📖 ZKIZ Archives

樓民講場：各位業主，請繼續反價

1 : GS(14)@2012-08-04 13:42:46

http://hk.apple.nextmedia.com/financeestate/art/20120804/16574072
各位業主、投資者，我投降了，你哋慢慢加價、反價吧，我唔玩啦！
呢兩個月，不斷在柴灣區搵樓，目標係藍灣半島，貪佢近老婆外家，方便將來照顧 BB。用藍灣上車係咪「大想頭」？係㗎，但請你睇吓其他單幢樓、甚至居屋開乜價，就發覺藍灣其實唔差得好多，但設施就好適合妻兒，貴少少都決定頂硬上。
但係，我不斷進出代理行、上網頁搜尋，經紀佬都話：「廣告上的樓盤，已經唔係呢個價。」仲話鐵價不二，完全無價講；加10萬已算好好人，有啲加完價，見你諗緊計緊，竟然索性封盤唔賣！
我老友仲誇張，九龍區四小龍（荔枝角某屋苑），銀行估500萬，業主開520萬，老友唔講價照畀，業主竟然勁反至580萬，願者上釣咁款。結果，又買唔成。
業主同買家非親非故，當然無理由益人，邊有得怪？但係點解社會咁畸型，有人買樓好似買棵菜，放埋一邊丟空都唔在乎，但我有迫切需要，儲儲埋埋，又被業主一口咬晒，佢反我廿萬，即係我要畀多六萬蚊首期（做七成按揭），試問六萬要儲幾耐？當我哋無用啦，我真係儲唔切、追唔到。
讀者　柴灣人

---

2 : Sunny^_^(11601)@2012-08-04 22:02:33

而家D業主真係唔想賣,賣左之後筆錢可以去邊.

而且賣一個貴一個.可能幾日後就高幾萬

---

3 : barryruger(14987)@2012-08-05 00:12:36

一個死局, 錢繼續上流吸乾...今次就算爆極都無03咁開心...就黎變U型經濟, 有樓就羸家, 無樓就小喇叭...生存姐, 又唔係要做首富, 點解都咁L難?

---

4 : GS(14)@2012-08-05 14:46:32

3樓提及

---

一個死局, 錢繼續上流吸乾...今次就算爆極都無03咁開心...就黎變U型經濟, 有樓就羸家, 無樓就小喇叭...生存姐, 又唔係要做首富, 點解都咁L難?

其實應該同時推居屋白表加新居屋，咁就可以中和，現在真是自己攬炒

---

5 : Ar Yan(11362)@2012-08-06 02:27:13

情況同90年代初一樣，有樓有樓，無樓無樓，當時政府就推出左大量居屋，對私樓影響係微，因為抄樓架繼續抄樓，為自住架就住左居屋

---

6 : 龍生(798)@2012-08-06 02:30:31

係, 而家就乜都唔做

---

7 : barryruger(14987)@2012-08-06 09:24:06

難為中間偏下果堆, 無錢分, 無公屋, 即係順手無埋綠表, 又無上流機會, 搵一蚊局駛九毫, 得番一毫仲要交五仙強姦金, 得番五仙, 一陣風都吹左去!

---

8 : 肥B(18468)@2012-08-06 10:33:00

時機唔就, 呢D無得好怨.....不過間唔中發洩下係好事(KEEP住只係識發洩就唔係咁好了), 谷得多好易亂諗野做錯晒D決定...

呢個人吃人的社會, 老土一D都要講句「識人好過識字」(唔係絕對, 打個比喻姐), 有朋友家人做地產的話, 至少行情可以熟一D, 少一浸被人食的機會...

我都做過10年柴灣人, 其實以往「環頭環尾」(即係指西指上環, 東指筲箕灣柴灣等地), 已經係比港島區北面的其他位置平一D

勸讀者都係放棄做「柴灣人」, 「移民」做「將軍澳人」吧, 正所謂「搭多幾個站, 慳返幾十萬」!

