📖 ZKIZ Archives

父母乜都睇到實　長大容易自私又自戀

1 : GS(14)@2014-03-18 23:18:39

http://hk.apple.nextmedia.com/international/art/20140318/18660509
不少現代的孩子亦在溫室中長大，但美國一個教授提倡，要讓小孩自行學習與其他朋輩相處，才能建立同理心，不會變得自戀。

美國波士頓學院心理學教授加里（Peter Gray），在新書《Free to Learn》中，警告家長不要經常監督孩子，當小孩長大至4歲或以上，便不用再怕他們安全問題，應放膽讓他們自行與朋輩玩耍。教授解釋因為沒有家長監督，小孩便要獨自想辦法，留住玩伴，所以會留意對方需要，做到將心比己，代入對方想法，並學習自行解決問題、控制如憤怒和恐懼等情緒，這樣小孩才能真正健康成長。

英國《每日郵報》                                                        

---

【皇室添B】幾時出世影響大　全英國都睇佢頭

1 : GS(14)@2015-04-25 09:03:54

英國劍橋公爵夫人凱蒂第二個孩子，未出生已是全球焦點。性別、樣貌當然為大眾關心，但寶寶對全英國的影響力亦不容少看：一、成時裝潮流指標哥哥佐治小王子被《GQ》雜誌選為全英50大最佳衣着人士，穿過的衣飾都會熱賣。市場估計，其弟弟或妹妹將來亦必為潮流指標。二、帶動飲食銷售有零售商指，英國人每逢喜慶日子都會辦派對慶祝，皇室寶寶的出生亦不例外。佐治小王子在2013年出生時，飲食業便創下5年來最佳業績，預計凱蒂肚中的寶寶出生後，亦會有同樣效果。三、有利執政黨議會選情凱蒂的預產期為4月末至5月初，接近5月7日的英國大選日。有分析指，皇室喜訊令英國人感覺良好，不想改變現狀，以致傾向投票予執政的保守黨。更直接的影響是，只要凱蒂一胎動，便會搶去選舉新聞的風頭，分散傳媒焦點。四、帶動股票市場向上分析發現，英女皇、瑪嘉烈公主及安妮公主3人出生後一星期，道瓊斯指數都平均上升2.4%，業內人士指皇室成員出生，全球慶祝活動帶動股票市場向上。五、造成交通擠塞預計大批傳媒將包圍凱蒂入住的醫院，警方亦會封路，交通自然擠塞。佐治小王子出生，有傳媒早幾星期開始通宵守候，當局正想辦法避免同樣情況發生。綜合報導





來源: http://hk.apple.nextmedia.com/international/art/20150425/19125155

---

全城等煲《製作人》港人：唔睇金秀賢都睇孔孝真

1 : GS(14)@2015-05-17 14:40:41

周小姐話想睇實力派車太鉉和孔孝真多啲，期待佢哋嘅演出。


萬眾期待，由金秀賢、孔孝真、車太鉉和IU主演的《製作人》今日開播，連香港人都說已經準備好要煲劇喇！為甚麼連香港人都期待《製作人》？記者透過街訪發現，金秀賢在事隔一年多，重回電視銀幕是叫粉絲最期待不已的追看原因之一，林小姐直言：「期待都敏俊si！」此外，《製作人》的演員陣容之強大都是亮點之一，其中周小姐更欣賞幕後班底，「我知呢套劇嘅編劇之前都編過幾套好睇嘅電視劇，所以幾有興趣睇。」無錯，《製作人》編劇正正是《順藤而上的你》和《來自星星的你》的編劇朴智恩。



余小姐（左）和梁小姐分別鍾意金秀賢和孔孝真。

Crisilla話IU勝在後生又靚。



《製作人》今次會大玩四角關係，究竟金秀賢和孔孝真會否發展姊弟戀？還是孔孝真會揀車太鉉？IU可否奪取金秀賢的心？如果你是主角之一，又會怎樣選擇？別以為金秀賢是必然之選，其實不少香港人都很喜歡車太鉉。金秀賢和車太鉉的支持率大概為六比四，選擇金秀賢的受訪者表示是因為他靚仔可愛，而選車太泫的人是因為喜歡其演技，盧小姐指，「車太鉉做過好多戲都好好睇」，而周小姐指，「車太鉉係爸爸咁，覺得佢親切啲！」至於孔孝真和IU的支持率一樣約六比四，有受訪者表示喜歡孔孝真有女人味、有風格、有型格和演技好，至於IU則是漂亮、唱歌好。



