2010-6-24 AD
| ||||||
曾特首自喻係南 韓,余若薇係阿根廷,算佢十分有風度,起碼有英美政壇人物之幽默感。可惜嘅係,佢在辯論台上,過份拘謹,唔識講吓流行用語以抵禦余若薇之諷刺,即二流推銷 員推銷次貨、不合規格產品。余大狀背後謀臣度到呢條橋,將曾特首定位為推銷員,政改方案為次貨,實在相當巧妙,比較之下,特首背後之政治班底,相形見絀。 照計何安達、劉細良兩人加上譚志源、黃偉綸,都係計仔多多之人,何故人在特首辦辦公,就會忘記了市井智慧?葉劉淑儀議員在有線電視惡評特首嘅班底,話佢哋 冇鬼用,肥仔K聽到,大嗌一聲話:「唉吔,葉劉議員連佢嘅頭馬都鬧埋一份!」 何出此言?肥仔K話:「陳岳鵬吖嘛,史丹福碩士,讀公共政策, 舊年成班留美學生在怡東酒店飲酒,我在其中,識咗佢,佢咪係幫葉劉搞匯賢智庫嘅囉。兩個幾月前先轉咗去特首辦做助理之嘛,乜葉劉咁快翻面不認人?特首出街 起錨,陳岳鵬陪伴左右o架!」 有時駡人駡得興起,邊會記得連自己嘅前任得力助手都鬧埋吖,政治係咁o架嘞。肥仔K認為余大 狀之推銷員比喻十分恰當,但言辭之間,對「行街」(推銷員俗稱)呢行,似乎帶有貶義,令眾多「行街」朋友,聽得唔舒服,覺得大狀有職業歧視之嫌。肥仔K覺 得特首其實可以即時回應:「我係推銷員出身,服務政府咁多年,大半生用於在本地推銷公共政策,在外地推銷香港,職業無分高低,推銷員勤勤懇懇工作,要買私 樓,多數從買上車盤開始,然後希望逐步搬到市區一千呎樓,然後希望搬上半山區住兩千呎,唔似得早已住在馬己仙峽道嘅成名大律師,一搬就話要上山頂獨立屋。 我現在推銷嘅政治方案係上車盤,上咗車先至有希望由細樓搬大樓,余議員,唔係人人都係資深大狀,唔可以一買樓就買帝景園嘅啫!」唔,守中帶攻,可以係北 韓,只輸一比二俾巴西,唔似南韓輸一比四俾阿根廷喎!頭大咗,學北韓與葡萄牙鬥攻,就會輸足零比七o忝。不過輸多少無關重要,最緊要係出線進入十六強,在 陸羽飲茶碰到議員W,佢好肯定咁話:「民主派分裂,政改方案會通過嘅嘞!」 |
| ||||||
現年四十七歲的鑽石王老五李澤楷,前年初跟為他誕下三子的梁洛施(Isabella)宣佈分手後,各自各精彩。人母梁洛施去年被發現拖猛男同遊巴黎,而「楷女郎」亦陸續浮面,包括八十後、家住屋邨的梁雯影,又被撞破跟名媛葉梁美蘭的中歐混血姪女、二十九歲大律師梁芳(Ella)在中環撐枱腳;日前二人再被本刊目睹在白沙灣遊艇會食brunch五粒鐘,小小超更李澤基爾上身,棄用司機豪華房車,做情聖親自揸開篷跑車,接送女大狀。 曬肌肉臂 李澤楷跟梁洛施分手兩年,專職在加拿大湊仔,有戲唔接的Isabella去年三月再度傳出新戀情,與男友把臂同遊巴黎羅浮宮。至於小小超,除被發現跟在天水圍屋邨出身的梁雯影外遊,又被傳媒影到跟葉梁美蘭姪女大律師梁芳,在中環日本餐廳Wagyu Kaiseki Den晚飯,惹來大批傳媒在門口等候,為怕Ella受驚,護花心切的小小超,臨時急召名媛好友葉梁美蘭出動,救走Ella解圍。日前,小小超跟Ella在西貢白沙灣遊艇會撐枱腳食brunch,入會費只需五萬蚊的白沙灣遊艇會,會所餐廳食物價錢亦十分平民化,不過未有影響二人雅興,在內嘆足五粒鐘。上午十一點,戴墨鏡、著polo恤、露出肌肉臂的小小超,跟同樣一身出海裝扮的Ella,刻意選擇坐在二樓餐廳內的角落位置。