老公偷食後生女 41歲伍詠薇死頂：趁我唔喺香港!
1 :
GS(14)@2010-11-26 13:01:032010-11-22 nm
伍詠薇同從事廣告的練海棠結婚十一年，早前夫妻檔合資搞美容生意，表面上是圈中公認恩愛典範。
本月十一日，練海棠趁伍姑娘出遊上海，公然同打扮比老婆差一截，但年紀卻細一截的後生女到中環燭光晚餐歎法國菜，席上，二人不時甜蜜互望；臨走前，練海棠更公然同對方摸手仔，然後還雙雙跳上練海棠同老婆共同持有的七人車走人。
週一（二十二日），抱病在身的伍姑娘到中環睇醫生，見到記者，起初笑晒任影，一見老公同後生女的親密照，即時收起笑容死頂說：「趁我唔喺香港！」幾杯落肚
伍詠薇與好姊妹袁詠儀，今個月十一日結伴飛上海，準備出席朋友十二日晚舉行的婚宴。遲一日起程的練海棠，竟趁老婆離港同日晚上孖住個廿多歲、有肉地但打扮較保守的女子，現身中環蘇豪區，對身旁後生女越行越貼的舉動，照單全收。之後二人走入全場擺滿燭台的「Oolaa」法國餐廳。
初時，練海棠打算坐到較入的隱蔽位置，但女方卻扁晒嘴擰頭表示不贊成，要坐近落地玻璃對大街的開揚位，練海棠亦千依百順，冇再堅持。
坐低後，練海棠已開始滔滔不絕，其間女方不時點頭贊同，一臉冧樣。上菜後，二人仍邊食邊傾，不時互望甜笑。醫肚一個鐘搞掂，但練海棠未有急住埋單，繼續同對方飲住酒談心，坐到十一點，才叫人埋單。
全晚盡顯男士風度的練海棠，幾杯落肚後，開始嚟料，只見他忽然推開餐枱上的燭台，再一手捉住後生女的手，嘴角含春地望實對方。練海棠同女方摸完一輪手仔後，終於捨得起身走人，在餐廳門外候車時，練海棠亦恢復警覺，刻意與後生女保持一個身位距離，之後二人一同坐上他與老婆伍姑娘共同持有的白色七人車。
唔做齋『目及』
去年，伍詠薇與練海棠結婚十周年，男方在傳媒面前許下愛的承諾：「依家係啱啱過十年試用期，嚟緊仲有好多個十年，佢係我終身伴侶，無論係生活、興趣同人生方向都好啱，對佢永遠不變。」
口不對心！據知，有自己廣告公司的練海棠，近年已放手將公司業務交由下屬處理，不過，一旦有model試鏡，他就一定現身。「佢（練海棠）話驚啲同事揀唔啱客戶嘅心水，要親自幫吓眼，不過大家都心照，其實佢旨在『目及』女。」練海棠身邊友人透露。
想做媽咪
伍詠薇與練海棠九八年在黎姿安排的飯局下一見鍾情，拍拖兩個月，伍姑娘已公開表示認定對方是結婚對象，男方更即時「做嘢」求婚。翌年七月，二人於加拿大正式註冊，成為夫婦。
婚後，兩夫婦秤不離鉈，伍姑娘甚至將閨房樂同傳媒分享；而練海棠亦十分識做，每年結婚周年都搞派對，宴請老婆一班圈中好友參與。
二人世界多年，眼見好姊妹袁詠儀誕下兒子後，伍詠薇一度有意生番個，可惜一直未有所出。
哭笑難分
本週一（廿二日），伍姑娘唔舒服到中環睇醫生，記者上前拍照，素顏的她笑住話：「我病緊呀，而家去睇醫生！」
記者再遞上練海棠與後生女撐枱腳的親密照，原本四萬咁口的伍姑娘，笑容即時僵住，但仍強裝鎮定，回答記者提問。
壹：今個月十一號，我哋影到你老公偷食，同個女仔食燭光晚餐，好親密！
伍（沉默數秒）：趁我唔喺香港！
壹：你對佢偷食點睇？
伍：（重複兩次）未必係嘅！我問一問佢呢件事啦！（表情哭笑難分）
壹：個女仔你識唔識？
伍：我又唔識喎！講真，我要同佢傾吓，我暫時no comments。
其後，伍姑娘轉身離開，並一度攞起手上的iPhone企圖打電話，但醒覺到記者尚未離開，才沒有繼續，匆匆走入商業大廈睇醫生。
分頭搵食
圈中夫妻人前表現恩愛，但背後各自各精彩的大有人在，但時代唔同，偷食唔再係男人特權。
蔡卓妍
蔡卓妍06年與鄭中基秘密結婚，直至今年3月，二人被踢爆婚訊並同時宣布已辦離婚，不過人妻阿Sa早於去年10月，已背住鄭中基搭上師弟William陳偉霆，更有指二人在紅磡包長房做私竇幽會。
許冠文