有受訪者希望T.O.P、泫雅或李敏鎬客串《製作人》。

不過最想睇到嘅都係全智賢。



《製作人》另一個賣點是邀請了很多名人客串，包括演員張赫、JYP老闆朴震榮、主持李英子和少時分隊TTS等，港人又想誰來客串呢？有受訪者表示想看到靚仔李敏鎬、靚女泫雅、搞笑光洙、EXO燦烈或BIGBANG T.O.P，其中周小姐特別想全智賢和EXO D.O.可以演出，「因為佢哋之前同《製作人》嘅演員合作過，好似D.O.同孔孝真喺《沒關係，這是愛情》合作過，全智賢則和車太鉉在《我的野蠻女友》和金秀賢在《來自星星的你》都合作過，所以想睇吓有咩火花！」《製作人》是講述韓國綜藝節目部幕後一班製作人團隊的故事，今晚香港時間8時15分啟播！韓星韓娛，一網睇盡，即click入韓劇讀：
http://hk.apple.appledaily.com/kstar/





來源: http://hk.apple.nextmedia.com/entertainment/art/20150515/19147498

---

馮仁昭四圍超：仙樂都睇拳賽發噩夢

1 : GS(14)@2016-04-13 17:09:07

仙樂都（右）同趙哲妤噚日喺銅鑼灣出席一間武術健身館開幕，曾學泰拳嘅佢哋，就大呻練得好辛苦，不過趙哲妤笑話好欣賞肌肉男。講到ViuTV有個格鬥真人騷，佢哋都話冇勇氣參加。問到如果酬金吸引會唔會考慮？趙哲妤話：「唔夠膽，冇勇氣，呢啲錢落唔到我袋。」仙樂都就話：「好驚，見到佢哋話打到有飛蚊症，我好怕睇拳賽，會驚到發噩夢。」撰文：馮仁昭





來源: http://hk.apple.nextmedia.com/entertainment/art/20160413/19568368

---

「佔領埋都睇唔到民主」深感挫敗

1 : GS(14)@2016-09-27 07:57:49

【本報訊】陳健民一直被認為是佔中三子中最堅強的人，但傘運落幕兩年，他才驚覺有很深挫敗感，只是未能表達。傘運後三子選擇不同出路，朱耀明全退、戴耀廷投入立會選舉推行雷動計劃，陳健民則在民主運動上靜觀其變，讓出空間予年輕人嘗試。陳健民指傘運後有很深挫敗感，「廿幾年來，中聯辦我都入過去談判，佔領都佔埋，但我都睇唔到民主，係好深層好疲倦嘅感覺」。挫敗感除了來自傘運爭取不到政制改變，從事中國研究廿多年的他，亦因為傘運而割捨部份工作，「過往廿幾年喺中國嘅工作，現在完全唔可以做，甚至大學有一、兩個平台，如果繼續做主任，會為職員以至中國嚟嘅訪客帶嚟麻煩，我都完全離開晒，一時間好似同過往廿幾年一直奮鬥嘅割斷咗」。傘運後陳在民主運動上靜觀其變，讓出空間予年輕人嘗試，他認為自己不適合走到最前線進行政治工作；至於為何不加入戴耀廷的雷動計劃，陳指「我冇佢咁大愛，對於有啲非建制候選人，你搵支槍指住我，我都唔會叫香港市民投畀佢哋」。陳強調雷動出發點是好的，但若將來再搞就需要優化。■記者陳雪玲




來源: http://hk.apple.nextmedia.com/news/art/20160927/19783351

---

邵仲衡：佢都睇化咗

1 : GS(14)@2016-10-27 06:02:32

李中寧退出幕前後曾移居英國，前年低調回流香港，考牌做保安員。當年與李中寧同是「銀河十星」的邵仲衡，昨日電話中說：「記得藝訓班時，佢家境唔錯，應該係發生咗啲事，佢都睇化咗，當年我哋係同班同學，佢份人好過癮，佢出現大家幾時都好開心，係開心果。」問到邵仲衡可覺李中寧潦倒？邵仲衡即說：「好難講話潦倒，人人都有追求唔同嘅嘢，最緊要自己生活開心舒泰，職業係無分貴賤，最緊要係身體OK，我祝福佢。」採訪：楊定




