女神齊齊out 外國人like華莎身材火辣
1 :
GS(14)@2016-10-10 00:43:54韓流喺世界各地都提起熱潮，當中有唔少紅星仲紅到去歐美，不過始終外國人同亞洲人嘅審美眼光都唔同，所以亞洲人捧做女神同外國人眼中就好大分別，至於外國人眼中最靚嘅四位韓國女星絕對令大家有意外驚喜。當中大家視為韓國女神嘅全智賢、宋智孝、秀智、宋慧喬、孫藝珍、允兒等都榜上無名，當中外國人似乎比較着重身材多過樣貌，令佢哋最冧嘅就係女團MAMAMOO成員嘅華莎，現年21歲嘅華莎因為一張喺Instagram嘅動圖而引起外國網民嘅熱話，留言嘅網民佔咗九成係男性，佢哋都一致like爆華莎嘅火辣身材。唔少外國網民都話因為華莎關係，令到佢哋突然對K-Pop好有興趣，亦大讚佢身材太火辣。而外國網民亦似乎獨愛健康膚色嘅女生，好似女團Secret成員全孝盛同埋SISTAR成員嘅孝琳亦都被外國人視美尤物之一，當中佢哋特別鍾愛全孝盛嘅健碩大腿，雖然華人可能會嫌粗壯，不過喺外國人眼中呢啲先叫性感，加上全孝盛同孝琳同樣有S嘅身形，所以令到外國人都讚不絕口。至於最後成功進佔一位應該冇人會反對，事關佢就係AOA嘅雪炫，雪炫一向公認係美女一名，亦都擁有魔鬼身材，佢嘅樣貌同身材一向都受到各地網民嘅稱讚，亦都令唔少少女羨慕不已。
來源:
http://hk.apple.nextmedia.com/entertainment/art/20161008/19794910