許冠文與太太鄭潔英結婚38年，今年4月被撞破偷食「紋眉中女」，於西貢撐枱腳斷正，中女更慌張跳車買口罩遮面。
葉蒨文
95年，葉蒨文背負第三者之名下嫁林子祥，十年後，有傳葉蒨文搭上年輕羽毛球教練Mike，更為對方遠遷三藩市定居多月，其間，男方出入葉蒨文香閨過夜，用同一部車，關係密切。
陶大宇
陶大宇跟太太黃慧寶青梅竹馬，06年拍攝《學警出更2》，卻背住太太與郭羨妮撻着，黃慧寶一怒之下提出離婚，並直指郭羨妮是第三者。
結婚兩週喪夫
現年41歲的伍詠薇，細時家中環境唔好，14歲時入過黑社會，18歲喪父，89年在男友翁江培的鼓勵下參選亞洲小姐，奪得「最上鏡小姐」入行。90年，伍詠薇嫁入豪門，與比她年長30歲的香港安永會計師事務所高級合夥人翁江培結婚，當他第四任妻子，但婚後13日，翁江培因急性心肌梗塞病發，在深圳醫院病逝，21歲的伍詠薇頓成寡婦。當時有傳翁江培留下1.7億港元遺產，但因他沒有立遺囑，直至00年，伍詠薇分得900萬遺產。
92年，伍詠薇與牙醫男友張啟順（Alex）拍拖，二人拍拖五年半後分手。95年，伍再度活躍於娛樂圈，並轉型做歌手出唱片，橫掃年尾各大頒獎禮的新人獎，並接拍多部電影。98年，在黎姿介紹下認識練海棠，二人一見鍾情，拍拖7個月拉埋天窗。婚後伍詠薇加入無綫成為合約演員，接拍多部劇集，直至今年，伍詠薇向無綫請了一年假，專心經營代理的美容品牌「美人專門」生意。
無分你我
從事廣告業的練海棠（Kasey），曾效力本地著名的4A奧美廣告公司，後來與友人自立門戶，擔任creative director，出名的廣告作品包括：眼鏡88、鐵達時「天長地久」廣告等，高峰時年薪180萬。
伍詠薇與練海棠結婚後，除了男方與友人持有的廣告公司外，其餘的財產物業，全數加上伍詠薇的名字，二人持有兩間公司，包括愛芳肌有限公司及 Standard Faith Limited。95年練海棠以680萬購入南灣花園低層單位；07年，二人以848萬成功出售，獲利168萬。02年，二人以155萬購入般咸道麗怡大廈單位，至今仍持有。今年，兩夫婦投資7位數字開拓美容生意，成立品牌「美人專門」，推出產品「腳之燒腳膜」。
2 :
龍生(798)@2010-11-27 15:56:50唉, 我又唔怪佢老公喎...你睇佢對眼厲過謝雪心...
大家都係男人...點頂呀....
3 :
GS(14)@2010-11-27 16:11:55畀我都頂唔住呢個女人
周日專訪：張天愛、伍詠薇結「網」捕商機
1 :
GS(14)@2011-01-16 13:39:28http://hk.apple.nextmedia.com/te ... 307&art_id=14874046
內地人消費能力不容置疑，要攻陷這龐大市場，不一定返內地開舖。時裝設計師張天愛、藝人伍詠薇分別開網上公司，透過社交網站宣傳，反應出乎意料。以微博推廣，贏得逾 17萬粉絲追隨，伍詠薇說：「好多人質疑，呢個（微博）係唔係伍詠薇 o架？」 1秒售出 500件衫，贏得「秒殺女王」稱號，張天愛說，「現實世界冇一間店可以 10分鐘賣 1000件衫。」今時今日女人做生意，靠外表靠食腦，還要靠「網」。
記者：陳皓怡 攝影：程志遠、羅君豪
伍詠薇髮型： George@Hair
伍詠薇場地： KITCHEN@W HONG KONG
秒殺女王張天愛：網上賣衫一秒清倉
張天愛對網上銷售的認識，始於與現任丈夫結婚，在美國修讀相關課程，其後在朋友及代理商介紹下認識「小蟲米子」網站主持人，並獲邀建立「天愛小蟲」。
小蟲米子是淘寶網最受歡迎的女裝店舖之一，與不同設計師合作售賣晚裝、便服和上班服，價錢由幾百元至幾千元不等，網站透過張天愛成衣的代理負責管理，她則專注設計，「 10分鐘賣 1000件衫，現實世界冇一間店可以 10分鐘賣 1000件衫。」平均每秒售出 1.7件衫，不算紀錄，張天愛最高紀錄是 1秒售出 500件清倉，「『秒殺』，即係一秒冇晒！」張天愛見識過網銷的威力，更肯定透過這渠道銷售的決定正確。
