|
||||||
|
上個月喺創業板上市嘅喜尚控股（8179），旗下嘅酒樓喜尚海鮮酒家（圖）雖然港九都冇分店，但喺元朗就好巴閉，喜尚控股市場推廣經理黃泰瑩話，佢哋最出名係燒豬，識食嘅客都會專登揀豬脷同喉嚨之間嗰嚿肉嚟食，試過有個客擺喜酒，閒閒地叫咗成千隻豬。 鄉紳擺酒起碼50圍 食咗成千隻豬，呢個客究竟擺幾多圍酒？華華唔知答案，但黃泰瑩話，間酒樓可以擺成百圍酒席，元朗嘅鄉親父老、宗親會、同鄉會，擺親酒席起碼超過50圍。難怪佢話，喺元朗人眼中，喜尚係「元朗Four Season」。 對於最近大陸豬價升到癲，財務總監黃天競就話無乜影響，因為佢哋同內地供應商關係良好，大量入貨價錢可以計平啲，而且佢哋嘅招牌貨唔只得燒豬，仲有其他好多美食，加上成本控制得宜，所以影響唔大喎！ |
||||||