📖 ZKIZ Archives

任家做番鴻興揸fit人失落兩年任澤明升任主席 李華華
2010-7-15  AD




 

老牌工業股鴻興 印刷（450）前年炒燶金融衍生工具，搞到要引入外人——私募基金CVC做大股東，姓任嘅真係連面子都輸埋，但捱咗兩年，終於捱到姓任嘅揸番fit喇！鴻 興噚日宣佈，集團董事總經理任澤明，將會喺今年9月1日起轉任董事局主席一職，接替同CVC關係密切、並將同樣喺9月1日離職嘅原主席Peter Martin Springford。

而由於真正嘅鴻興仔任生做番鴻興話事人，集團仲升埋原本做營運總監嘅David Roy Eitemiller坐正做CEO，睇嚟呢位仁兄應該係任生馬房嘅人。

笑到見牙唔見眼

咁任生心情點？噚日業績記者會佢無同大 家分享，但據華華觀察所得，佢真係由個心度笑出嚟，答乜嘢問題都笑到見牙唔見眼。鬼咩，佢伯爺任昌洪1950年用一部租番嚟嘅印刷機同埋一個夥計起家，搞 出一個印刷王國，今年正值一個甲子，佢坐番正做話事人攞番家族個字頭，對得住列祖列宗，真係發夢都笑醒喇！

話時話，喺之前記者會都有出嚟幫 手解畫、近年由「紅籌之父」變咗做「細價股保母」嘅CVC旗下CVC Asia Pacific高級顧問梁伯韜，噚日就無再蒲頭，唔知係咪同任生歸位有關？又或者係入咗股CVC兩年，賺夠想撇？

講開番薯梁，之前俾CVC 認購咗總值21億元可換股票據嘅新鴻基公司（086）噚日宣佈，委任佢同埋佢partner何志傑做非執行董事……點都好過做代客泊車同廠佬喇！

李 華華

[email protected]



PermaLink: https://articles.zkiz.com/?id=16706

棄90萬年薪出走31歲前銀行家做「野人」

1 : GS(14)@2015-07-23 02:01:26

放棄高薪厚職出走談何容易，但英國一名三十一歲的前銀行家做到了！為了尋回人生真義，多年前毅然放棄年薪九十萬港元的金融工作，隻身遊走東南亞尋找樂土，如今在老撾偏遠島嶼的鄉土人情中，尋回人與人之間的信任，過著簡單樸素的生活。「我很愛這裏，我要感謝這國家，因她讓我重建我對人類的信任，那是我在英國失落的。」沃特金森（Jon Watkinson）說，他十九歲已在金融界打滾，事業一帆風順，廿七歲那年，年薪已多達七點五萬鎊（九十萬港元），並於倫敦大城市生活。不過，沃特金森厭倦職場上爾虞我詐，以及經常捲入無日無之的競爭中，他開始反思人生價值。「我在地鐵，看着周圍的上班族像行屍走肉…我知道我需要改變方向。」沃特金森憶述說，那時他很厭倦逢周一至五起床上班，於是四年前決定放棄高薪厚職和變賣家當，並買了單程機票隻身到泰國。他遊遍東南亞地區後，最終選擇在老撾偏遠地區東德島（Don Det）定居，只有電風扇和雪櫃，沒有電腦和電話，而村民都很熱心幫助他：「當我來到這裏，村民看我像個寶寶，因為我甚麼都不懂怎樣做，只識用手機和電腦，但在這裏這些技能都是沒用的。」沃特金森現在跟當地人學用竹建屋、在河邊打水和洗澡，以及尋找食物等，過著半野人式生活。雖然生活簡單，但沃特金森峙感到很滿足，覺得尋回人生價值，但他坦言要尋找另一半並不易，亦希望對方將來會接受他這種生活模式。英國《每日郵報》





來源: http://hk.apple.nextmedia.com/international/art/20150722/19228359
PermaLink: https://articles.zkiz.com/?id=291805

陳子政嘆金融業黃金歲月已過　「而家做銀行CEO唔係咁好玩」

1 : GS(14)@2016-02-11 10:08:29

■縱使公職多多，但陳子政笑說「幾時都覺得自己係退休人士」。　李潤芳攝



【專訪】踏入2016年股滙齊冧，金融業裁員凍薪消息接踵而至，去年度本港零售銀行整體盈利，亦錄得7年來首次倒退。資深銀行家陳子政08年退下全職賓架火線，積極投身公職慈善及顧問工作，他接受訪問時說，銀行業運作模式已改變，加上當前環球經濟增長放緩，金融業「黃金歲月過去咗，唔似十幾廿年前，人人都諗住呢行係大茶飯……銀行越嚟越難做，做銀行CEO（行政總裁）更加難做」。記者：劉美儀


曾任花旗香港「一哥」的陳子政，從事銀行業近30年，現為東亞銀行（023）高級顧問，身兼港交所（388）獨董，上月剛履新理大校董會主席。




確保合規　否則後果嚴重

他認為，本港銀行業從70年代起飛到90年代光輝歲月，今日「落返落地」，面對理財產品結構，越趨複雜及分類細化，加上科技革新與同業競爭，大銀行的滙報架構已變得縱橫交錯，作為舵手的行政總裁，尤其是一個地區或市場的CEO，「話事權比以前低咗，責就大咗」。今日做銀行CEO，「比10年8年前好唔同辛苦好多」，現時行政總裁最重要職能，是確保管治合規，他指稍一不留神「睇漏咗啲」，引伸出來的風險及後果可能好嚴重：「一有事監管當局就搵你，又罰你錢，報紙又賣哂……而家做CEO唔係咁好玩㗎！」不過「行行出狀元」，銀行業仍是百業之母，金融業平均薪酬待遇「始終比一般好」，對有能力有志趣的年輕人，他仍會鼓勵入行。笑說「幾時都覺得自己係退休人士」的陳子政，對卸下全職賓架生涯、投身公職展開第2階段旅程，當下生活更感滿足：「工作唔再單為生活，搵到自己真係喜歡做嘅嘢，肯定到自我價值，又維繫人際網絡。」這種忙碌，他認為是一份恩典，能將自己職場累積的金融經驗回饋社會，在非商業的慈善及教育公職崗位上，又學到新事物擴闊視野，正能量爆棚，難怪他說：「現在可以講係最開心享受嘅日子！」


■喜歡下㕑的陳子政以烹調比喻人生，「清淡啲更好」。　資料圖片

繼續烹飪　「更多花款㖭」

公職之餘，他亦不忘留點休閒時光，經營自己一籮籮興趣，如打波及烹飪。曾經為記者在家泡製6道私房菜的陳子政謂：「梗係仲有整嘢食，現在更多花款㖭！」做過銀行舵手，患病急流勇退，康復後又重投公職慈善。他勉勵年輕一代，跌低要識得爬起身，人生好似經歷金融風暴一樣，要知所進退，越過內在心魔就海闊天空。他說：「唔好睇得自己太重，輕描淡寫啲。」就像他的烹調哲學，「有時（食物或人生）唔駛太多味道，清淡啲更好！」





來源: http://hk.apple.nextmedia.com/financeestate/art/20160211/19486508
PermaLink: https://articles.zkiz.com/?id=295780
Next Page
ZKIZ Archives @ 2019