忠於自己 專注設計
哪類衣服可以「秒殺」？張天愛說，銷售對象是上班族，「返 office冇時間出去 shopping，又或者住喺好遠想搵 city look嘅嘢，可以上我度買，好方便。」消費者可透過網購，找到便宜的貨品，張天愛說，網銷的商品不需貴價貨，「我想全中國好多年輕一輩想買我嘅嘢，未必需要著好隆重嘅晚禮服。」
網上銷售令張天愛着迷的地方，除了「秒殺」威力，還有其他原因。
90年代初她已踏足內地市場。首次創業，她既要負責設計，又要管理兼培訓員工，「因為我要好緊貼成盤生意，知道當中嘅 right and wrong」， 2000年內地分店已逾 50間，令她透不過氣，「大連、瀋陽、成都、走到我暈。去到又要做電台、電視台訪問，好攰。」
忠於自己，她選擇專注設計， 50間分店逐一在租約期滿後結業，餘下仍營運的賣給當時合作夥伴，「我只係睇版房， size出晒大中細唔使理，由一個 business person去理。」網銷亦解決了現實銷售中的存貨問題，「 H&M唔係每件衫都賣晒，剩低嘅喺 warehouse好平咁賣咗佢。我唔係一個好大嘅集團，壓貨可以整到間公司關閉。」網上銷售令她「賣幾多先造幾多。」
網上銷售另一優點是跨地域，除了力攻的內地市場，張天愛野心早放在地平線上，「去年（ 09年）很多件都是秒殺嘅，今年店（淘寶店）越嚟越多就慢啲，但唔會蝕，全中國全東南亞，總會有人鍾意嘅。」
「 Future is different！」
更重要是，防止抄襲，「每件衫都有 code number，網上賣幾多件就幾多件，唔會背後繼續做你啲款，但賣咗唔畀番錢你、呃你。」但網上侵權同樣嚴重，「賣完你咪抄囉，我唔介意，有所謂都冇辦法，大名牌都係抄來抄去。」
張天愛深信網購潛力，「好像電影《 Tron》一樣，以後喺網站做任何嘢。到時可能我都唔會出現，租一個金髮女郎代表我， Future is different！」她笑說。
微博天后伍詠薇：「美人」擁數千粉絲
伍詠薇 09年取得日本瘦身產品代理權，開設品牌「美人專門」，誓要在美容界闖出名堂。由藝人轉做商人，「係困難啲，崗位唔同咗，要多聆聽同學習。」
近 10年，很多人找她合作做生意，「好多公司搵我去搞 Spa、美容院。不過 Spa有好多人要管理，經理、美容師。諗得慘啲，如果經理帶人走，你間美容院就企咗喺度，做產品冇咁複雜。」 4年前發現現時代理的美容產品，遂開展美容生意。
伍詠薇自覺有做生意特質，「我係一個好快做決定嘅人，好多客覺得畀咗錢出去，鍾意人哋做好多工序，『你印 10個款畀我，掟多啲 idea畀我』。好嘅嘢你畀 3個我就夠， 3個中就夠，其他 7個都係廢嘅。」
親自回答 粉絲狂問
演藝圈打滾多年，伍詠薇的人脈及交際手腕絕對具宣傳優勢，所以她主要負責公司對外事務，「啲人唔使重新認識我，對你信任大啲。唔好嘅死都死快啲，啲人接觸我容易啲，講是非都講我先。」因此，她要比一般人更用功，產品質素要更好。
知名度對網上推廣有優勢，她透過微博及 facebook推廣，單是伍詠薇的微博，已有逾 17萬粉絲。
她又為品牌設微博， 2010年 6月首推第一件產品到現在，「美人專門」微博累積數千名粉絲。相對 facebook僅千餘人，微博有壓倒性優勢，但不同渠道，吸納不同顧客，「其實我兩樣都 buy，可能我自己都 keen on玩微博，所以幾強， facebook反而多外地人，好似美加嗰啲。」
剛開設微博，她遇到不同的問題，「好多人質疑，呢個（微博）係唔係伍詠薇 o架？係唔係騙局呢？」到網民知道是她本人，又衍生新煩惱，「有時當你話俾呢個人聽點用件 product，你以為解答咗個問題，但粉絲發現我答佢，就不停咁問。不過，時間耐咗，大家都知道乜嘢我會答，乜嘢唔會答。」
