| ||||||
| 滙 豐控股（005）前日跌到33蚊近14年低位，連「股壇辣妹」胡孟青做緊節目都忍唔住流淚，但有「金牌莊家」之稱嘅立法會議員詹培忠噚日就斷言，5個多月 前已經預計咗。事關舊年底佢同滙豐亞太區主席鄭海泉兩個人撐枱腳時，大班好關心大笨象股價走勢，但不嬲「贏谷、輸縮、心清、數熟」嘅金勞詹就答話，當時港 股已低見10676點，距離07年尾直通車擱置跌咗60%，而外圍金融機構幾乎全部狂瀉，冇理由滙控跌得40%咁少，最多只值40至50蚊咁話。睇返轉 頭，金勞詹其實估得保守咗。現時獅子山下皆為供股哀鳴，但金勞詹就倖免於難，佢話：「香港人邊個冇滙控，除非儍儍哋啦，而我就係儍儍哋嗰個！」 自認儍 冇落叠 今 個月初先豪言喺40蚊掃60萬股之後再供股嘅佢，噚日轉軚唔玩，話本嚟估滙控喺40蚊個價四供一，結果大失所望，何況場外衍生產品太墟 冚，accumulator（累計認股期權）開價低至24蚊，短期蝕錢風險咁高，梗唔會咁儍去供，有錢不如過大海玩百家樂喎。講起同樣牽動人心嘅華懋世紀 爭產官司，金勞詹笑言，風水師陳振聰近期高調蒲頭，皆因佢炒蒙古能源（276）蝕得太甘。佢又話華懋慈善基金忽然有錢打官司，可能係入股香港資源 （2882）賺咗一筆。華華問過代表隻基金嘅律師何文基，佢話冇聽過呢個講法喎。李華華[email protected] | ||||||
| ||||||
| 滙控（005）嘅世紀供股係咪去馬，明日揭盅。噚日，滙豐亞太區主席鄭海泉出席理財講座，同200個學生哥分享理財心得，順便講吓童年往事。 鄭 大班駕到，學生哥自然唔放過問佢搵銀之道，有人問佢o依家存款利率咁低，會唔會建議同學拎儲蓄出嚟買股票，或者買滙控供股權？鄭大班話自己100%支持供 股，但冇將大部份資產放喺股票，反而建議中學生儲起六成零用錢，買樓做業主，因為冇瓦遮頭個人會好唔穩陣。喺滙控股東議決供股前，鄭大班居然教人買樓好過 買股，華華諗，咁算唔算倒米？ 不過學生哥真係要喺股海中尋寶，鄭大班都唔阻人發達，仲送埋投資錦囊──「買股票要小心，一定要睇公司核心業務，千祈唔好博。」 其實鄭大班咁語重心長，係知道搵錢唔易，佢話細細個就因為想食雪條搞到要行路返屋企，明白要享受就要犧牲，領略到儲蓄嘅重要性。 穿膠花遇無良僱主 佢 仲話試過做童工，穿膠花賺零用錢，點知遇到無良僱主，將穿好嘅膠花交畀老細之後，僱主竟然話少咗兩磅，唔畀錢之餘仲要佢賠錢收場。講完錢，鄭大班話當年畢 業後有幾個offer，最後揀咗入滙控，無非為咗攞100%買樓貸款。華華諗，最開心梗喺班地產商啦，不過滙豐早排高調推出定息按揭搶客，唔知佢係咪諗住 搶攻埋學生市場呢？李華華[email protected] | ||||||
| ||||||
