|
||||||
|
澳門永利賭場開業，葡京受壓。十姑娘直言何鴻燊從小至大性格都「死唔認輸」，小時候打麻將已怕輸；猜枚又唔夠她叻；連捉棋都賴貓，一味死撐！偷雞 澳門永利賭場開幕後，澳娛被公眾認為處於「冇得救，等死狀態」，但據資料顯示，澳娛多年來累積了約三百億盈餘、澳娛賭場點遍布全澳門、加上新葡京即將開幕會吸引不少新客人，澳娛整體實力絕對不會輸給任何對手，為何竟無力解困？ 十姑娘解說：「公司盤數係話有大約三百億累積盈餘未分，其實我會計師話俾我知應該多好多，再加上子公司STDMI（澳博的控股公司）都應該有十幾二十億存喺度……不過，最大問題係連我都質疑啲錢究竟係咪仲喺度？定係有人落咗格？成日用應承咗澳門政府要投資發展同埋公司要留番啲錢做生意做理由唔肯分嗰三百億俾股東，但佢做咩生意都要問銀行借錢、又話要上市集資先夠錢同人鬥，一啲都唔似有錢喺手，如果真係咁有錢仲要同人借？佢成日講嘅嘢都唔通！新葡京仲好笑，我聽啲人講，佢用咗人哋設計唔肯俾錢、建築費又拖得就拖，有排都未起得成！」 但澳娛刊登通告表示06年9月25日召開特別股東大會，討論及議決關於董事會提出透過一間新成立的子公司在香港進行上市之建議，莫非澳娛已重造股東名冊，可以召開股東大會議決上市一事，集資與對手一較高下？ 十姑娘說：「梗係未（做好）啦，十劃都未有一撇，股東名冊嘅官司都未開審……9月25日個會咪又係偷雞……」 唔知醜 但何鴻燊表示上市事宜已進行得七七八八，你沒有可能阻止他。 「唉，跌落地揦番拃沙唧，生意跌成咁咪放風嚟氹吓人囉……佢成日都係咁㗎啦，我睇死佢仲會趁新葡京開幕嗰時整靚公司盤數，CUT緊啲水喉位，減少啲無謂支出，又吹風話可以上市……但係呢啲嘢氹得一時氹唔到一世㗎！」 十 姑娘亦在電視上觀看了永利開幕儀式，對何鴻燊在鏡頭前看煙花時目瞪口呆，之後更大大讚賞，更說要寫「服」字給對手，十姑娘失笑：「啲煙花靚係好靚，不過如 果佢近年有去過拉斯維加斯，都一定會有睇過，係佢自己過時out晒啫，做得呢行一定要與時並進，不停咁吸收新嘢，唔係點同人競爭？不過最睇唔順眼係佢先前 大大聲鬧對手惡性競爭，跟住轉頭就猛咁讚人，演技真係好……我識佢幾十年都未見過佢肯寫個『服』字俾人，睇嚟都係用番條舊橋——同人扮老友搵着數，想人哋 同佢夾份搞直升機場啫。好似當年Sir Robert（何東爵士）好鍾意邀請啲佢認為年青有為嘅後輩返屋企單獨見面，食吓飯傾吓偈，但係佢請霍英東都冇請過Stanley，可以睇到 Stanley喺Sir Robert心目中地位，係Stanley自己唔知醜，成日喺外人面前講到同Sir Robert關係特別close咁。」 死撐 十 姑娘還說早前何鴻燊出口攻擊美資對手後，被阿公施壓，指外商投資是好事，不容他胡言亂語破壞國家既定政策，所以他才肯收口及密謀對策補救；而連番受挫後， 他又廣派中間人游說十姑娘，意圖令阿公方面以為他有誠意解決二人間的爭拗，但其實何鴻燊所提出的條件仍是要賤價購買十姑娘手上股份，當然被拒絕。 十姑娘提及數宗往事，證明了何鴻燊做人數十年如一日「死唔認輸、輸咗都要死撐」。 「細 個嗰時，我哋兄弟姐妹有時都會同啲親戚朋友坐埋打吓衞生麻雀，大多數都係我贏，Stanley好唔忿氣，終於有一次出聲，嗰次有我同佢同埋家姐仲有一個親 戚，佢話sister（妹）唔可以同場，我就話家姐都係sister點解佢可以？Stanley竟然荒謬到話家姐可以，妹就唔得，都唔知係咩道理！怕輸就 怕輸啦，諸多藉口。仲有我猜枚一向出名叻，連杜月笙都唔夠我猜，但係Stanley輸過一次之後，就成世人都唔敢同我玩。就算捉棋咁小事，佢一樣唔輸得， 冇棋可以賴貓唔行，拖到開飯自己走咗去，仲大大聲同人講盤棋未捉完，再捉落去佢自己一定會贏！」 |
||||||