唐唐識揀時辰 左丁山
|
|
|
三位疑是特首候選人之一，唐英年之時辰八字居然見報（「蘋果」，七月二十二日），不知是否可信，但既然講到似層層，我地又冇甚麼證據話此八字係偽作，唯有信住先。
據 講唐英年生於一九五二年九月六日辰時（早上七至九時），於是八字就係壬辰年戊申月乙卯日庚辰時，農曆生日係七月十八。向八卦邱請教此命盤好在邊度，唐英年 出生至今，從未吃過苦，得父母庇蔭甚多，既已出身富豪之家，做官已做過議員、局長、司長，以傳統講法，就係既富且貴，應該係好命到極嘅啦。
八 卦邱話此命涉及特首競選，茲事體大，不想多談，以免出錯有差池，誤導他人就唔好啦，不過佢叫左丁山翻閱「窮通寶鑑」，可知一二喎。哦，翻閱書本無妨，拿出 「窮通寶鑑」去到秋乙篇，有分析七月乙木之命，書云：「七月（乙木）喜己土為用……己為卑濕之土，培植乙木之根，晦火存金，反生乙木，調劑中和，最為巧 妙；有己土，則乙木之根固，方能有所樹立，故己土為不可少也。」
睇番唐唐命盤，戊土為陽土，辰屬陽土，內藏戊乙癸，亦無己土，申屬陽金，內 藏庚、壬、戊，並無己土。咁睇法，唐唐咪差少少，根基不固？哦，再睇落去，有玄機，書云：「或生辰時，此為從化，反主富貴，凡化合格，皆以所生之神為用， 化金者，戊為用神，特忌丙丁鍛煉破格。從化者，以火為妻，土為子。」化金即係話「乙庚化金」，逢乙木日而生於辰時，必為庚辰時，故此乙庚相合化金，講得通 俗啲，胎兒識在辰時出生，走出母腹也。一九五二年嗰陣，仲未有剖腹取子呢回事啩？唐唐命盤貴在生於辰時，四柱有戊為用神，而四柱啱啱無火，合晒波路，即使 無己土亦無相干，於是向八卦邱匯報閱讀所得，八卦邱微微笑話：「確係富貴命，只係驚佢無己土，根基難固啫！」唉，小小缺點，當作激勵啦，人總難十全十美 嘅。
|
Wifi蛋要識揀租金最貴網速未必最快
1 :
GS(14)@2015-11-17 08:26:49在「手機不離手」的年代，即使到外地旅遊，消費者亦時刻想利用社交平台向親友分享遊歷，但數據漫遊收費高，使用不當甚至會帶來「震撼帳單」，故租用pocket Wi-Fi和購買預繳式外遊數據卡成行成市，其中消費者委員會檢視市面上11間提供租用Pocket Wi-Fi的服務供應商的資料，發現收費和使用條款有極大差異，令消費者難於直接比較。以到日本外遊4天為例，租用費由$140至$260不等，相差近一倍，但不過價錢愈貴未必等同所提供的上網速度愈高。消委會表示，Pocket Wi-Fi網速主要受各公司於外地的合作網絡營辦商的網絡覆蓋情況所影響。然而，商戶在銷售時未必有提供pocket Wi-Fi完整的傳輸速度資料，部分公司清楚列明最高網速數值，其餘只標示使用3G或4G網絡，甚或沒有提供資料。同一公司在不同地區提供的網速亦不一樣，消費者選擇時應細心比較。此外，不同供應商的使用量限制也各有不同，包括無限使用、3天1GB、每日400MB等。由於Pocket Wi-Fi可同時連接3至15個流動裝置，故消費者容易出現在不知情下，使用超出限量而受「公平使用政策」限制，令上網速度減慢、被中斷上網服務或導致額外收費。而預繳式外遊數據卡方面，消委會呼籲市民留意啟用限期；是否有每日用量限制；是否必須先在香港啟動，是否不支援網絡共享功能等。
