📖 ZKIZ Archives

即使生於不同年代，動畫都陪伴大家成長。今年26歲的孖仔Alex和Zenith從小便受廸士尼、數碼暴龍、機動戰士及Pixar出品等卡通動畫所薰陶，他們更一同修讀創意媒體(creative media)，由「睇」動畫到「造」動畫。畢業後，2人成立RedPill studio，接動畫製作工作，他們表示有再靚的畫面，也要一個好故事來配合，他們希望可以將香港文化融入其中，目標讓香港動畫踏上國際舞台。

Alex和Zenith最近參加了「第三屆動畫支援計劃」，希望透過動畫帶出廚餘的問題，呼籲大家珍惜食物。他們的影片《媽媽你在哪？》講述雞媽媽及兩個孩子的故事，當中用了香港動畫少用的3D模擬2D風格，令人印象深刻。哥哥Alex表示：「我哋想試多啲唔同風格嘅表達手法，帶畀大家多啲視覺衝擊。」他們希望日後的動畫可以加入更多香港元素，善用這些本土獨特的素材創作。

節奏太慢重新設計

Zenith負責角色設計及導演，Alex則負責分鏡、打燈及氣氛，2人異口同聲說好故事才是製作動畫的重點。Alex表示：「製作《媽媽你在哪？》呢條片暫時係最難忘，除咗會有funding畀我哋拍片外，仲會有業界人士畀意見我哋，例如我哋想主角去好多唔同地方逐步搵媽媽，但過咗first cut後，大家覺得節奏太慢，要重新設計。於是我哋就諗加飛車同追逐位，令劇情緊湊啲。」製作《媽媽你在哪？》令他們明白到編劇的重要性，「今次令我哋明白到，大家喺編劇劇情方面比較弱，日後除咗練習多啲外，都會搵人幫手編劇，聽多啲意見。 」此外，此計劃還助他們建立知識產權、參加展覽，認識到很多合作伙伴，幫助很大。Alex和Zenith修讀城市大學創意媒體，他倆笑說當初並沒有刻意選擇這條路，Alex說：「雖然我哋鍾意動畫同音樂，但喺爸爸嘅影響下，喺Jupas揀科時，我揀咗應用科學、理科嘅科目，諗住易入啲，點知一齊派咗CM副學士。」

有千個掣要記

他們現時的創作以3D動畫為主，因從小已特別偏愛這類卡通，「細個睇《反斗奇兵》已經覺得啲動畫好靚，另外對Avita嘅視覺效果都好有興趣，好想了解多啲。入學時，發覺學動畫同睇動畫有好大距離，用一個製作程式，有幾千個掣要記住點用，又要搵code搵program，真係唔係咁易。」13年畢業後，Alex及Zenith分別從事動畫師及商場佈置設計的工作，Zenith覺得工作重複並沒有發揮空間，他們想趁年輕嘗試創業，15年便與兩位朋友一同成立了RedPill studio。Alex表示，廸士尼動畫對他們的影響頗大，「動畫最受青少年同小朋友歡迎，幫助小朋友建立價值觀，廸士尼動畫好多都黑白分明，所以我哋想用動畫，透過唔同嘅角色，用輕鬆手法教小朋友正義、分辨是非黑白嘅價值觀。」

看電影學編劇

他們強調製作動畫不只着重製作技術，動畫亦是一齣戲，故導演及編劇能力都很重要，他們會看很多電影、廣告、漫畫及動畫作參考，Zenith說：「最近睇咗韓國嘅電影《逆權大狀》，覺得好好睇！我哋咩戲都會睇，有時會迫自己睇。做動畫要識點樣去講故事，要睇好多戲，學編劇、剪接、畫面顏色、呈現方式等技巧。」因朋友圈內多屬於傳播媒介，人脈較廣，他們經朋友介紹下，接的工作包括《2016奧運宣傳片》、《Suzuki SW1 Turntable》、曹震豪 《Get Away》 MV、第三屆香港藝穗民化節《Crazy Toyy》預告片、產品介紹片及一些公司內部宣傳片等。「我哋第一次接job，係媒氣公司嘅宣傳片，唔係好識同人接洽，又唔識個工作程序係點，試過未finalize已經send咗個final version嘅file畀客；又試過接其他job，個客要求改咗20至30次圖，而家會就project規模同性質，一早同客講定只可以改幾多次同埋set個期限。 」現時他們每月約接1至2單工作，視乎規模大小而定，每單賺$25,000至$50,000不等。

鬧交好無謂

兄弟難免會吵架吧？Alex和Zenith均表示：「咁大個人都唔會點鬧交，學生時就有，但嗌完又咩都做唔到，好無謂。而家一有唔同意見，好似角色死唔死好、點樣死、有咩技能等設計問題，我哋都會理性討論。比起同朋友討論，我哋明白對方多啲、有默契啲，同埋講嘢較直接，慳番好多時間！」他們希望將來可以造原創動畫及找投資者，將香港動畫帶往國際。

