梁變被動 令人感中央拒支持
1 :
GS(14)@2016-10-28 06:05:10【拆局】隨着胡國興、曾俊華、甚至葉劉淑儀正式公佈或盛傳將會參選下屆特首，至今仍然未公佈角逐連任的特首梁振英變得相當被動。有政界人士指出，若果梁振英無法搶在曾俊華辭職前宣佈連任，外界會解讀為中央不挺梁連任的訊號，「就算之後梁再宣佈參選，外界都會覺得，中央傾向支持曾俊華多過佢，佢個選舉工程就更加難搞」。
「成班支持者可能跳船」
該政界中人指，梁民望肯定不如胡國興、曾俊華及葉劉淑儀，能力也不及曾俊華與葉劉，唯一優勢是有中央、土共支持，而他早前說會在9月內決定是否角逐連任，就是想以先行宣佈參選造勢，「令人覺得中央祝福佢，令其他建制人士知難而退，就算唔撐佢嘅商界亦會歸邊，就算民望再低，一樣夠票贏小圈子選舉」。但梁如意算盤不只打不響，他遲遲不公佈角逐連任，反令人猜測中央是否拒開綠燈，若連曾俊華也正式宣佈辭職，梁參選仍「無聲氣」，「外界覺得原來梁振英冇中央祝福，中央似乎撐曾俊華仲多過佢，咁成班支持者可能跳船」，沒有中央全力支持下，梁也難敵曾俊華甚至葉劉淑儀的挑戰，「佢個選舉工程近乎冇得搞」。■記者莫劍弦
來源:
http://hk.apple.nextmedia.com/news/art/20161028/19814858