---

9 : GS(14)@2012-08-06 10:35:49

但是將軍澳邊一度住方面好少少又平少少?

---

10 : 肥B(18468)@2012-08-06 11:03:32

9樓提及

---

但是將軍澳邊一度住方面好少少又平少少?

開個中原成交, 睇睇個平均價就略知一二了, 坑口南豐會差唔多平1K/FT.

---

11 : kobe bryant(28492)@2012-08-06 11:14:04

有好盤, D 經紀都自己LAM 左先...或者介紹相熟炒家...無計...

---

12 : barryruger(14987)@2012-08-06 11:17:50

買柴灣好多都係想要東區校網, 因為TKO校網=垃圾, 跨區又比較麻煩...作者有細路, 咁揀好正路, 而且港島樓係硬正好多, 樓價同質素都係

---

13 : barryruger(14987)@2012-08-06 11:24:14

不過我唔係好明點解係藍灣, 唔係新翠/居屋/柴灣道果D?平好多, 實用又高, 又近MTR, 買野又方便

---

14 : GS(14)@2012-08-06 11:24:46

可能他對住有要求，唔夠大?

---

15 : 肥B(18468)@2012-08-06 11:26:17

就讀者「柴灣人」而言, 佢主要想住近阿媽, 第時有細路時便於照顧,

校網可以用阿媽個地址就搞掂(轉個水電煤名之嘛)

黎啦, 我結婚前的廿幾個年頭都係東區打滾, 以有限的資金, 買到個相對平宜同居住環境合適的地方, TKO 係較理想架啦....

---

16 : barryruger(14987)@2012-08-06 11:28:38

14樓提及

---

可能他對住有要求，唔夠大?

一家三口...咁...咁就真係唔好怨上車難了

---

17 : 肥B(18468)@2012-08-06 11:29:14

13樓提及

---

不過我唔係好明點解係藍灣, 唔係新翠/居屋/柴灣道果D?平好多, 實用又高, 又近MTR, 買野又方便

估計佢娘家係小西灣, 徒步可以來回新居及娘家.

佢都話左柴灣單幢都唔平, 心中係諗住, 居屋差一皮, 都個價唔係差幾皮, 「唔值呢個價」

---

18 : barryruger(14987)@2012-08-06 11:34:11

佢呢個case其實真係應該買番康翠臺果類, 一來交通唔錯, 買野又返新翠, 校網無憂, 又睇到B, 果D咩設施, 講真有幾可用?

---

19 : barryruger(14987)@2012-08-06 11:38:47

17樓提及

---

13樓提及

---

不過我唔係好明點解係藍灣, 唔係新翠/居屋/柴灣道果D?平好多, 實用又高, 又近MTR, 買野又方便

估計佢娘家係小西灣, 徒步可以來回新居及娘家.
佢都話左柴灣單幢都唔平, 心中係諗住, 居屋差一皮, 都個價唔係差幾皮, 「唔值呢個價」

就係佢荷包差幾皮

富怡富欣都唔錯, 有D個景同藍灣差不多...

---

20 : 肥B(18468)@2012-08-06 11:42:09

每個人都有唔同的想法同MINDSET, 我老婆就覺得「公園」係小朋友必要的設施, 就算無公共的大型公園, 屋苑平台都要有個像樣的才滿意, 實際用到幾多次唔係買之前的考量.....

好難一概而論, 你覺得「正路」的做法, 他人可以覺得係「偏門」. 真係唔出奇, 人就係咁樣先有趣....

---

21 : 肥B(18468)@2012-08-06 11:44:17

19樓提及

---

富怡富欣都唔錯, 有D個景同藍灣差不多...

