📖 ZKIZ Archives

銀行落雨收遮U-Right猝死之路

2008-10-16  NextMagazine


上週三被債權銀行德意志銀行入稟清盤的佑威國際（U-Right），是金融海嘯下首家倒下的大型零售連鎖店。標誌着零售業正步入嚴冬，裁員倒閉潮一觸即發。

佑威的死因是擴張過急以至負債過重，過往公司不斷透過配股集資，主席梁鄂甚至自己作擔保，以高息向國內廠房的工人借錢，現時銀行自身難保，收緊信貸，就加速把佑威送到清盤之路，借錢予公司的工人，更是血本無歸。

拖欠恒生、東亞、德銀等十八間銀行及其他內地銀行逾十三億元的佑威，上週分店內仍大字標題寫上「盤點清貨」，十九元一件T恤，一百二十元兩條牛仔褲，雖然只收現金，仍吸引不少來執平貨的市民。

其 實佑威八月公布業績時已露財困端倪。過往盈利有穩定增長，兼在內需概念刺激下，去年股價曾攀上五毫六仙高位的佑威，今年公布的純利只得六千一百萬元，按年 大幅倒退五成，令股價一日內大跌近兩成至一毫一仙四。到九月二日，佑威主席梁鄂，曾嘗試透過股本重組，包括將股份十合一，再一供五集資最多兩億三千多萬救 急。但消息反令股價翌日再度插水近五成。

曾在湖北家鄉當過農民的梁鄂（左二），白手興家將佑威在二千年上市，搖身成為上市公司主席，惜最終被金融海嘯所淹沒。

員工除了等，都沒事可做，上週六早上順德U-Right廠房的工人，在辦公室門口空地寫大字布條：「誓死討回養命錢」，並將之掛到佑威辦公室大樓外牆上。

債主臨門

股 價連番下跌，最終引起多間債權銀行關注，皆因部分銀行持有大堆佑威的可換股票據。例如德銀去年十月便向佑威借出二千四百萬，換來的是佑威一批為期三年的可 換股票據及認股權證，現時德銀仍持有佑威逾百分之六股權。銀行紛紛向佑威發出催款通知書，總計有八億五千萬元。有銀行更立即暫停佑威的短期無抵押雙邊貸 款。

到九月十七日，佑威不得已委聘德勤作獨立財務顧問，向銀行編製財務報告，並於同日宣布停牌。原本梁鄂還可寄望供股集資以解燃眉之急，但 公司股價自去年七月高位，到公司停牌收市價只剩十四仙，累計暴跌九成七。原本是梁鄂老友的包銷商金利豐證券老闆娘朱李月華，見勢色不對，亦急急終止包銷協 議，佑威遂走上清盤之路。二千年上市的佑威，近年來幾乎年年發行新股集資及向銀行借錢，今年七月，籌得總額達一億五千萬元的三年期銀團貸款；去年全年，又 兩次發行新股集資超過兩億。○三年佑威總負債不過兩億六千多萬，五年間已暴升至逾十三億。「銀行係出現咗金融海嘯先收緊貸款啫，過去嘅五年，啲銀行好進 取，不斷叫廠佬借錢擴張，貪佢哋有廠有地夠穩陣。」一名在內地做製衣的港商說。

大舉投資納米技術

據清盤人德勤指，佑威的死因 是將短期資金作長期投資，而在內地的投資則將短期資金鎖住。佑威近年大舉集資發展納米業務，○一年起開始引入瑞典的納米處理技術，並將之應用在紡織品及成 衣上，沙士期間，佑威生產的納米口罩及醫護外套大賣，銷量比T恤還要高，令公司○四年盈利大增近四倍。

同年，心雄的梁鄂更與內地公司合作，在江西省南昌市建立號稱全國最大的納米紡織處理基地，第一期便已經投資三億元。「納米以前算係新嘢，但近年應用廣泛咗，競爭亦大咗，毛利自然減少。而且納米話防污防水，但消費者好難憑肉眼睇到有咩特別，人地去U-Right買衫都係因為平，講功能不如去買Columbia又或者貴價嘅Gore-tex衫！」一製衣業內人士說。而佑威的納米業務，由高峰期佔佑威總營業額三成四，近年已回落至只佔兩成六。

