📖 ZKIZ Archives

中環在線：天災心情差稻香(573)食客減

2008-05-22 Appledaily

稻 香（573）噚日喺旗下酒樓開股東大會，患重感冒嘅主席鍾偉平，帶病到場主持大局，同行大家樂（341）主席陳裕光都有出席，皆因佢亦係稻香嘅非執董。鍾 偉平同華華講，近排大地震搞到人人心情都唔係咁好，食慾都差啲，做飲食嘅生意多少有影響，之不過佢做街坊生意，影響冇咁大，做高檔客班行家就慘啲！至於有 冇員工受地震影響呢？鍾偉平話，有兩個喺深圳打工嘅阿姐，都係四川人，地震後鄉下間屋塌咗，佢知道後即時批假畀呢兩個女工，等佢哋返屋企善後，仲話對方有 需要幫手嘅話，只要出聲，幫到幾多就幾多！同時，內地員工捐幾多，公司亦會照捐咁多，不設上限！另外，華華知鍾主席07年減咗一大截人工，全年薪水加津貼 都係得23.6萬銀，少咗四成七，每個月計起唔夠兩萬銀，鍾主席笑笑口話唔緊要，做多啲生意，喺股息度補番數咪得囉，舊年就袋咗三千幾萬銀，難怪收少啲人 工都唔緊要啦。

greatsoup:
這才是正確的態度嘛。

中環在線：稻香鍾偉平至愛菠蘿包 李華華

2008-09-12  AppleDaily

稻 香（573）噚日舉行嘅業績記招，特別擺咗份high tea西式茶點，同稻香格格不入。伙頭主席鍾偉平解釋，佢哋之前喺深圳開咗間西餐加茶餐廳食肆叫「hi tea」，所以趁公佈業績宣傳吓。不過，鍾主席話，自己都係鍾意港式包點多啲，菠蘿包加奶茶最啱佢心水。佢仲話，7月飛咗轉去英國覓食試菜，雖然英國啲炸 魚薯條出名，但鍾偉平話晒係食家兼上市公司主席，出門試菜梗係搵靚嘢食，出發前同事已經幫佢做晒準備，不過佢就唔肯開名講邊間啲嘢好食，費事幫人宣傳。不 過，喺英國一個禮拜，鍾偉平話西餐唐餐都有食，中餐特別對一味腐皮腸粉印象深刻，呢款點心用腐皮包住蝦膠等餡料油炸，個樣似腸粉，好味之餘仲有創意。

十月北京試新菜

鍾偉平每年都會出埠四五次周圍去試食，下個月稻香會開多間中菜西食嘅「鍾菜」，所以鍾主席喺英國特別留意食肆點樣中菜西食。10月中就飛北京，佢話呢兩年北京搞奧運前後，新餐館多咗好多，所以要去試吓。

華潤萬家稻香大快活巴黎咖啡店日本城　金融海嘯危中有機逆市擴充

2008-11-03  AppleDaily【本 報訊】金融海嘯殺到香港，摧毀零售業，金至尊、佑威、泰林及冬甩連鎖店Krispy Kreme短短半個月內先後清盤或倒閉，以千計打工仔加入失業大軍行列。雖然零售業飲食界叫苦連天，但有危亦有機，多家企業計劃逆市擴充，務求殺出一條血 路。它們均看準一項淡市有利條件：租金回落、店舖選擇多。

記者：龍婉嫻程俊華雷子樂

華潤創業旗下華潤萬家超市逆市在港擴張，今明兩年將拓展以年輕人及上班族為目標顧客的「Vango」便利店及「VOle」精品超市。

華 潤萬家（香港）董事助理總經理丁志偉表示，雖然金融海嘯影響香港消費市道，但可供選擇的店舖反而增加，業主在租金叫價及租約方面亦較有彈性，故華潤萬家在 港發展Vango及VOle的計劃不變，年底前Vango由七間增至十間，明年再開20間，每間店舖面積300至800平方呎。