來源:
http://hk.apple.nextmedia.com/news/art/20151117/19376372
送花要識揀咩花擺睡房會中毒咁慘？
1 :
GS(14)@2016-03-16 14:20:53內地傳媒報道，上海一名劉姓女子近日在家中擺放鬱金香，導致脫髮。內地園林專家鄔志星指出，鬱金香含有毒鹼，確實不宜在室內種植，否則會引起頭髮、眉毛等脫落徵狀。究竟還有哪些鮮花不能擺放房間呢？1.夜來香夜來香入夜後會散發出大量刺激嗅覺的微粒，聞之過久，會使高血壓和心臟病患者感到頭暈目眩、鬱悶不適，甚至病情加重。2.月季花月季花所散發出來的濃郁香味，會使一些人產生胸悶不適、憋氣與呼吸困難。3.松柏類花木其芳香氣味對人體的腸胃有刺激作用，不僅影響食慾，還可能使孕婦感到心煩意亂、惡心嘔吐。4.繡球花繡球花所散發的微粒，如與人的皮膚接觸，會產生皮膚過敏反應。5.蘭花、百合花這兩種花其香氣會刺激人的神經系統，令人過度興奮，極容易導致人失眠。6.鬱金香花朵含有一種毒鹼，人若是接觸過久，會加快毛髮脫落。7.夾竹桃夾竹桃可以分泌出一種乳白色液體，接觸時間一長，會使人中毒，引起昏昏欲睡、智力下降等症狀。孕婦如果吞服，更可能會流產。8.狼毒、萬年青植物的汁液含有啞唪酶，對人體是十分不利的。如小孩誤服會引發聲帶發腫，甚至致啞。9.含羞草俗稱「怕醜草」的含羞草，也和鬱金香花一樣，人若是接觸過久，可致脫髮。10.豹皮花豹皮花所散發出來的氣味微粒，對人體也十分不好，可使人暈眩。11.紅背桂、變葉木、虎刺梅這幾種花木，會與人體產生嚴重的不良反應，是致癌花木之一，不宜栽種。人民網
來源:
http://hk.apple.nextmedia.com/international/art/20160316/19531894
【吾通吾識】變大隻補鈣質 識揀5種有營養罐頭
1 :
GS(14)@2016-08-04 04:06:11打風必備，就是罐頭！台灣營養師程涵宇，以下就舉出5種罐頭，其營養成份一點也不會輸給天然食物。1.番茄罐頭番茄在加工製程時，經過高溫打碎，能釋放更多的茄紅素，更能被人體吸收利用。番茄的茄紅素，具抵抗紫外線的能力，避免皮膚光傷害、減少皺紋和黑斑生成。降低血中膽固醇。2.菠蘿罐頭有些人吃菠蘿時，口腔會有刺痛感，有胃部不適者還容易胃痛，主要是菠蘿酵素影響。菠蘿罐頭經加熱後，可分解菠蘿酵素，較不會有這類問題。況且，菠蘿含有豐富膳食纖維，有助腸道好菌生長和排出體內有毒重金屬。3.粟米罐頭因為已經煮熟，開罐後可以直接食用，又保留粟米黃素，而且絕大部份為非基因改造。粟米含有β-胡蘿蔔素，可抗氧化、吸收藍光的能量避免傷害、延緩眼睛老化及黃斑部病變。4.菠菜罐頭因為菠菜在製作過程的烹飪加熱時間越久，可除去較多草酸，避免抑制鈣質吸收，同時保有葉黃素和鐵質。5.鰻魚罐頭鰻魚罐頭都有鈣質，鈣質有益於骨骼，並能促進肌肉正常收縮、荷爾蒙及酵素的正常分泌等，另菠菜還有對眼睛好的葉黃素、避免貧血的鐵質。台灣《蘋果日報》
來源:
http://hk.apple.nextmedia.com/international/art/20160803/19720999
