📖 ZKIZ Archives

中區寫字樓當炒 左丁山

http://hk.apple.nextmedia.com/supplement/columnist/%E5%B7%A6%E4%B8%81%E5%B1%B1/art/20121208/18093743

行政會議久久不能決定發出免費電視牌照，皆因有巨大勢力嘅無形之手，阻頭阻勢。另外兩項擺在雪櫃好耐嘅案件，因政治性不算嚴重，但繼續拖落去嘅話，一定會耗損梁特首嘅政治資本，於是在十二月四日行政會議拍板嘞：（一）中區政府合署西翼交俾律政司署及非政府組織運用，不拆卸重建為商業大廈，算係向反對派保育團體讓步，費事刺激該派人士上街或申請司法覆核，繼續纏擾政府；（二）何東花園本是私人物業，政府如要宣佈為古蹟，強搶民產保育，業主之限制發展權利，實屬不妥，業主早已聲言若政府如此，必會告上法庭要求賠償，最初講嘅數目已係七十億元，後來樓價狂升，現在應該不止此數，試問政府有何上佳理由動用納稅人嘅七十億去賠俾何東爵士孫女？重建瑪麗醫院都只係七十零億元之嘛，點解唔用錢去起更多醫院同公屋，而要為一時之快，送巨資俾世家後人？故此呢次政府決定得啱呀，無謂到處引起火頭啦。
左丁山素來反對保留西翼，反對保育何東花園，前者因中區嚴重缺乏甲級商廈地皮，導至租金不斷上升，不利營商環境，後者因為何東花園係私人業權物業，99%香港人未見過，唔知在那裏，動用公帑去保育之，簡直係開玩笑。兩個反對嘅立場，並不矛盾，左丁山素來信奉市場及私有產權，行政會議今次決定，一對（何東花園）一錯（西翼），應該係包含了政治計算，梁振英希望耳根清淨而已。
何東花園重建為十座豪宅獨立屋，因其山頂地段獨一無二，背山面海，遠眺近觀，無不優美，將來賣幾多錢一間，難以想像，非左丁山發夢所能擁有，無謂多講。但中區寫字樓奇缺，政府合署西翼重建，雖只能提供三十餘萬平方呎，對大市影響，唔算太大，但心理上就令投資者及炒家覺得，中環再無新地皮可供興建甲級寫字樓之用，以後中區寫字樓可以繼續炒供求失衡，業主可以安心加租。咁就影響好多寄居中環乙丙級商廈嘅中小企啦（包括左丁山在內），橫街橫巷嘅餐廳食肆隨時被貴租逼遷，中區特色漸失矣，最後可以怪誰？當然係發展局長期規劃之失啦！
PermaLink: https://articles.zkiz.com/?id=40760

供乾與當炒 沒必然關係

1 : GS(14)@2013-08-07 00:22:28

http://www.mpfinance.com/htm/fin ... mnist/en30_en30.htm




【明報專訊】「供干」這個名詞由來已久，並非我的首創，但是，這專業名詞只是流行於專業人士的圈中，卻的的確確是我在2007年出版的第一版《炒股密碼》，第一次向散戶介紹了它的內容。

在出版了這本書之後，我儼然成為了供股專家，後遺症是，不時接到有關供股的查詢，初時覺得很有趣，後來則有點不勝其煩了。最深刻印象的一次是，有一位資深網民，名叫「阿里爸爸」，經常在網上回答網友有關供股問題，忽然來電郵問：「供干是不是一定要大比例供股呢？」

日前，又有一位老友來電，問我：「首都創投(2324)供股，是不是供干呢？」

我沒好氣的回答：「我都是你打電話給我，才知道它供股，怎知它是不是供干？」

其實，一隻股票的供股原因，單憑表面去判斷，是不一定準確的，因為股票的基本原理是：沒有凡A則B的定律，而是不確定的，一切只是機率。

股票沒有必然法則

不過，這位問問題的朋友，常常免費幫我做事，我只能應酬他一下，略看了一看資料，回電說：「這公司日前二供一，供0.65元，但供股日的股價都差不多，結果認購不足，包銷商上身。我不知其原意是不是供干，但結果卻的確是供幹了。」

