十億駙馬貼地生活布志綸帶老婆掃平衫
1 :
GS(14)@2017-01-08 19:02:47【收穫豐富】■布志綸夫婦日前逛街，老婆Sally極速睇中了不少衫褲。DV圖片
【又一城】樂隊Mr.主音布志綸（Alan）前年做「老襯」，將有米女友陳雪瑩（Sally）私有化變成老婆，去年更榮升人父，Sally為他誕下囝囝Adam。不過Alan一直表示好介意被稱為「十億駙馬」，更指自己不追求大富大貴，身上穿的都是百多元的平民價衫褲。
Alan日前以行動證明自己言出必行，並不追求物質生活，本報記者日前大約晚上7時，發現他與Sally撇甩囝囝，現身九龍塘又一城拍拖逛街。二人泊好車後，便直上平價服裝連鎖店H&M血拼。
【主攻底衫】■趁店舖大減價，布志綸細心慢慢揀鞋和打底衫。ＤＶ圖片
【攞位醫肚】■布志綸預早去壽司店攞位，等老婆試衫後即刻有得食。ＤＶ圖片
■布志綸前年和有米女友Sally拉埋天窗。資料圖片
踎地尋寶
臨近農曆新年，不少商戶都進行大減價，H&M亦不例外，由於品牌本身已經走大眾化價錢，減價就平上加平。Alan入店後即刻四出尋寶，他主攻睇鞋和打底衫，其間他贒中一件15元的底衫，更踎地慢慢揀，但最後可能款式或質料不合心水，他沒有購買。相反，購物向來是女士們的強項，Sally入店後不夠15分鐘，已經發現很多心水，她攞到一手衫，當中包括大褸、中褸和恤衫。可能花多眼亂心大心細，Sally好尊重Alan，每一件衫都問Alan的意見，之後二人商量了一會，Sally便走入試身室慢慢試。
嘆平壽司
Alan相當細心，趁老婆試衫期間，立即爭取時間去附近的壽司店千両攞位，好讓老婆買完後就有得食，不會餓親。而Sally亦算快手，大約試了20分鐘便買完，急急腳去會合Alan，兩公婆大嘆平民壽司，認真幸福甜蜜。採訪、攝影：徐錦池
來源:
http://hk.apple.nextmedia.com/entertainment/art/20170108/19889753
圈中駙馬靠自己 布志綸慳家 吳家樂打工廿年
1 :
GS(14)@2017-01-24 03:00:17黎諾懿前年同富家女友拉埋天窗，成為「五億駙馬」，不過知慳識儉，開飯都係食平民餐，前日仲雙雙去咗睇BB用品o添。而夫憑妻貴嘅娛圈例子，都仲有唔少㗎。
布志綸@Mr.
Alan喺14年同玩具公司太子女陳雪瑩結婚，成為咗「十億駙馬」！不過唔代表佢好食懶做，其實佢依然係落力工作，自己養自己，佢喺專訪中就講過，唔會貪圖物質，最開心嘅事係有得繼續玩音樂就夠。
劉威煌
劉威煌係第一屆《超級巨聲》嘅參賽者，之後喺大台發展，直到前年先加入唱片公司，仲同拍拖7年嘅女友Sandy結婚。而女友家族就喺大陸有礦業生意，劉威煌太太仲持有多個物業、公司。
陳子聰
上年底因病入院激瘦嘅子聰，康復之後積極做運動，成個人精神番晒！全賴有你咋何超儀！陳子聰老婆超儀，即係賭王何鴻燊個女，喺丈夫入院期間，轉過醫院，出院之後又物識過兩個地方俾丈夫休養，有指總共花咗逾千萬。
吳家樂
喺大台工作超過20年，吳家樂都算係資深藝人同主持人。佢2006年同其士集團太子女周蕙蕙結婚，同年尾大月Naida就出埋世，不過咁多年嚟吳家樂都係努力工作，就知佢為咗頭家付出好多啦。
來源:
http://hk.apple.nextmedia.com/entertainment/art/20170123/19906247
與「駙馬」不和美首席智囊或調職
1 :
GS(14)@2017-04-09 10:49:12白宮再傳人事地震。上周已被擠出國家安全委員會的首席智囊班農，傳因跟「駙馬」兼白宮高級顧問庫什納極度不和，總統特朗普考慮將他調職；白宮幕僚長普里伯斯亦被指表現不濟，或被撤換。班農與庫什納不和，攻打敍利亞決定是導火線之一。英國《每日電訊報》引述消息，指班農認為攻敍不符「美國優先」主張，大力反對；而身為猶太人的庫什納，《紐約時報》指他一直傾向介入中東。《紐時》亦指班農和庫什納關係早已「瀕臨破裂」，庫什納認為班農主張的入境禁令、建圍牆和環保倒行逆施政策太分化，害岳父民望低落，班農卻堅持退讓只會自損「另類右翼」支持，據指他上周向庫什納吼叫：「沒有中間立場的原因，就是因為你是民主黨人。」班農據說還辱罵庫什納是「綠帽王」（cuck），並認為他的涉俄聯繫會拖累白宮。庫什納前天被揭申請保安查核時漏報部份與俄羅斯官員接觸，其律師稱因「行政錯誤」而起。
普里伯斯或被撤
至於被指要為撤回醫保替代法案負責的普里伯斯，特朗普據指近日頻要親信好友評價他的表現並問有甚麼替代人選，部份人提出由白宮國家經濟委員會主席科恩取而代之。普里伯斯與班農同病相憐，近日在特朗普面前互為對方說好話，兩人與庫什納陣營據指都向傳媒放風暗戰，遭特朗普警告要收手。英國《每日電訊報》/美國《紐約時報》
來源:
http://hk.apple.nextmedia.com/international/art/20170409/19984621