【堅過關禮傑】和富天台玩「跳樓」擅闖民居有乜罪？
1 :
GS(14)@2016-07-06 08:08:02近日Facebook流傳一段長約8秒短片，有人超喪喺北角和富中心頂樓25樓跳天台，由一幢大廈「跳過」另一幢大廈。片段所見，一名帶帽穿短褲的空中飛人，一個人先企喺一幢大廈天台上勁窄的欄杆上，然後只助跑四步，一躍便「飛越」到另一幢大廈的天台，落點同樣是一條勁窄的欄杆，動作輕鬆，看來玩命者訓練有素，當然首先係唔怕死。其間負責拍片的人更刻意把鏡頭垂下，拍攝兩幢樓之間的高度，見到東區走廊，睇見都恐佈，一旦失手，肯定跌死。片段所見，現場對住維港海景，望到紅磡摩天豪宅海名軒。估計是從和富中心的15座跳過14座。有網民留言:「真係好想睇佢仆街」、「跌死無人可憐」。咁玩命法，真係隨時變空中飛人，甚至累街坊，天台單位有可能因此而變凶宅。據知，今次在香港玩跳天台者，原來是一名叫Max Cave的外國年輕人，他是一名Parkour高手，亦並非第一次在香港「跳天台」。和富中心屬私人屋苑，有人質疑為何有人可以自出自入，跳天台者是否已得到有關業權人同意。前消防處處長、現任和富中心業主立案法團副主席林振敏表示，就有關事件，「我都叫管業處畀POLICE（警方）去睇睇」，相信已報警處理，但他對事件不作評論，不清楚外來人如何進入屋苑天台，及是否合法。
來源:
http://hk.apple.nextmedia.com/financeestate/art/20160706/19683453
星二代集中地關禮傑囡超甜 林俊賢囡超索
1 :
GS(14)@2016-09-02 05:49:43前晚中環Dior唇膏活動真係星光閃閃，星二代雲雲，包括應該係最索嘅關禮傑女兒關楓馨，仲有林俊賢女林鈺洧、鄭丹瑞女兒鄭瑤、湯鎮業女兒湯愛嘉，以及何超鳳女兒何鍶珩等等等等。五位美女跟番大會dresscode，以黑、紅或白色現身，一身成熟打扮，林鈺洧更加係高人一等，鄭瑤同關楓馨就嬌小可人，何鍶珩就高貴成熟，湯愛嘉輪廓似足英俊老竇，各有各靚。關楓馨啱啱喺英國大學畢業，之後計劃去澳洲working holiday一年，呢排都會出吓活動接job：「電視、電影同做模特兒都可以試下，不過唔會叫爹哋搭路，要靠自己，爹哋媽咪都好支持我。」至於會否接受拍親熱戲？關楓馨就話：「未諗到咁遠，如果有親熱錫嘴，都會問爹哋媽咪，始終係屋企人，男友都要問，佢都好支持我喺呢行發展，佢唔會呷醋，佢明白係工作。」林俊賢個女林鈺洧就透露會專注模特兒發展，都會考慮拍戲：「要學好做戲，不過未搵到老師，唔會搵爹哋，佢忙緊喺大陸做生意，亦都唔會特別搵佢介紹工作畀我。0依家工作量都OK，會想喺香港做模特兒工作，等香港成功先出去發展，自己最鍾意係Victoria's Secret天使模特兒Candice，自己就冇咁嘅身材做到，因為鍾意食嘢，惟有每個禮拜做多啲運動keep住身材。」
來源:
http://hk.apple.nextmedia.com/entertainment/art/20160902/19757102
星二代狂冧外籍伴侶關禮傑大女帶埋男友出活動
1 :
GS(14)@2016-10-12 07:52:30可能係同教育文化有關，班星送啲仔女去外國讀書，甚至移民外地，令到佢哋啲仔女好大機會飲到洋水，加上文化交流問題，班星二代似乎都鍾情外籍伴侶。上山詩鈉愛女Hilary身為中日混血兒嘅上山，本身都頗洋化，所以Hilary盡得佢真傳。喺美國讀書嘅Hilary樣甜又索，當然多人追，早排雖然話同佢中東男友Rafic Korban分手，但轉頭已見佢有新歡，同樣係外籍人士，Hilary現任男友Gunny係泰籍男子，同Hilary一樣喺波士頓讀書，兩個仲係同學仔，日日有得見。關禮傑大女關楓馨啱啱大學畢業嘅關楓馨，因樣子甜美，近年備受關注，佢亦不時出席活動，上個月仲帶埋男友Kris Wood一齊現身高爾夫球賽記者會。梁家輝孖女Nikkie影帝梁家輝家有索爆孖女Nikkie同Chloe，兩女喺加拿大讀書長大，性格似足「鬼妹仔」，其中大孖Nikkie不時喺Instagram放閃，大晒佢同外籍男友嘅恩愛出遊照。翁靜晶細女劉幸儀相比起家姐劉萬儀，劉幸儀嘅知名度同曝光率相對地較低，不過，早前佢嗰一身筋肉人形象令人「眼前一亮」，雖然佢嘅「女子力」唔算高，但佢已獲意大利籍男友Roberto（蘿蔔）求婚，係名準新娘。
