鄭俊弘：冇負過姜麗文
1 :
GS(14)@2017-04-09 10:49:38■鄭俊弘否認因為紅了才飛舊愛姜麗文。資料圖片
現年33歲鄭俊弘上周被踢爆有未婚妻Beebs，卻劈腿暗交24歲的何雁詩兩個月，三角關係爆煲，鄭俊弘和何雁詩最初未肯認愛，遭網友鬧爆。上周四，兩人拖手現身機場高調晒戀情，雙方形象插水。鄭俊弘被冠賤男，眼腫腫的他昨與麥明詩到銅鑼灣出席早前接下的商場活動，鄭俊弘有逾百粉絲撐場，麥明詩則有父母打氣。鄭俊弘大唱勵志歌《風沙》等，歌迷和唱，他開腔答謝：「喺我唔夠勇氣時，有你哋保護我，我哋一齊團結，I love you all！」有歌迷被感動到喊。
■鄭俊弘在活動上仍獲逾百歌迷支持，更有男fans（箭嘴）爆喊。
■麥明詩日前稱鄭俊弘為TVB首席男歌手，昨日兩人同場出席商場騷。
■麥明詩父母昨為女兒打氣。
「唔係紅咗飛佢」
自稱公開戀情獲唱片公司支持的鄭俊弘，同時自爆講大話：「我係想保護呢段感情，唔想阿詩一個承擔，決定一齊去面對，一齊去機場。」戀情曝光後，其舊愛姜麗文胞兄姜文杰在網上貼圖揶揄「狗男女」，鄭俊弘回應：「有睇過，但唔答咁多，每人有言論自由，我強調我冇負過姜麗文，唔係紅咗先飛佢。」但對他與何雁詩何時開始拍拖，鄭俊弘避談：「呢啲timeline嘅嘢，唔會多講一次，佢（何雁詩）絕對唔係小三。」談到形象一鋪清袋，對工作有影響，他說：「對呢啲評論，我會正面面對，調整心態。」有指鄭俊弘及何雁詩遭廣告商棄用，鄭俊弘面有難色，而有報道指何雁詩前年患情緒病，曾與當時男友謝東閔衝突摔東西，鄭俊弘說：「我唔講。」鄭俊弘指何雁詩一直有看醫生：「佢個病，畀佢自己講番。」同時強調女友病情與戀情無關。採訪：盧妹攝影：陳順禎
來源:
http://hk.apple.nextmedia.com/entertainment/art/20170409/19984222
蒙面玩遊戲 姜麗文突襲林作下體被踩：直頭麻痹
1 :
GS(14)@2017-05-27 00:06:58【ViuTV】林作放棄做大律師後，積極在娛樂圈工作，他更揚言不介意演醜角，而且相當玩得，近日他不乏曝光機會，繼早前為ViuTV主持節目，日前又與姜麗文、譚淇淇、郭思琳等為新節目《超低能特攻隊》錄影，竟然發生意外受傷，慘被姜麗文踩下體，他狂呼又痛又痹！節目以遊戲形式進行，嘉賓及主持細So及羅伊婷，分別要穿上搞笑蒙面服裝，然後大玩經典童年遊戲爭奪獎金和獎品，最後輸家要揭開面罩。林作接受本報訪問時解釋，蒙面後所有參賽者，互相都不知道對方身份，而當日他蒙面後，再扮講普通話的藝人，笑指自己扮得入型入格。
眾矢之的
林作笑謂：「啲人一定唔知我係邊個，所以驚咗我，我係散發咗一鼓黑暗力量，所以佢哋個個都針對我。」至於事發時的情形，林作說：「嗰日我哋各自要喺腳綁上汽球，然後互相踩腳上嘅波，明明係踩波，但混亂中感到重要部位劇痛無比，即刻去check清楚，因為呢啲地方好重要，我係被踩到有鞋印，直頭麻痹咗一排。」
姜麗文
【踩波混戰】■穿紫色蒙面衫的姜麗文與林作等，為ViuTV錄節目玩遊戲。
林作
■眾人一身奇裝異服，要在遊戲出招勝出贏獎金。
據知，當日全黑上陣的林作首先和譚淇淇混戰，郭思琳隨後加入戰團，本來林作仍然佔上風，未料穿紫色蒙面衫的姜麗文忽然從後衝前踩林作腳上的波，混亂中林作跌在地下，此時姜麗文乘勝追擊，但不小心踩中林作的下體，事後林作笑指姜麗文是故意，會保留追究權利，但姜麗文未有悔意，更抵死笑說：「唔好意思，我誤會咗，你話踩波嘛，我踩錯波。」採訪：王梓嫚
來源:
http://hk.apple.nextmedia.com/entertainment/art/20170526/20033681
Next Page