「你要邊做邊問」
會否因網上宣傳奏效放棄傳統宣傳渠道？倒未必，「呢個係雞同雞蛋嘅問題，香港受歡迎的女性雜誌必須落（廣告），因為佢哋（讀者）睇到。好似每次揭開本雜誌見到『美人專門』，咁就容易入腦。」此外，從事廣告業務的丈夫亦成為伍詠薇的強大後盾，親自傳授建立品牌的方法，「如果話 apple係 a-p-p-l-e咁就死啦。佢好似講古仔咁，以前做嘅 brand有咩 interesting嘅嘢，了解後就容易發問。」問對一個問題受用無窮，但首先是敢於發問，「你要邊做邊問，有時有啲問題好難講出口。」
娛樂圈很多人都想轉戰商界，但成功的人不多，可有擔心失敗？伍詠薇斬釘截鐵說：「如果對自己冇信心，點樣去 sell去賣。」
2 :
拔刺者(4132)@2011-01-16 18:18:53其實sina點靠微博賺錢？
3 :
GS(14)@2011-01-16 18:24:192樓提及
其實sina點靠微博賺錢？
新浪微博的“江湖挑逗”
http://realforum.zkiz.com/thread.php?tid=11431
誰敢來踩界 伍詠薇
1 :
GS(14)@2016-06-12 02:55:222016-06-01 EW
自從今年亞視執笠，四月新電視台ViuTV加入戰團，香港電視史上起了一場革命。
同樣起革命的，還有現年四十七歲的伍詠薇，去年她與無綫結束二十年的賓主關係，回復自由身，今年不但過檔有線拍攝綜藝節目《伍姑娘真識食》，又到內地拍攝清裝宮廷劇《美人香》賺人仔，脫離無綫，前路反而更廣。
「我好有觀眾緣，我呢一類型都好渴市㗎，無人夠膽做嘅嘢我都敢做，好似吸氧氣嗰幕（○七年香港先生選舉中，戴氧氣罩扮暈），呢一行真係好少我呢啲怪女人，只要邊度畀到創意我，我就去邊度！」
敢怒敢言，勇於起「革命」，這就是伍詠薇。
與山聰破冰
沒有合約束縛，沒有立場顧慮，回復自由身的伍姑娘一身輕，不怕得罪「方丈」，更女俠上身，說訪問可無所不談：「講！乜嘢都講！無事不可對人言，我都無秘密嘅！」
她離開無綫，有指是因為無綫某高層惡言相向，令她反面離場，主動與無綫提前解約。「當時我係去傾一套電視劇，傾得好唔愉快，全世界估係咪有邊個高層得罪咗我，其實估錯晒！我無資格畀人哋得罪我，只係有一個同事，我同佢傾得唔愉快，得到好無禮貌嘅對待，我就決定唔接套劇！」
雖然已離開娘家，但關係依然，近年無綫劇種被網友指毫無新意，但伍姑娘卻大讚《殭》好睇，更提到已「割席」的契細佬陳山聰。
「《殭》我有睇晒，我覺得演員無問題，個組合幾新，片頭陳山聰（做殭屍）抹嘴嗰吓，我買山聰會跑出嚟㗎，之後先到鄭嘉穎。第一眼我已經覺得山聰一定會爆，因為有新鮮感，但睇睇吓發覺個劇本唔係咁連貫，陳山聰咁重要嘅一個反派，應該要同鄭嘉穎有好多打鬥場面。」
以我認識伍姑娘的個性，還以為在戲中看到陳山聰的身影，會馬上熄機，皆因一一年與何超雲拍拖的山聰「玩出禍」，於生日當天致電給她玩絕交，令伍姑娘大感憤怒，隨即取消他的微博關注，並公開與他「割席」，暗指他見利忘義。如今卻對陳山聰演技有讚無彈，難道兩人已經破冰？
「我同佢根本就無嘢，只係一直唔見之嘛，哈哈！講真，我係睇戲（心態）嘅，總之見到山聰出番嚟（拍戲），就知佢發生咩事啦！佢同我就好似殭屍同不死人（指專門殲滅殭屍的不死身）咁，但佢喺《殭》真係做得唔錯，我好公平嘅，一路講山聰我都無口窒窒呀，哈哈！呢個世界係圓嘅，電視台都係得嗰幾個，你一定會遇番嗰啲人，呢啲仇又有乜好記？」
脫韁的野馬
伍姑娘能不記仇，老公練海棠功勞不少。她笑指，老公脾氣好、分析能力高，時常為她中和生活上的苦事。「人哋多數話，夫妻要互相包容，但我唔係，一直都係練海棠包容我， 佢錫我錫到有時袁詠儀都鬧佢 ：『你唔好咁縱你老婆得唔得呀！你當佢女咁縱唔得㗎！』呢個咪我嘅福氣囉！」