來源: http://hk.apple.nextmedia.com/entertainment/art/20161027/19813070

---

【科技籽】作品連英女皇都睇過　港產師傅DIY膽機40年

1 : GS(14)@2017-05-13 01:34:13

林靜江40年前已開始玩音響DIY。



【科技籽：玩物達人】香港肯花錢玩音響的大有人在，不過除了玩外國名牌，其實香港也有師傅DIY自砌膽機。「Sound Master」可說是老字號本地品牌，負責人林靜江（Peter）專門為客人度身訂做各種膽機，咁砌得，全因70年代已開始砌音響。聽Peter話當年，原來DIY音響風氣曾經非常盛行，連外國大廠都找他代工，作品連英女皇都睇過，港產音響技術絕不會差過別人。



Peter讀電機工程出身，40年前已自立門戶開設「通用無線電行」賣自家製火牛和音響器材零件。「我十多歲已懂砌膽機，那時沒有娛樂，讀書做畢業功課試用數十支膽做了一台電視出來，那時砌音響像砌電腦一樣流行。」當年像他一樣對DIY電機充滿興趣的人很多，店舖最受歡迎的就是一些DIY套件，70年代他的貨品行銷全球。「當年菲律賓怕人民玩無線電，當地人要偷偷寄錢給我們買零件。」歐洲音響廠都會找他們代工高難度產品，例如一些出力達數千瓦（W）的演唱會用擴音機，發熱程度熱得要把電阻浸在水中測試，他笑說已學會上班時隨時用滅火筒救火。1986年貿發局舉辦了「港產精選」展，英女皇來港檢閱本港名物，Peter的音響零件產品也受邀參展。



Peter平時在工作間為膽機進行調音，所有產品都經過48小時連續播放測試。

40年前在荃灣開設通用無線電行，專營自製火牛和音響零件。


度身訂做　萬多元可入場試膽

近年香港電子業式微，半退休的Peter開始自製膽機。膽機的「膽」正統名字為真空管，由燈膽加入電極而成，可將電流變大或變小。除了音響，以前的電視也是膽機，但普遍已被一粒粒又細又便宜的半導體取代，惟獨音響不乏膽機愛好者。「有些客人的子女也會找我整膽機，他們自小聽開覺得外面買不到這種聲音，音場很自然，像真的有人在你面前唱歌。」Peter強調，聽音樂是很個人的事，膽機或原子粒機（半導體音響的稱呼）各有支持者，不過也可分享一些音響知識支持膽機靚聲論。擴音機因應功效分為Class A、B、AB、D等不同類別，A放大效率最低，通常只有20至30%的熱量轉為電流，但音色公認最通透和最傳神。「不管膽機或原子粒機，Class A最靚聲，但造工最貴，尤其是原子粒機，要用很多高級的半導體，要做到100W會很昂貴，也易過熱。」半導體過熱會出現熱失真現象影響音質，而膽機原理是越熱電子流動越快，最多燒膽不會失真。另外，原子粒擴音機和喇叭之間會出現磁電效應，輸出功率會被抵銷，膽機就沒有，所以外國也稱之為Valve Amplifier，有出冇入。很多人指膽機貴得來瓦數又細，林生認為不恰當，指一部40W的膽機，大約等如160W的原子粒機，玩音響切忌只看數字。再問Peter怎樣為之一部好膽機，是否越多膽越好？有沒有哪些形狀的膽特別靚聲？他卻說「膽不可以貌相」：「有些膽，細細隻但大力到嚇死人。有些名膽，例如美國西電（Western Electric）的300B價錢可以去到六位數一對。不過是否靚聲，最重是要整套音響和喇叭配合。」所以客人幫襯他一定要問清問楚度身訂做，採訪當日就有客人帶了一套市價二萬多的英國舊膽給他訂做膽機。舊膽不少是二戰時期的軍用通信器材或是有聲電影初期大戲院用的專業等級，發燒友追捧舊膽有道理，但近年中國生廠的膽也漸有進步，$6,000買一台合拼式膽機擴音機已很有水準，新手買齊播放器加喇叭，萬多元已可入場試膽。