來源:
http://hk.apple.nextmedia.com/entertainment/art/20161012/19797750
關禮傑 演喜劇壞人幾好玩 2016-11-16
1 :
GS(14)@2016-11-21 03:54:53http://skypost.ulifestyle.com.hk ... %BD%E7%8E%A9/235557'
【晴報專訊】 他是《殭》中冷酷的不死人龐應天，也是《叛逃》中違反常理一躍跳到另一幢大廈的敖Sir，今次在《來自喵喵星的妳》中又是怎樣的角色？「好像《IQ博士》的超人，自覺好有型，但其實是小丑。」由《鬼同你OT》已飾演壓榨下屬的上司，關禮傑決心給觀眾看到不一樣的自己，「我的表演方法或者造型，觀眾一看，就知道關禮傑又不同了。」
「表面風度翩翩，君子紳士，背後算盡陰謀，使盡奸計」是對關禮傑在劇中角色Hill的描寫，簡單來說是一個經常自吹自擂的奸狡上司、欺壓主角的反派，但他覺得做壞人也不錯，「其實幾喜歡上次《鬼同你OT》的性格，喜劇中衰人都是小丑，我覺得幾好玩，不覺得觀眾會討厭我。」
在《喵喵星》跟《鬼同你OT》一樣都是飾演陳豪的上司，角色性格定位差不多，應該不難掌握吧？「喜劇做過一次，下次就要改變，否則自己都覺得不好笑，正如笑話講兩次就不好笑。我會加點自己的東西進去（劇中），例如小動作、說話的方式，也會與導演商量加甚麼口頭禪。」
角色加入自創元素
出道30多年，自問做過不少角色，他對塑造角色有一定執着，「人物要突出，即是說你要落心機去創造這角色。我不管這角色創作得好不好，起碼我創造了出來，有個誠意，可能觀眾未必覺得很好，值100分，但觀眾會見到（角色）有處理過，當然，可以處理得更好。」
關禮傑1996年曾一度離開無綫，轉往內地拍劇，2002年回巢後仍有不少演出機會，他自嘆演藝生涯跌盪很大，「1982年在《萬水千山總是情》飾阮文瀚算是頗重要的角色，但之後開始做茄喱啡（配角），那不是我做戲不好，以前偉仔（梁朝偉）做完《香城浪子》就平步青雲做主角，但我就跌下來做配角。」直到1984年在《新紮師兄》飾演好姐一角，才為人熟悉，可惜往後一段時間，事業仍是停滯不前。
比上不足比下有餘
《新紮師兄》捧紅了劉青雲和梁朝偉，二人早已是影帝級人馬，跟偉仔同期藝訓班出身的關禮傑，不無感嘆。「當然，同偉仔比，他的知名度較高，我比不上他，但比後面的人，我（知名度）已經高好多。我的工作量、賺到的錢，起碼養得起家庭，還能讓我的小朋友讀到大學，我已經很成功。」他又笑言年輕時也有眼紅過、不忿過，但歲月令他變得思想成熟，如今的他覺得毋須與人比較。「可能大家一樣很快樂，但你的快樂來自工作，我的快樂來自家庭，（令我）很有滿足感。」
撰文：邱巧嵐
攝影：Lego
編輯：黃寶恩
設計：梁政敏
【矚目千金】關禮傑女攻讀碩士
1 :
GS(14)@2017-07-05 03:49:36關楓馨
除了梁家輝兩位千金外，圈中亦有多位藝人的千金樣靚身材弗，因而被網民關注。
關楓馨
關禮傑的女兒關楓馨去年大學畢業後到澳洲working holiday，現年22歲的她會再攻讀碩士學位。
Hilary
完全遺傳到媽媽上山詩鈉的美貌，兒時已是一個小美人，現年20歲的她依然靚爆鏡，獲封「至索星二代」！
沈月
邱淑貞嫁給沈嘉偉後，先後誕下三個女兒沈月、沈日和沈晨，15歲的沈月亭亭玉立、氣質出眾。
林愷鈴
龔慈恩的17歲女兒林愷鈴稱得上是氣質型靚女，她更喜歡藝術及音樂，聲樂已達到8級程度。
來源:
http://hk.apple.nextmedia.com/entertainment/art/20170703/20076686
Next Page