| ||||||
喺 現金為王嘅今日,坐擁46億盈餘嘅證監會,仲未肯將呢筆「巨資」退還畀市場,仲繼續按佢哋目標將筆錢用喺投資者教育度。噚日,佢哋「第二屆投資智叻闖三關 ─終極爭霸戰」搞咗個頒獎禮,冠亞季軍分別獲現金獎3萬、1萬同5000蚊, 唔單止咁,證監會由今日起仲換過首廣告歌,曲係黎小田32年前作嘅《問我》, 詞就換過晒,大家可以先睹為快:「問我基金價格幾多,問我孖展幾許風波,我如何能夠一一去搞清楚。問我點解會高興,究竟點解要苦楚,要記住投資風險必須要 問過。無論個市有百般對,或者千般錯,投資本來幻變多,面對世界轉變,逆市要如何,投資先要溫功課。明智投資,學『問』為先。」搵首阿媽年代嘅金曲去宣傳 掂唔掂,華華就唔知,但估佢都係因為歌名貼題,唔識投資就問多啲囉。首歌唔係由著名歌星唱,咁唔使得佢幾多錢,證監會傳統一向慳家,按佢哋燒銀紙速度,如 果46億銀用晒嚟做投資者教育計劃,睇怕點都夠用100年。 | ||||||
2000-8-11 NM
▲梁雅婷大學期間主修市場學,副修英國文學,她自言愛閱讀,直認不是一個愛創作的人,「所以我做COO ,執行別人的意念。」
本地網站的喪鐘已經敲響了,有裁員有清盤,有點人人自危。 身為本地最早一批財經網站的Finet Online ,最近卻動作多多,除了改名「財華社」外,還創辦了免費財經晚報《財華速遞》,未來三個月會增聘廿人,更揚言會按原定計劃,於今年底或明年初在 Nasdaq 及創業板上市,儼如網界奇葩,卻予人「最後一擊」之勢。 Finet Online 創辦人之一梁雅婷,自言籌集資金從來不是經營中最困難部分,「我哋搵資金係為咗擴充業務,而唔係cover burn rate 。」
當
▲財華社董事總經理虞堂根說,他們的衣著有別一般IT 公司,連程式員 也恤衫、西褲一度。「始終我哋做財經資訊,formal 啲好啲。」
同期的財經網站寬網(Quamnet )借殼富華上市尚未有定案之際,財華社(前身Finet Online )繼今年三月獲《讀者文摘》及通用金融入股後,近來再高調宣揚,今年九月前會落實第二輪融資,再次引入另一名策略性股東。究竟財華社有何能耐,在如斯市況 下,依然惹來垂青?
「我哋一直都想長線發展,成日諗住點樣建立生意,所以我哋吸引唔到VC (Venture Capital 創業基金)。」身為財華社創辦人之一,現任營運總監的梁雅婷說。
「我哋個個日日做十四個鐘,就係想盡快建立多啲產品。你愈build (建立)得多嘢,人哋咪信你囉;你成日得把口噏,梗係搵唔到錢返嚟。」
「但你推出愈多產品的同時,亦會使得更多錢!」記者說。
「所以我哋成日都好tight control !我哋個網站上年二月出街,一直要到十月廿一號先賣第一個印刷廣告。
「人哋網站燒錢速度(burn rate )講緊每月幾百萬,但我哋上年嘅burn rate ,可以低到十萬、十幾萬一個月。而家公司有一百人,每月burn rate 都未去到三百萬。」
梁雅婷直言,她跟另外兩位創辦人,負責技術的區兆倫和負責經營策略的行政總裁余剛,要到今年二月,網站面世後整整一年,才開始支薪;而公司創辦初期的十多名員工,大部分人工每月不過一萬,主要用公司認股權證(share options )搭夠。
而剛於今年初遷入,位於上環金龍中心的辦公室,財華社雖佔用兩層,租金加起來每月不過十五萬多,他們的慳儉程度可以想像。
積極開源搵錢
▲ 董特首特別顧問葉國華擔任主席的興科融資,也是財華社股東之一。