No.212WE後級擴音器，售價$280,000，獲得本地音響雜誌評為2016年最佳音響產品。

高級膽機分為前級、後級，合併式膽機接駁播放器和喇叭就可聽歌，售價約$6,000。



美國西電的膽最有名，膽王300B市價逾十萬，沒太多人認識的VT-25（圖）則只需$25,000。

當年Peter生產的零件，現時在鴨寮街及eBay也能找到。

facebook：soundmaster.com.hk



記者：司徒港燊攝影：王國輝編輯：梁浩維美術：孔文彬




來源: http://hk.apple.nextmedia.com/su ... t/20170510/20015926

---

台塑膠廠離奇大火黑煙太空都睇到

1 : GS(14)@2017-07-07 01:32:49

台灣屏東縣萬丹鄉頂新路生產塑膠卡板的鳳榮公司，昨天清晨廠房突然起着火，黑煙直竄天際遠揚。由於萬丹工廠火勢猛烈，連台南東區數十公里的居民都看得到黑煙。事發於昨日上午6時55分，消防接報工廠發生火警，即派消防人員到場灌救。現場除大門外，整個廠房已陷入火海，消防只能監控各周邊，勿讓火勢蔓延。張姓負責人表示，據值班員工回報，起火處應在廠房內的原料桶攪拌區周遭，3名值班員工即時報警，並自行嘗試以滅火器等滅火，一名員工輕微嗆傷。由於火警沖天，連日本氣象衞星「向日葵8號」都拍黑煙沖天的影像。影像顯示，黑煙大量冒出，朝西北偏北方向漫延。台灣颱風論壇創辦人陳柏宏表示，由於今日吹偏南風，高雄、台南居民要特別注意。另外下午有雷雨，出門前應帶備雨傘，以免接觸有毒物質。台灣《蘋果日報》/《自由時報》




來源: http://hk.apple.nextmedia.com/international/art/20170706/20080810

---

【iPhone X收風】全線放機價炒起　老行尊都睇唔清！

1 : GS(14)@2017-11-13 03:35:33

今次iPhone X炒價，真係考起好多老行尊！基本就連場內大莊，好多人都估錯晒價格走勢！11月3號首日開賣，原本好多人諗住會大炒，點知先達場內開市後，都只是以$11,200（256GB/黑）價位為最高，同預想的炒上5萬、10萬天差地別。


11月4日周六，好多人都以為是出口「水貨」的最後死線，一定會因為搶貨「交數」而炒起！誰知由於貨量太多（同日Apple開了8次iReserve，而且長開長有！），就連最當炒的256GB黑機，都只是低報$10,100。11月5號周日，正所謂水貨佬都要休息，加上銀行放假回唔切錢，令收機倍加困難，所以好多人都諗住價錢會下滑，不過又對唔住喇！誰想該日下午3、4點過後，大批自由行襯放假落嚟掃貨，256GB黑機拉高上$10,700、256GB銀機亦高報$10,500，不過一樣有價而冇貨，令不少收機舖飲恨！11月6日周一，其實一致是看淡的，事關日版水貨今日到港應市，加上Apple又開始派貨，所以源於機多的原因，機價一定會下滑；不過現實是機價不跌反升！其實當中不無原因，首先是先達早上11點一開門，已經有不少拉水貨的大陸人在先達守候，據稱每拉一部上大陸，都有近千元的賺錢水位，再來是今早第一輪Apple的iReserve，竟然在3分鐘內完結，須知上周六的8次iReserve，都開成十多分鐘或以上，所以令人估計今日的放機量較少，不過更重要的是香港果農的團結，近幾日的放機人的確見少了，所以在貨少的前提下，機價不斷上升。截至11月6日下午2時為止，最新的放機價機為256GB黑機/$11,050、256GB白機/$10,950、64GB黑機/$9,100、64GB白機/$9,100，如果放機人數一直維持低水，機價有望繼續上升！不過亦老實講句，放機價好受放機數量影響，所以亦不太建議大家胡亂入市。記者、攝影：朱崇德



來源: https://hk.lifestyle.appledaily. ... e/20171107/20206413

---