【扮靚籽】識揀眼鏡 四眼妹也靚得起
1 :
GS(14)@2016-10-01 13:20:28Genic Eyewear眼鏡設計師戴美兒（Emily）
【扮靚籽：潮女熱學】身邊不少朋友細個好恨戴眼鏡扮大人，可是長大後卻想擺脫「四眼妹」形象，每天佩戴隱形眼鏡，卻落得雙眼疲勞甚至因長時間佩戴而受感染的下場，戴回厚重的眼鏡又怕被人取笑，深近視的女生要戴眼鏡可謂有苦自己知。記者同樣深受1,200度大近視困擾，由細到大花名不絕。近視已是不能改變的事實，與其逃避不如接受現實，挑一副好眼鏡，四眼妹都靚得起！
本地眼鏡品牌Genic Eyewear於2012年成立，擁有近千度近視的主理人戴美兒（Emily）從英國修讀鞋履設計課程回港後，卻因香港缺乏相關做鞋技術及資金，又適逢家族開設眼鏡廠，因利成便，就此踏上眼鏡設計師之路。她笑說：「我的鼻子扁扁，其實很難找到適合自己的眼鏡，加上眼鏡店的款式不是黑色就是玳瑁色，於是我便想不如親自做一副眼鏡。近年科技發達，現在用機器已可大量生產眼鏡，相反婆婆那年代就只有手做眼鏡，於是我便請教婆婆手做眼鏡的方法，然後開始了解眼鏡設計和特性，着手設計適合亞洲人的眼鏡框。」
眼鏡設計師：要定期更換鼻托
她着重於設計細節，從用家角度出發，思考如何佩戴一副眼鏡才舒適。要挑一副適合長時間佩戴的眼鏡，Emily認為應選有鼻托或是鼻樑位高和窄一點的鏡框，鏡臂設有彈簧亦適合頭大人士佩戴。眼鏡鼻托位戴得耐有機會發黃和隱藏細菌，如女生化妝後戴眼鏡會令鼻托沾上化妝品，所以她建議定期更換鼻托。選鏡框闊度不宜太大，所以她設計多款小巧的圓形或梨形鏡框，讓深近視的女生有多個選擇。不少女生會向她請教揀鏡框的問題，也曾聽過客人揀錯眼鏡令她們怕了戴眼鏡的個案，於是她決意藉眼鏡設計教大家如何正確揀選眼鏡。鞋履設計與眼鏡設計兩者風馬牛不相及，要從零開始，便要不時參考日本及歐美眼鏡潮流，例如不少行內人說黃皮膚戴綠色鏡框會顯得面青青，所以沒人會願意買綠色眼鏡，她卻打破這定律，推出特別製作的橄欖綠色鏡框，現在成為店中的人氣產品。深近視揀眼鏡的難處是既要考慮框架大細，也要考慮配搭鏡片後的效果，所以配眼鏡絕對是一種學問。紅點光學主理人林保成（Vincent）說每逢有客人來配眼鏡，他一定會先問對方是淺還是深近視，然後細心為客人挑選合適的眼鏡。他提到亞洲人鼻樑較扁，挑選鏡框偏細、葉子位（即鼻樑兩邊突出的兩粒鼻托）高及鼻樑闊度較窄的款式，可減低因深近視鏡片重而經常向下滑的問題，假如沒有鼻托的話便會出現因鏡片太貼面，化妝後眼睫毛會掃到鏡片的情況。由於近視選用凹透鏡片，中心薄邊沿漸厚，如鏡框太闊會導致鏡片厚重和顯得很多圈，所以鏡框直徑最好選48mm或以下，鏡片焦距與客人雙眼焦距接近更佳；選擇鏡片要配合適當度數和鏡框，超薄近視鏡片主要分為1.6、1.67及1.74屈折率（Index），屈折率數值越高代表鏡片越薄，如500度或以上深近視建議選擇1.67或1.74的鏡片。現在普遍採用纖維膠鏡片，安全又輕盈，同時配備約400度防UV功能，保護眼球。日本出產的HOYA及 Zeiss（蔡司）鏡片雖然價錢偏貴但質素較好，蔡司鏡採用藍色coating減低反光率，易潔防塵。女生最擔心戴眼鏡時顯得雙眼沒神，Vincent解釋只有當鏡片變黃才顯得眼腫，只要定期兩年更換鏡片，其實影響不大。
