| ||||||
如果問基金之王單偉建、炒股「最痛」係咩？相信佢會講：「埋錯邊」。單偉建係私募基金太盟投資（PAG）主席兼首席執行官，管理資產達一百億美金（即近八百億港紙），仲曾經係新橋投資（New Bridge Capital）合夥人，往績威水。不過咁，佢一樣有「押錯注」嘅時候，呢幾個月仲錯足兩次。第一單，佢哋入咗股嘅內地最大連鎖家居店「東方家園」近月突然倒閉，幾個高層被北京扣查。傳聞係涉周永康兒子周濱借該公司洗黑錢。其中兩名被扣者，竟包括PAG旗下瑞寰基金（ARCH）兩位要員。 另一單，PAG早年入股華南城（1668）兩億半股份，市場流傳，近月有華南城高層因政治問題喺廣東被扣查，仲有高層南下香港「避難」。PAG唯有嗱嗱臨減持股份，套現10億。睇番資料，ARCH前董事，是比利時籍港人伯希儒（J.Timothy Rucquoi-Berger）；基金界廣傳，佢妻子係前重慶市委書記薄熙來親戚。噢，咁企錯邊嘅風險，一目瞭然。 另一單， PAG早年入股華南城（ 1668）兩億半股份，市場流傳，近月有華南城高層因政治問題喺廣東被扣查，仲有高層南下香港「避難」。 PAG唯有嗱嗱臨減持股份，套現 10億。睇番資料， ARCH前董事，是比利時籍港人伯希儒（ J.Timothy Rucquoi-Berger）；基金界廣傳，佢妻子係前重慶市委書記薄熙來親戚。噢，咁企錯邊嘅風險，一目瞭然。 中環寸嘴楊國佳 工廈大王楊耀松大仔，家族 的收租物業，遍佈港九，屬正牌 收租公。自認寸得起，謂「有我咁得閒，無我咁有錢；有我咁有錢，又無我咁得閒」，經常流連富豪飯堂品嚐美食，仲喜歡到新開食肆「踢竇」試新菜。 Fusion菜變Confusion 我經常喺中環行走，留意四周商廈、商舖嘅一舉一動，正所謂知己知彼。六月份就有間新酒店喺石板街開張，老闆我都係識食之人，一於去「踢館」試下酒店三樓嘅餐廳Envoy。呢間餐廳標榜fusion菜，不過主打其實係cocktail雞尾酒，出升降機入門口先見一列酒吧，要轉大個彎先有餐枱坐低，呢啲咪商廈改裝酒店嘅「特色」。睇個drink list，一於點杯排頭位嘅Honey Me Honey Tea，呢杯百三銀嘅cocktail由港式凍檸茶演變出嚟，最過癮係個雀仔酒杯，味道一個字講曬——甜。唔忿氣，既然酒店設計以殖民地做主題，再點多杯Colonial Sling，同枱老友無我咁勇，保守啲柯打杯薑啤，多口問句侍應薑啤邊度嚟，口啞啞唔識答，captain補飛一句話係「swap」，嚇，swap（掉期）？真係眼珠都跌落嚟，炒股票咩！（編按：captain意思應是Schweppes，玉泉這汽水牌子），酒店嘅殖民地風，似乎吹唔起侍應啲英語水平喎！唉！對主菜不寄予厚望，飲咗碗粟米周打湯加份牛扒，普通料啦，老友想回味英國風，點set lunch入面fish & chips，一睇就知唔夠地道，欠張牛油紙墊底。再睇埋甜品，名改得怪怪嘅Yin Yang Tiramisu，到底係「陰陽」定「鴛鴦」？另一款Lime & Lemon Tart，以為有青檸加檸檬，點知酸都唔酸，呢間餐廳嘅fusion菜，食完就confusion。今餐最受落係想坐得闊落啲，要求由二人枱換張大枱，都無話要最低消費或另收費，搞到隔籬枱食客眼超超。 李小加教大陸術語 滬港通最快十月「開車」，不過兩地股市大不同，單是中港兩地的市場術語，已很大分別。李小加好為大家著想，蒐集兩地術語對照，登在港交所網站上，供大家參考。小宗睇過，有啲真係巧難明，如內地嘅「箱體」。喂，男女相睇就知啫！原來即係香港嘅「牛皮市」。而「灰市交易」係「暗盤買賣」；「多空爭奪」呢？唔代表好多沽空噃，係「好淡爭持」。香港注重「披露權益」，內地叫「權益披露」，字面上分別唔大，但小宗就好深信，A、H股對「披露」嘅深度同意義係好唔同喇。想喺A股搵大錢？瞭解咗大陸文化先啦老友！ 本週大賤賣 上個禮拜六拍賣車牌，CY 69以底價成交，賣咗六千蚊。民望係低啲，都冇理由平成咁o架！都唔好話唔該煨。不過，低處都未算低噃，CY 67更加完全冇人吼，即係斗零都賣唔到。姑勿論67抑或69，睇嚟一黐落CY度即刻就唔值錢，唔到你唔信邪也。 本週大吉利是你估係7仔吖 Always Close, 你估係7仔吖，隔籬左近梗有間？大吉利是過你。監倉噃，點可以唔 always closed 呢，又？ 廣告時間 你有某財團嘅黑幕想爆？你知邊間上市公司造假？你仲想舉報地產霸權嘅不公？歡迎你將財金界嘅寃屈或過癮八卦事，爆俾《壹仔》財經組知，一切報料，均會保密！爆料熱線/whatsapp:6829 5929 金牙大狀講嘢屠宰大白象 財爺一改「由下而上」制定預算嘅慣例，「由上而下」要求所有部門喺未來兩個財政年度削減一個巴仙開支，留為儲備對付財赤。呢個大動作慳到幾多銀？未來兩個財政年度之預算分別為3,574億及3,771億元。慳一個巴仙，即係35億元同37億元。俾你同我，呢筆錢梗係銀紙啦，但俾過政府根本就濕濕碎而已。你睇，港珠澳大橋原來預算係486億元，一個唔覺意超支88億元，兩個財政年度慳埋都未夠填呢個氹。又如蓮塘口岸，造價預算係162億元；話口未完，即刻超支85億元。最勁嘅當然仲係高鐵，原先造價係669億元，落場雨，馬上超支142億元，足足要四個財政年度至慳到呢條數。真係要對付財赤，有乜好得過屠宰大白象呢，請問？ | ||||||