「居屋升得慢喎!」
「居屋唔保值喎!」

好難估佢點諗架啦, 唔仲意, 可以有一千幾百個理由, 仲意的, 一個就夠~

---

22 : barryruger(14987)@2012-08-06 11:45:05

20樓提及

---

每個人都有唔同的想法同MINDSET, 我老婆就覺得「公園」係小朋友必要的設施, 就算無公共的大型公園, 屋苑平台都要有個像樣的才滿意, 實際用到幾多次唔係買之前的考量.....
好難一概而論, 你覺得「正路」的做法, 他人可以覺得係「偏門」. 真係唔出奇, 人就係咁樣先有趣....

咁又係..."岩心水"真係好緊要, 費事住落日日怨...

---

嘉湖三度反價　 賣貴22萬　細單位314萬沽

1 : GS(14)@2014-07-14 22:24:58

http://hk.apple.nextmedia.com/financeestate/art/20140714/18799544


                              【本報訊】新地（016）獨攬兩幅天水圍大型地皮，以進一步拓展其新界西北區住宅王國版圖，區內業主風聞消息後，過去周六及周日幾乎「零議價」，更有嘉湖山莊業主三周內三次反價，剛以313.8萬元沽出樂湖居兩房戶，呎價企穩7,000元水平。區內前景突然向好，有港島客願意一筆過付549萬元買入栢慧豪廷作「退休」之所。
記者：湯家明

                堪稱「元朗大地主」的新地，在元朗一帶擁有大量土儲，是次將發展版圖伸延至天水圍，名牌效應刺激區內業主放盤心態。中原馬斯力表示，嘉湖山莊樂湖居4座中層E室業主，上月21日才首次放盤，開盤價292萬元，單位屬兩房間隔，建築面積586方呎，實用面積448方呎，正是現時市場熱捧的細價戶。

97貨也獲利離場

                隨着近期市道轉好，連政府差餉物業估價署數據亦指細價樓指數升至歷史新高水平，該名業主於放盤後五日即反價，首次反價只輕微加3萬元或1%，叫價上調至295萬元，及後再經過五日至7.1，業主第二度反價，反價幅度上升至10萬元，至叫價305萬元，儘管期間有準買家還價，仍不為所動；直至上周三政府公佈新地全取兩幅天水圍限量地皮，該業主當日再即時加價10萬元至315萬元，於放盤三周內，先後三次反價，累積加價23萬元或7.9%。過去周末，單位獲一名買家還價，雙方協議後，最終以313.8萬元成交，較三周前放盤價高出21.8萬元，或7.5%。
代理指出，過去兩日，嘉湖山莊錄得8宗成交，當中，同屬樂湖居的9座中層D室「97貨」，建築面積714方呎，實用面積551方呎，屬三房戶，以360萬元成交，實用呎價6,534元。原業主於97年10月樓市高峯期以308萬元買入，迄今「返凸家鄉有餘」。

栢慧三房賣549萬

                受惠天水圍地皮獲批消息及市道回暖刺激，中原伍耀祖表示，區內普遍業主幾乎「零議價」，栢慧豪廷9座中層D室，建築面積945方呎，實用面積712方呎，業主開價549萬元，堅持鐵價不二，新買家來自港島區退休人士，有意擇居該區過退休生活，遂一筆過付款以549萬元購入單位，實用呎價7,711元，屬三房戶高價。
原業主於2010年以287萬元買入該單位，升值91%，升幅絕不遜色市區樓。即使屯門二線屋苑康景花園，消息指B座高層1室，實用面積335方呎，亦剛以239.8萬元易手，實用呎價也達7,158元。                                                        

