【add】紅人主場：周汶錡 燦爛孕記
1 :
GS(14)@2017-01-26 18:22:27Shiatzy Chen繡外套、吊帶裙
42歲的周汶錡（Kathy)可說是幸福女人人辦，名模之路無風無浪，遇上高富帥法籍老公，38歲結婚、40歲誕下混血兒子Jacques。去年如願懷上第二胎，輕輕鬆鬆、靚住陀B下月又生，「我對懷孕感覺係幾OK，生仔過程好快，湊仔仲緊要，好多嘢要學。」人生最燦爛的一章還在繼續。採訪：林妙萍造型：顏英儀攝影：郭賢興髮型：Debby Kwan of HAIR化妝：Meegan Seak周汶錡連續三年新年前夕到《蘋果》影相做訪問，變成紅人主場一個傳統。2015年她肚大如籮，2016年升格索媽，今次陀住七個多月身孕。
Gucci針織外套米白色絲質連身裙Jimmy Choo高踭鞋
Fendi絲質連身裙Tory Burch耳環
陀BB算舒服
「係喎，咁快又一年！?家重咗15磅左右，同上一胎差不多，round one，round two都一樣，哈哈。」Kathy去年11月在Instagram宣佈成功懷上第二胎，貼了可愛兒子Jacques摸她肚皮的照片：「跟大家一起分享我們的喜悅，Jacques快要做哥哥了！」
Kathy續說，「同生大仔一樣，過程算係舒服嘅，冇特別嘔、唔想食嘢、心情起起伏伏咁，我對懷孕感覺係幾輕鬆嘅。」擇好日子入院開刀，老公陪入產房，至於剪臍帶重任？「繼續留畀專業人士啦，佢陪住我就得。」
■周汶錡在網上宣佈成功陀上第二胎。
最怕大仔呷醋
仔女沒所謂，「仔的話，可以同哥哥一齊長大；女的話，一仔一女當然好。」反而法國老爺最想要孫女，皆因家中四個孫，全是小男生，「?家係四條King，哈哈！」陀B沒難度，湊仔更多學問，新一課是教導小哥哥迎接弟妹，怕不怕大仔呷醋？「驚！好驚！其實佢都會妒忌，好似我哋抱第二個BB，佢會呷醋囉，會叫：媽咪媽咪，好似好慘咁。問咗好多家長，朋友畀咗少少貼士，叫我準備啲禮物，話係將來BB送畀佢，佢會覺得BB都咁錫佢，感情上係好啲。」事先引導好重要，「其實佢唔係好明，我話你就嚟做哥哥，佢平時叫哥哥，哥哥係大人喎？咁我會同佢講，媽咪有baby喺肚，佢就好奇怪，我咪係baby？就會走去摸吓你個肚，始終佢太細，得一歲幾，未必知道。」
安胎留港過年
今胎肚皮較大，加上怕陀第二胎易早產，Kathy婚後首次一家三口留港過新年。「往年都飛法國，執個行李，買張機票就走得，?家要準備好多嘢，糕點啦、全盒啦、麻雀啦、幫佢買少少新衫咁，好忙！」
Jacques去年收了不少利是，Kathy會做教育基金還是為他儲定首期？「冇呀，我幫佢捐晒出去，佢啲新年利是、生日利是，都捐晒畀助學啲學生，等佢幫助啲有需要嘅小朋友。」
■網紅BB Jacques的聖誕甫士，吸了9千多個likes。
■Jacques去年7月慶祝一歲生日。
網紅Baby勁PR
周汶錡18個月大混血囝囝Jacques變了網紅嬰兒，一個Ig post，隨便也吸8千、近萬likes，一條學講法文、學打鼓短片，6、7萬瀏覽，絕對有本事收錢做網紅，Kathy說：「唔會啦，覺得好玩，想同大家分享。?家佢係幾得意，好多嘢講，好天真，口齒都幾伶俐，法文、英文、廣東話，乜都講。我個囝囝似PR咁乜人都黐，好搞笑。」
更多精采時尚內容，盡在
http://add.appledaily.com。
來源:
http://hk.apple.nextmedia.com/entertainment/art/20170126/19908629
陀B周汶錡下月生得型着Saint Laurent乾濕褸遮肚
1 :
GS(14)@2017-02-19 13:59:55名模周汶錡(Kathy)懷上第二胎，下月就生得，第二胎是男是女，繼續保持神秘，不過她的法國老爺就最想抱孫女，皆因家中四個孫都是男孫。臨近預產期，不少孕婦的體重普遍都會爆升，不過周汶錡陀第二胎都是肥肚唔肥人，手腳都沒長胖，最近她IG就post了新相，相中她穿上Saint Laurent的trench coat，鬆身設計輕易遮肚，孭了愛牌Roger Vivier的新手袋，腳踏adidas Originals EQT Spport ADV白波鞋，襯skinny jeans，對腳仲好幼，就算大肚都着得好有型。