筍盤難求，更何況一個好老公？當年因黎姿牽紅線，認識從事廣告業的老公練海棠，猴擒的伍姑娘即時兩眼發光，相識一個月，馬上出招逼婚。
「我係烈女嚟，當年係我溝佢嘅，係我逼佢同我結婚！（九八年）十一月八號黎姿介紹我哋識，我第一眼就覺得佢正呀！十二月，我就同練海棠講我想同佢結婚，佢嚇咗一跳，話點會有女人一嚟就要同人結婚，不如訂婚先？我話好！我哋九九年二月一號就訂婚，仲叫埋我以前個男朋友出嚟做見證，之後我再話咁七月一號結婚啦，我哋嗰日就真係去咗加拿大結婚，前前後後只係八個月左右。」
女人年過三十，恨嫁在所難免，伍姑娘早於廿一歲就經歷第一段婚姻，與相差三十歲的前香港會計師公會會長翁江培結婚，但婚後十三日，前夫因心臟病離世，感受過喪夫之痛，仍無懼再婚，真的不怕掀起情傷？
「我係一匹脫韁嘅野馬，雖然我好癲，但我唔係壞。個天畀咗兩段婚姻我，第一段婚姻係翁先生，我細個好希望有個夢幻嘅婚禮，想行麗晶酒店條雲石樓梯，佢畀咗我；我又想要一個成熟穩重嘅男人，我又搵到喇，多謝個天！ 家仲要畀多一段婚姻我，我好多謝佢（練海棠），嚟緊七月我哋就結婚十七周年喇，估唔到我可以維持咁耐，哈哈！ 」
辣招抗小三
經常秤不離砣的二人，經歷過兩次七年之癢，伍姑娘亦高呼amazing，看來野馬都有被馴服的時候。
「（結婚）頭三年梗係好過癮啦，熱戀吖嘛！團火仲喺度！之後到第五年，啲火已經無咁『冚冚聲』；到第十年，所有浪漫嘢已經做晒， 家我哋就好似坐喺老人院咁，哈哈，講笑咋！之後就開始細水長流，會更加關注佢心靈上嘅需求，當然身體上嘅（需求）都好多啦！哈哈哈！」伍姑娘扯高聲線，高八度笑着說。
老公一表人才，又是廣告界才俊，有索女埋身，實屬等閒事，想必伍姑娘定有「辣招」對付外來「小三」，怎料她只拋下一句：「有女埋身咪埋囉！」
她續說：「點都要畀我認叻先！我承認係有好多仔埋我身，我都好有魅力㗎！佢係有好多女埋身，但天蠍座嘅男人係唔會話畀你聽， 所以我咪舒服囉！
「以前我有好多男朋友，細個直情做埋『緝私隊』，攞晒男朋友啲嘢嚟睇，何止睇手機，睇埋佢食飯啲單添呀！張單得嗰幾嚿水，同我講幾個人食飯？ 逼到佢（前男友）講（真相）為止！但 家人大咗，唔逼喇，好煩啫！做人好似塊鏡咁，你只可以影響對方，唔可以改變佢，有女埋身咪埋囉，只要知道屋企個老婆最重要就得！」
結婚多年，我一直知道她恨有兒女，但奈何未有音訊，她直言已過了想要BB的階段。「啱啱同佢結婚時，狂（做愛）呀！有仔趁嫩生嘛，但生唔出，我十二生肖都追過晒，但有時女人就好似恆生指數咁，差唔多去到三十歲尾後，就覺得有無小朋友都無所謂。
「因為我都仲係一個細路仔，嗰時我問佢：『你介唔介意湊住我呢個細路仔，而我哋係無小朋友？』佢答我OK，我覺得佢好偉大，所以就決定唔要小朋友喇！」
巨星朋友幫
伍姑娘大情大性，在圈中有不少巨星好友，如草蜢、周汶錡等，但講到頭號老友，一定要數袁詠儀和張智霖。
「當年我啱啱完咗亞視份約，出嚟拍電影，就識咗阿靚（袁詠儀）。嗰時佢拍咗《新不了情》，但仲未攞金像獎（最佳女主角），係佢最招積嘅時候。九四年我再同佢拍《姊妹情深》，已經覺得佢好臭寸，事後我問番佢當時點睇我，佢話覺得我『亞視』囉，所以唔想睬我喎，佢個死八婆吖！其實佢同我性格好似，都係咁大情大性、無機心。
「後來佢介紹咗佢個茂利男朋友（張智霖）畀我識，咁啱嗰時我要同Chilam拍套六十集嘅電視劇（《天地男兒》），佢做我細佬，每次見到佢就好想笑，到 家都係！」
伍姑娘還笑指，張智霖在其朋友圈中最為八卦：「佢口頭禪係：『講啲秘密嚟聽吓，唔講我就爆你嘅壞話出去！』不過佢只係純粹八卦，唔會真係爆人秘密。」
照伍姑娘性格，當年看到Chilam這塊「小鮮肉」，應該嗒晒糖，她即笑說︰「初初打算同阿靚鍊過，但最終鍊咗個『老練』（老公練海棠）返嚟，哈哈！ 我同佢兩夫婦應該係十世前嘅親人嚟，呢一世都唔會分開，佢哋係我No.1最好嘅朋友。
