人辦摩連奴 左丁山
|
|
不時有人問左丁 山：「某某人好沙塵，你覺得點？」左丁山答：「某某人好沙塵咩，唔見得噃，佢對我好客氣啫。」原來一啲人會揀時間嚟沙塵招積嘅，但左丁山比較見得少，因為 自己有選擇朋友權利，有人在面前太過招積，咪叫佢滾蛋去升呢，識過另外一班高人囉，正是人上有人，天外有天，在英冠聯賽也文也武嘅球會，上到英超就會受到 教訓o架啦。
上星期日晚凌晨捱眼瞓睇歐聯決賽，國米以二比○踢走拜仁慕尼黑，成為意大利盃、意甲、歐聯嘅三冠王，創造意大利足球歷史，亦係 四十五年來第一次攞歐冠盃，唔怪得班主莫利提（Massimo Moratti）興奮莫名，佢父親（Angelo）管理國米時，最威就係一九六四、六五年代連續贏咗兩次歐冠盃之後，國米成績不斷下滑，俾AC米蘭騎住咗 好多年，直至最近五年先至連續五次贏意甲冠軍及上星期日重奪歐冠盃。莫利提話：「摩連奴要走，我好傷心，但我對佢非常感激。」
大 老闆對夥計非常感激，甚為少見。呢位摩連奴係目前世界上最招積沙塵嘅教練，經常出言不遜，俾意大利傳媒狂抦，又被批評佢嘅戰術負面，重守不重攻，不踢美麗 足球，但在佢領導之下，葡甲波圖竟然可以贏歐冠盃，帶車仔攞兩屆英超冠軍，現在又帶國米擁兩屆意甲兼歐冠盃，以一位出身不是球員，從做巴塞繙譯，向卜比笠 臣、雲高爾偷練學師嘅教練嚟講，不斷升呢，從小卒成為大牌，在世界球壇嘅表現實在空前，好可能絕後o忝。現在佢受盡國米、意大利傳媒（轉軚得快）讚譽之 時，又宣佈自己好想做皇馬教練，向高難度挑戰，呢種態度，實在令人折服。摩連奴不戀棧名位，亦不忠心如費格遜，只係隨意之所至，跟住自己制訂嘅道路向前 行，打工打成咁先至係真正名副其實嘅打工皇帝，全世界嘅領隊職位任佢揀，佢就話明要去尚未出聲話要佢嘅皇馬，換轉你係皇馬會長，你會點辦？究竟請唔請佢？ 摩連奴未待簽約，已經話要離開國米，捧盃後哭了一大場，毫不掩飾扮嘢，以真性情示人，果然係天生我才必有用，千金散盡還復來之人辦。抵佢沙塵、招積，年青 人當以佢為榜樣！但係要記住，自己不努力如摩連奴，兩嘢就會被對手或老闆掃走。
|
| |
盜寶新片似《縱橫四海》馮德倫搵尚連奴 捉大賊華仔
1 :
GS(14)@2016-07-09 06:47:40演而優則導的馮德倫（Stephen），先後導演過不少出色作品如《大佬愛美麗》、《精武家庭》等，近日他再準備開拍新片《The Adventurers》，除找來女友舒淇、劉德華及內地演員張靜初演出外，更成功邀請到曾主演過電影《這個殺手不太冷》（Leon：The Professional）的尚連奴（Jean Reno）擔任男主角。
■尚連奴在《這個殺手不太冷》中開槍戲十分有型。劇照
■經典電影《縱橫四海》由三大巨星（左起）周潤發、鍾楚紅及張國榮合演。劇照
■劉德華飾演一名盜寶賊，跟尚連奴有不少對手戲。資料圖片
將到布拉格開工
在戲內尚連奴飾演一名捷克警察，跟戲中演大賊的劉德華是死敵，而尚連奴用盡所有方法，都未能夠將這盜寶賊繩之於法。《The Adventurers》的監製張家振受訪時說：「呢部戲唔係重拍《縱橫四海》，只係拍類似嘅戲種，尚連奴同華仔有好多對手戲。等攞到內地合拍批文就會喺布拉格開工，導演馮德倫已經過咗去籌備。」Stephen亦回應說：「《The Adventurers》係一部原創動作喜劇，並唔係外界所講嘅新版、翻拍或西片版《縱橫四海》。好開心搵到咁好嘅卡士，亦好榮幸同劉德華、尚連奴、舒淇、張靜初及楊祐寧合作。」
Stephen續說：「華仔、尚連奴都演過好多電影經典人物，我印象最深刻係華仔喺《天若有情》騎電單車，尚連奴喺《這個殺手不太冷》中開槍好cool，所以呢部戲我都設計咗呢啲場口，我相信佢哋一定會擦出火花。」
投資1.5億人仔
據知本片會在歐洲的捷克跟法國拍攝外景，投資成本約1.5億元人民幣，預計拍攝2個月。Stephen跟女友舒淇大可寓工作於拍拖，這趟忙完拍攝電影後，他又要飛到美國跟吳彥祖拍美劇《Into the Badlands》第2季。採訪：鍾國仁
來源:
