無綫舊臣重敍開工 羅嘉良變接待員
1 :
GS(14)@2016-10-05 05:34:492016-09-21 EW[table=100%]
[td=3,1][table=100%]
|
|
[td=3,1]
近年圈中興食老本，不少膾炙人口的影視作品均被翻拍，寰亞與內地視頻網絡合資一億元，將經典電影《無間道》拍成超級網劇。
金牌監製梁家樹起用羅嘉良和羅仲謙擔大旗外，更急召一眾已離無綫的舊臣劉松仁、秦沛、廖碧兒、盧海鵬等坐鎮，貪其有份量有演技，收視有保證。日前他們在大角咀拍攝一場出殯戲，鏡頭前黑白兩道對峙，但鏡頭後羅嘉良跟秦沛互攬問候，開工不忘敍舊。
吹水交流
近年無綫一線到甘草演員買少見少，回復自由身的他們，活躍於電影和內地市場，已離巢六年的羅嘉良，剛獲邀回巢娘家拍攝新劇《與諜同謀》後，近月又參演《無間道》網劇，似乎薑還是老的辣，中港兩地都有叫座力。
日前他跟秦沛、林嘉華、郭政鴻、廖碧兒和盧海鵬等齊集九龍殯儀館門外，拍攝一場黑幫教父出殯的重頭戲，當中出動近百名黑衫臨記扮社團人士，與飾演警察的羅仲謙帶隊對峙，場面幾許亂真。鏡頭前警黑針鋒相對，不過私下一眾無綫舊臣難得重敍，話題不絕。每逢等埋位及放飯，都圍在大街大巷一起吹水，羅嘉良對前輩秦沛更禮貌周周，主動握手問候，秦沛又跟曾一樣過檔港視的廖碧兒雞啄唔斷，現場簡直變了敍舊會。
新舊融洽
是次是中港合資網劇，金牌監製梁家樹原屬意到內地選角，以配合兩地市場口味，但因內地藝人開價太高，遂改用昔日合作無間的一眾無綫舊臣參演，論演戲經驗及份量比新紮偶像藝人有過之而無不及。昔日在無綫捱慣，飾演黑幫大佬的羅嘉良，大熱天時着三件頭西裝加大褸，而廖碧兒則着羽絨兼腳踏四吋高跟鞋狂奔，都無詐型。
羅嘉良跟廖碧兒劇中還有感情線，說：「今次咀戲拍得好享受，因為要唔同位置拍攝，所以同廖碧兒咀咗五、六次。車震戲就啱啱拍完，今次過足戲癮。」而能跟無綫舊臣合演，羅仲謙直言獲益良多，「今次我算係第一次做反派，知道撈家做反派有一套方法，我都會請教佢。」似乎呢次新舊融洽，擦出新火花。
撰文、採訪☆娛樂組 攝影☆娛樂突發組 設計☆李浩然
|
|
【馮仁昭四圍超】為老婆居北京羅嘉良因女兒住三亞
1 :
GS(14)@2017-02-09 23:44:16■羅嘉良帶妻女搬去三亞避霧霾。微博圖片
無綫重播嘅《創世紀》，由葉榮添為下一代搞「無煙城」，建一個冇污染又乾淨嘅地方。可惜現實生活中，羅嘉良（撈家）束手無策，只能夠選擇遠走他方，避開霧霾。前日撈家喺金鐘接受訪問，講到同內地女星蘇岩婚後，遷居北京，近年為咗4歲囡囡Sela，全家搬去三亞，佢話：「可以話係避霧霾，主要係年底去避一避，個女?家讀幼稚園，請多少少假冇所謂，況且我哋都好鍾意呢個地方。」本身係香港人嘅撈家，大可以帶囡囡返港讀書，佢話：「未決定囡囡係咪返香港讀書，有人提議過，同老婆商量吓，我本身就睇大環境，但係我都好懷念香港，懷念大家，希望再返嚟發展。」雖然錢重要，但唔可成日將錢掛嘴邊，撈家話：「錢夠用，差唔多就得，做人都係咁，差唔多就夠。我有一個非常美滿同幸福嘅家庭，非常感謝上天，麵包當然緊要，但係最緊要係家庭和諧，幸福係用錢買唔到，其實?家已經放慢咗。」
