中環在線：農行潘功勝變「白髮翁」李華華
|
|
經歷幾許風雨嘅 農行（1288），噚日終於成功喺本港路演，600幾人塞爆金鐘香格里拉，虛冚程度唔比立法會嗰邊弱o架！除咗有好耐無蒲頭嘅中金董事長朱雲來全程坐陣， 大家熟悉嘅農行副行長潘功勝當然亦有列席。不過華華噚日喺呢個路演得到嘅最大得着，並唔係農行有幾勁，而係招股活動真係最「催人老」嘅「殺手」！
你 睇吓46歲嘅潘功勝，勞心勞力搞完個上市之後，將佢個樣同之前比一比，頭殼頂兩邊即刻銀光四射，即刻令人諗起王菲首舊歌嘅歌詞：兩鬢斑白都可認得你……
咁 後生就變「白髮翁」，其實都幾型吖，而且忙到無時間染髮係有回報嘅，皆因潘功勝自從幫完工行（1398）成功上市，已經由工行董秘搖身一變變咗農行副行 長，成功上位，乜都抵番晒啦！
|
| |
Next Page