Genic Eyewear有眼鏡工作坊，學員可提供不同的眼鏡照片作參考製作紙樣，甚至創作自己喜歡的款式。
日本近年流行偏圓鏡框和復古味重的中金架，即膠框與金屬的配搭（上）、金屬框文青鏡（中）和金屬包邊的混合架款式（下）。
今年流行的文青鏡就絕不是深近視人者的考慮之列，因為金屬框邊太幼，深近視鏡片會凸出框邊。
紅點光學主理人林保成（Vincent）
手做眼鏡框睇真啲
Emily設計的鼻托，一口螺絲可鎖緊鼻托，方便隨時更換。
亞洲人鼻扁，會拉平鏡架弧度以貼近面部輪廓。
Genic Eyewear的手做眼鏡都刻了"Handmade Acetate"字樣，意指採用醋酸纖維的膠料板材，擁有良好的光澤及硬度。
大部份眼鏡的鏡臂都刻有一組數字，左邊的48就是指鏡框有48 mm闊，揀眼鏡時可多加留意。
面形襯鏡框小貼士
眼鏡設計師Emily為四款面形的女生挑選合適的鏡框，要揀副完美眼鏡其實唔難。
【鵝蛋面形】標準鵝蛋面形女生適合大部份鏡框款式，戴上特別的圓框鏡架特別stylish。
【長面形】梨形的鏡框上闊下窄，可修飾比較長的面形。
【方面形】細小的梨形框很百搭，方面形女生可嘗試帶曲線弧度較小的梨形鏡框，將焦點放在眼鏡上，令面形看來不那麼方正。
【圓面形】圓面女生可試方形鏡框，因為眼鏡的方角可令面形顯得細一點。
記者：畢慧婷攝影：鄧鴻欣、王國輝、徐振國編輯：謝慧珊美術：利英豪部份圖片由受訪者提供
來源:
http://hk.apple.nextmedia.com/su ... t/20161001/19786906
【旅遊心得】聖誕飛紐約平兩成 識揀一定唔住酒店
1 :
GS(14)@2016-12-09 00:04:16旅遊格價平台Kayak早前公布數據，指在旺季於聖誕期間飛紐約，機票竟然比平日平21%。立即格價，發現即買聖誕機票，直航國泰也不過是$7,733，最諷刺是同一日子坐國泰飛東京，竟然要$7,748。
雖然機票平，但紐約出名酒店貴，根據Hotels.com的Hotel Price Index調查，平均每晚US$275（約HK$1,969），好乸利。記者十一月初到紐約出差，撞正一年一度的馬拉松和總統大選，酒店貴到發神經，要慳錢唯有租屋一途。一輪格價過後，發現雖然airbnb名氣高，但選擇和介面都是Expedia旗下的HomeAway更勝一籌。比較同一日子，Homeaway上的租盤數量比Airbnb至少多一倍，而且搜尋後進行篩選，可以按價值平至貴排序，方便窮L如我一眼標出最平選擇，但airbnb就只能縮窄價錢範圍，但租盤顯示排序沒有規律，不太方便。這是記者首次用HomeAway訂房，流程和airbnb基本上相同，入住過程順利，撞正大選都可以$2,000晚價錢租四人住的一房一廳近400呎單位，鄰近帝國大廈和中央車站，地點幾方便，最估唔到係廚房有齊電飯煲、多士爐等煮食器具，想慳錢簡單煮個快飯都得。唯一不適應的是大樓採用中央暖氣，無得調校溫度和風速，有點翳焗，好彩屋主送上風扇，問題迎刃而解。記者：陶思敏拍攝：潘志恆
