中環在線：美聯要錢趕仔走收港置總部放租 李華華
2008-11-13 AppleDaily
美聯集團（1200）主席黃建業近排認真唔得閒，既要面對神秘人梁向榮狙擊，又要不斷諗計為公司慳皮。集團旗下子公司香港置業，喺美國銀行中心33樓嘅總部亦都準備唔要，喺12月31日租約到期之後唔再續租，全部人手搬返去環球大廈25樓嘅美聯總部。
每月料執19萬
港 置o依家用緊嘅美銀單位，其實係由美聯持有，美聯已經拎番出嚟放租，單位面積3778方呎，呎租叫緊50蚊。如果以呢個價租出，月租都近19萬銀，租金雖 然同高峯期每呎83蚊完全冇得揮，但總算係以市場正常價錢放盤，可以幫補一吓，喺呢個時勢，小數怕長計，搵得幾多得幾多。冇幾耐前，美聯啱啱以提高生產力 為由，決定將港置公關及廣告部、資料研究部等後勤同美聯合併，即刻炒咗職位重叠嘅20幾人；冇俾人炒嘅員工，已經收拾晒細軟，全部返阿媽嘅環球總部繼續做 嘢。另外，同系嘅美聯工商舖（459）自從8月轉咗去主板上市後，咁唔好彩就要面對行業收縮嘅困局。
高層做騷有苦衷
為咗避免 一上主板業績就要見紅，行政總裁黃子華話呢排個個都辛苦咗，同時已經實行優化計劃去提高競爭力，包括cut廣告同重整人手，但未行到炒人呢一步，等人手自 然流失。不過，佢就話呢輪最重要都係定期出嚟現吓身，證明自己仲喺度，因為呢排啲網上傳聞威力好勁，唔見人一兩日，就好易俾人傳已經起咗身冇得撈。李華華
[email protected]
羅湖城拒溢價收港紙
1 :
GS(14)@2016-12-08 08:14:06■羅湖商業城大多數商戶仍不願意以「1蚊港元兌1蚊人仔」滙率找數。 黃耀興攝
【深圳直擊】人民幣風水輪流轉，貶值貶不停，上月每百港元一度可兌換90元人幣，不過內地人似乎仍未願意付出溢價，接收屬強勢貨幣的港元，本報到深圳羅湖商業城嘗試以港紙購物，商戶仍然不願意以「1蚊港元兌1蚊人仔」滙率找數，計到十足，的士司機聞言港元付車資，更隨即黑臉拒收。上世紀末，港元屬強勢貨幣，羅湖城商戶均樂於接受，港人當時未有計足滙價，以1兌1形式蝕讓內地商戶。到人幣升值時代，深圳商戶紛紛拒收兌人幣具貶值前景的港紙。直至近年，人幣滙價再度走下坡，羅湖城商店或酒樓以港紙埋單已非難事，惟仍未恢復昔日光輝，未受商戶「特別款待」。不過，今年下半年人幣兌港元滙價，由每百港元兌約85人幣，貶值至目前89人幣水平，港元地位似乎重現曙光。本報記者走訪深圳羅湖商業城多間商舖，大部份滙價雖然已隨市場滙率下調，但仍未見港元人仔「1兌1」，反映商舖相當「均真」。以位於羅湖商業城5樓的「港人蒲點」小桃園酒家為例，該舖一向接受港紙埋單，賬單同時列有港元和人幣兩種價錢，滙率尚算貼價，每百港元兌人幣見87.5，相當於人幣月初滙率水平。酒樓經理坦言：「我哋梗係冇可能日日跟住滙率啦，但每隔一段時間就會參考市場點走」。不過，商業城地下的健富美按摩中心收費則相當滯後，雖然價目表列明「人民幣定價，港幣同用」，但櫃台職員表示，事實上是以每百港元兌85人幣價格埋單。以中式雙鐘108元人幣為例，未計及技師小費，實收127港元，重返6月滙價水平，其他員工聞言櫃台報價，亦紛紛竊竊私語。本報記者亦嘗試到小攤檔購買價值25元人幣的iPhone6手機殼，幾經講價後，最後只能成功以25港元，即「1兌1」價錢購買，並找回5蚊港元硬幣，勉強算是成功以「1兌1」港元兌人幣滙價購物。雖然羅湖商業城商戶的滙兌比例各異，但尚算樂於接受港紙埋單，不過，一向只收人民幣的深圳的士司機反而未見改變心態，記者連遭三位的士司機果斷拒絕以港紙埋單，有司機聞言更「即時黑面」，着記者到就近找換店兌換人幣，也不願意接收港元。港紙光環仍未發亮，但中大工商管理學院助理院長李兆波認為，內地人始終擔心人幣跌勢不止，有機會令資產縮水，若果每百港元兌人幣93水平，相信港元「1兌1」大有機會重現羅湖城。李兆波透露，由於不時要到中大深圳校園授課，最近其實已見商店可收港紙「1兌1」。「好似本來要畀廿蚊人民幣貼士，但我畀廿蚊港紙佢地照殺，而且個樣睇到港紙係開心嘅，都係近兩個月先見到」。他亦謂，平日於內地搭的士車資最少要70元人民幣，有信心長途車程司機亦願意收港紙。
來源:
http://hk.apple.nextmedia.com/financeestate/art/20161208/19858556