來源:
http://hk.apple.nextmedia.com/entertainment/art/20170219/19933027
周汶錡影大肚寫真 隨時生得
1 :
GS(14)@2017-02-26 13:24:05■周汶錡前晚在社交網上貼攬着兒子的黑白大肚寫真相。
周汶錡（Kathy）昨日出席時代廣場活動時，提到前晚在Instagram貼她攬着兒子Jacques的黑白大肚寫真相，她笑說：「隨時生得，因為3月頭係預產期，想留美好回憶，同仔一齊影，唔係刻意暴露，想有母愛，好自然件事帶出嚟，效果覺得好靚。」
Kathy透露拍攝當日，已準備iPad及糖果?囝囝，更讚他有做模特兒潛質：「助手喺身邊?佢，叫佢扮瞓喺我身度，佢即刻瞓喺我度，好OK。」之前，她未有透露BB性別，問她已準備BB衫給囡囡？她即笑說：「我有話過生女咩？唔講仔定女，賣個關子，不過冇乜所謂，當日買畀囝囝啲衫，都係白色為主，自然顏色，我好環保，好多衫係朋友畀我。」採訪：王連連
來源:
http://hk.apple.nextmedia.com/entertainment/art/20170226/19940342
周汶錡再添8磅巨B老公又攰又開心
1 :
GS(14)@2017-03-22 00:47:14■周汶錡昨日再當媽媽，剖腹誕下8磅B仔。資料圖片
恭喜恭喜！現年42歲名模周汶錡（Kathy），昨日在中半山嘉諾撒醫院順利誕下第二胎，Kathy之前一直保持神秘，不肯透露第二胎陀男定女，只說生女就perfect，但仔女都沒所謂，又說生三個小朋友是極限，原來昨日已經生了。
改名Avner
昨日下午近4時，Kathy的法籍靚仔老公Julien探老婆後，與Kathy的父母一同離開醫院。他向記者公佈喜訊，指自己已榮升第二任老竇，太太Kathy今胎同樣誕下囝囝，又透露BB重約8磅，英文名叫Avner，Julien笑指：「It's a big boy！」問他會否再追囡囡？Julien即笑說這些很難說，但指Kathy心情好好，正在休息。現場所見，Julien亦面露疲態，但難掩家庭再添新成員的喜悅。
Kathy囝囝取名Avner，有「Father of Light（光之父）」的意思，Kathy說：「細佬比較似爸爸，本以為今次第二次生BB，有上次的經驗心情會輕鬆一點，但可能因為知道整個程序，反而比上次更緊張。我和老公都很開心為Jacques添了一名弟弟，雖然今胎都係囝囝，但我和老公都冇所謂，兩兄弟可以一齊玩！但身邊朋友都不停慫恿我追番個囡囡，我想之後都係一切順其自然吧！」
■周汶錡老公Julien昨日在醫院笑指細仔是Big Boy。
■孫仔出世，周汶錡父母昨日前往醫院探望。
■榮升哥哥的Jacques在短片中講恭喜發財，十分可愛。互聯網圖片
擇日開刀
Kathy前年7月為Julien誕下混血大仔雷棨宇（Jacques），今次生B，跟前年一樣都是擇日入院剖腹。昨日她在Instagram上載一條囝囝Jacques在家跳跳紮的短片，片中清楚聽到Jacques講「恭喜發財」，之後又扮相撲手站在茶几上。採訪：羅慧敏攝影：沈健程
來源:
http://hk.apple.nextmedia.com/entertainment/art/20170321/19964501
周汶錡瞓床湊細仔
1 :
GS(14)@2017-03-25 10:34:22■再做媽媽的周汶錡，昨日與丈夫在互聯網貼上細仔照片。