廚房乾淨企理，微波爐和雪櫃都準備妥當。
我租住的單位是一房一廳間格，但屋主將廳變埋睡房，可以住四人。
屋內只得一個浴室，但空間光猛，而且最重要夠乾爽。
大廈有電梯，在韓國街旁邊，轉個彎就有地鐵站。
竟然連電飯煲都有，真係估你唔到。
HomeAway有價格低至高排列選項，慳番唔少時間，好緊要。
來源:
http://hk.apple.nextmedia.com/su ... t/20161208/19858294
【飲食籽】壽司Omakase 六道法國菜 平食東京要識揀
1 :
GS(14)@2016-12-10 03:46:02主廚櫛引岳治說不想拿米芝蓮，擔心自己未能應付過多客人。
【飲食籽：識飲惜食】平，這個字，對不同的人標準各異，以一千幾百元食一餐星級餐廳，始終會肉痛。尤其在東京，實在有太多選擇，貴價和美食不一定是等號，米芝蓮餐廳都有便宜之選，像新上榜一星法國菜，午市3,000日圓套餐可食到6道菜，車胎人推介壽司店6,000日圓食廚師發辦（Omakase），只要識揀，仍有選擇的。
車胎人推介壽司店 6,000日圓有交易
在阿佐谷北的飲食街，有一間壽司小店只有6個人座位，卻是櫛引岳治珍而重之的舞台。他是這間小店阿佐ヶ谷じゅうぞう的主廚兼老闆，只有百多呎的空間是他的“One-man show”，由準備食材、握壽司、燒物、甚至是倒酒水、招待客人等，都是他一手包辦。要吃便必須預約，我們在店的網頁見到有空缺，便託繙譯致電訂座，聽筒另一邊急急忙忙記下，說要忙着準備食材便趕緊收線，我們成功訂了兩位每位6,000日圓的廚師發辦套餐。我們比約定時間早到了15分鐘，在阿佐
【識揀惜食】點分真假髮菜？假嘢用綠豆做浸梘粉水會甩色
1 :
GS(14)@2017-01-14 12:27:59由2000年起，大陸已禁止採集及出售髮菜這種國家一級保護植物，市面上買到的大多是人造髮菜。
過年除了食鮑魚、海參、花膠這類海味外，有「發財好市」之意的髮菜蠔豉也不能少。不過，原來由2000年起，大陸已禁止採集及出售髮菜這種國家一級保護植物，換言之，現時坊間買到的，大多是人造髮菜。而在2001年，消委會測試過市面上30個髮菜樣本，發現當中只有來自九間店賣的是百分百真髮菜，當中黎國耀的海味批發店「耀成貿易公司」就是其中一間。
「人造髮菜基本上是用綠豆做較多，或有人會加入粟米鬚或海帶絲。」耀哥說。而人造髮菜之所以呈黑色，可能是人工染色或是用了天然食用色素。不過他說，就算是有經驗的行內人，也未必能憑肉眼分辨出真假，他就教大家一個簡單方法，就是浸水。將同樣重量的真髮菜及人造髮菜浸水，然後再印乾，浸透後的真髮菜會有彈力，而且每條浸出來的形狀也不同。相反，人造髮菜就欠缺彈性，「真貨及人造髮菜，於清洗時膨脹程度有不同，即行內所謂的發頭，遇水脹身後的比例是相差很大的。」而耀哥介紹的另一種分辨真假貨的方法就是用梘粉水，記者實試過，將真假貨放梘粉水浸一晚，結果大部份的假貨已脫色，只剩下如米粉狀的東西。
真假髮菜浸水後的「發頭」也有不同，真貨（左）會比假貨更多及有彈性。
耀成貿易公司老闆黎國耀指，人造髮菜大多以綠豆、粟米鬚或海帶絲做，製成品如粉絲般。