■梁家樹監製嘅網劇《無間道》，搵咗羅嘉良（左）同郭政鴻合作。劇照
■羅嘉良未決定係咪帶囡囡返港讀書。攝影：仇志德
新作下月播
舊年撈家留港拍劇七個月，新作大概喺下月播出，不過佢慨嘆同劇對手都係唔識，佢話：「其實都係見吓啲老朋友，有人出出入入都好正常！」至於獎項，撈家根本唔介意，佢話：「?家都唔會諗呢啲，以前都攞過三屆，又經歷咗咁多年，似乎攞獎金好啲！」撰文：馮仁昭
來源:
http://hk.apple.nextmedia.com/entertainment/art/20170209/19922101
14年前演一套 歐瑞偉冇老過羅嘉良走晒樣
1 :
GS(14)@2017-04-10 23:36:02喺娛樂圈入面，女藝人最光輝嘅時間，會係18至30歲，但男藝人呢？30歲先係佢嘅開始，好似歐瑞偉咁，佢做演員咁多年，但最令人入心嘅，一定係當年《尋秦記》嘅陶總管喇，之後就係近年喺《愛•回家》入面演嘅賤精KC，最近佢就喺《與諜同謀》入面演曾京生，再一次同羅嘉良（撈家）有對手戲，冇錯，係再一次，因為佢同撈家喺2003年播出嘅《衛斯理》入面，已經合作過一次。大家如果有留意的話，歐瑞偉o依家個樣係同佢當年喺《衛斯理》係冇分別，14年嚟都冇乜點老過，真係keep得唔錯。相反撈家就唔同喇，比起當年嘅佢，老咗唔少，睇嚟歐瑞偉真係有佢一套嘅養生之道喎。除咗個樣keep得好，歐瑞偉個body都一樣咁正，上年播嘅《城寨英雄》，歐瑞偉演嘅楊竹鑾，係套劇嘅最終boss，除咗要演得奸之外，仲要打得，而因為佢劇中係識得鐵布衫，所以會有唔少爆衫嘅場面，大家可以睇到現年55歲歐瑞偉嘅身形，真係keep得唔錯！
來源:
http://hk.apple.nextmedia.com/entertainment/art/20170410/19985881
《天地豪情》頭三集劇情重溫羅嘉良郭藹明鬥到七彩
1 :
GS(14)@2017-07-09 03:39:10無綫喺15年4月喺深夜播映神劇《大時代》，掀起一輪煲劇熱潮，搞到嗰段時間嘅收視上升，自此之後無綫安排咗唔少經典劇喺呢個時段播出，一連播映三輯嘅《妙手仁心》喺日前播映完大結局後，現時重播嘅係1998年嘅《天地豪情》。呢套劇當年搵咗黃日華、羅嘉良、張家輝同蔡少芬等主演，羅嘉良喺出場嗰陣，講佢係一個終日遊手好閒嘅賭仔，唔單止輸咗姑媽留俾低加拿大間餐館，甚至連飾演佢女友Apple嘅姚瑩瑩老竇嗰間餐館輸埋，於是撈家返香港問老竇胡楓借錢。郭藹明受胡楓所托去咗機場接機，撈家一落機即刻問郭藹明借錢賭馬，輸咗八嚿水，當然有借冇回頭。之後，當然唔少得講郭藹明同羅嘉良從冤家變情侶嘅劇情。查實呢套劇曾經喺03年2月同10年5月喺無綫重播，連埋今次在內，已經第三次重播。
來源:
http://hk.apple.nextmedia.com/entertainment/art/20170708/20082904
Next Page