節流以外,梁雅婷自言公司亦不斷開發搵錢渠道。除了出售網站內容予雅虎香港,AOL 香港等入門網站,替東亞、京華山一等證券行建立網站外,今個月開始,還會出版有廣告收入的財經報紙《財華速遞》,逢星期一至五傍晚時分,在十四個地鐵站免 費派發。事實上,未出版《財華速遞》前,財華社已經出版投資書籍,再加上今個月開始易名「財華社」,難免令人覺得他們正極力淡化本身網站的形象。
「我哋一路冇諗過自己係dotcom (網站公司),網站上年二月出街,我哋四月已經出第一本書,出得仲早過網站中文版,我哋唔係轉方向。」
訪問期間,梁雅婷不斷強調財華社一直沒有資金壓力,不過觀乎財華社計劃招聘的廿人當中,其中一半為市場銷售員工;而新近上任的董事總經理虞堂根,亦會專責研究公司的賺錢途徑,種種跡象反映,財華社正積極搵錢。
「做任何生意,你都係想盡快搵多啲賺錢途徑㗎啦。好似李嘉誠而家都咁多錢,佢都唔會話唔做嘢。
「我哋一路都想投資快啲有回報,唔想依靠單一收入途徑,先至不斷開源。」
三十未到女強人
架着金絲眼鏡,蓄着長髮的梁雅婷,外表溫婉,然而一提到公司業務時,則儼如一副女強人模樣。香港出生的她,三歲時跟家人移民加拿大溫哥華,至九三年英屬哥倫比亞大學商業系畢業後才返港,一直從事市場推廣工作,其間修畢中大工商管理碩士課程。
九六年,她加入一間台灣及大陸背景的企業融資公司(名字拒絕透露),任職項目融資經理,負責替國內電廠、公路等項目找資金。九七年金融風暴後,公司結束生意,她搵工期間,遇上朋友找拍檔搞洋酒貿易,她就「斟」了一把。
九八年一月在一個試酒會上,遇到當時還在港大就讀金融學系的區兆倫,再加上余剛的資金,Finet Online 就這樣成立。
由一間原本只有兩個人的小型財經網站,發展至擁有一百名員工的財經資訊供應商,還未滿三十歲的她,可有滿足感?
「有一部分係自己努力,但大部分係公司整體成果。我哋唔似其他競爭對手,公司冇一個star ,完全冇明星效應。我覺得好幸運公司有一支咁嘅team 。」這位營運總監,答得一貫大方得體;而訪問過程中,對公司經營前景亦語態輕鬆,恍如置身事外於漫天烽火網劫中。
財來自有方
梁雅婷自言,今年三月入股的《讀者文摘》,以及下個月就會落實的另一名股東,都是主動找上門的。「我哋叫做幾lucky ,有好多人主動搵我哋,你睇我哋都唔叻㗎,又唔識玩上市又乜又物,又冇 connection 。」
Finet Online 去年初面世時,只得四十幾名網上讀者,其中一個就是《讀者文摘》董事總經理Tony Rees 。四、五個月後,他主動致電Finet Online 要求入股。「我哋冇乜點睬佢,因為當時唔係好需要資金,亦唔想一開始就賣出一大截股份俾人。」梁雅婷說。
去年尾《讀者文摘》再次提出入股要求,據梁雅婷所言「時間啱啱好」,結果今年三月完成入股交易。
「資金會否是因素之一?」記者問。
「會係,不過當時搵資金嘅同時,亦想搵一個可以幫我哋發展海外業務嘅拍檔。」梁雅婷由始至終,未有正面承認財華社資金是否曾經出過問題。
撰文:盧遂如 攝影:何少忠[email protected]
|
||||||
股市㷫烚烚,三月初由大劉劉鑾雄 長子劉鳴煒入主揸旗的金匡(286),一度由0.305元炒至3.49元,勁升十一倍。不過上週五(六月一日),身兼父親旗下華人置業執行董事的劉鳴煒突 然宣布唔撈,理由是「須投入更多時間履行華置執行董事的職務」。消息一出,金匡股價連續幾日插水,截至本週二(五日),以1.78元收市。 功成身退,下一步是專注接棒父親近二百億的地產王國。雖然有大水喉射住,但劉鳴煒離奇踏實慳家。上週六,記者發現他跟太太Wendy於銅鑼灣行街,二人無保鏢跟身,衣著打扮極之普通。