開業成本：

資金：$100,000器材：$25,000

總投資：$125,000

每月開資：

租金：$0（Home office） 人工：$20,000（老闆2人）營業額：$300,000

盈利：$100,000

RedPill studiohttp://www.redpillstudio.hk

撰文：霍芷晴攝影：劉宇軒（部分圖片由被訪者提供）

香港出名「人工低、物價高」，打死一世牛工都未必買得起「蚊型劏房」，「秘撈」都是人之常情。但有沒有想過，搭車返工行街都可以做到「秘撈」？任職微軟工程師多年的譚諾文（Kurt），眼見平日香港通街是人，深感人力資源非常充裕，以及大多速遞服務在非工商大廈接收就要加錢。他決定開發「全民速遞」app，鼓勵一眾在戶外工作的銷售員、主婦，以及退休人士擔任「速遞員」，為有需要的消費者或機構提供送貨服務。「全民速遞」六月尾成立至今，已成功邀請近四百人擔任「速遞員」，促成近一千宗交易，Kurt認為需求比想像中大，目標是衝出香港，打入澳洲、大陸等市場。但現時不斷「燒錢」，完全零收入，又能否吸引投資者？我點sell 港人愛「秘撈」

本是任職微軟工程師的Kurt，坦言聽過不少舊同事都試過「秘撈」：「尤其係寫program同graphic design，接散job嘅機會比較大，我都試過見自己下屬疑似做公司以外嘅嘢。」香港雖然工時長，但坦白說，很多時都是浪費在「等開會」、「驚早走俾人講」多於有大量工作，Kurt坦言當時對「秘撈」持開放態度：「我覺得能在指定時間內做好自己嘅嘢就OK。」

狂數順豐弱點

由「隻眼開隻眼閉」到「吸引人秘撈」，Kurt在開設Startup時都做足功課，深入了解過香港速遞行業。他發現行業龍頭順豐、DHL等，如果貨物不能在早上寄出，就要等到第二天才能送到對方手上，覺得市場有一定的空間：「所有人都可以做我哋嘅速遞員，而貨物重量限制喺5kg以下，主要喺港鐵沿線運送。所有住宅、醫院等地都送，接單之後保證兩個鐘內就送到。」而服務時間為二十四小時，他表示若沒有速遞員接單，他的團隊就會親自運送。

長者善用優惠好過執紙皮

Kurt指出，現時每單收費大約三十多元左右，「速遞員」主要為退休人士、銷售員、以至公務員。他指由於六十五歲以上長者可享有每程兩元的港鐵優惠，所以他們做「速遞員」最着數，比起「執紙皮」化算得多：「由大圍到九龍塘，其實只是十分鐘的車程，但都計算在跨區（新界到九龍），即是十分鐘左右就可以有三十三蚊淨收入。」他透露，最快試過有「速遞員」同一時間內接八張單，用了兩個小時就賺了二百多元。

專家點評香港市場有冇咁大？

今次《擂台》請來香港電腦學會副會長陳超琼（Matthew）擔任評判，Matthew貴為今年Google EYE 年輕創業家計劃評判之一，看過不少Startup發展。他開始時就指整個營運模式就好像Uber在美國推行的快遞服務，對行業深感興趣，但在港實施是否可行？

M：Matthew全：全民速遞

M：你整體的商業模式是如何賺錢？全：我們都是靠數量，我們有自由速遞員的話，就會有利潤。雖然現時還未實行，以擴大使用量為主，但下一階段我們會考慮收費，寄件者先直接給速遞員費用，我們之後才跟速遞員計數。模式就是他們需要先買代幣，可以增值在賬戶上，他們會有二十元、五十元、甚至一百元的選項，好像八達通那樣。

M：如果包裹裡面有任何貴重物件、甚至是危險品，你又如何去保障雙方？全：首先是安全性方面，我們的使用條款是三方面的條款，速遞員已有一個免責聲明，情況就好像速遞公司的速遞員，他們對於貨物的合法性其實是免責的，如果他們見到貨品有懷疑，我們會建議他們不要接收。至於寄件者方面，他們在使用條款上是要為貨物的安全性負責。最後我們有一個意外的補償，如果貨物有遺失或者損壞，公司每一單都會有最多五百元的補償。

M：如果有速遞員經常送東西，有寄件者亦經常送同一條路線，會不會在平台上結識了，就不使用你們的平台？這一部分你又有什麼準備？全：我覺得如果是習慣性，每天都做，就正正是速遞公司的對象客戶，你說有沒有客戶每日都要送出很多貨物，暫時未有這個情況發生。我們旨在分割兩個市場，盡量避免吸納一些本來是使用速遞服務的客人。

終極判決好難搵投資者燒錢！

我覺得香港市場的確是有空間，但最大問題就是供應及需求，如何兩邊都做大一些，令到需要送件的人可以短時間內送到，暫時都是一個疑問。我建議他們可以再增加一些服務，例如有一些貨物是要確保速遞的時間是一小時以內送到，好像一些新鮮食品，就可以將收費調高一些。由於之前以「燒錢」來擴大市場份額的Startup實在太多，再繼續以類似的模式，難以吸引投資者。他們應該要考慮一個比較有創意的方法，去令市場規模上升。如果以這個商業模式走下去，我會給大約7.5分。

撰文：梁延宇攝影：鄭樹清攝錄：廖健昌[email protected]