另一方面，梁鄂又利用貸款不斷擴充香港及國內的零售點，由○五年香港和內地分別只得十九間分店及三百三十個銷售點，到清盤前已急速膨脹至香港有九十五間分店，而國內則有五百一十六個網點，更把其服裝王國擴展到九個中東國家。梁鄂甚至在香港及上海買鋪，金額數以億計。

兩年前佑威在上海開設新品牌店鋪時，更豪擲百萬請一眾老友如孫明揚夫婦及朱李月華等去上海剪綵兼擦大閘蟹，連股評人陸叔和連敬涵都是座上客。表面一片風光的佑威，其實已經暗暗在陰乾。

高息借工人血汗錢

上 週五，記者去到佑威順德的廠房，發現工廠已被當地司法部門查封，閘門上則掛着「還我血汗錢」的大字布條，原來當天早上，已有近百名工人到市政府求助，指老 闆梁鄂三月時因資金周轉不靈向內地約四百名員工，合共借了二、三千萬元，卻一借無回頭。其實從○一年開始，佑威每年都會向員工集資，每次為期四個月，期滿 便以本金的百分之十五至二十作回報，借款最少要一萬元，不少員工見利率比銀行還高，都想盡辦法籌錢借給公司。

「我把湖北老家房子抵押了，把 錢借給老闆，現時家中還有兩名孩子，老婆還有精神病，現在還得瞞着她。」一名借出五十一萬元人民幣的員工說。本來梁鄂父母、弟弟梁城、妹妹梁玲都在廠內設 有睡房，但中秋後房間卻空空如也。「他們一家人中秋前開會，說公司要重組，開會後便漏夜把值錢的東西都搬走。他們還找來收垃圾的，把搬不走的值錢東西都賣 掉了。」

梁鄂（右一）的太太嚴玉琳（右二），曾任保良局總理，○六年二人曾與一眾老友，包括金利豐證券老闆朱李月華夫婦（右三、右四）、孫明揚（左三）及太太鍾小芬（左二）等出席保良慈善演唱會。

其中一名員工向記者出示其借貸收據，但並無寫明利息多少及何時歸還，一切只靠口頭承諾。「我連祖屋都抵押了，借了五十一萬元給他！」

零售業嚴冬

而存有公司財務資料及員工借錢檔案的電腦伺服器，亦不翼而飛。「他們走之前一星期，已吩咐梁玲到佑威的零售店拿走所有現金，存入另一個賬戶去了！」至於其他高層，於中秋休假後，都以「去香港開會」為由，全部撤退。

祖籍梅州，十九歲才由武漢移民來港的梁鄂，八十年代曾與胞弟梁城在紅磡廣場開設「77」男士服裝店，代理蘋果牌及積牌等牛仔褲，八九年才創辦自家的U-Right品牌。對紅磡這個發跡地情有獨鍾的他，去年豪擲三千七百多萬買入紅磡海名軒高層單位自住，惜今年六月已要加按套現。為怕債主臨門，夫婦二人終日躲在家中不敢露面。佑威清盤，顯示金融海嘯對經濟的影響浮現出來。

本 身經營Toppy、Episode等服裝品牌，代表零售業界的立法會議員方剛指：「我哋做服裝一般係半年至九個月前已經買定啲貨存倉，現時市民消費意慾低 迷，時裝零售首當其衝，人人都唔買新衫。銷唔到貨，令存貨量大升，變相流動資金少咗。以前環境好，可以向銀行借錢交租、出人工，而家銀行同銀行之間拆息都 收緊，更唔會借錢俾中小企。」他指商鋪無流動資金等於人無血液會死，如果經濟持續差下去，會引發骨牌效應令更多公司出事。

縱觀上市的零售股中，不少公司的短期債務佔總負債逾八、九成，其中先施、威高等手頭現金較為緊張，一旦銀行收緊信貸，這個寒冬不易過。

泰林結業銀行更緊 左丁山

2008-10-21 AppleDaily


泰 林電器突然全線結業，令人意外。泰林已有六十年歷史，左丁山係細路仔之時，已知道泰林賣靚嘢，賣貴嘢，咁老字號，久經風雨，歷六七暴動，八七股災，九七金 融風暴，○三沙士而不倒，唔通今次抵唔住金融海嘯？思之令人遺憾。亦驚係一葉知秋，零售業生意難做，○九年好難捱，尤有甚者，泰林欠債一億元，拖數不少， 供應商有大損失嘅話，可能骨牌式倒下，牽連更廣。