我又補充了一句：「記覑我的免責聲明：股票沒有凡A則B的必然法則，供幹不一定會炒，炒也不必然要先供干。」

記得當日我回應那名「阿里爸爸」：很多教授供股的人，誤以為供干是大比例供股，其實供干最多的機會率是從二供一到一供二之間，原因？沒篇幅說了。

周顯
2 : GS(14)@2013-08-07 00:22:59

阿里巴巴成日話我無進步，繼我話成日講粗口死寫財技都無前途
PermaLink: https://articles.zkiz.com/?id=283655

周顯 炒股密碼 民生孖寶仲未當炒

1 : GS(14)@2015-08-23 01:01:25

http://www.metrohk.com.hk/index.php?cmd=detail&id=287886&search=1


近來股市不好，沒有新股票可寫，唯有把壓倉底的股票都拿出來講。以下兩隻股票是我信心十足，買了一直沒沽的，一隻是「民生國際」(938)，另一隻是「民生珠寶」(1466)，統稱「民生孖寶」，其老闆是幾百億身家的「華南城」(1688)鄭松興，人們說他很慳家，但我同他吃過一次飯，都請我飲武當86，好闊佬吖。
股災時，「民生孖寶」都無令我輸錢，只是贏少咗啫，所以我對它們都幾有信心。不過據線人講，這兩隻股票真正當炒時刻要等到11月，所以我的策略都是鎖在夾萬，同它長坐，唔係你死就係我亡，但只得一注本錢的散戶，當然不宜沾手了。


周顯 (逢周二、五見報)
資深投資者，著名股評人，股壇教育家
PermaLink: https://articles.zkiz.com/?id=292056

智取大市：中堅份子勁當炒

1 : GS(14)@2017-04-22 10:41:35

科網股炒風驚人，股價強勢確立，不如由佢放紙鳶。龍尾股如雲遊（484）、神州數字（8255）炒得狼過龍頭股，其中，雲遊炒高28%，收市升14.8%，報10.08元，但全日成交平均價係10.37元左右，唔少人去到收市要捱價。龍尾股基本因素較弱，往往得短線客埋身肉博，波幅大，不易駕馭，寧願輕鬆揸實龍頭仲好。當然，龍頭龍尾中間，仲有樣嘢叫中堅份子，市值細，基本因素唔差。昂納科技（877）係次線好選擇，5G加無人駕駛概念，繼續炒科網，跟住升嘅理由夠晒堅實。昂納科技發展傳感器及光雷達業務，管理層舊年預期無人車用光雷達2018年後應用，換言之，除5G帶嚟新訂單之外，昂納稍後仲有新增長點。昂納股價回勇其中一個原因，係BAT裏面開發無人駕駛技術較積極嘅百度，近日發佈名為「Apollo」嘅自動駕駛平台開放計劃，將向汽車行業及無人駕駛領域嘅合作夥伴提供軟件平台，幫助生產商結合車輛及硬體系統，快速搭建屬於自己嘅完整自動駕駛系統。此舉鼓勵汽車生產商加大無人駕駛研發，提高行業成功機率，昂納自然受惠，雖說產品2018年後應用，但股價嘅嘢，或提早反映。



晉佳
http://www.fb.com/advanceguy1本欄逢周一、三、五刊出




來源: http://hk.apple.nextmedia.com/financeestate/art/20170421/19996201
PermaLink: https://articles.zkiz.com/?id=331128

智取大市：中堅份子勁當炒

1 : GS(14)@2017-04-22 10:42:00

科網股炒風驚人，股價強勢確立，不如由佢放紙鳶。龍尾股如雲遊（484）、神州數字（8255）炒得狼過龍頭股，其中，雲遊炒高28%，收市升14.8%，報10.08元，但全日成交平均價係10.37元左右，唔少人去到收市要捱價。龍尾股基本因素較弱，往往得短線客埋身肉博，波幅大，不易駕馭，寧願輕鬆揸實龍頭仲好。當然，龍頭龍尾中間，仲有樣嘢叫中堅份子，市值細，基本因素唔差。昂納科技（877）係次線好選擇，5G加無人駕駛概念，繼續炒科網，跟住升嘅理由夠晒堅實。昂納科技發展傳感器及光雷達業務，管理層舊年預期無人車用光雷達2018年後應用，換言之，除5G帶嚟新訂單之外，昂納稍後仲有新增長點。昂納股價回勇其中一個原因，係BAT裏面開發無人駕駛技術較積極嘅百度，近日發佈名為「Apollo」嘅自動駕駛平台開放計劃，將向汽車行業及無人駕駛領域嘅合作夥伴提供軟件平台，幫助生產商結合車輛及硬體系統，快速搭建屬於自己嘅完整自動駕駛系統。此舉鼓勵汽車生產商加大無人駕駛研發，提高行業成功機率，昂納自然受惠，雖說產品2018年後應用，但股價嘅嘢，或提早反映。



晉佳
http://www.fb.com/advanceguy1本欄逢周一、三、五刊出




來源: http://hk.apple.nextmedia.com/financeestate/art/20170421/19996201
PermaLink: https://articles.zkiz.com/?id=331175
Next Page
ZKIZ Archives @ 2019