| 滙 豐鄭大班十幾日來為了滙控宣佈業績，供股及參加北京政協會議，忙得透不過氣來，但佢好重視與中學生交流，點都要抽出兩小時時間，喺三月十七日下午三至五 點，出席滙豐嘅「滙豐理財學堂」，講吓求學經驗與理財秘笈，有幸出席嘅二百名中學生要記住至得。鄭大班講理財，苦勸學生注意三點，（一）有一百蚊零用錢， 只用六十，其餘錢收埋做積蓄；（二）將來有積蓄就優先買樓自住，唔好買股票住，供樓要緊；（三）千祈咪碌爆卡，唔好用信用卡借錢。鄭大班自己嘅信用卡簽賬 到期必會清付，銀行賺唔到利息！咁講法，唔怪得有記者話鄭大班倒滙豐米，若人人如是，滙豐以及其他銀行賺少好多錢噃。 不過要記住，鄭大班之說話對象係中學生，學生當然唔好先使未來錢，亦唔好下下伸大手板向爸媽攞錢，佢回答一位學生問題時就講到：「你哋想父母安慰，退休快樂，好簡單啫，就係做乖仔乖女，讀書成績好，與父母共患難，咁就足以令父母好快樂，捱也捱得開心！」 鄭 大班可能係夫子自道，佢自己話小學讀書成績平凡到極，小學會考之後獲派位，到職業先修學校讀書，故此佢好早就識得金工、木工、繪圖、打字等職業技能。後來 學校改制變成九龍工業中學，佢哋因為改制得益，變成正規（文法中學）中學生，可以考會考，但對於數、理、化、生、歷史等科目，要從新嚟過，讀得好辛苦，佢 哋班人在一九六五年讀完中五，本應算係九龍工業中學第一屆畢業生，但鄭海泉成為鄭大班之後，收到九工嘅創校四十五周年特刊，揭開一睇，原來九工嘅官方紀錄 係以一九六六年為第一屆中學畢業，間接唔承認鄭海泉嗰班係學校正式畢業生。鄭大班喺三月十七日自動爆出來，語帶感慨，遺憾之情溢於言表，在座者甚為感動。 今時今日，邊個家長（講老實話呀）肯自願送子女入職業學校/工業學校o架，咁多年來，呢類學校備受歧視，但想唔到教育界竟然有人歧視番自己嘅學生。鄭大班 讀書，從職業學校至工業中學，至私立英中至考入中大，路途艱苦，卒修成正果，今天學生應以鄭大班為讀書學習對象。 | ||||||
| ||||||
| 次 次睇上市公司年報，大家其實最鍾意睇啲高層究竟幾多錢人工，係咪物有所值，八卦之餘順便睇埋邊個係打工皇帝。今年嚟講，由於和黃（013）年報仲未出， 所以唔知已經幾多連冠、年薪過億嘅霍建寧大班可唔可以繼續「冧莊」。咁暫時邊個係最高人工「新人王」呢？已經唔係陳振聰軍師、宏霸（802）主席朱偉民 （3283萬元年薪），而係利福國際（1212）主席、人稱「細劉」嘅劉鑾鴻！ 爬陳振聰軍師頭 利福年報顯示，細劉年薪總額由 07年嘅1424.9萬，跳升到舊年6397.8萬銀；睇真啲，佢底薪398.8萬其實冇變，係公司以股份作為薪酬嘅部份大增，由前年1024.9萬加到 舊年5997.8萬。至於係咩原因令細劉加人工加到咁勁就無交代。值唔值呢個價，睇嚟要利福小股東評價嘞。講番霍大班，話時話，若果（若果咋！）超人因為 唔likey 3G搞到o依家仲未真正止血，又或者因為金融海嘯要縮皮，又或者業績倒退（啲分析員講咋！）而要減霍大班人工，話唔定一個唔覺意，佢份糧可能同細劉哥睇 齊……睇嚟舊年董事人工冠軍，可能有得爭噃。李華華[email protected] | ||||||
| ||||||
| 接 替恒生（011）一姐梁高美懿，喺獅子行個工商業務環球聯席主管寶座嘅郭懷道（John Coverdale），噚日華華有幸同佢午膳。佢老哥健談親和，雖然由滙控旗下嘅沙地英國銀行調嚟香港冇耐，但原來郭生30年前已經係香港通，事關佢77 年加入滙豐後，一直留喺香港呢塊滙豐福地，差唔多85年先調往海外。現時佢家住港島山頂，俯瞰東方之珠夜景，佢話璀璨程度，比30年前有過之而無不及。 最敬佩浦偉士 70 年代，中環總行就係獅子行總部，前滙控（005）大班浦偉士坐鎮香江，統管國際業務部，郭懷道記得當時浦大班雖已身居要職，但低級小職員一樣可以直接同佢 溝通議事，上下員工打成一片，團隊精神發揮得淋漓盡致。對於同呢位滙豐一代巨擘曾經共事，郭懷道話受益終身，亦會以浦老為榜樣，希望做到百川滙海，各級員 工真知灼見都能兼收並蓄。 | ||||||