---

星堤兩成業主反價封盤

1 : GS(14)@2015-09-18 02:03:20

【二手亢奮】樓市寒冬下屯門地皮逆市創新高，刺激鄰近屋苑業主信心大增，叫價轉亢奮。星堤有兩成業主昨晚反價或封盤，加價幅度近7%。



洋房加價200萬

美聯吳鵬雄表示，星堤花園大道單號洋房，實用2,115方呎，原開價3,000萬元，昨晚反價至3,200萬元，加價約6.7%，呎價約1.51萬元。愛琴灣5座高層D室海景戶，實用617方呎，由650萬元反價至700萬元，加價約7.7%，呎價1.13萬元。中原余國忠亦表示，星堤入伙後至今，樓價升幅僅約20%，跑輸整體樓市，如今鄰近地皮呎價破紀錄，令業主叫價變得強硬。目前星堤有超過20個單位放租，平均實用呎租約23元。其中屋苑7座高層C室，實用918方呎，叫租2.1萬元。屋苑洋房僅有少量放租，屬面積較大的洋房月租9萬元起，呎租約36元。南豐集團發展的浪濤灣，一個臨海雙號屋，建築面積2,928方呎，實用面積2,098方呎，業主原叫價5,600萬元，昨即反價至6,000萬元。





來源: http://hk.apple.nextmedia.com/financeestate/art/20150917/19298344

---

屯門公屋反價兩成

1 : GS(14)@2015-09-23 02:17:16

【業主心雄】新白居二刺激，屯門最筍公屋也反價。屯門良景邨一個實用264方呎一房戶，公屋第二市場開價僅90萬元，但業主已反價，將叫價調高至110萬元，加幅22%。樓價高企，100萬元內上車盤近乎絕迹。其中良景邨良偉樓高層16室，上月開價90萬元放售，一度平絕屯門上車盤，地產代理更以「首期9萬，月供3,055元」作招徠。祥益地產胡志偉表示，業主稱由於單位是在2013年2月向房署以約14萬元購入，明年2月前出售單位須繳付一成額外印花稅（SSD），加上看好後市，並不急於出售單位，近日與家人商量過後，決定加價，由90萬加至110萬元，呎價4,167元，但叫價已包括一成SSD。現時屯門叫價100萬元的二手放盤，全部是未補價公屋，不多於5個，山景邨最平，叫價95萬元。





來源: http://hk.apple.nextmedia.com/financeestate/art/20150803/19241228

---

淘大反價沽　二手近半年罕見　三客搶購　連天台樓王售443萬

1 : GS(14)@2016-03-15 15:39:41

■淘大花園連天台以443萬元售出。　資料圖片



【本報訊】本港樓市未受降評級展望影響，相反價跌有承接。中原地產統計的10大屋苑，過去周六及日錄13宗成交，創八個月新高。二手近半年罕見反價，九龍灣淘大花園連天台樓王，狂劈兩成平賣，吸引最少三客爭盤，最終搶貴9萬元，以443萬元售出，呎價僅1.1萬元。記者：朱連峰



九龍灣「上車三寶」淘大花園、得寶花園及德福花園，周六及日成交量經常「食白果」，過去兩日卻錄最少5宗。利嘉閣莊雅琁表示，超平盤現搶盤，淘大花園J座頂層5室，望山景，實用391方呎，天台318方呎，去年12月放盤叫價500萬元，至本月9日，有客出價430萬元，業主表明底價434萬元。由於單位叫價較去年同類連天台樓王貨平達兩成，吸引最少三枱客搶盤，最終反價9萬元至443萬元售出，但呎價只是1.1萬元。



得寶半月兩度穿300萬

淘大同類貨去年高位造價逾「五球」。其中B座頂層4室，實用面積375方呎，景觀以山及樓景為主，去年5月便以540萬元易手，呎價14,400元。相差10個月，同類樓王盤買平「一球」兼買大16呎。呎價1.1萬，今年初只可以買到極低層戶。P座一個5樓低層戶，實用面積356方呎，今年1月售395萬元，呎價11,096元，如今樓王賣「5樓價」。同區得寶花園半月內兩度跌穿300萬元。消息指，B座中層8室售295萬元。原業主2013年2月以268萬元購入，扣使費後淨袋約17萬元。利嘉閣劉浩勤稱，將軍澳本月暫錄77宗買賣，較上月同期23宗升逾兩倍，昨單日勁錄11宗。香港置業余柏稱，荔枝角美孚新邨本月暫錄20宗買賣，是上月同期4宗的四倍。六福行黎樹森表示，粉嶺名都三房戶1年來首度跌穿「四球」，2座中層D室售392.5萬元，呎價8,645元。沙田廣場B座高層3室售675萬元，市傳同層有凶宅。



