|
||||||
|
澳門賭業蕭條，但位處氹仔路環近山頂公園嘅媽祖廟就香火鼎盛，近排賭場生意淡薄，唔少疊碼仔、廳主都來抱媽祖腳。 澳門人叫呢度做「何厚鏵私家廟」，係佢任內吹雞拍板興建嘅，呢個媽祖座落在高高的山上，目及實腳下路氹城多家大型賭場，呢位媽祖係班澳門福建幫出錢出力由 福建「請」過來馬交，不過睇個功德榜除咗捐一千萬嘅顏延齡、陳明金等澳門有錢佬外，亦有捐過百萬嘅幾名「有心人」，「有心人」肯出錢而唔出名，莫非啲錢唔 方便曝光還是人情債？ 金融逍遙客：批王維基難以成功 游走於中港台併購、私募投資的金融多棲動物，現為多間上市公司主要股東及董事 王維基應是近二十年來、少有香港創業家的榜樣。從忽發奇想的回撥IDD，一舉打破壟斷百年的大東電報；再準確預判寬頻美好前景，成功投資香港寬頻，並高價 轉售予基金CVC；其後又再轉戰屢成政治話題的香港電視。與大部分香港商人比較，找不出比王維基更有眼光，也更有吉士（guts）的人了。已身家豐厚的 他，失意電視後，在報上看到他做了一天速遞員宣傳又再投入電子商貿事業中，在他身上感受到真真正正的獅子山精神，實在令逍遙客由衷敬佩。但這次投資，逍遙 客卻真心為他擔心，電商模式在市場只有八百萬兼人口密集、7仔超市梗有一間喺左近的香港，是否能成功？答案是否定的，勿怪逍遙客（烏鴉嘴）。中國電商模式 獨霸天下，最大原因是地大人多，單款電視訂單可過萬，成本自然可降。加上三、四線城市及人口仍佔過半的農村，需求龐大，又平又方便的網上購物成為不二之 選。然而強如二千億市值的國內電商二哥京東（JD），苦戰十年，要融資幾百億大搞物流基建，且有騰訊這個實力股東，但至今仍未見盈利，還未算數以千計各式 垂直電商的辛苦掙扎。凡成功的公司，都必須有各自核心競爭力。電商在香港，一沒規模效應，賣盡都是八百萬人口。二乏顧客需求，買部電視，十五分鐘車程內必 有百老滙、豐澤或蘇寧。踢對拖鞋下樓，小食汽水生果嘟吓八達通就搞掂。全世界找不到比香港更方便有效率的地方，十多年前肥佬黎在蘋果速銷已交了十億學費。 同樣土壤及消費文化，很難看到會有奇跡。但願王維基這次不是all in，逍遙客仍期待他在其他領域再顯鬥志，為當今年輕人做一個勵志示範！ 中環寸嘴：「The blind leading the blind」 工廈大王楊耀松長子，是各大有名食肆之VIP，喜歡研究城中有錢佬對食之要求，透過美酒佳餚，察看人生百態，讓讀者「嗒」落有味。 為咗挽救香港美食天堂嘅美譽，上個禮拜再去中華廚藝學院踢場，今次試佢嘅西餐，唔好意思，今鋪真係要由頭劈到落尾。食西餐講求環境，嘩，一坐低已周身唔聚 財，樓底矮又侷促，仲要嘈到似酒樓，啲阿sir要喊破喉嚨來教學生招呼客人，仲話呢度做fine dining訓練喎，計我話，係「快餐訓練集中營」至啱，真係頂唔順呀。同captain講轉位坐去隔籬T-Hotel，環境寧靜兼有海景，初初又話「集 中營」爆咗先可以搬過去，你估坐國泰飛機economy爆咗upgrade去business class咩，後來都算佢識做，幫我調過去坐，最吊詭係兩邊價錢一樣喎！唉，前菜都唔想食，點咗個吞拿魚扒做主菜算喇，味道好淡，又冇汁淋上去，最失望就 係個甜品，問個侍應餐牌寫住Pappadums係乜嘢嚟，條友話有檸檬味嘅餅喎，咁又試吓，等佢整咗十五分鐘，隊到埋嚟原來係「阿差薄餅」，嘩，呢幾塊餅 係甜品？真係「阿星」你吖，連醬汁都冇得蘸吓，你啲阿sir真係要rewrite過個餐牌，唔好「誤人子弟」。到咗我呢個年紀，食一餐就少一餐，我不入煉 獄，誰入煉獄。希望香港人有啲進步，唔好The blind leading the blind！ 我要氧氣 O2 賓架嘅人工，秒秒都係錢，所以投資銀行如高盛，對寫字樓冷氣通風系統尤其講究。位處北京西城金融大街嘅英藍國際金融中心，獲多間外資投行承租，但發現室內「含氧量」低於標準，遂花逾億元更換冷氣通風系統，又係嘅，公司唔夠氧氣令員工瞌眼瞓，減低工作效率，條數仲襟計。 蔣氏二字值千金 周永康集團成員之一、前國資委主任蔣潔敏受賄千幾萬人仔，被判監十六年兼沒收一百萬元；十年八年前商品市場亢奮，當時貴為中石油董事長的蔣潔敏，呼風喚 雨，香港唔少殼股喺大陸買個礦，只係請蔣潔敏題兩粒字話會研究吓個礦，公司管理層就攞住佢寫嗰幾隻字四圍唱，話中石油都有興趣入股，股價就炒到不亦樂乎； 呢位石油集團骨幹成員，只係受賄千幾萬人仔，唔成比例喎。 | ||||||