為免受到騷擾及引來注目,小小超吩咐兩名著風褸的保鑣,在會所大堂及遊樂場草叢一帶扮路人周圍行。 戒備升級 由於小小超帶同女伴出現,會所餐廳內的侍應早已自動波將戒備升級,每個門口均有人把守。食到下午兩點多,小小超起身離開座位,走去停在露天停車場的百萬Audi跑車,攞走一疊文件後,再折回餐廳繼續傾。「Richard(李澤楷)過往對女朋友出手好豪爽,豪宅現金話送就送;但對Ella就完全唔同,呢年佢變咗情聖,講感情,但早排睇中咗部新車,Richard就心思思,諗過送一部俾Ella。至於同Isabella(梁洛施),兩個已經冇聯絡,但對幾個仔的健康就好關心好緊張,搵醫生睇住,隨時向佢報告。」知情者說。 情聖揸車 當日小小超在餐廳內跟Ella有傾不完的話題,到下午四點左右才捨得離開。由離開餐廳到攞車一段路,二人邊行邊講邊笑,小小超更棄用司機,情聖上身,親自揸開篷車,送女友返屋企。據瞭解,梁芳早已有一個拍拖數年的男友,一一年九月被傳媒踢爆跟小小超在中環食日本餐,臨時到場解困的葉梁美蘭即表示姪女心有所屬,但其實當時梁芳跟男友感情已亮紅燈;小小超的出現,加上表現體貼,梁芳才決定換畫。 擴闊人脈 「大家知道Richard對Ella有意之後,都有啲出奇,因為覺得Ella唔係佢喜歡嘅類型,再加上有報導話Richard唔止一個女朋友,所以大家都叫佢睇定啲,工作行先,唔好輕易放棄事業。」知情者說。記者致電李澤楷求證他跟梁芳拍拖一事,電話長響無人接聽。至於介紹姪女給小小超的葉梁美蘭,回應二人拍拖時說:「佢哋唔係由我直接介紹認識,不過當日係一個商業性質飯局,我只係想擴闊Ella嘅人脈網絡,幫佢搵多啲生意,咁啱李生亦有出現,我唔知佢追Ella,亦唔知佢哋拍拖。」 叻女掌門人 李澤楷的情史豐富,身邊女友如走馬燈,儘管如此,小小超的擇偶條件絕非以貌取人,過氣女友十居其九「才貌雙全」,就算出身普通,也絕不失禮。92年在美國史丹福大學讀書時,與新加坡華籍女同學Margaret Chew拍拖,畢業後Margaret任職律師,二人拍拖一年後,性格不合分手。02年李澤楷被發現與任法官的李素蘭登上其價值3,000萬的遊艇共度週末,李素蘭出身於葡籍法律世家,父親是退休法官,哥哥是執業大律師。11年與梁洛施分手後三個月,李澤楷被拍到與八十後的梁雯影(Kirsten)同遊新加坡,當年26歲的她家住天水圍屋邨,中五畢業後於中環一高級西餐廳任職侍應而邂逅李澤楷,在餐廳做了三年多後,Kirsten辭工重返校園讀設計課程。 特工式約會 鑽石盤小小超拍拖鮮有高調,就算平日與女友撐枱腳,也甚少被外界撞破,全賴事前部署做得足。09年,梁洛施攜子李長治由美國秘密返港探親,李澤楷與梁洛施跟友人在ifc飯聚見面,亦先派人視察好場地,認為無可疑人或傳媒後,再搵司機接梁洛施及其他友人到目的地。除了事前各人均不知道飯聚地點外,有指小小超的保鑣會先在飯聚場地安上電話干擾器材,令出席飯局人士的電話受到干擾,失去信號,確保飯局地點不會即時洩露,保密行蹤功夫,做到好足。此外,12年與梁雯影約會時,也曾被傳媒拍到包下中環Classified整層樓,梁雯影更等李澤楷到埗後半小時,再由保鑣護送到達餐廳,同女伴一齊出現的情景,少之又少。 | ||||||