大多打年輕人主意

年 底前在灣仔開設的首間VOle精品超市，面積逾萬呎，針對中高檔市場，該店將招聘逾50名員工。至於普通華潤萬家超市，將維持現時約117間分店。他表 示，Vango不走特許經營路線，店內五成產品與華潤萬家超市相同，可降低營運成本。為吸引年輕人及上班族，其餘一半貨品主要是日本特色的專賣食品、文具 及寵物用品，並設小食專櫃。一眾走平民路線的食肆亦計劃趁金融海嘯襲港，擴充吸客。稻香雖然在港已有12個品牌合共65間中式食肆，但昨日宣佈創立全新火 鍋品牌HIPOT，首家新店上周五已開張，總投資600萬元。HIPOT講明打年輕人主意，公司發言人稱，集團對飲食業前景仍樂觀，新品牌同樣走抵食路 線，採用一人一鍋模式，店內免茶芥免加一，同時甜品飲品任食任飲。HIPOT新店位於觀塘apm商場，昨日晚市坐無虛席，全場177個座位爆滿。昨晚8時 30分記者現場所見，該店門外仍有食客排隊等候入座。該店經理李風華表示，一人一鍋可吸引更多年輕人光顧，開創新菜式可令價錢便宜些。他又說，該店開業三 天，生意都不錯，昨日生意額比平時多兩成。一對年輕男女食客昨首次光顧該店，其中李先生說：「行街見到間舖（火鍋）宣傳一人一鍋，覺得價錢幾合理、又幾衞 生，咪入嚟試吓，食落都覺得幾好、幾滿意。」

開源節流不會裁員

經營快餐業務的大快活，集團高層上周開會討論最新發展形勢，初 步結論是趁樓價與租金回落，物色好地點開新舖，「管理層會理性吼平舖，唔會貪平，去租啲地點差舖位。」董事又認為，逆境求生之道，不外乎開源及節流，但強 調不會裁員。擁有12間分店的麗都酒樓集團主席顏進，亦決定逆市開舖。集團已租用青衣長發邨領匯一個1.3萬方呎舖位，計劃12月開業，屆時增聘140名 員工，新店主打大眾化價錢的潮州菜，希望逆市殺出血路，「有危就有機，屋邨客人均消費一向較穩定，更容易掌握盤數。」他又透露，近期傾談租約，業主叫價確 實「冇以前企得咁硬」，若租金續下滑，09年底前可能再開五間分店。巴黎咖啡店總裁林博聰昨向本報表示，預計農曆新年後，有多間零售店及食肆倒閉，舖租有 望下調三成。他最近已選定兩個心水地區，「租一回落，就即刻擴充。」他說，高地價、高租金主宰小企業興衰，以他為例，03年窺準租金回落，一度開設20家 分店。06年租約陸續到期，業主狂加租，分店收縮至十間。「冇辦法，喺香港做小生意，唔敢諗長遠，最多都係睇到未來幾年前景」。全港約有200家分店的日 本城，曾在03年沙士時逆市招攬人才，今次金融海嘯下依然磨拳擦掌，繼續物色舖位計劃擴充，新近在旺角廣東道及黃大仙中心開舖，在聖誕節前集團會再多開五 家分店。日本城的管理層認為，旺市租金搶貴，難找合適商舖，但現階段租金下調，並相信農曆年後有更多舖位選擇，是謀求發展的好機會。

租金尚有下調空間

中 文大學財務學理學碩士課程主任蘇偉文表示，經濟環境轉差，有利快餐店、茶餐廳等平民食肆逆市擴充業務，「呢個時候開業，一來可以同業主傾長啲免租期；二來 份租約可傾長啲；三來租金有得減。」他估計，店舖租金尚有20%下調空間，「吉舖」選擇亦越來越多，但他提醒企業擴充時，始終要諗過度過，「唔通呢個時候 仲開魚翅酒家咩！」