退休商家P已不問商事，只在文化藝術教育方面下工夫，到香港大學教MBA，樂得逍遙。泰林 倒閉前一日，佢請左丁山到電氣街食法國餐，話明法國鄉間風味，絕不扮嘢。P老哥係熟客，叫法式燒豬、雞炒飯、西班牙火腿，加上甜品，果然正到無倫，左丁山 好耐冇食過咁靚嘅西餐。但係，可惜吖，成間餐廳，只係得我哋兩個人食午飯，兩個鐘頭內唔見第三個客人行入內，餐廳點維皮呀？後來先知道，餐廳係老闆自置物 業，一於唔使驚喎。

市道如此，租金應該下調至啱，但前星期聽一位商舖代理在電台講，業主仲未肯減租，亦有人願意承租，真係 奇哉怪也，大概香港啲業主好有銀，彈藥充足，以前搵長咗都唔定。不過食完飯後，因食得太豐富，決定由灣仔行返中環，以助消化，咁啱在金鐘站附近碰到賓架 M，佢話到太古廣場call客，左丁山笑佢：「係唔係探聽軍情啫啩，驚公司老闆唔見咗呀？」賓架M為之苦笑，佢話：「兩樣都有啲啦。現在稍有差池，就會走 數，唔勤力啲睇住客戶盤生意都唔得。不過九一一之後，借貸文化有改變。我師傅話八三年佳寧風暴之時，好多客戶唔掂，啲老闆主動搵銀行搭救，希望債務重組， 他日翻身，所以師傅做過好多單債務重組案。但o依家就唔同，有啲公司老闆走上嚟，聲大大好輕鬆咁話，我哋好唔掂嘞，會申請破產，你哋銀行睇吓點做啦！」 吓，有咁嘅事，唔怪得賓架M話辛苦過師傅，老實講，如果啲老闆冇簽私人擔保又唔講面子，全無牙齒當金使呢套古老道義作風嘅話，一走了之，確係幾輕鬆。既有 如此情況，明年銀行唔收緊信貸，吾不信也。

金融、保險、地產經紀難造按揭　中環在線：銀行列出黑三類 李華華

2008-11-05  AppleDaily

金融海嘯陰霾不散，各行各業喊晒口，縮皮裁員消息此起彼落。咁嘅環境，搞到銀行閂水喉有錢唔願借，咪話中小企借錢難，打工仔想搵銀行造按揭買樓，一樣唔容易，實際按息分分鐘要4厘以上。

華華聽班按揭轉介公司高層講，家陣銀行對「食佣一族」（即係收入主要嚟自佣金嘅打工仔）嘅按揭審批，特別嚴謹，同有穩定月薪嘅打工仔相比，實際按息至少差兩厘！

噚 日華華出席一間按揭轉介公司記招，公司高層同華華講，家吓打工仔問銀行借錢買樓冇以前咁順利，尤其係靠食佣為生嘅，直頭俾銀行列入高危借錢人士，佢哋嘅按 揭息率，比起優質客戶（例如有穩定收入嘅公務員同老師等），相差至少兩厘，晚吓手隨時要「P+」（P即最優惠利率）o忝。

呢批食佣一族主要 有「黑三類」，分別係金融、保險同地產嘅經紀。事關時勢唔好，樓股齊冧，市民勒緊褲頭唔願使錢，投資、買保險同置業樣樣都拖住先，搞到從事呢三行靠佣金收 入嘅經紀，首當其衝，收入唔穩定，自然俾銀行收緊按揭審批。唉，以前嘅收入尖子，一場金融海嘯冚埋嚟，即時淪為「黑三類」，都咪話唔欷歔。

卡數未到期變臉追找數

地 產經紀借錢買樓利息高不特止，佢哋仲同華華呻，卡數未到期已經有銀行追交錢。最近佢哋有行家就收到銀行電話，開頭接聽時都好聲好氣，好似好關心咁問：「係 咪仲做緊地產經紀？」當知道佢哋冇轉行即時玩變臉，要佢哋立刻還清未到期嘅卡數。中小企俾銀行提早call loan，華華近排都聽唔少，估唔到家陣連打工仔都唔放過，提早追收未到期嘅卡數，「黑三類」梗係雪上加霜。李華華 [email protected]