「第二位係黃佩霞，我哋同樣都係拍戲識，但講到真係同佢熟絡，係佢生女嗰年，個女嘅爹哋要同佢分開，但佢好成熟，係我心靈同健康上嘅開導者，我唔可以無咗呢位朋友！」
性格爽快，又是義氣仔女，這天訪問一直在笑聲中度過，伍姑娘名副其實是眾人的開心果。
鄭紹康（Francis） 著名公關公司「天機」ＣＥＯ，每年主理超過二百個中港項
目，有「天下第一關」之稱。在公身兼專欄作家、經理人；在私為不少名人、名二
代閨密。藉本刊專欄「紹看風雲」，揭開名二代、名三代不為人知的一面。
文字整理☆蔡安儀 攝影☆蔡豪 場地☆Greenhouse 髮型☆Coren Cheung@HAiR
化妝☆Din
[email protected] Cosmetics 服裝☆ITHK 設計☆黎志堅
人在江湖 悲喜事都付笑談中 譚詠麟 戚美珍 伍詠薇 陳小春 2016年09月02日
1 :
GS(14)@2016-09-04 18:16:31http://www.am730.com.hk/article-328016
喜劇，往往源於悲劇，喜與悲，千絲萬縷，正好貼切形容黑色喜劇《江湖悲劇》。故事圍繞無奈被欽點做社團大佬的悲劇人物「金銀倫」，角色由在演藝圈甚具江湖地位的譚詠麟(校長)飾演，是他繼30年前的《江湖情》和《龍之家族》等黑幫片後，重出「江湖」之作。所謂江湖，可以是黑幫大佬廝殺惡鬥之地，亦可借喻現實社會牢籠裡爭名逐利的生態，在娛樂圈打滾好比江湖掙扎求存，人在江湖，或多或少總受過點委屈，今日地位超然、素來萬事看得開的校長，更自爆初出道往台灣拍戲的辛酸遭遇……
文：許惠敏 圖：鍾式明、陳奕釗
髮型：Perny Tang@Silkcut Salon(譚詠麟)、Beijing hair culture clifflam (陳小春)、Debby Kwan (伍詠薇)
化妝：Eva Chuk@Faces make-up studio(譚詠麟)、Andy Leung@ndnco (陳小春)
服裝：A.P.C (伍詠薇) 場地提供: E-MAX
電影由「頭條超人」林超榮編導，由校長、古惑仔代表陳小春、大情大性的伍詠薇和久休復出的戚美珍(三嫂)主力炮製，影片本名叫《江湖喜劇》，小春在拍預告片時，忽然爆肚：「江湖無喜劇，只有悲劇。」繼而校長回說一句：「改名吧！」監製靈機一觸，索性改名為《江湖悲劇》(下稱《江湖》)，故事有兩條主線，黑幫話事人金銀倫與舊情人(三嫂飾)，以及一直密謀奪權的社團二佬「龍山」(陳小春飾)和「龍山嫂」(伍詠薇飾)，絕對是非一般的江湖片格局。
譚校長×三嫂
另眼相看
不一樣的校長
近廿年來，校長參演電影多屬客串玩票性質，今次重現大銀幕，查實是被片種與手法的新鮮配撘所吸引，漫畫化的荒謬喜劇，跳躍式交代劇情，是校長的新嘗試，校長說：「香港的江湖片，沒試過以漫畫手法拍攝，這算是第一次。」三嫂更坦言：「真的是因為他，我才會接拍。」現實是兩人認識多年才首次合拍電影，戲裡則是一對失散廿年的舊情人，別具意義，「我倆相認的一場，尤有雙重感受，除了角色的感受，也讓我遇上從未見過的譚詠麟！」三嫂續說：「有場他孭著我逃命的戲，先是孭著我奔跑，再孭假人轉身做動作，最後又再孭著我，畢竟已『25歲』了，真佩服他的毅力和魄力，我的體重倒不輕！」校長回應道：「導演擔心她會跌下來，給我一個很硬的假人，竟然還跟真人一樣重！」最終，他亦完成任務，整體拍攝都在歡笑吃喝裡度過。
一鏡到尾 全場鼓掌