逆市求生：自動系統、稻香節流求存　力削開支兼拓新商機

2008-12-29  AppleDaily

【本報訊】經濟不景，各行各業透過不同方法面對逆境。自動系統（771）從減少非固定開支着手，而稻香（573）亦致力控制食物、人力及水電成本等。 記者：甄嘉儀 自 動系統董事總經理賴音廷表示，經濟好景時，集團面對營運成本高企、員工流失率高等問題，現時市況不好，反為公司提供穩定的環境發掘和開拓商機。他指出，現 時同業面對市場萎縮及財務等問題，該公司亦有同樣情況。截至9月底，自動系統的流動負債3.3億元，資產負債比率為零。 自動系統拓展海外 賴 音廷稱：「由於在營運成本上挑戰仍大，故服務收費減幅空間不多。要節流，就從公司非固定開支着手，同時主動為客戶減省營運成本作支援。」由於科技服務是中 小企不可或缺一環，他預料經濟不景，會令更多企業把科技服務工作外判，有利該集團。賴音廷表示，這段期間會致力發展海外市場，除可提升公司於海外市場的佔 有率，亦減低香港營運成本。截至9月底，該集團海外業務營業額較去年同期增60.2%。該集團有逾1500名員工，他稱，現未有裁員計劃，並表示現時是聘 請人才的最好時機。經濟不好，餐飲業往往首當其衝，稻香控股（573）行政總裁梁耀進表示，面對金融海嘯，市民消費意欲下降，旗下食肆生意亦有輕微下跌， 但他指出，「沙士時市民都會選擇安全、衞生的食肆光顧，但現時市民寧願儲錢。」梁耀進指出，以現時食品價格，市民在家煮飯與外出食晚飯的價錢差距不大，由 於集團主攻大眾化路線，相信仍有一定捧場客。他強調，集團過去6年都沒有正式減價，但旗下食肆最近亦推出晚市折扣優惠，令生意額上升近一成。 稻香走年輕人路線 另 一方面，稻香透過控制成本節流，「我們於沙田火炭和東莞分別設有食品物流中心，除能控制食物成本，讓我們有較好的議價能力，也能提高生產效益，令集團的水 電用量節省近三成，最重要是食物物流中心可減低中間人的成本。」此外，一向經營傳統中式酒樓為主的稻香，近年亦開拓年輕化路線，冀吸納新顧客層。梁耀進表 示，「基於成本和風險都相對下調，集團計劃明年於香港開10至12間分店，相信聖誕及農曆新年後餐飲行業或會面對更大挑戰。」

味千 小肥羊 稻香 味皇

http://hk.myblog.yahoo.com/lgaim-foolman/article?mid=1140

味千:

(億)                  07     06*     05     04     03

純利              2.20* 1.35   0.57   0.47   0.18

現金流          2.24   1.56   1.03   0.61   0.52

已繳稅項       0.39   0.19   0.10   0.06   0.02

1* 06年上市 

2*  減去利息收入之後只有1.54

味千的早期利潤係低估的,目的明顯是為左"成長率",味千用高價上市,籌到的資金相當於前4年的總現金收入的5倍,在牛市中,高成長會比高盈利更好賣

(億)                  07     06*     05     04     03

低估數額      -0.12 -0.26   0.19     0     0.28

低估數額=現金流+利息收入-利息支出-折舊-稅-純利

03年低估2800萬,04年正常,05年低估1900萬,06年上市時高估2600萬,現在高估1200萬,低估總額4700萬,高估數額3800萬,相差900萬,應該今年會高估900萬作結,由於相差的數額為正數,因此不會出盈警

(億)                  07     06*     05      04     03

固定資產      2.97   1.67   1.24    0.82   0.31

現金流          2.24   1.56   1.03    0.61   0.52

效率              75%  93%   83%   74%  168%

07年營運效率下降應是大規模擴張的結果,考慮到經濟轉差,70%應該差唔多,估計盈利並不容易,但估計固定資產會簡單得多,08年如果仲開分店的 話,固定資產起碼3.5億,如果分店執粒,固定資產亦不應少於2.5億,因此營業利潤在2.45-1.75億之間,由於減息的關係6700萬的利息收入將 會消失大半

現金流2億左右,公告盈利應差不多,而公司賣35億,以資產計,公司現金17億,18億溢價用於買3億幾的資產並不英明

小肥羊:

(億)                  07*     06     05    

純利              0.91   0.80   0.60  

現金流          1.29   1.58   0.90   

已繳稅項       0.29   0.21   0.13   

1* 07年上市 

現金流來看,小肥羊盈利實際是下降的,會顯得上升中的純利惡質,但稅項顯示,07年的稅比06年多,如果稅率冇變的話,盈利會以相同比例上升,但邊年的現金流為之正常就唔知

(億)                  07*    06     05    

高估數額       0.30  0.26  -0.09   

就算現金流唔知以邊年作準都好,起碼高估盈利一項是相當明顯的,由於相差的數額仲有4700萬,所以梗有一年要出盈警吞左佢

(億)                  07*    06     05   

固定資產      1.82   1.61   1.29   

現金流          1.29   1.58   0.90    

效率              71%  98%   70% 

06年特別凍而已,所以70%算正路,同其他食店唔同,火鍋店店面較大,唔易開分店之餘,又唔可以開得密,固定資產唔會突然增加很多,除非果年特別凍,因此現金流有1.4億已相當不錯