十大屋苑兩日13成交

中原統計的十大屋苑，過去周六及日共錄13宗，升至八個月新高。美聯十大屋苑則錄11宗，按周跌三成。美聯物業住宅部行政總裁布少明表示，本港評級展望下調，但隨著用家追筍價貨，帶動近期交投量有所回升。不過，暫時二手樓價未有因為交投增加而喘定，下調壓力仍然存在。九龍站再劈見血。消息指君臨天下3座高層E室售1,550萬元，原業主2009年以1,523萬元購入，明賺實蝕。大埔比華利山別墅翠樺道雙號屋淪銀主盤，業主為內地客，2007年以1,863萬元一手購入。





來源: http://hk.apple.nextmedia.com/financeestate/art/20160314/19528603

---

愉城綠楊「零匙盤」 今年首見 業主叫價態度轉強 頻現反價成交

1 : GS(14)@2016-07-17 15:24:52

【明報專訊】近月二手交投轉旺，消化不少盤源，加上業主對後市看好，持貨能力轉強，令部分屋苑盤源緊張。荃灣兩大屋苑綠楊新邨及愉景新城，合供提供逾7400伙，惟兩個屋苑現時「零匙盤」，為今年首見。盤源短缺下，部分屋苑如將軍澳中心錄二手反價成交，另西九四小龍之一荔枝角昇悅居則錄撻訂戶短期內成功重售賣貴個案。

明報記者 方可兒

綜合代理統計，部分荃灣、青衣等大型屋苑匙盤不足5個，屋苑平均呎價亦較低位回升2%至12%。當中荃灣四大屋苑，包括綠楊新邨、愉景新邨、荃景花園及荃灣中心，合共提供逾1.49萬伙，但匙盤不足20個。美聯分行營業經理鍾家豪表示，綠楊新邨及愉景新城盤源本已不多，再加上今年上半年交投量較去年下半年加快，使屋苑出現「零匙盤」。如綠楊新邨今年上半年錄37宗成交，較去年下半年錄22宗升近七成；另愉景新城今年上半年錄57宗，較去年下半年36宗升近六成。

綠楊兩房做價低位回升一成

港鐵站上蓋的綠楊新邨近日更有兩房做價較低位升約一成。中原分行經理黃耀明表示，綠楊新邨S座中層2室，實用451方呎（建築527方呎），兩房間隔，今年4月以550萬元放盤，當時仍有租約，及後6月交吉，吸引不少準買家睇樓，終以480萬元成交，實呎10643元（建呎9108元），做價較低位回升約一成。原業主2008年200萬元購入，帳面獲利280萬元或1.4倍。

日出康城僅5個匙盤

另一邊廂，中原高級分行經理伍錦基指出，將軍澳日出康城首都、領都、領峰及領凱，共提供逾6100伙，惟四屋苑合共匙盤僅約5個。同區將軍澳中心更有2房反價22萬元成交，利嘉閣分行經理尹皓霆指，將軍澳中心5座中層E室，實用465方呎，開價555萬元，及後更反價至577萬元成交，實呎12,409元。原業主2010年以334萬買入，帳面獲利243萬元或逾7成。

昇悅居撻訂戶兩周重售賣貴7萬

二手做價有支持，荔枝角昇悅居有撻訂戶兩周內重售賣貴7萬元。香港置業首席高級營業經理曾家輝指，昇悅居5座中層B室，實用517方呎（建築685方呎），上月底曾以638萬元售出，及後買家撻訂，原業主再以645萬元沽出，兩周內樓價升7萬元，實呎12,476元（建呎9416元），成交價較低位回升逾7%。原業主2002年以214.2萬元購入，帳面獲利430.8萬元，物業升值逾2倍。


