缸瓦不怕瓷器碰 周顯
1 :
GS(14)@2014-05-08 12:46:27http://www.mpfinance.com/htm/fin ... mnist/en30_en30.htm
【明報專訊】其實，有很多朋友都問過我同一個問題﹕「你日日寫咁多內幕秘聞，唔怕被人追斬，又唔怕證監捉你去問話咩？」
我說﹕「第一，我時常爆料，證監應該常看我的專欄，多謝我提供資料才對，怎可以反轉過來，去找我麻煩呢？第二，在這個世界上，我唔去斬人，人都算偷笑啦，邊有人會敢斬我？」
他馬上戳爆﹕「前幾排，都有人公開恐嚇話要斬你啦，你真的唔驚咩？」 我仰天打了一個哈哈，說﹕「那些九唔搭八的人去恐嚇，我當然有點驚，因為他們斬我是無機會成本的嘛，但是那些有頭有臉的人，我是缸瓦，他們是瓷器，我驚他們乜？更何，我的手裏有筆，他們怕我怕得要死才是呢！」
要賄賂我不寫你 話咁易
話說之前我寫了某位仁兄的故事，他託朋友來傳話，拜託我別再寫他了。我說﹕「你快點磅水賄賂我，要賄賂我寫你，就話難，要賄賂我不寫你，話都無咁易！」
這好比電影《至尊計狀元才》，大奸角是田豐，他對成奎安說﹕「他(指男主角譚詠麟)給你多少錢？你背叛我！」
成奎安說﹕「你畀我二百萬，他畀百五萬囉！」
田豐說﹕「我付得比他多呀，你為什麼要幫他呀？」
成奎安說﹕「咁點同呀，你畀我二百萬，叫我殺人，犯法架喎，佢又唔同呢，佢畀百五萬我，叫我飲飲食食，下涼，做場戲咋，畀你，你揀邊樣做？九唔搭八！」
所以，如果有買怕我，想付錢給我的市場人士，請付錢給我，我收錢不會手軟的！
[周顯 投資二三事]