(億)                              07*    06     05    

貸款利息(損益表)     0.21   0.11  0.04

利息支出(現金流表) 0.08   0.02  0.04

損益表同現金流表數字不一致的情況是絕無僅有的,當中有乜迷團就唔知啦

現金流1.4億左右(或許會有2000萬利息收入),但公司賣21億,以資產計,公司現金估計10億,18億溢價用於買2億幾的資產並不英明,而且仲有一個4700萬的盈警

稻香:

(億)                  07     06*     05     04    

純利              2.03  1.46   0.87   0.67  

現金流          3.07   2.49   1.72   0.91  

已繳稅項       0.42   0.19   0.24   0.19  

1* 06年上市 

上市公司的例行動作已經見怪不怪了

(億)                  07     06*     05     04    

低估數額      -0.20  0.29     0.7  -0.44    

上市當年低估盈利並不多見,但加上高估下年盈利就有用,餘額2800萬,以前同盈利的比例影響就很大,但對現在2億的盈利不構成威脅

(億)                  07     06*     05      04    

固定資產      4.24   2.80   1.67    1.16  

現金流          3.07   2.49   1.72   0.91    

效率              72%  89%  103%   78%  

07年擴張太快了,影響了效率,由於稻香係集體食飯的地方,現家心情唔好,唔係咁易約到人,08年的經濟不景會應該會令亂開的分店執粒(效率反而會改善),如果固定資產不幸回落至3.5億,現金流亦應有2.8億

現金流2.8億,純利或者會是1.8億,公司賣16億,應該算平,但同上面兩者不同,稻香的現金較少,約4億現金加4億資產,但以經營價值上講,稻香最高

三者規模對比:

                   味千  小肥羊     稻香

固定資產    2.97        1.82      4.24

現金流*      2.00        1.40      2.80

現金          17.00      10.00      4.00

市值          35.00      21.00    16.00

剔除現金後,味千的經營能力賣價為18,小肥羊11,稻香12

即稻香相對最抵,味千同小肥羊差唔多,但小肥羊真係太小了--規模

現金方面,稻香的現金都叫夠用,味千同小肥羊錢多係優勢,但很難保證唔會亂駛錢,有大量現金做後盾,盈利翻幾翻易如反掌,但這是錢的威力而不是管理層的威力,但此時管理層乘機加薪幾倍並不少見

 

中環在線：稻香2000萬炮製「一蚊雞」 李華華

2009-04-08  AppleDaily

經 濟唔好，唔少人使錢都要諗過度過，慳得就慳。稻香（573）主席鍾偉平一定深明無論經濟好壞，人依然要食嘢呢個道理，所以幾年前已推出「一蚊雞計劃」，成 功吸納一班捧場客。面對金融海嘯，佢地喺2月再度推出呢個優惠，噚日華華見到稻香CEO梁耀進，問佢個優惠成效如何，佢話人客反應非常好，平均1日可以賣 7000隻「一蚊雞」，假期仲賣到8000至9000隻。呢個優惠暫時只會做到本月底，而今次「一蚊雞計劃」計劃嘅成本，梁耀進話要2000萬，當中包括 食材、宣傳同廣告費，咁計番條數咪分分鐘要蝕？佢話的確有唔少客都會因為「一蚊雞」嚟幫襯，但佢哋心目中都有個消費額，好少話真係齋食隻「一蚊雞」就埋單 走人。

中環在線：稻香向茶客派$130萬利是 李華華

2010-02-11  AD

稻香控股（573）能夠喺競爭激烈嘅飲食界佔前列地位，自然有過人之處，例如大年初一向茶客派10蚊利是，就令到客戶好窩心，軟銷效果好了得。 稻香行政總裁梁耀進噚日介紹銅鑼灣新開嘅「HIPOT」火鍋店時話，往年喺年初一派利是有成100萬蚊，今年嘅預算係120萬至130萬蚊，因為分店多咗。舊年本港面對金融海嘯打擊，但佢話仍會向員工派花紅約1500萬銀啦。 講 到發展大計，梁總話計劃喺本港開設7至8間分店，華南地區就開3至4間，涉資約1.5億銀，兼且要增聘員工800至1000人。另外喺大埔嘅中央物流中心 會喺出年首季投產，今年仍要投入資金2億。今年要應付通脹，料營運成本增加1至3%，要加價或減租就好難，佢話惟有加大中央採購控制成本，增加人流，同埋 拓展包裝食品同季節食品，希望可以抵銷通脹。

0573.HK 稻香控股 PARTIPRAL 派得好

http://partipral-hk.blogspot.com/2012/02/0573hk.html

稻香07年年中上市, 以$3.18掛牌集資約4億元. 無深究過招股書資料, 但既然已上市至今已超過4年半, 單用上市後報表作研究相信應該足夠.