平民化 今年二十六歲的劉鳴煒,去年年中由英國返港,先出任華置投資者關係經理,到年尾被大劉升為執行董事,協助父親打理市值二百億的華置業務。 老豆有銀,但劉鳴煒慳家,上年十月,他被發現由灣仔逼地鐵落中環。據了解,大劉雖然擁有多部名車,包括價值六百多萬元的Maybach,但劉鳴煒平日常以地鐵代步。知情者說:「佢成日搭地鐵返工。」 除 了搭地鐵,劉鳴煒的衣著亦普通。上月二十六日傍晚,記者於銅鑼灣發現他拖着太太Wendy於景隆街一帶的寵物店睇貓狗。當日劉鳴煒身穿三百幾蚊的 A&F polo T恤,手戴千二蚊Casio膠錶,孭着五百幾蚊的The North Face背囊,而不施脂粉,樣貌賢淑的Wendy,亦跟丈夫一樣街坊。二人走在銅鑼灣街頭,完全唔似有錢人。 聽教聽話 二人於寵物店外齋睇一輪,再步行到時代廣場「食通天」準備醫肚。其間劉鳴煒發現有記者,於是拖實老婆開行turbo甩記者。 事隔一星期,劉鳴煒突然宣布辭掉金匡主席一職,據了解,他之所以請辭,其實只是聽從父親聖旨。 由 細到大都聽教聽話的劉鳴煒,在大劉悉心培育下,廿歲出頭便獲得紐約州註冊律師以及特許財務分析師資格(CFA),並持有倫敦大學法律學士學位、倫敦經濟及 政治科學學院法律碩士學位,更即將完成法律哲學博士學位。除了在華置學嘢,今年三月,他在大劉穿針引線下,於華置持百分之五十股權的金匡企業出任主席。入 主後,由於市場流傳金匡將會有「大動作」,所以股價最高試過被炒高十一倍,市值由二億幾升至廿七億。 大功告成,傳聞大劉即召兒子歸隊,積極鋪路給兒子接棒。據大劉的身邊人說:「佢好聽話,大劉成日派佢去世叔伯啲公司『學嘢』,佢就好似見習生咁,戴住個臨時職員證去睇人哋做嘢。大劉見佢咁乖,都表現得好開心。」
大劉前妻寶詠琴○三年因腎衰竭病逝,她曾說最錫大仔劉鳴煒(左),因他性格溫順,處事成熟和節儉。相反妹妹劉秀融就較任性,九九年兩母女歐遊時曾大打出手。 住酒店 大劉錫仔錫到燶,但兩父子就分開住。 據知大劉本想將華置旗下的白加道三十一號,其中一幢豪宅送給兒子及媳婦,不過最後因為市價高,才公開放售。而劉鳴煒亦好體諒,自行租住中環四季酒店的四季匯,跟徐子淇做鄰居,一住接近一年。 即使大劉有N個豪宅物業,但劉鳴煒從不要求父親送樓。「佢話想靠自己,所以情願租樓住,都唔想老豆送俾佢。」知情者說。 接掌二百億王國指日可待,有腦又肯捱的劉鳴煒當然唔使急。 渣甸山大地主 人稱大劉的劉鑾雄是華置主席,也是崇光百貨大股東。根據今年福布斯全球富豪榜,大劉身家達164億港元,全球排名458。但由於大劉「私產」豐富,估計現時他上市資產和個人物業投資等,總計身家達400億港元。 有「渣甸山大地主」之稱的他,手持的豪宅物業包括白建時道6號、睦誠道11號、高士美路2-3號等。與女友呂麗君同住的白建時道獨立屋,佔地二萬呎,擁全維港海景,市值逾三億。雖然家有大宅,但劉鳴煒情願靠自己租住酒店,都唔住父親的豪宅,頭。 |
|
||||||
鋪界都知道元朗有個「鋪王鄭」,他是炒元朗鋪的始祖,但素來低調,從不願上鏡,外界對他的發跡史亦所知不多。廿多年來,他只炒賣元朗鋪位,數目超過二百個,更奇跡地做到只賺不蝕,多年來淨賺超過一點六億元。 「鋪王鄭」名叫鄭錦祥,今年七十三歲,原來他是小學老師。坐擁逾三億身家的他,生活卻異常地慳儉,街坊指他午餐只吃三元一個菠蘿包充飢,在士多買四元一件「馬仔」都講價,講價不成便不買,整天消費只是買了十元三個紙杯蛋糕,和一份十五元的娛樂雜誌。 「鋪王鄭」接受本刊訪問,道出他第一間鋪就是這樣「死慳死抵」買回來的;他拿着這間鋪賺來的第一桶金,再不斷在市場翻滾炒鋪,棄筆從商,成為今日的億萬鋪王。 