耀哥說，在未禁採髮菜前他入了大批貨，所以至今仍有真貨售賣，但相信三至四內便會售罄。而他店內只賣三款真髮菜，包括未經洗水的，彈性較好，適合自家食用；而已洗水的則較整齊，適合送禮，兩款價錢相同。還有一款更高級的，是來自外蒙古，較長身，所以價錢更貴。他還提醒市民，真髮菜每兩應約60元才算合理，而假貨隨時二三十元便有，差幅近一倍。不想買到假貨的話，最好還是到相熟及老字號海味店購買。耀成貿易公司上環永樂街219號記者︰黃依情攝影︰陳健邦、鄧鴻欣、周旭文2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
來源:
http://hk.apple.nextmedia.com/su ... t/20170114/19896295
【識揀惜食】海味店主教揀瑤柱 油潤乾身聞落鹹香為上品
1 :
GS(14)@2017-01-18 22:22:53Dilys表示，優質的瑤柱香氣充滿海水味，呈現帶鹹帶甜的層次感。
新鮮白色的元貝，經過鹽漬再曬乾之後，就會成為瑤柱。全球有多個瑤柱出產地，包括日本、中國、馬來西亞及俄羅斯等，但最優質一般會選日本北海道。但北海道亦有多個地方值得選擇，當中宗谷、猿拂、枝幸、湧別等水域優質，屬於一級地區，出來的瑤柱都較挺身而新鮮。當然也別盲信產地，高級雜貨海味店老闆娘Dilys有句格言，說：「買海味真的要親身去摸、去感受、去聞，才可以選到好的海產。」因此這次她教我們選瑤柱三部曲。
首先要看色澤是否夠油潤，好的瑤柱最好呈深啡色，且潤澤亮身，鹽漬不足或技術不好的劣質瑤柱可以淺色如杏色，手感也是黏黏的；第二是要觸感乾身，因為曬得乾身與否，其實影響海味浸發程度，越是乾身就能浸發得越大；最後要靠嗅覺，瑤柱理應帶有鹹香，當中帶鹹帶甜的層次感，甚至會呈現海水的味道，而非純鹽份死鹹的氣味。選好靚瑤柱就要浸發，相比起花膠、鮑魚等海味，發瑤柱的過程簡單得多，只需要沖一沖水，洗走灰塵或碎殼，浸泡後再蒸就可以。浸泡時可以選一隻較細的碟，加水至剛好浸過瑤柱就可以。瑤柱在吸水後會鬆開，水位變低的同時，水亦會呈現淡淡啡色，這些可謂瑤柱的精華，原汁原味，因此千萬別倒掉這些瑤柱水，既可以留來燜餸，亦可加入湯中一起煲，Dilys更即席示範如何運用瑤柱水。至於浸水和蒸的時間，會因應瑤柱大小及烹調方法有所不同，一般浸與蒸各兩至三個小時就可以。仍覺得麻煩的話，其實可以使用暖水甚至較熱的水，加速浸發的過程，但Dilys提提大家，花心機去慢慢浸發至透徹，瑤柱自能在烹調過程中吸收更多味道，讓整個菜式更加美味。好東西地址：灣仔皇后大道東131A地舖記者：黃穎妮攝影：劉永發
好的瑤柱要夠乾身，最好呈深啡色，且潤澤亮身。
(左至右)日本宗谷SA瑤柱每斤$780日本M+瑤柱每斤$1,080日本XL瑤柱每斤$1,680日本珍寶XL瑤柱每斤$1,980日本XXL瑤柱每斤$2,180
浸泡時可以選一隻較細的碟，加水至剛好浸過瑤柱就可以。
淡淡啡色的瑤柱水，是瑤柱浸出來的精華，可以留來燜餸或加入湯中一起煲。
這道「發財瑤柱寶盒」，正是Dilys利用靚瑤柱配合瑤柱水製作的菜式。
來源:
