自爆10周年紀念日分手小方灑淚開腔：同Stephy都有喊
1 :
GS(14)@2016-03-19 22:15:55【眼淚直標】■方力申昨日出席活動開腔談分手，其間忍不住流下男兒淚。
方力申（小方）與鄧麗欣（Stephy）相愛10年，由電影《獨家試愛》到《紀念日》一直被視為金童玉女兼打風打唔甩，萬料不到二人前日宣佈分手，昨日小方於「分」訊後首度現身灣仔出席記者會，說到與Stephy分手日正是他們的拍拖10周年，小方更傷感流下男兒淚，他表示決定分開一刻與Stephy都有喊。
方力申前日與拍拖10年的鄧麗欣，透過經理人公司發聯合聲明宣佈分手，之後Stephy於Instagram貼文，以「這是一個非常沉重的決定」來形容分手後心情，小方昨日首度開腔講分手，強調與Stephy分開是二人共同決定，分手原因與結婚問題無關，但承認二人「有問題解決唔到」，其間小方兩度落淚，自爆分手日就在拍拖10周年紀念那天，又表示Stepty有傳短訊給他講不好意思，要他一個人面對。
宣佈一刻手震
昨午3時小方以「協康會健康大使」身份出席於灣仔君悅舉行的「全港廚師精英大匯演」，面對半百傳媒的他，盡力裝作輕鬆，但發言前他先抬頭吸一口大氣，並說：「今日呢個訪問嘅安排係我自己嘅安排，我覺得一啲唔開心嘅事唔想講咁多次。」說罷即時眼紅紅。小方續說：「我同Stephy由地下情開始，直到俾人影到先公開（編按：2012年本報拍到二人於巴黎拍拖），開始咁低調，分開其實都想低調，10年係好長時間，決定宣佈一刻，其實自己攞住電話時隻手係震晒。」提到分手決定，小方再泛淚光：「呢個唔係我一個人嘅決定，係我哋兩個人嘅決定，其實喺套戲（《紀念日》）上映前已經覺得有問題，大家真心好珍惜呢段感情，所以大家有冷靜期，其間我哋不停有出嚟傾偈，過程都係好傷心，大家都有喊。」說到此，小方淚水奪眶而出：「我同Stephy最後一次見係10周年嗰日，大家決定和平分開，所以掹車邊，我哋都算踏入咗10周年，覺得好感恩！」外間有揣測分手是小方不肯娶Stephy所致，小方昨日澄清：「分開係因為有啲問題解決唔到，唔關結唔結婚事。」
【先深呼吸】■一直裝作輕鬆的小方，發言前先抬頭深呼吸。DV圖片
【交代分手】■小方直言與Stephy共同決定分手，二人亦有痛哭。
■今年1月，小方與Stephy宣傳《紀念日》時已醞釀分手。資料圖片
「將來冇人知」
既然與Stephy再見亦是朋友，問二人關係可會有轉機？小方未有一刀切，只說：「將來嘅事冇人知。」至於有網民插他糟塌了女方10年，小方表示不介意，問何時醖釀分手？小方坦言：「電影上映前，但幾時醖釀唔重要，最重要係結果。」小方又表示分手前有3個月冷靜期，問拍《紀念日》是否分手導火線？他承認：「拍之前大家都有擔心過，可能真係有影響。」至於有網友日前影到其座駕載外籍女士，小方指這是在他傷口灑鹽，又說當日該網民拍照其實他就在旁邊，只是對方見不到他。採訪：曹家誠攝影：陳志嵐
■小方回到座位仍在拭淚。
■2012年，本報直擊Stephy孖小方同遊巴黎。資料圖片
來源:
http://hk.apple.nextmedia.com/entertainment/art/20160319/19535672
SMAP 25周年紀念日爆決裂之謎木村任董事棄隊友
1 :
GS(14)@2016-09-10 13:54:45■有消息指木村正鋪路做事務所高層，是導致SMAP決裂的最大原因。
日本組合SMAP已定今年12月31日解散，NHK電視台承認正游說五子於解散當日亮相除夕晚舉行的《紅白歌唱大賽》，NHK台長更打友情牌，親自向社長Johnny喜多川提出要求，令SMAP最後一次亮相《紅白》增添轉機。適逢昨日是SMAP出道25周年的大日子，廣大粉絲於網上紛紛留言，更湧到組合當年辦出道活動的西武遊樂場拉起橫額，自發性為SMAP舉行慶祝活動，而代表作《世界上唯一的花》的出貨量已突破300萬張，總算令SMAP出道25周年來得有意義。
SMAP於1991年9月9日加入樂壇，當年木村拓哉、中居正廣、香取慎吾、稻垣吾郎、草彅剛及已離隊的森且行六位一體，如今SMAP決定各行各路，被指出賣隊友的木村成為眾矢之的，有報道指他臨時決定留低原因，是尊尼事務所向他提出優厚條件，並安排木村擔任公司董事，導致隊友跟他關係決裂。
■大批歌迷昨日到西武遊樂場紀念SMAP出道25年。
■91年出道的SMAP選擇除夕解散，令組合將成歷史。
夫妻檔獲准合體
有指近藤真彥、東山紀之等資深尊尼藝人，除持續作演藝發展外，目前都身兼公司董事，木村都鋪路成為公司高層，據估計社長和副社長，目前年收高達6,000萬港元，推測擔任尊尼高層董事每年可達750萬港元進賬，一般董事年收都至少有約300萬港元，雖則賺錢卻不及拍戲及拍廣告可觀，但毋須再承擔收視及票房壓力，有網民對木村為養家也深表理解，尤其兩個寶貝女就讀的國際學校每年學費便逾33萬港元。而日本報章《東京Sports》昨日指，尊尼已開綠燈批准木村跟老婆工藤靜香於鏡頭前合體，料SMAP解散後便可以夫妻檔亮相螢光幕。撰文：哥羅
來源:
http://hk.apple.nextmedia.com/entertainment/art/20160910/19765865