建智慧城市紓交通擠塞
1 :
GS(14)@2017-01-24 01:58:47【本報訊】為令重建更具效益，市建局行政總監韋志成「大膽」提出以往多用於保育項目上的轉移或儲存地積比方法來重建舊樓，並以智慧城市模式來減低加密帶來的負面影響，他又暗批市建局以往重建模式，如早前土瓜灣以小社區式重建，稱若是他主導會研究拆卸東九龍走廊來改善環境，「呢個先係真真正正市區更新」。
借鏡台灣轉移地積比
韋承認轉移或儲存地積比以往缺先例，他解釋「例如一幢舊樓，地契容許起10層，佢只起咗9層，但佢重建冇着數，我哋可以買咗佢嗰一層，放落有重建潛力嘅地方」。至於儲存地積比則將地積比先儲起，待有適合項目才使用，他認為不涉修改法例，但接收地積比的項目或需城規會批准放寬高度限制。韋希望以智慧城市方法來處理增加的樓宇密度，「如果處理唔到就減番低啲」。如果交通無法負荷，可以用智能交通燈紓緩擠塞，排水方面加入污水重用等。韋志成又多次暗批市建局過去工作，認為該局不應只做重建項目，更要改善社區規劃，「過去15年市建局喺規劃做得不多」，即使土瓜灣小社區式重建亦有不足，「東九龍走廊對附近居民滋擾好大，如果3年前開始參與，我一定會研究吓可唔可以拆咗東九龍走廊做大規模市區更新」。但承認過去市建局因要接手土發公司項目難以做得太多。韋亦暗批政府提出的旺角「超級天橋」計劃，「係咪有其他smart（聰明）啲嘅方法？」市建局董事黃遠輝指，台灣地震後曾以類似轉移地積比方法鼓勵私人發展商一併重建「冇肉食」的舊樓，認為本港可作借鏡。■記者鍾雅宜
來源:
http://hk.apple.nextmedia.com/news/art/20170123/19906127