http://hk.apple.nextmedia.com/su ... t/20170118/19900159
太古廣場：利是錢做乜好？識揀一定唔會儲！
1 :
GS(14)@2017-01-27 07:40:05加番句家長指引先，家姐唔係教人亂fing錢，只係點樣用得有意義啲啫。老老實實，得嗰千幾至幾千蚊，如果想用嚟滾幾百蚊收益，就參考番《蘋果》財經版啦吓！利是錢，三個字，豐儉由人。如果大家唔係被電子派利是的話，通常到初十五拆都走唔甩千幾銀，返幾層office嘅可以去「洗樓」?利是嘅更加唔使講啦。呢個range儲又唔係多，一次過食晒佢又好似太浪費？醒啲另類投資過你啦。今年農曆年都算近新曆年頭，大家新一年有無話要做多啲運動呀，個人健康啲咁呢？如果你係放工跑兩步就攰嗰種人，有啲嘢醒你：用利是錢畀自己上一年PE堂！話說上年呢啲月費做運動App喺OL界相當之hit，因為實在係好抵！家姐我join咗個K字頭嘅，仲要係500蚊年代就join咗（家陣新會員要700蚊啦，但仍然抵喎，睇埋就知），每個月畀錢，唔使簽約，可以喺個App度揀十樣運動做，計落每一堂都係幾十蚊咋陰功。其實道理就好似運動版Uber咁，都係共享經濟嘅一種。將啲細規模嘅瑜伽、健身、打泰拳嘅中心放晒上去，畀你慢慢揀，每樣嘢一個鐘，好似以前上PE堂咁，今日可以去打一個鐘泰拳，聽日可以做瑜伽，喺手機book完，個人準時show up就得，地方揀番近自己office，放工做完返屋企食飯都得。不過以前個App仲有好多可以蒸吓身、蒸吓腳呢啲嘢玩，家陣都無晒喇，變咗要額外畀錢。個App另外好就係可以望下有咩活動先課金，砌到成個月時間表的話，咪健康吓囉。呢個係其一，如果唔想由做運動着手，想食得健康啲嘅，都有計！仲可以食埋英鎊平條水㖭呀！英國有個blogger，姑且叫佢KOL啦，介紹健康零食介紹到出晒名，家陣自己每個月揀啲健康嘅零食，塞落一個surprise box度，訂購咗嘅用戶可以每個月都收到一盒有零食有飲品嘅sourced box。如果日日坐office都係食熱浪、麥提莎嘅，咁不如試下啲天然海鹽焦糖bar、天然拖肥波波，或者西蘭花脆片啦，咁食法都無咁有罪惡感！不過呢個投資就可能要請教網購達人喇，因為係要先寄去英國，再代運嚟香港嘅。買足一年嘅驚喜健康零食，計番家陣英鎊都係千幾二千蚊咋，呢個價錢每日食熱浪飲檸茶都係食到八十幾日，仲會生痘痘㖭。【家姐教路】無論係用利是錢嚟買乜嘢都好，最抵一定係入晒落銀行，再用信用卡嚟買，用利是錢找信用卡條數。做運動App一定要用信用卡畀啦，呢個無計；至於英國零食，如果可以自己搵到代運服務，就可以碌英鎊自己買，賺到miles又唔使畀代購賺。不過小心代運收費呀，家姐中過伏，買咗三盒零食運番嚟要500蚊！三盒零食都係300幾蚊咋陰功。用代購之前，一定要先用佢個計算機預測吓運費係幾多呀！資料補充：做運動App係Kfit，英國零食係Sourcedbox，本人並無持有以上股票關家姐
http://fb.com/kwangajei本欄逢周五刊出
來源:
http://hk.apple.nextmedia.com/financeestate/art/20170127/19910076
Next Page