名模靚媽周汶錡（Kathy）一年前誕下大仔Jacques，婚前曾表示不太喜歡小朋友的她，竟然一年後又再誕下細仔Avner。日前Kathy宣佈平安誕下細仔Avner，她表示第二個兒子的名字是有意思，意指「father of light」，昨日Kathy終於在Instagram貼相公開細仔的廬山真面目。相中見到Kathy在床上休息，右手抱住Avner，老公Julien Lepeu則扶在床邊一齊影相，Avner的右邊面出鏡，皮膚白裏透紅，跟哥哥一樣得意可愛。Kathy留言：「Our little cutie pie arrived」，她看來精神很好，未有半點產後疲累，相信她一定復原得很快。撰文：菲菲
來源:
http://hk.apple.nextmedia.com/entertainment/art/20170325/19969035
周汶錡細仔乖乖飲爸爸奶
1 :
GS(14)@2017-04-04 08:56:02■周汶錡法籍老公Julien親自餵細仔Avner飲奶。
周汶錡（Kathy）繼前年7月為法籍老公Julien生下大仔Jacques後，上月20日又順利誕下細仔Avner，現已出院回家休息。蔡一智夫婦和上山詩鈉日前專程到好友Kathy家探望BB，又一起大合照。相中Avner皮膚白裏透紅，眼仔睩睩十分可愛，而另一張他就乖乖躺在父親Julien懷抱飲奶，場面溫馨。
■蔡一智夫婦和上山詩鈉（左二）日前到周汶錡家中探BB。
Kathy原來準備了薑醋、朱古力和熊仔曲奇送給朋友，並謂：「感謝大家對Avner送來的祝福。我們為好友送上這份甜蜜心意，來分享我們一家的喜悅！Our second little bundle of joy has arrived！」撰文：魯吉
來源:
http://hk.apple.nextmedia.com/entertainment/art/20170404/19979083
周汶錡產後兩周神速修IG晒法國皇室御用朱古力
1 :
GS(14)@2017-04-04 08:56:0342歲的名模周汶錡(Kathy)兩周前順利生了第二胎，為囝囝Jacques添了一個弟弟，二仔取名Avner，意思是「father of light」。周汶錡得天獨厚，陀第一胎時肥肚唔肥人，第二胎也是一樣，Kathy兩星期前誕下二仔Avner，近日產後在家中坐月，前日她於IG po新相開心share，生B兩星期的Kathy化了淡妝，穿上藍色恤衫，精神不錯，見她已完全康服，完全零水腫，晒法國皇室御用朱古力Dalloyau的朱古力禮物盒，今次產後兩周已經極速回復，認真是神蹟！原來Kathy騷的朱古力禮物盒是向朋友及傳媒送的禮物，禮物包還有豬腳薑，以KJ logo(Kathy及老公Julien)的玻璃樽盛載，好有心思。更多時尚、美容新聞，即上：
http://add.appledaily.com
來源:
http://hk.apple.nextmedia.com/entertainment/art/20170404/19979678
【姊妹情深】周汶錡護妹鬧姣蛇
1 :
GS(14)@2017-04-05 23:56:49周麗淇（左）、周汶錡
姊妹拍住上入娛樂圈就要互撐！周汶錡當年挺妹妹周麗淇，暗寸介入妹妹和鄭嘉穎戀情的佘詩曼「姣蛇有毒」。
米雪、雪梨
米雪一手帶妹妹雪梨入行，83年只得17歲的雪梨為徐少強未婚生子，米雪視外甥如己出，多年來照顧有加。
元秋、文雪兒
元秋湊大年輕10歲的妹妹文雪兒，二人感情要好，元秋只收一封大利是為文雪兒開的美甲店做代言人，文雪兒近日客串《溏心風暴3》。
周汶錡、周麗淇
當年周麗淇和鄭嘉穎拍拖，08年傳佘詩曼介入戀情，周汶錡力挺妹妹最驚蛇（佘），嫌蛇腥兼指「姣蛇有毒」。
徐熙媛（大S）、徐熙娣（小S）
前年小S炒單車傷面，大S臨時上陣代主持《康熙來了》節目，一句「姊永遠是你的後盾」感動觀眾。
Rosanne、Race
前組合2R成員Race去年在新加坡搞賣樓app，獲胞姊Rosanne一家三口做封面，免費幫手做宣傳。
來源:
http://hk.apple.nextmedia.com/entertainment/art/20170405/19979916
Next Page