，唔拎獎就浪費掉。」「巨輪前傳之鷲哥成魔之道。」「佢不嬲都好戲，當年殺兄同何家駒對手戲都勁。」不過因為場戲吳岱融要推張致恒落床，所以有網民睇到就話：「佢又掟個仔上床我以為佢又想對個仔做咩。」「高天鷲連個仔都推上床，佢又想...」「真心愛個仔會上埋個仔？」
來源:
http://hk.apple.nextmedia.com/entertainment/art/20161016/19802485
張致恒有新歡解話冇性上癮
1 :
GS(14)@2017-03-04 00:34:45■張致恒自言今次認真拍拖，如果同居就結婚。互聯網圖片
張致恒（Steven）去年被爆背女友莊端兒偷食被怒飛，前晚他在facebook貼新女友梁皓恩合照放閃，他昨在電話說：「佢有拍港台劇，又醉心舞台劇，有次我睇舞台劇朋友介紹識，啱啱開始拍拖。」今次高調認愛，Steven坦言：「因為我想拍拖，但唔想閃閃縮縮，女方安全感都大啲，今次如果同居就結婚，唔係玩玩吓。」更主動澄清冇性上癮：「我承認曾經偷食，賴落去自己有病度，我以前冇承擔責任，同大家講唔好意思。我張致恒冇性上癮呢個病，我會努力做好我自己。」舊愛莊端兒以短訊回覆：「會祝福佢。」採訪：皓騫
來源:
http://hk.apple.nextmedia.com/entertainment/art/20170303/19945328
Next Page