來源: http://www.mpfinance.com/fin/dai ... 0282&issue=20160716

---

財女手筆：樓盤反價武林秘笈

1 : GS(14)@2016-08-04 04:04:22

身邊有不少朋友籌備上車、換樓，遇上不少反價盤，不過實情係，未必真係業主反價，而係賣家喺各間地產放盤，個盤畀人賣咗，經紀唯有講業主反價，開出一個你唔會接嘅天價，實情可能係個經紀搶唔到個盤！所以，買樓要搵多幾個經紀，先知道實情係點。網上巧遇一間地產舖寫出「反價武林秘笈」，內容生鬼有趣，教經紀遇上反價業主，點樣令準買家追價追得心甘情願，咁經紀就可以袋袋平安！武林秘笈內有一招「保住個勢」，講個客喺業主反價後一定有道氣，教經紀千祈唔好令個客嬲業主反價，所以首先要識「搵個代罪羔羊」，例如話係行家搞破壞，搶高個價；一係話新聞寫到個市好旺，總之搵個代罪羔羊出來畀客人消消氣，再要「說出動人故事」，令個客明白業主唔想反價，只係為勢所逼。秘笈內仲有一招「借力打力」，教經紀好好利用業主反價時，客人嗰一刻嘅失望，因為「係成交最大機會」，指準買家通常喺反價後會一鼓作氣。一追價，就會「肯offer之前唔肯加嘅條件」，所以就算傾唔到心水盤，亦都要令佢「成交到第二選擇」，當然係貴少少、本身唔肯買嘅盤！其實，無論講到天花龍鳳，反價只係業主想賺多啲，係幾百萬嘅「薄利」下，仍然為賺多5萬、10萬而斤斤計較。一反再反，經紀想做成生意，當然只有出盡辦法，氹得雙方開開心心。
Melody
http://www.facebook.com/whichroad本欄逢周三刊出





來源: http://hk.apple.nextmedia.com/financeestate/art/20160803/19720009

---

元朗大型新盤快登場　業主亢奮　新界西北掀反價封盤潮

1 : GS(14)@2016-08-16 06:24:16

■元朗新盤Grand Yoho開價在即，區內二手交投冰封。　資料圖片



【本報訊】樓市升溫，今年矚目新盤元朗Grand Yoho開價在即，新界西北區多達兩成業主封盤反價。新界多區亦掀起搶盤狂熱，投資客出動爭貨，粉嶺名都一個與凶宅做鄰居單位，即使部份銀行或拒按兼連租約，照搶貴30萬元。記者：朱連峰



粉嶺名都5座低層A室，實用399方呎，放盤不足一個月，即使毗鄰B室屬凶宅（據知多年前有人在屋內被斬死），兼連租約，但多得近期樓市火熱，各區搶到缺盤，該凶宅鄰戶竟以380萬元賣出，呎價9,524元，由投資者接貨。



粉嶺凶宅鄰戶高價賣

因同層有凶宅，此全層8個單位在恒生網上估值全沒結果，意味銀行或拒按，買家需現金入市。但參考對落一層的A室，恒生估值357萬元。不過，該凶宅鄰戶，中銀網上估值結果則是365萬元，即成交價高估值15萬元。同類正常單位近期成交租金約1萬至1.1萬元，料收租回報約3厘。同座樓上高5層的A室，面積相同，今年3月僅售350萬元。相隔5個月，層數更低，兼隔籬有凶宅及連租約戶，也搶貴30萬元。美聯物業住宅部行政總裁布少明表示，Grand Yoho開售前夕，新界西北區有約兩成業主封盤反價，觀望新盤開價。代理稱，有粉嶺業主看好元朗樓市前景，決定買多間，即睇即買，以348萬元買入元朗尚悅6座中層E室。
Grand Yoho凍結大批購買力，區內同系姊妹盤Yoho Town及Yoho Midtown，二手交投近停頓，8月上半月得1宗買賣，較上月同期7宗急跌近九成，多達五成業主反價，一成封盤。消息指，Yoho Town9座中層B室「八按盤」，實用545方呎，剛售598萬元，呎價10,972元，較去年高位賣平近百萬元。原業主2003年以約146萬元一手買入，仍賺約452萬元。