在《劉鑾雄講大劉》系列訪問中，大劉透露：「有人同我講，你死咗啲錢都帶唔走，叫我捐七千八百萬加幣，去加拿大一間佛堂。」 精明嘅大劉當然睬佢有味，其實捐私家廟都有藝術，真係有「卡士」唔係咁容易，四叔信道教，前妻劉惠娟信藏傳佛教，就喺溫哥華列治文區買幅農地自建私家廟——創古寺，寺內掛滿前四嬸同埋女兒李佩雯與喇嘛籌建創古寺合照，兩母女都花唔少心機在此廟上，單是擇日就夠刁鑽，動土儀式選○四年十月十日，大雄寶殿的主尊釋迦佛像入藏（註：即把寶物及經卷藏入佛像內，再逐一裝嵌），選「四久」殊勝時刻，即○九年九月九日九時正，寺內不只黃皮膚信眾在修煉，還有唔少鬼婆、鬼佬在修煉，直頭弘揚佛教到番幫，前四嬸與女兒可謂功德無量。 馬雲要威過喬布斯 已故蘋果教主喬布斯有錢又有品味，眼鏡戴德國手造Lunor品牌，生前訂造一艘七十八米長的超級遊艇，就幫襯創辦於一八四九年荷蘭FEADSHIP（Royal Van Lent）船廠，價值一億歐羅；阿里巴巴主席馬雲將公司在美國上市，又同總統「侵侵」見面，也學得蘋果教主品味，幫襯FEADSHIP，訂造一艘一百米長Super Yacht，價值一億半美金，艘船的長度及身價都超越喬布斯那艘Venus，不過千祈咪好似喬布斯咁，艘船預計二○一二年落水，未等得及，喬布斯於二○一一年就因胰臟癌要上天堂，Venus現時留番俾老婆Laurene Powell Jobs，真係睹物思人。 加州健身冇得復活 黎姿老公馬廷強搵埋商界友好，今年一月向加州健身（California Fitness）嘅臨時清盤人，購入健身器材等夜冷貨。話咁快，坊間就出現咗七間Goji Studios，傳聞就係由黎姿夫婦開嘅。而Goji的健身總監，為來自澳洲、全港第一位專業女MMA拳手Tricia Yap。Tricia曾亮相ViuTV的《G-1格鬥會》，有晒gimmick。Goji大部分分店都開喺加州嘅舊址，被指係翻版，以往加州健身教練屈客買program臭名遠播，梗係要保持距離，Goji在Facebook就強調：「我們不是再生的加州健身，與其毫無關聯（we are not California fitness reborn. We have no association with them at all.）」Goji Studios今年三月先成立，前身係去年十一月成立的Smart Fitness。Smart Fitness董事包括黎樹勳和張偉雄。兩人都係創富金融集團創辦人，由黎姿兩公婆持有的卓珈（8358）亦係由創富融資做財務顧問。小宗打探到除咗健身，仲有營養師駐場，月費五百蚊起；走高格調路線，同李玟老公Bruce Rockowitz搞的Pure Fitness有得鍊！ 中環寸嘴西洋文化沉淪復活完蛋 工廈大王楊耀松長子，八十年代往北美洲開山劈石，做一帶一路先頭部隊，自比為星仔變星爺前冇人懂欣賞其無厘頭文化，廿年後終於領略當中奧妙，與粉絲分享在北美洲各路人士交手經歷，絕不老點。 復活節假第一日Good Friday，走到四季酒店lounge歎個早餐，洋人好着重復活節嘛，啲侍應都唔識得攞啲「Cross Bun」——十字包招呼吓來應吓節，真係谷鬼氣，要叫先識得攞出嚟，仲話廚房已經做咗喺度！都唔識得睇實時節去做嘢。環顧香港幾家頂級酒店，係半島酒店最有節日氣氛，話晒仲係嘉道理家族管理，文華酒店個Cross Bun都退晒步，仲賣三十二蚊一個！巡迴咁多間頂級酒店，Ritz- Carlton個Cross Bun方為最正宗，橙皮、肉桂味夠香，我喺天龍軒食晏，個副經理都由西餐廳「班」三個過嚟我試，咁為之今時今日service，否則淪為order taker。 唉，香港點做國際化城市？家陣咁搞法，香港只係淪為中國其中之一個省市，我哋呢啲港英餘孽真係睇唔順眼，有次去叫做全港最高級英式會所晚餐，個captain介紹甜品時，唔知係咪training問題，叫啲Pâté de fruit（法式軟糖）做啫喱喎，唉，嚇到我吖，要當場指正佢，食完餐晚飯，就知道香港西洋文化已經沉淪緊！ | ||||