「唯獨一場戲覺得『心噏』，要表達我的委屈和辛酸。」教校長心事重重的，是片末一段又唱又哭的獨腳戲，以一曲《天邊一隻雁》訴盡金銀倫喜歡唱歌，卻身不由己當上黑社會大佬的委屈，最後他更要扭轉整體氣氛，帶來happy ending，「所以一定要慎重處理，我先跟超人(導演)講明，希望能夠一氣呵成。」在三嫂眼中，平日鬧笑著玩的校長，在拍攝當日判若兩人，「那場戲我全程在場，印象很深刻，他很凝重，我偷看到他早已準備好自己的筆記。」校長直言，當天抵達片場，已公開宣告閉關不玩，準備清唱引入長篇對白，他不忘多謝三嫂同場交戲，讓他投入角色情緒，「雖然沒有拍她入鏡，但她仍不斷交戲給我，我不時回望，便見她熱淚盈眶，這種好拍檔去哪裡找？」結果，校長真的一鏡演到尾，還贏得全場掌聲，現場目擊的三嫂說：「他那段長長的對白，跌跌盪盪的心情，令全場包括臨記都感動拍掌，他們不是觀眾，連一起拍戲的人也表達欣賞。」校長大感鼓舞，至今仍難掩興奮心情，「比演唱會台上經常聽到的掌聲更犀利，拍戲竟然有人拍掌，真的很開心！」三十多年前《假如我是真的》的金馬影帝，校長絕非浪得虛名。
赴台拍戲 速學國語
回顧漫長的演藝歷程，校長雖紅遍整個八十年代，卻也難免遭遇挫折，「人生總有高低潮，視乎你如何面對和解決，通常我瞓醒便會忘記不快，而且我不會自怨自艾，一定會想辦法解決。」當年溫拿樂隊解散後，校長曾經獨自赴台拍戲，他與林鳳嬌合拍《忘憂草》，由《再見阿郎》的台灣名導演白景瑞執導，「當時我不懂國語，第一日開工，第一組鏡頭便NG了3次，我說了幾句對白，導演便叫停，已心知不妙，他說『今天可以收工，因為我發現林鳳嬌不曉得譚詠麟在說甚麼，現場每一個人也不曉得譚詠麟在說甚麼！』真的很大打擊啊！」幸好，校長沒有被棄用，副導演將所有對白錄下來，給他一星期的練習時間，「那星期我廢寢忘餐，日日夜夜背對白，總算克服了當時的困難。」一直靜心聆聽的三嫂感同身受，「我明白當時真的好難受！」校長點頭道：「真的難受，不過我3個月後已經能夠做節目主持！」筆者問：「說國語？」化挫折為推動力的校長，一臉得戚地以國語回答：「當然啦！」
過足戲癮 談為母之道
看校長演得過癮，可會挑起三嫂的戲癮？「一向都有戲癮，只是始終有家庭，要兼顧很多事務。」隨著一對子女長大成人，三嫂不諱言：「遇到適合的角色和好劇本也會考慮。」在《江湖》裡，她飾演育有一女的母親，自然得心應手，「很有feel，會將現實生活與阿女相處的片段，放入戲裡。」校長立即鬼馬地問道：「有場戲是你跟女兒(談善言飾)傾偈，抽了個避孕套出來，真實有冇試過？」三嫂認真答道：「沒試過，我覺得女兒很醒目，懂得保護自己，反而個仔試過！其實我很安心，他倆拍拖都會主動跟我講。」原來，三嫂和三哥(苗僑偉)甚重視親子時間，無論工作有多繁忙，每天都必定陪年幼的子女入睡，孩子自幼便養成跟父母分享心事的習慣，教三嫂大感安慰，「最感恩是他們做錯事也會主動跟我說，其實他們不說我也不知，阿仔卻說要講我知，心才感舒服。」校長亦大表贊同，「能夠跟子女做朋友才可聽真話，知道他認識甚麼人，便可協助分析問題。」
陳小春×伍詠薇
誇張奔放vs柔韌自如
陳小春與伍詠薇，早在96年的《嫲嫲帆帆》已跟譚校長結片緣，前者演弟弟，後者則演妻子，21年後，兩人在《江湖》裡合演夫妻，迸發出教人捧腹的喜劇火花。「龍山嫂」綽號「癲姐」，既要推不思進取的老公「龍山」上位，為奪取大佬之位，又要情挑金銀倫，暗想自己做話事人，在角色拿捏方面，伍姑娘坦言，「起初是有點包袱，因為要整個團隊配合，才能達致搞笑效果，我的角色總要比他們誇張一點。」小春對伍姑娘的奔放演出，大感佩服，「她在全片的energy都在上升，我拍《樹大招風》都試過類似的演法，其實頗倦，不只是靠惡，更要有power，意想不到，她可以場場都爆，更能映照我這角色的廢。」伍姑娘亦回敬說：「小春很柔靭，可以很威猛，惡到全條街都怕，又可陰聲細氣，處理得恰到好處。」兩人同場，不斷發放笑彈，小春最難忘是酒店嬉春的一幕，伍姑娘即時高呼：「是交歡呀！」小春續說：「交歡啦！在廁所浴室呈現，都幾好玩好笑。」訪問你一言我一語，不時引來哄堂大笑，電影的爆笑程度，觀眾不難想像。