營業額由07到10年4年之間增長4成至年做超過29億生意, 即平均每年複式增長不足1成. 香港分部一直係集團主要收入來源, 雖然比重已由上市前佔總收入99%大幅下降, 但至10年底為止仍佔比重超過8成. 本地食肆數目每年皆有增加, 但店均營業額, 溢利皆已有向下勢頭. 面對既阻力有來自食材價格上升, 有來自最低工資, 有來自翻新舊店及開置新店既裝修 (折舊) 支出, 同快餐店比較唔同既地方係酒樓菜式廣泛, 加上早午市純利率應該會比晚市低, 經營上會難度會較高. 加上本地市場早已飽和, 管理層雖然好努力去提升經營效益, 當中包括成立物流中心以降低採購成本, 但如果撇除併購因素, 本地市場將來可以發展既空間實在唔多, 不宜過份寄望. 

形成好大對比既會係內地分部, 溢利近年三級跳, 睇到呢個數字唔知點解令我想起CAFE DE CAROL主席講話香港品牌對大陸人黎講可以係一種LIFE STYLE. 香港人有時會好難明白既係何解一個我地自己都唔太睇得上眼既品牌, 大陸人可以有完全唔同睇法. 需知道某部份內地人既文化除左隨地便溺而面不改容之外, 就係對自家品牌信心不足, 尤其係關乎到飲飲食食, 一關之隔, 打正香港製造旗號反而能令內地人趨之若鶩, 所以諗深一層, 稻香向北發展反而愈做愈強其實不無道理. 內地分部店均營業額近年呈現倒退, 但店均溢利反而飆升超過1倍, 溢利率增加代表經營效率提升, 雖然基數較細, 但要留意既係稻香於內地既食肆數目講緊只係得14家, 對比本地業務, 想像空間相對地大得多. 

成本方面稻香算係控制得唔錯, 純利率除左07年因為特殊收益關係特高之外, 其餘年度皆保持相若水平. 現金流頗強, 只係大量折舊費用可能係確實既裝修開支, 所以盈利會少一大截. 目前手頭淨現金3.3億, 財政尚算穩健但若然今年要加快開店速度, 很大機會要增大銀貸. 派息率方面雖然一直都維持到平均每年6成左右, 但11年上半年多賺2成派息都只係持平, 將來派息率有機會降至5成, 即回覆上市前所承諾既派息率. 

稻香立心進軍內地並唔係呢一兩年既事, 只係早幾年一直未敢/未肯全力進攻. 上市後連續 3年都無大肆開店, 係等到10年半年報告先肯講由11年開始會以一年增加4,5間既速度加快開店步伐, 並期望今年年底將內地分店增至25家. 滿腔鴻圖大業可能過份流於空談, 始終將來既事大家都係靠估, 但當表面條件充分既時候就值得多加留意, 等待管理層逐步引證擴展理念. 

稻香今年股價走勢甚勁, 踏入2012年短短6星期已急升超過3成, 基金早已進註, 現時再唱好或者有多少趨炎附勢. 客觀而言, 現價$4.15即市值約42億, 假設大陸盈利下半年環比再升 2成; 本地業務持平, 以全年賺2.4億計, 市盈率仍然達17.5倍. 派息率50%, 股息率可能得番3%. 市值對股東權益13億溢價3倍以上, 品牌做得好, 含金量高亦無可厚非, 只係就算單以盈利而言, 現價似乎都係偏貴多少. 就算真係相信稻香既中國夢, 實際經營上亦無可能一步登天. 稻香可能係另一家值得播種既公司, 持續, 分段進場, 策略上應該會較立刻一注獨贏可取.

業績簡評 - 稻香控股 (0573.HK) PARTIPRAL 派得好

http://partipral-hk.blogspot.com/2012/04/0573hk.html
財政方面仍然保持理想, 只係一如中期業績所暗示(盈利增而派息持平), 全年派息率調低至50%, 即回復上市前所承諾既派息率. 以全年賺2.55億(每股賺$0.25)計, 現價$4.18即往績P/E 16.7倍, 息率不足3厘, 都係覺得偏貴左少少.

業績簡評 - 稻香控股 (0573.HK) [2012 1H]

http://partipral-hk.blogspot.hk/2012/08/0573hk-2012-1h.html