中環在線：潘石屹怪錯銀行 李華華

2008-11-17  AppleDaily

早排阿爺出手救樓市，人行針對住宅市場推出新嘅房貸政策，但SOHO中國（410）主席潘石屹就質疑銀行未有跟中央指示做嘢，「10月底各商業銀行房貸細則難產，有啲銀行出台又收回去了……」

首置意思易混淆

華 華問番內地相關業界，發覺潘總可能有啲誤會。未講點解前先交代新房貸政策，係指首次置業人士嘅首期由三成降到兩成，而且可以享有七折按息優惠。不過，聽內 地地產業界人士講，之前大家（連銀行在內）一廂情願以為，係講業主首間做按揭嘅樓都有優惠，點知中國銀監澄清，話要係第一次買樓做業主先至算數！搞到銀行 啲貸款細則話出又唔出得，仲好似俾人潑冷水o忝。鬼咩，好似北京、上海同廣州等大城市，有能力又從未買賣過樓嘅人，o依家真係唔多，所以呢個優惠幫唔到樓 市乜滯。大家惟有寄望遲啲會再有新措施出囉。

林sir談銀行股和「基建」股(9.5.2008) 麟記雜貨

From
http://wheel-wheel.blogspot.com/2008/05/sir952008.html

很有sense ，值得一看。

中環在線：回購迷債隨時泡湯港府唔畀銀行講真話？ 李華華

2008-12-05  AppleDaily

一個弱勢政府面對民情洶湧嘅雷曼迷債苦主，可以做得啲乜？除咗方寸大亂之外，拖字訣可能係唯一出路。 政府銀行角力白熱化 政 府由雷曼爆煲，火速拋出以為獨步天下嘅絕世好橋──「責成」銀行按抵押品市價，向苦主回購迷債，到財金部門紛紛爭相蒲頭領功，演變至最近雷曼清盤人花旗國 嘅大狀，突然公開發律師信，挑戰迷債託管人滙豐，令政府同銀行界之間台前幕後嘅角力，至此已經到咗白熱化地步。香港作為國際金融中心，幾十年嚟，銀行業之 間建立嘅官商合作關係，亦到咗危危乎嘅懸崖邊。按照原來路線圖，銀行界上個禮拜日，會召開記者會，宣佈今個禮拜一，發信通知迷債苦主開始回購。不過明眼人 都知，自從美國律師投下深水炸彈後，積極啲講，回購安排已經延遲咗；悲觀啲講，回購可能泡湯或變到走晒樣。不過政府就死唔肯認回購已無法進行，財爺日前仲 同政黨話，一兩個星期可望展開回購。 苦主隨時再上街 華華聽聞，銀公連日嚟已經草擬咗份聲明，想向公眾交代吓，以免被認為銀行 界玩嘢，內容大意係講，由於律師信引發巨大法律風險，回購工作碰到極大困難，之不過銀行界仍會積極諗辦法解決，唔會拉倒，前面嘅挑戰仍然好大……但係政府 就唔准銀公出呢份聲明。華華認為，錯就要認，打要企定，咁樣唔認唔講，再搞落去，雷曼苦主隨時又嚟逼爆玻璃o架。李華華 [email protected]

中環在線：華人賓架入紐約聯儲銀行 李華華

2008-12-15  AppleDaily

美 國《僑報》報道，創辦當地華人銀行國寶銀行嘅孫啓誠，獲美國紐約聯邦儲備銀行委任做該行嘅銀行顧問。佢係第一個華人賓架參與美國金融政策，都咪話唔巴閉。 應該唔係好多香港人熟識孫啓誠，但佢同香港都算有啲淵源。話說孫啓誠細個時，適逢國共內戰，佢就同家人走難嚟香港，仲喺培英中學讀書，直到16歲先至跟父 母移民美國，完成農業經濟系學士，攞埋法律學博士，揸住美國最高法院執照，認真唔嘢小。睇番啲報道，佢84年創辦嘅國寶銀行，係以華僑為目標客嘅社區銀 行，家陣喺3個州有6間分行。不過，佢都唔係一帆風順，03年佢間銀行爆出分行經理盜取顧客存款醜聞，當時有傳言話國寶會執，搞到擠提，好彩有驚無險。孫 啓誠話，會向當局反映樓貸情況，同埋研究點樣防範再出現次按危機等，仲會好好把握機會，反映華資銀行業界嘅意見。

