【馮仁昭四圍超】惠英紅爭影后拎獎放阿媽墳頭
1 :
GS(14)@2017-04-04 08:56:02■惠英紅有信心第三次拎金像獎影后。
【第36屆香港電影金像獎】惠英紅同香港金像獎特別有緣，82年憑電影《長輩》奪得首屆金像獎影后，10年再憑電影《心魔》奪同一殊榮，今年佢以電影《幸運是我》第三度提名，佢話有信心，但對手周冬雨、馬思純、鮑起靜同湯唯都好勁（見附表）。喺《幸》片中小紅姐演一名患上認知障礙症病人，故事係亡母藍本：「我媽病咗好多年，我再有耐性都會嫌棄。拍完套戲，我媽就惡化，佢冇睇到套戲。我媽過身兩日，套戲入圍，唔知開心定唔開心。」
■小紅姐用肺部比喻亡母，提到媽咪生前點滴即喊唔停。
■小紅姐侍母至孝，《幸》片正是以母親故事作藍本。
鬧母親好內疚
戲中陳家樂鬧小紅姐唔識用電視遙控器，原來係小紅姐媽咪嘅真人真事，小紅姐話：「我媽咪18歲嚟香港，到走嗰日都唔識用電話，電視遙控轉咗台，佢就唔識。嗰次我真係攞住個遙控一嘢掟埋佢身邊，話『你蠢過豬咁，不如死咗去』，跟住好內疚，見佢眼濕濕，又流鼻涕，我即刻行咗去，真係折墮啦，我死咗要落18層地獄。」如果小紅姐呢次再封后，佢話：「個獎會放喺阿媽墳頭。」一提亡母，佢即忍唔住流淚：「希望我媽知，我真係盡咗力。」小紅姐有名有利，但都有遺憾：「我冇童年，要搏殺，冇拍拖。人人做阿媽，我?家想咇都咇唔到出嚟。我人生好多殘缺，我冇得返學，小朋友有着過校服，我完全未着過。」撰文：馮仁昭
來源:
http://hk.apple.nextmedia.com/entertainment/art/20170404/19979082