http://hk.apple.nextmedia.com/entertainment/art/20160708/19685981
馮德倫婚後即撇老婆舒淇華仔智鬥尚連奴
1 :
GS(14)@2016-09-06 22:51:01■（左起）馮德倫、劉德華、舒淇和楊祐寧近日在捷克為電影《俠盜聯盟》拍攝外景。
馮德倫與舒淇日前公告天下已正式成為夫妻，這對新人認真忙碌，僅花一天結婚後便立刻開工，因兩人要繼續在捷克拍電影《俠盜聯盟》，度蜜月可能要到年底才有檔期，事關馮德倫完成此片後，要立刻轉飛愛爾蘭執導美劇《荒原》（Into the Badlands）。他與吳彥祖合作的美劇《荒原》已在愛爾蘭拍了近一個月時間，所以要趕緊歸隊。昨日馮德倫與舒淇、劉德華和楊祐寧都有開工拍攝《俠》片，不過天公不造美下驟雨，等雨停了，攝製隊才可繼續開工，為免影片超支，馮德倫希望多拍一周左右煞青。此片投資成本約1.5億人民幣，演員還有張靜初及法國著名影星尚連奴（Jean Reno）。
■尚連奴（左）首次演馮德倫的華語片，希望進一步打入內地市場。資料圖片
■舒淇和馮德倫日前宣佈已正式成為夫妻。資料圖片
■張靜初在《俠盜聯盟》中與劉德華合演情侶。
華仔飾演大盜
戲中華仔演大盜重出江湖，與拍檔楊祐寧及舒淇偷稀世珍寶，被警探尚連奴追捕多年，玩跨國貓鼠遊戲。今次楊祐寧與舒淇兩位大盜被安排做情侶，而華仔就與張靜初一對，影片預計明年暑期上映。華仔不單是男主角，還身兼監製，他的公司有份投資《俠》片，所以當馮紹峰臨時甩底，華仔即捱義氣演出。馮德倫與舒淇雖然每天一起開工，但因前者導演工作忙，只有放飯時間，二人才可以好好坐下來聊天。下周影片煞科，馮德倫會直飛去愛爾蘭，舒淇會自行先回港，回家見一下與丈夫共同飼養的寶貝貓。
吳彥祖：非常開心
吳彥祖昨日也替兩位好友能結為夫妻感到開心，他表示：「我、Stephen（馮德倫）同舒淇當年3個一齊拍《美少年之戀》而認識，隔咗19年，我哋依然係好朋友，而家知道兩位咁好嘅朋友可以一齊結婚，我係非常開心。」採訪：鍾國仁
來源:
http://hk.apple.nextmedia.com/entertainment/art/20160906/19761168
尚連奴引犯人叫囂馮德倫為華仔度身加戲
1 :
GS(14)@2017-08-06 18:41:22劉德華年初因墮馬受傷，養傷已超過半年，後日他將為其主演、馮德倫執導的《俠盜聯盟》復工出席北京記者會。除了華仔外，《俠盜聯盟》演員還有尚連奴（Jean Reno）及舒淇等。日前馮德倫接受本報獨家電話訪問，他直言從小已經很喜歡華仔及尚連奴這兩位巨星：「劉德華都知道嘅，我好鍾意佢套《神鵰俠女》，仲剪輯埋以前啲錄影帶畀佢，仲有佢演嘅『華Dee』都好經典；尚連奴就唔使講係《這個殺手不太冷》，而佢套《The Big Blue》（夜海傾情）都好欣賞。」
歐洲粉絲索簽名
馮德倫透露在戲中加入不少兩位演員的獨有風格，如劉德華加了幾場駕電單車的戲份，尚連奴就加入揸槍動作：「開頭唔知佢哋會演，知道之後就加，希望將角色感覺帶到畀觀眾，有一份親切感。華仔開電單車、尚連奴揸住支槍點拍都好睇。」最令馮德倫印象深刻，是一場他與張靜初在咖啡室解釋為何一定要捉到華仔。馮德倫笑言在歐洲特別多人認識尚連奴，不時有人追住要求簽名。最好笑是有一場戲在監獄前取景，他說：「嗰日係喺一間監獄外圍拍，其實已經隔好遠，唔知入面啲犯人點解會知道尚連奴喺度，好遠都聽到佢哋喺度大叫『Jean Reno』，好搞笑。」
■馮德倫（右）能與華仔及尚連奴兩巨星合作非常開心。
■尚連奴專心聽馮德倫的講解。
■舒淇含情脈脈望着馮德倫（左二）。
獲贈限量版波鞋
另外，拍攝時華仔跟一班工作人員給馮德倫一個驚喜派對，馮德倫笑說：「有日拍拍吓戲，佢哋喺另一邊set咗張枱，跟住唱生日歌，有兩個巨星同我慶祝，梗係開心！收到個俄羅斯娃娃畫咗我個樣，仲越開越有，劉生喺現場配合製造氣氛，成日叫『呢邊呢邊，影相』。」最令他感動的是華仔特別在英國訂了一對限量版波鞋送給他作為禮物。採訪：李森
來源:
http://hk.apple.nextmedia.com/entertainment/art/20170806/20112716