| ||||||
| 超人講過，喺香 港搞私有化好難，如果要成功，最緊要冇得罪人，因為會俾人搞。睇返過去幾年，真係有好多單私有化都俾人（或者係小股東）「搞禍」。於是，噚日佢就親自示範 畀大家睇，佢老人家係冇同人結怨，冇仇家，冇俾人搞，又或者係冇人敢搞佢，私有化？easy job啦! 和電（2332）噚日朝早舉行 EGM，為阿媽和黃（013）用每股2.2港紙私有化佢哋單嘢投票。雖然講明下晝收市後先公佈結果，但係和黃大班霍建寧晨咁早已經畀晒signal大家， 單嘢一定過硬！睇佢行入會場嗰陣輕輕鬆鬆，開完會出嚟仲特登企定定畀記者任影佢春風得意個樣，先係高舉手指公擺個「冧巴溫」嘅pose，再嚟就係「港女上 身」整個「V字」風騷一下，好明顯就係得咗啦！ Well……其實今次私有化都冇咩難度，事關和電07年同08年分別派咗兩次息，前後兩次加 埋每股收13.75元，都咪話唔和味！正如小股東話齋，收購價好合理，反正和電手頭上賺錢嘅業務都賣鬼晒啦，唔私有化都唔知仲有咩用，你話係咪？ 股 東會眾生相散戶搶食鬧高層 紅磡嗰邊和電股東會一片「河蟹」，但響小股東「維權」意識日漲下，中環同金鐘呢邊嘅股東會氣氛就有少少緊張！話說 朝早中移動（941）股東會，有小股東姐姐投訴佢哋本年報太大塞爆咗佢個信箱，希望中移第日環保啲。至於金鷹商貿（3308）嗰邊，有小股東食點心食到連 人哋文華啲杯碟都想拎走，被侍應開聲制止。下晝騰訊（700）個公關話明馬化騰唔見人，但好多行家仍然唔放心特登去萬豪巡一巡，果然畀大家見到小馬哥嘅 Twins……唔好亂諗，我哋講緊佢對招牌企鵝Q哥哥Q妹妹咋！尾站嘅聯通（762）股東會，舊年班小股東投訴唔夠嘢食，今年佢哋一樣投訴唔夠嘢食。唔通 佢哋唔滿意聯通股價，諗住拎多啲嘢食補番數？ 匹克睇死李寧遲早俾安踏爬頭 內地體育用品市場潛力驚人，有錢搵嘞，自然爭崩頭 啦！咁究竟邊個至係一哥？匹克（1968）主席許志華分析，認為o依家嘅「一哥」李寧（2331），俾「二佬」安踏（2020）超越係遲早嘅事。好似早排 李寧同安踏爭2012倫敦奧運中國隊嘅贊助咁，作為李寧手下嘅管理團隊，出價都唔敢去到咁盡，咪就係咁，俾安踏截咗糊囉。其實使乜許老闆講呀，幾間體育服 裝用品公司嘅老總，得李寧一條友係運動員，好話唔好聽，隨時要standby應酬國家畀佢嘅重要任務。 李華華 [email protected] | ||||||
| ||||||