鋪王鄭健步如飛,完全不似年過七十的老人家。本月中,記者見他從元朗合益廣場的辦公室步行往大馬路的滙豐銀行,為了趕及銀行關門,他更起勢跑。速度之快, 比他年輕數十載的記者也險些跟不上。眼前這位億萬鋪王,衣著十分樸素,手上沒戴錶,一連數天都是穿那二、三件同樣款式的衣服,出入街坊公廁。記者連日來跟 着他,發現其生活離不開元朗市中心,連車錢都不用花。辦公室在街市附近的合益廣場,家住合益廣場樓上已供滿的高層住宅單位,他炒賣鋪位的按揭銀行,也是合 益廣場內的中國銀行,和一街之隔的富邦銀行。 在其貼上「鄭氏物業」招牌的辦公室門外,記者趨前欲向鋪王鄭訪問投資心得,他先此聲明:「我從來唔上鏡o架,低調啲好。」鋪王鄭尷尬拒認慳家,他說:「我 平民化啫,我鍾意食菠蘿包嘛。我每日中午都會回家吃飯,以前都有駕車,幾年前都賣埋喇。我無咩鍾意享受,投資鋪位就係我最大嘅享受囉。」 九萬蚊起步 他說七○年買第一間鋪就是在元朗擊壤路一號,「三百呎鋪九萬幾蚊,同銀行借錢買囉,月供一千二百蚊,連利息要供十幾年先供得完o架。」他在元朗柏雨中學畢 業後,在土瓜灣一小學任普通科教師,月入五百元,不夠他供鋪。於是他每個月「死慳死抵」,太太就在那鋪位開士多,賣汽水小吃,賺錢供鋪。鋪王鄭是元朗南邊 圍原居民,自言幾歲死老豆,小時候生活貧困,靠母親做苦力養家,故一直深知搵錢的重要性。當年能夠在大馬路有個鋪位,其實好威水。供足十幾年,直至八八 年,有經紀主動找他賣鋪,他才知道那個鋪位,原來已升值至二百五十多萬元。「當時係無心插柳,之後先知原來投資鋪位賺到錢,到九○年,我連老師都唔做,用 嗰筆錢全職炒鋪。」這個擊壤路一號的鋪位,在元朗大馬路旁的十字路口位,屬單邊鋪,已轉手一次,現租予一間涼茶鋪及錶行,現時估計已升至逾三千萬元。鋪王 鄭一直想再買入這個鋪位,只是現任業主不願出售。 不熟不炒 鋪王鄭自言已炒賣過元朗二百個鋪位,記者翻查土地註冊記錄,替他計計數,多年來至少賺一點六億元,更幾乎有賺無蝕。唯一蝕讓的鋪,就是在九七年衝出元朗, 走到佐敦,以九百萬元買入嘉富商業中心地鋪,最終在○四年蝕二百九十萬元賣出。他見過鬼怕黑,亦悟出不熟不做的道理,堅持只炒元朗鋪。他指不少外邊的經紀 找他,但通通被拒絕:「我連天水圍、屯門都唔買,出面可能有嘢筍過元朗。但係呢度,有鋪我拿上手秤,就知租金值幾多,呎價幾多,十拿九穩。」他對元朗瞭如 指掌,在元朗長大的記者說起小時候就讀、現已拆卸的元朗天主教小學,鄭錦祥即回應道:「你校長係陳一東,早幾年死咗喇。」再說起就讀的天主教崇德英文書 院,他又說:「你校長Mr.Long,我早排喺附近見到佢,對腳唔係行得咁好喇。」就是因為夠熟,他往往掌握第一手資料,以低於市價入市。 秤鋪有一手 就像去年六月,他從博愛醫院手上,以二千三百萬元買入逾千呎位於教育路兆豐樓地鋪連閣樓鋪位,並於十多日後以三千三百萬摸出,賺近一千萬元,他津津樂道地 說:「佢哋之前用四萬蚊租,但其實嗰度租到十幾萬o架,市值好高o架,我見個價錢咁抵,梗係即刻買喇。」江湖傳聞,這間鋪險令鋪王鄭惹來官非,一名行家透 露:「唔知邊個去老廉投訴,懷疑有博愛董事同鋪王鄭夾埋造價。老廉查咗成個月,發現無料到先close file。」他繼續說:「邊有串謀,事實係班董事坐喺office唔知價,間鋪好多年無加租,班董事攞份四萬蚊租約去東亞銀行估價,估得一千七百萬,鋪王 鄭開價二千三百萬,班董事仲以為賺咗好開心。」怎料鋪王鄭十多日後,把鋪以高價摸售,董事們才知少賺千萬。