【西遊記】畀個摩連奴你做老闆
1 :
GS(14)@2018-01-07 15:46:48【文化籽：西遊記】本來打算今季不再寫英超。曼城早早拋離，心灰意冷，還有甚麼好寫？英超勝在有摩連奴，永不缺乏娛樂性。
個個說曼城今季大超班，純粹因為錢多。摩連奴也是其中一個。眼見帶領的曼聯爭標無望，連環發炮，明寸曼城的哥迪奧拿背後有無限資源支撐，一方面預先鋪定雖敗猶榮的伏線，另一方面也向金主暗示要開大條水喉。錢多也要識使。作為老闆，嚴格上該是管理層，哥迪奧拿最大強項是心狠手辣。心狠手辣來自自信。一上任，甚麼也不說，先踢走老臣子祖赫特，連少少機會也沒有提供。在被革扯的員工層面，肯定爆晒粗。在公司管理層面，卻是以儆效尤。親眼見識過太多老店，就是太講人情味，覺得大換血等於冷漠無情，永遠選擇以不變應萬變，慢慢便積聚了一大批不適合的冗員阻礙進步。換血過程當然會出現陣痛，接替的巴禾便是一例。曼城的確錢多，唔啱使，轉頭便換個更貴的艾達臣，換到啱為止。不過，等閒領隊在去季巴禾不斷出醜之際，應該已經火速召回祖赫特救亡，管治威信難免要打個折扣。似利物浦的高普。高普不是靠威信嘛。他是個愛跟下屬打成一片的好上司，賣熱血、士氣、團隊精神。利物浦的龍門位，問題比曼城嚴重百倍。高普去季也引入卡利奧斯，如意算盤是取代表現不穩的正選米路列，想法其實跟哥迪奧拿一模一樣。就是不夠狠心，美其名給個機會米路列跟卡利奧斯分個高低。一個好人，怎會輕易炒走舊夥計？話唔定在競爭之中，表現會有大幅度進步呢？可惜，卡利奧斯一如巴禾，無法適應英超。失手一兩場後，高普不敢再冒險，又用回米路列。狀況維持到今季，結果，兩個龍門都不是必然正選，兩個都無法讓球迷充滿信心。簡單點說，是兩個都沒有進步。對於左閘摩蘭奴的處理，也是同樣的好心做壞事，去季季初經常犯下低級錯誤，其後被雪藏到不見天日，今季球會引入同一位置的羅拔臣，以為唔炒唔得啦，又留得低，仲做返正選，於是又有機會犯錯，連累球隊無謂失分。高普作為領隊，得到球員的擁戴，是建基於不斷的包容和不斷的失敗。兩種老闆，一種不近人情，但目標為本，另一種為人設想但犧牲成績。你選哪一種？還是你會選摩連奴？摩連奴是最常見的一種。成績好，是自己的功勞；成績差，是別人的無法配合。對李斯特城，於補時階段被追平，賽後話自己早有應對措施，失分只不過因為球員過份幼稚，無法執行大計，艾殊利楊格即成箭靶。另一後防梳爾也長期是代罪羔羊，不斷被摩連奴點名批評冇料到，一如現時的米希達恩。到其他人批評他的愛將，例如值九千幾萬英鎊的普巴，或值七千幾萬英鎊的盧卡古，摩連奴又必定衝出來護短。哥迪奧拿或高普對待下屬尚算一視同仁，在摩連奴的世界，咪玩啦，當然要大細超啦。將輸波責任推了給球員後，再推給董事局，講到所有不濟戰績也跟組軍成本掛鈎，跟中游球會如修咸頓或般尼賽和，也是因為轉會費不夠，買不起比對家更具質素的球員。其實，摩連奴入主曼聯後，不計普巴與盧卡古兩位天價球星，也分別用了三千萬英鎊引入拜利和連迪路夫兩位中堅，前者玻璃腳，後者現時被視為水貨。舊東家車路士以較低價錢收購的馬高斯阿朗素，暫時有用得多。車路士的買賣球員政策，已被坊間詬病多時，干地的眼光似乎遠勝摩連奴。同樣怒插大老闆孤寒，季前無厘頭賣走馬迪的車路士，確實抵鬧得多。做這一類管理層，最緊要自我感覺良好，懶理被神憎鬼厭，只需要不斷催眠自己是救世主，公司無咗自己就唔得。員工怨聲載道，業績不符預期，其實很少事，最緊要出錢嗰個無投訴。換句話說，最勁的，始終是剛剛打破費格遜帶隊踢英超紀錄的雲格。爭唔到英超冠軍？又點噃？畀宿敵熱刺過頭？又點噃？畀球迷暴龍哥日鬧夜鬧？又點噃？搞唔掂山齊士同奧斯爾張約，下季分分鐘害球會人財兩失？又點噃？雲格從來是作為一個老闆的最佳教材。
Profile：方俊傑觀塘長大，壹仔打滾，偏愛西片、西劇、中日韓美女。利物浦悲慘球迷，非西人一個。
facebook:方俊傑編輯：陳慧玲
來源:
https://hk.lifestyle.appledaily. ... e/20180105/20264860
Next Page