| 七月十四日，本欄提過新聞教育基金出版一本新書《一人一故事》，大記者立即來電，話呢本書內容豐富，所有記者都應該買一本或到圖書館借一本嚟睇吓，以資參考及充實自己，佢就推介下列幾段： （一） 歷史的一跌，余生口述，張宏艷筆錄。余生在一九六八年加入無綫電視為攝影記者，現在係有線電視首席攝影記者，余生憶述1982年9月24日在北京人民大會 堂門外，中外記者雲集，等候戴卓爾夫人與鄧小平開會後出來，希望採訪。余生憑經驗認為站在大會堂門外樓梯底拍攝，鏡頭會靚啲，但可能會錯失戴卓爾夫人如果 站在門口發表談話嘅畫面。佢諗戴卓爾夫人身為英國首相，應該唔會在門口講話，決定博一博，站在樓梯底等候，咁就拍攝到戴卓爾夫人落樓梯時跌倒嘅鏡頭及所有 隨行人員嘅反應，成為全球獨家嘅歷史性畫面，全世界都問無綫借用該片段。 （二）儍子找大班，盧永雄。盧永雄現在係「星島新聞集團」行政總 裁，佢憶述1984年在新亞新聞系三年級時在《星島晚報》做暑期實習，財經版採主吳仲賢（已故）叫佢打電話搵滙豐大班沈弼訪問幾句關於銀行公會議息一事， 盧永雄收到命令，衝口而出：「電話號碼呢？」吳仲賢話：「問一○八」，盧永雄於是由一○八查問電話搵起，鼓起勇氣打電話搵沈弼，諗住會俾秘書擋駕，點知聽 電話嘅竟然就係沈弼，願意接受訪問，講咗半小時o忝，於是造就咗呢位無名小子做咗獨家訪問滙豐大班，寫足兩日頭條，招來資深記者行家不忿氣嘅目光！今日貴 為「星島」大班嘅盧總話，不要假定甚麼可以做，甚麼不可以做，誰人不怕面懵懵，勇於嘗試，係採訪成功關鍵！ （三）陸錦榮、陳鍾坤（新亞新聞系八二年同學）憶述1983年分別在不同報紙採訪雨夜屠夫（林過雲）案。 （四） 于品海醜聞的考驗，《明報》老總張健波講1994年10月11日《明報》如何報導老闆于品海之新聞，與老闆頂嘴一事。張健波話自打工第一日起，力行賺兩元 儲蓄一元嘅習慣，預備隨時被炒，故此不怕五斗米。此外還有不少「一人一故事」，本欄講唔晒，睇完就知道做記者之酸甜苦辣、喜怒哀樂，及採訪時絞盡腦汁，絕 不放棄嘅精神。 | ||||||
|
||||||
|
做得上市公司高層，幾時都應該兩脇插刀力撐公司，口講都未夠好，最實際係自己扲荷包增持，之不過，增持都要揀啱時機，搵個靚價位！ 話說和黃（013）上星期四派中期成績表，3G業務否極泰來，出年仲可能自負盈虧，超人主席講明前景都秀麗，第二日和黃股價即刻升咗近一成。 只得開市見過吓54蚊 根據聯交所資料顯示，嗰朝早，超人兩隻頭馬──大班霍建寧同埋掌櫃陸法蘭，原來都有出錢撐老細，老霍豪掟5675萬（大概係佢年薪一半喇）買咗100萬股，而老陸就用咗810萬買咗15萬股。 再 睇睇兩位嘅入貨價，一向精明嘅老霍，平均入市價係56.751元，但係原來老陸先至係真正嘅「精明眼」，平均價只係54蚊，而嗰日和黃除咗喺開市嗰陣見過 吓54蚊，之後就一直有升無跌，絕對係超抵價……唔係話老霍俾唔起錢，之但係執輸行頭慘過敗家，嗰朝佢到底做乜咁遲出手？唔知醒？抑或部iPhone 「hang機」，落唔到盤呢？ 李華華 |
||||||
|
||||||
|
上星期曾有兩日 天氣轉涼，市區最低溫度錄得13.9度，今日又有寒流襲港，於是中環寒衣紛紛出籠。香港一年難得幾日天寒，高級人士嘅皮革大褸難見天日，十四度唔係幾凍 啫，中環已見有人急不及待演吓嘢，嗰日在泄蘭街見到一位好似三十歲未夠嘅高瘦男士穿一件疑似白色底衫，外披一件白皮草背心，再加一件黑皮草中褸，幾誇張 噃，與Diesel門外一位外籍女士穿一條超短牛仔褲與Ｔ恤一件，相映成趣。 我地就話驚住寒流不來，冬季衣服冇得表演，長者就驚住天寒地 凍，容易誘發心臟病及凍親。