📖 ZKIZ Archives

中環在線：張錦成突回巢美聯風暴 李華華

2008-11-11  AppleDaily

美 聯集團（1200）近排上演大股東寶座爭奪戰，有內地資金背景嘅神秘人梁向榮，早排連環出擊，揸住嘅美聯股份增至14.14%，成為大股東，市場一直『目 及』住佢會有咩嘢動作。噚日，美聯前副主席張錦成突然現身美聯中環總部，令人產生無限聯想，究竟張錦成同梁向榮係咪關連人士呢?今次張錦成係咪梁向榮派入 美聯o架呢？華華收到料，第一時間走上美聯總部，搵主席黃建業求證，佢回應話：「呢啲嘢你梗係問番當事人啦！」跟住就不斷帶華華遊花園，點都唔肯回應呢個 傳聞。不過，黃主席咁嘅答案，相信實情係點，大家都心裏有數。

公關：張生做顧問未入局

冇幾耐，美聯公關部終於回應，話張生噚 日第一日返工，出任集團顧問，唔係入董事局，其他就無可奉告。至於一向同傳媒有偈傾嘅張錦成，華華噚日call咗佢成日，都冇覆電話，所以一切疑團都未解 開!張錦成返美聯，相信會對集團內部帶嚟好大衝擊，聽美聯線人講，大家預計稍後仲會有新進展，所以紛紛收口，以免被波及。至於市場點睇，噚日美聯股價逆市 跌3.54%，收報3蚊，睇怕都盡在不言中。

自己檔盈富搵人睇住

張錦成喺05年離開美聯，06年創立盈富物業，今次返娘家美聯，間盈富點打算？原來已經交咗畀另一個股東黎偉強打骰。美聯呢排消息多多，除咗梁向榮狙擊之外，市傳今個月廿號，每區頭目都要交出點樣封蝕本門嘅方案迎戰海嘯。李華華[email protected]
PermaLink: https://articles.zkiz.com/?id=3176

中環在線：張錦成「返美聯唔止做顧問」 李華華


2008-11-27  AppleDaily


 

美聯（1200）前副主席張錦成喺今個月中回歸美聯集團做顧問，一時間惹嚟各方猜測，市場傳聞話佢係神秘投資者梁向榮委派入美聯，甚至仲話背後有美聯創辦人之一馮銳森嘅支持。噚日華華搵到張錦成解畫，不過佢全部否認。

會落手落腳做嘢

佢 話一向同美聯主席黃建業有聯絡，咁啱一次講開話自己檔盈富物業大幅收縮後，冇乜世藝，黃建業即刻叫佢返美聯幫手，好快就傾妥條件。張錦成透露，雖則話係顧 問，但都要落手落腳做日常事務，好在佢同集團企業事務董事總經理葉潔儀、另一顧問黃錦康之前都合作過，所以都應該駕輕就熟，而今次任務，係令集團有競爭力 地適應市場環境喎。提到馮銳森，原來張錦成都一直同馮生有聯絡，仲爆料話馮生o依家日日食雪茄、飲紅酒、打高爾夫球同賽車，認真唔得閒。
 
PermaLink: https://articles.zkiz.com/?id=4212

中環在線：張錦成親生仔吊鹽水 李華華


2008-12-17  AppleDaily


 

Victor 張錦成上個月回歸美聯（1200）做顧問後，隨即高調宣佈同佢一手創立嘅盈富物業斷絕關係，仲將間公司賣咗畀人。盈富冇咗Victor呢位元帥坐鎮，即時 變成孤兒仔，最近樓市二手成交又少，據聞生意唔多好，分行執吓一間又一間，難怪近日不斷傳出盈富執笠消息。繼尖沙嘴分行後，傳聞盈富西貢分行啱啱關門大 吉，解散咗幾個伙記。有前盈富經紀話，以為可以捱過呢場海嘯，點知上個禮拜六突然收到大信封。盈富高峯期有成10間分行，執埋西貢嗰間，家陣得番生意較好 嘅美孚新邨一間分行，加埋總部員工，成間公司好似得番唔夠廿人。有業內人士話，由於盈富仲有好多佣金未收，所以應該唔會摺住。
PermaLink: https://articles.zkiz.com/?id=4683

[貼圖]馮錦成

1 : GS(14)@2011-04-21 17:55:43


Source:明報
AEON執行董事馮錦成（左一）表示，母公司日本AEON將加快海外發展步伐，看好亞洲區消費融資需求。（葉漢華攝）
PermaLink: https://articles.zkiz.com/?id=274042
Next Page
ZKIZ Archives @ 2019