美国银行否认出售建行股份

http://finance.sina.com.cn/money/bank/20081215/14285637132.shtml

柯清輝：恒生無集資計劃　料絕少銀行將證券市價入賬

2008-12-29  AppleDaily

【本 報訊】金融海嘯令減值撥備飆升，對銀行盈利及資本充足狀況均構成壓力，不少本地及海外銀行紛紛透過供股增資擴股，證券界亦關注，上市銀行會否選擇將部份金 融資產，按新修訂的會計準則重列入賬，以紓緩壓力。持有龐大證券投資組合的恒生銀行（011），其副董事長兼行政總裁柯清輝接受訪問時說，對該行目前資本 水平很滿意，沒有集資計劃。 記者：劉美儀 對於恒生最終有否採納新會計準則，即毋須按市值將投資組合計算入賬，柯清輝沒有直接評論，只說該行的證券投資組合，平均年期僅剩約1.3年，規模亦不斷縮減。 恒生證券投資組合高峯期總額逾2000億元，他表示，自去年第三季起，該行已沒有再增持新投資證券。 證券投資曾逾2000億 證 券市場流通情況雖仍要一段時間才會改善，但柯清輝認為近期亦「無乜差到」。他又稱，相信不會有太多本地銀行會採取重列賬目的選擇，因為「實際作用不大」， 亦易令外界揣測銀行可能表現欠佳。鑑於世紀海嘯的不尋常處境，國際會計準則委員會今年10月，容許企業將「持作交易用途」（Held for Trading）或「可供出售」（Available For Sale）的資產，重列為「持至到期」（Held-to-Maturity）或「應收賬款」（Loans and Receivables）項目，即毋須再「按市價變動」（Mark To Market）計入損益表及資產負債表。符合資格重列的項目，須追溯至7月1日一次過按市價重列入賬。香港會計師公會因應國際會計新修訂，於10月中宣佈 跟隨，銀行則於11月前決定是否重列。恒生是本地少數持有龐大證券投資組合的銀行之一，截至6月底有關投資總值1846.54億元。有證券界估計，該行組 合大部份列為可供出售證券，當中達九成屬金融機構資產，只要市價跌幅兩成或以上，恒生的核心資本充足率便可能從年中11.3%，降至約8%。柯清輝表示， 恒生持有的證券投資並非作交易用途，雖然可供出售證券類別，按市值計賬若出現跌價，仍要透過資產負債表內的儲備抵銷減值，對銀行資本會產生負面影響，但是 否構成壓力，則取決於銀行資本實力是否足夠，他強調對恒生資本狀況很滿意。 滿意恒生資本狀況 被問及明年會否發行次級債強化次 級資本，或以供股方式增資擴股，他指出，現時發債成本並不吸引，該行現階段亦沒有集資計劃。對於末期派息是否能維持去年比率，則要留待明年3月公佈。明年 度銀行業營運環境將更見嚴峻，柯清輝表示，本地儲蓄存款已降至零息，儘管新造貸款息差或會略為擴闊，惟息率重訂過程要經過一段長時間，而且貸款需求疲弱， 其他非利息收益亦面臨很大壓力，特別是雷曼迷債及馬多夫騙案後，客戶對投資產品存有更大戒心，只有一些防衞性的保守收息產品，才有人問津。 部份金融企業近期撲水潮 銀 行：高盛方法：發售新股涉及金額：50億美元銀行：AIG方法：紐約儲備銀行貸款涉及金額：850億美元銀行：摩根大通方法：公開售股涉及金額：100億 美元銀行：美銀方法：配股涉及金額：100億美元銀行：RBS方法：英政府注資涉及金額：150億英鎊銀行：巴克萊銀行方法：英政府注資涉及金額：30億 英鎊銀行：渣打集團方法：供股涉及金額：18億英鎊銀行：花旗集團方法：發優先股予財政部涉及金額：200億美元

三利空齐袭银行股 七折房贷或损15亿利润

http://finance.sina.com.cn/stock/hyyj/20090105/09325714803.shtml