向鋪王鄭買入這鋪的現任業主,元朗區資深投資者 黎啟張不忿氣說:「俾佢中間賺咗成千萬,係唔老泥,不過唔夠佢快,而我又真係睇好呢個鋪仲有得升。」現時他已把鋪租加至約十二萬元,並叫價六千多萬在市場 放售,暫未有聲氣。鋪王鄭還有另外一招,就是「炮製租金」。「○七年買咗一間鋪,原本租俾酒樓,月租近二十萬,七釐息,點知經濟唔好酒樓執笠,幾個月無人 租,成萬呎鋪位好難搵人租。」他不願坐以待斃,於是把鋪一劏十,租予人開美容院、髮型屋等,結果收到的租金比只租予酒樓還多幾萬,最後守了三年,兩年前以 五千多萬元出售,賺二千多萬元。他手上有不少大間的鋪位都被他以劏鋪形式出租,故手上只持有二十個鋪,卻有六十多條鎖匙。又好像他持有,於九一年以七百多 萬買下位於教育路的千多呎鋪位,就被他劏成十多鋪租出,價值又被提高,「本來以前租十萬蚊,而家收緊二十幾萬。」他表示這鋪市值起碼九千萬元,「不過我當 係旗艦,幾多錢都唔賣。」 翻炒贏波叔 在鋪王鄭辦公室的牆上,貼有他自己手寫,提醒自己的語句:「經濟差 獲利不能差」、「要努力 資產才會升值」。鋪王鄭坦言,揀鋪位置重要外,還要看其租金潛力。看得準,令他從另一鋪王「波叔」鄧成波手上賺到近千萬。位於西菁街,現租予日式餐廳夢工 房的鋪位,他○五年以一千九百萬元買入,○八年以二千八百萬元賣予波叔,去年又以五千萬元向波叔買回。「嗰條街,○八年只值咁多,租金亦只值九萬蚊,於是 到價我就賣出去。兩年前,喜尚嘉喜酒樓入咗嚟,仲開咗元氣壽司等幾間食店,變咗元朗新食街。」於是他在那條街物色鋪位,發現夢工房這間鋪租一直維持在九萬 元,波叔無加過租,於是出手翻兜。他緊閉雙眼,雙手揸緊拳頭說 :「呢間係一間靚鋪,就好似一個靚女咁。嘩,幾千呎,雙面鋪,樓底高,最緊要係無柱位。我覺得租金可以加到十八至二十二萬,所以買番囉。」現時他已與夢工 房傾好新租約,十個月後會加至十八萬元,「我叫價一億二連租約放,而家有人開九千八百萬問我賣唔賣,未到價梗係唔賣。」 收租放盤一腳踢 翻查鋪王鄭的投資記錄,他會把部分持有的鋪位,供完後再按予其他銀行,拿取資金再買其他鋪。雖然他進取,但九七年、沙士及金融海嘯等經濟低迷時,亦沒有損 傷,因他預備了足夠的流動現金:「我全部都有造按揭,借足一半,不過我預備大約三年可以用嚟還按揭嘅流動現金,就算三年無租收,個鋪又賣唔出,都無事。」 記者問:「如果三年個鋪市值都升唔番呢?」他攤開雙手,恍似一無所有的說:「三年個市都唔升,我死得!但係,香港都死得。」鋪王鄭會在有待招租的鋪外掛上 紅當蕩的「鄭氏物業」橫額,印有自己的手提及辦公室電話號碼,即使出了街也會把電話飛線,並親自接聽,甚至親手處理買賣鋪位,簽租約甚至收租等事,有時找 來一名七、八十多歲的阿伯員工做跑腿。這做法有別於一般投資者,聘一隊人或找地產經紀代勞。「我自己做,了解多啲,先可以掌握個市場係點,某個鋪值租幾多 錢。」當然,亦有另一個原因:「咁如果有飛來蜢話要買鋪,佣金都慳番。」他又補充說:「不過如果有經紀搵我,我都會俾足一個佣,你賺一千五百萬,俾百幾萬 人哋,好合理。」一名活躍於元朗二十年的地產代理說:「佢係全元朗最早出道嘅投資者。佢咩都自己做,連橫額都係自己貼。佢節儉但唔孤寒,俾足佣,仲教識我 哋好多嘢。」鋪王鄭縱使如何慳儉,對自己的子女卻非常疏爽,有三名子女的他自豪地說:「佢哋而家每人有自己嘅一層樓。」其中一名兒子買了約一千萬元、呎價 萬六由南豐發展的灣仔Queen's Cube豪宅。相比他自己和妻子住在元朗合益廣場樓上的單位,只是四千多元一呎,富貴得多。對思想傳統的他來說,每名子女有一層樓揸手,就是他人生最大的 成就。 |