華都兩房戶賣三房價

祥益地產袁思賢稱，屯門區約有2%至3%業主反價，華都花園4座頂層A室連天台單位，兩房賣三房價，以380萬元售出。美聯梁浩文稱，屯門市廣場3座高層D室因有租客，獲用家不睇樓以349萬元承接，呎價1萬元。中原趙鴻運稱，鰂魚涌太古城本月錄約20宗成交，多達一半連租約，反映盤源缺盤，買家連租約照搶，如泰山閣中層G室兩房則王昨連租約售831.2萬元。




來源: http://hk.apple.nextmedia.com/financeestate/art/20160816/19737874

---

譽．港灣業主反價百萬

1 : GS(14)@2016-09-06 22:40:13

■譽．港灣近期錄多宗反價放盤個案。　資料圖片



【本報訊】中海外（688）啟德1號加價加推，同區二手業主喪反價，有代理指新蒲崗譽．港灣，「問咗6個業主，4個反價、2個封盤」，其中有大單位反價100萬元。代理稱，新蒲崗譽．港灣6座中層G室，實用525方呎，連租約放售，原叫價800萬元，現反價50萬元或6%，最新叫價850萬元，呎價1.6萬元，高市價17%。大單位方面，1A座中層B室，實用1,333方呎，上月叫價2,400萬元，業主見啟德1號強勢登場，反價100萬元或4%，現叫價2,500萬元。參考屋苑最新成交如6座中層D室，實用549方呎，成交價745萬元，呎價僅約1.36萬元。二手新高持續，美聯物業黎國權表示，鰂魚涌南豐新邨4座高層B室，實用391方呎，兩房間隔，以545萬元易手，呎價13,939元，呎價創屋苑今年新高。大角嘴居屋富榮花園10座中層K室，實用431方呎，以綠表價405萬元成交，呎價9,397元，呎價打破同類單位上月創出紀錄，成為今年屋苑兩房新高，距離屋苑2房綠表最貴單位約2.4%。




來源: http://hk.apple.nextmedia.com/financeestate/art/20160906/19761595

---

尚譽高開 掀業主反價潮

1 : GS(14)@2016-09-09 05:18:23

【明報專訊】恒地（0012）兩個主打迷你戶的新盤相繼登場，日前北角尚譽首批50伙折實近2.4萬元，較同區二手至少高兩成，隨即掀起區內業主反價潮，其中與尚譽同樣位處月園街、實用同約100至200方呎的開放式戶，反價幅度較大。

逾30年舊樓實呎逾2萬

世紀21日昇執行董事黃文龍表示，位處月園街、逾30年樓齡的明月大廈自尚譽開價後，出現不少反價個案。其中一個低層D室交吉盤（實用188方呎），附雅致裝修，原叫價338萬元反價12%至380萬元，實呎20,212元。另該廈高層A室（實用202方呎），開價亦由原先的360萬元加價8%至390萬元，實呎19,306元。

世紀21日昇聯席董事蔡嘉駿亦稱，樓齡同樣逾30年的月園街嘉運大廈，一伙高層C室（實用155方呎），連租約放售，本開價315萬元，現亦加價4.7%至330萬元、實呎21290元。該廈另外一伙低層D室（實用158方呎），本連租約以300萬元放售，現時封盤不售。

莊士維港軒業主封盤不賣

舊樓以外，樓齡較新的屋苑更加出現封盤情况。黃文龍續稱，如樓齡約13年的和富道莊士維港軒低層C室（實用188方呎），屬開放式戶型，與尚譽主打戶型一樣，原先開價380萬元，業主暫時已封盤不賣。事實上，同類單位在7月曾錄得以328萬元易手個案。


來源: http://www.mpfinance.com/fin/dai ... 4030&issue=20160909

---