自我調適 No Big Deal
電影頗有人在江湖，身不由己的意味，小春與伍姑娘演來可有共鳴？小春認為，影片的潛台詞是「反江湖」，他分析道：「這戲是叫人不要入黑社會，龍山做了大佬，一頭白髮又有皺紋，跛著腳似乞食！」伍姑娘則認為，演員能夠做自己喜歡的工作，沒甚麼身不由己，「假如入錯行後悔，辛酸只有自知，就如金銀倫做了幾十年大佬，位高權重，根本不快樂，這反映很多人看似有錢又開心，他的難處又有多少人知？」人生難免遇上不快事，關鍵在於打開心扉，自我調適，伍姑娘自言天生樂觀，「以前會較火爆，遇到記者對我差、鬧我，或遇到不公平的事，我會著火！但人大了便懂得平常心，問題是用來解決的，若有人令我難受，我會笑笑便算，就是恥笑對方，發怒會死很多細胞，我已學會養生。」小春則笑言自己一覺醒來便無事，「可能是結了婚，真的覺得no big deal，始終有老婆兒子，不會搞太多事，尤其回家見到孩子，雖然他不太理睬我，但整個人都融化了。」看小春一副有子無事足的模樣，幸福滿溢，完全明白晒！
伍詠薇唔慣屋企有人
1 :
GS(14)@2017-01-05 08:01:11■伍姑娘（左）及向海嵐在慶功宴上，向詹瑞文獻吻。
伍詠薇（伍姑娘）、詹瑞文（詹Sir）、林嘉華、向海嵐及賴慰玲等主演的舞台劇《嬉春酒店》，前晚於理工大學圓滿謝幕，伍姑娘獲老公練海棠獻花。詹Sir表示希望今年可以再在港或內地做巡演，他同時又大讚伍姑娘付出很多心機，原來她為了專心演出，要暫別老公兩個月，獨自搬到酒店住，她說：「我由11月開始就冇返屋企，因為我覺得做舞台劇好需要集中，如果返屋企同老公傾吓偈，睇吓《新紮師兄》、玩吓貓，就會好分心。」雖然最近跟老公少了見面，但伍姑娘認為皆有所價值：「舞台劇反應好，乜都值得，真係好開心。當然?家做完晒，要抽啲時間陪老公，不過搬返屋企又唔慣多咗個人。」採訪、攝影：盧妹
來源:
http://hk.apple.nextmedia.com/entertainment/art/20170103/19884450
伍詠薇揀劇本專心執導
1 :
GS(14)@2017-01-26 18:22:19■（左起）伍詠薇、方力申和盧覓雪昨日出席nowTV宣傳活動。
伍詠薇、盧覓雪和方力申昨日在銅鑼灣出席「nowTV2017第一季節目巡禮」，剛替ViuTV拍完《碌卡大導》的伍姑娘表示，節目出街後反應好好，收到不少導演朋友的祝賀電話，而且已有投資者願意出資讓她執導，她說：「已經有三個電影劇本喺度，等我消化吓先，如果真係拍自己唔會埋位演啦，做好導演角色先。」至於方力申就表示會陪家人返北京探親度歲，問到可擔心被親戚催婚？他說：「佢哋已經放棄咗我，加上啲表妹表弟有晒小朋友，掛住玩細路邊得閒理我。」可會到緋聞女友何超蓮家拜年？他說：「人哋嘅嘢唔講啦。」採訪：曹家誠攝影：陳俊強
來源:
http://hk.apple.nextmedia.com/entertainment/art/20170126/19908707
伍詠薇俾仔圍冧爆
1 :
GS(14)@2017-05-06 11:38:42伍詠薇與余香凝、張建聲和郭偉亮（Eric）近日合作電影《三個綁匪七條心》，伍姑娘飾演一名上市公司主席老婆，老公有米卻爛滾，老婆不甘寂寞夜蒲媾仔，卻遇上老公生意上有牙齒印的張建聲、Eric及徐浩昌（肥腸）三兄弟，他們綁架伍姑娘要脅其夫。伍姑娘日前受訪時表示：「我好鍾意同後生仔女合作，三男好曳，成日蝦啲女仔，但拍得好爽。」是否樂於沉醉被仔圍？伍姑娘冧爆三男對手：「肥腸肥嘟嘟幾得意，想打鑊佢，Eric係怕醜仔，張建聲太老正，不過佢好精靈，好有潛質呢行發展。」採訪：陳杰
來源:
http://hk.apple.nextmedia.com/entertainment/art/20170506/20012020
Next Page