十二月八日就有一名八十二歲獨居女士在牛頭角樂華南邨寓所暈倒，送院不治，更有一千二百三十一長者按平安鐘，其中七十七人需要 送院，你話平安鐘幾有用呢，唔怪得不少朋友猛咁游說家中長者出街時帶住一個無線平安鐘。 講起長者平安鐘，鄭大班就威咯，上星期又去咗阿布扎 比參加「世界移動高峯頒獎禮」（World Summit Award Mobile，簡稱WSA Mobile），呢個WSA總部設在奧地利薩爾斯堡，係聯合國組織之一，今年頒發八大範疇嘅獎項，在M-Inclusion and Empowerment分組之中，有五個獎，其中一個就係頒畀香港嘅長者安居協會，表揚佢地推出嘅二十四小時移動聯線服務Mobile Link Service（MLS），即係我地講嘅無線平安鐘，長者出街如碰上意外，跌倒街頭，只要仍然清醒，一按身上之手機，長者安居協會職員就會收到訊息，立即 搵人到場幫忙。 鄭大班已去過荷蘭攞獎，十二月二日至八日又試代表長者安居協會到阿布扎比攞獎，唔怪得佢咁高興，佢話呢個無線平安鐘嘅概念與 技術，廣受世界「移動科技」（Mobile Technology）界人士讚賞，認為夠創新又具社會服務意義，值得其他國家地區學習，佢問左丁山：「喂，你成日出街食飯，駛唔駛攞番個無線平安鐘，免 你老婆仔女擔心呀？」吓，示人以老呀？多謝先，不過始終有一日要嘅！ |
||||||
|
||||||
|
畀基金界形容為「魅力非凡型領袖」嘅滙豐控股（005）新任行政總裁歐智華，果然真係與別不同，直情型到爆！ 呢 位炒樓出身嘅新揸fit人，年頭（即係幾日前）已經履新，佢向來行事唔多鍾意高調，熟識佢嘅中環人都知，佢緊張集團盤數同股價多於一切，做人實實際際，所 以，華華側聞，食慣大茶飯嘅佢，已經鐵定住番自己喺麥當奴道嗰間豪宅，破格唔住喺山頂中峽道19號嘅大班屋，或者返工會近啲啩！ 住屋要實際，講到返工，歐智華仲實際！話說舊年初集團CEO辦公室搬返香港之後，前任行政總裁紀勤將辦公樓層升上一層到35樓，當時除咗鄭海泉同霍嘉治兩位滙控執董，同步搬上35樓之外，其他亞太區高層留守34樓，極有君臨天下feel。 讓畀王冬勝住快將入伙 不過，慣咗同團隊並肩搏殺嘅歐智華，決定將CEO辦公樓層「歸位」去返34樓，同亞太區行政總裁王冬勝、亞太區風險總監Rhydian Cox等「平起平坐」！有咩事吹雞做嘢，行過隔籬點都快過上落一層嘅，歐智華咁實幹，華華真係替滙控啲小股東開心！ 咁滙豐中人幾時先可以一睹新任CEO嘅風采？據聞上星期，佢曾經喺滙豐中環總行入面閃過，但由於佢個office仲裝修緊，所以佢真身仲未「定點」曝光。 講 番間大班屋，傳統上獅子行駐港最高負責人，就享有入住大班屋嘅光榮，74至90年期間，大班屋係雄踞山頂嘅天比高，遷冊前，主席浦偉士亦曾經住過。直至 90年，滙豐將佢賣畀八佰伴嘅和田一夫，大班屋先至改由中峽道豪宅接棒。天比高其後輾轉落入大廚坤之手，被分拆成5間獨立屋，04年再由星爺夥菱電合作重 建。 聽聞歐智華將間大班屋讓畀王冬勝住，佢短期內會正式入伙。 間大屋正就正，之不過，屋內商務應酬終年不息，冬哥放工後係要前舖後居，係咪咁盞到時真係要問問佢喇！ 李華華 |
||||||