📖 ZKIZ Archives

中環在線：楊天命搞網購墓地旺丁、旺財、吉穴任揀 李華華

2011-5-16  AD

香港骨灰龕場唔 夠，唔少孝子賢孫為咗令先人「住」得安樂，惟有將佢哋嘅遺體移去第二度安葬。隔山買牛已經有難度，何況買棺材山地。不過，互聯網世界，無遠弗屆，早前玄學 家楊天命就夥拍仁智國際（8082）度咗條好橋，以網購方式，幫孝子賢孫為先人喺內地搵吉穴。事隔幾個月，呢個網購服務終於面世。前幾日楊天命同華華講， 呢個禮拜五（20日）舉行嘅「香港長者博覽」就會正式公佈詳情。 網頁附程式揀穴夾八字 不過，華華當然要先行收風，楊天命話， 自從做咗仁智國際嘅顧問之後，親自去咗蘇州好多次，睇吓仁智早前買落嘅蘇州市「名流陵園」，做實地考察。佢話睇完之後，將陵園分成咗幾個區，好似C1同 C2區係「甲山庚向」，利後人財富興旺，C2區仲加埋大利升官，M2區就旺人丁。佢仲諗到，首創預先「點穴」服務，喺網上公開上述嘅墓穴風水資料，畀啲客 人因應自己要求揀吉穴，省得百年歸老嗰陣倒瀉籮蟹。 乜揀吉穴唔係要夾先人同後人時辰八字o架咩？原來楊天命搵人編寫咗個電腦程式，只要客人將個人時辰八字輸入，電腦就可以幫先人揀最適合嘅區。華華百無禁忌，即刻上仁智嘅網睇，可惜「墓地選購」嗰欄仍然建設中，仲未可以見識吓呢啲咁「體貼」嘅服務。 李華華

港男任揀越南新娘

1 : GS(14)@2012-05-31 00:40:34

http://hk.apple.nextmedia.com/news/art/20120530/16381479
本報訊】「越南新娘四大保證；保證處女；保證三個月內娶回；保證不加價；保證一年內跑掉包換一位」。中港兩地婚介公司，近年極力推銷越南新娘，《蘋果》記者在越南及本港直擊買賣越南新娘過程，港男可以免費任睇辦，只要揀啱，越女一個月內速遞到港。
記者：司徒韋桐　馮樂琳

「越南政府家法例嚴咗，越南中介公司好小心怕被拉，轉走地下形式」。記者到越南胡志明市，找到熟悉婚介運作的華僑阿得，他說近年政府禁止買賣越南新娘，違者最高可判監20年，但越南中介公司為了每次最少10%的介紹費，仍不惜冒險偷偷營運。中介公司首先會到農村鄉間物色想嫁到國外的少女，再以到城市打工作藉口，帶她們到市內安排入住一間小屋，然後進行越洋相睇。

---

2 : Sunny^_^(11601)@2012-05-31 08:27:41

硬銷越南女錫老公
阿得補充，即使外國人要在越南娶妻，亦要通過政府設立的重重關卡，包括調查兩人的溝通、年紀差別、外貌相襯度等，防止有人假結婚，「不過這些關卡只要有錢就可以打通，娶一個越南新娘至少8千元美金(約6萬多港元)」。
記者聯絡到在港專做越港婚介的莊女士，她甫與記者見面即硬銷娶越南新娘的好處：「佢哋好聽話，越南新娘開放自由，好識得錫老公；北越新娘保守傳統，純樸勤勞，肯同老公捱。香港嘅女仔喺呢方面無得比」。從事婚介五年多的莊女士，日前帶同兩名剛從越南來港的少女讓記者「睇辦」，務求在兩星期旅遊簽證期滿前將其嫁出。「你可以帶返去屋企見父母，拖下手仔都得，但唔可以做其他嘢(指上床)」。她哈哈大笑說：「佢哋乜都唔識，未拍過拖，人家仲係女仔嚟㗎！」

---

3 : Sunny^_^(11601)@2012-05-31 08:28:55

"「佢哋乜都唔識，未拍過拖，人家仲係女仔嚟㗎！」"

難道有人買左佢地反黎變男人?

---

4 : abbychau(1)@2012-05-31 12:49:58

個記者將"她哈哈大笑說：「佢哋乜都唔識，未拍過拖，人家仲係女仔嚟㗎！」"放入去好突兀

---

5 : 肥B(18468)@2012-05-31 15:29:36

3樓提及

---

"「佢哋乜都唔識，未拍過拖，人家仲係女仔嚟㗎！」"
難道有人買左佢地反黎變男人?

學飯焦話齋, 「純粹玩嘢」喎 SUNNY哥哥....

---

6 : 肥B(18468)@2012-05-31 15:55:59

4樓提及

---

個記者將"她哈哈大笑說：「佢哋乜都唔識，未拍過拖，人家仲係女仔嚟㗎！」"放入去好突兀

咁先有孖屐架嘛....以呢間野的辦報「理念」,引人討論的, 先係好新聞!! 睇開D啦....

---

7 : Ar Yan(11362)@2012-05-31 16:18:27

2樓提及

---

硬銷越南女錫老公
阿得補充，即使外國人要在越南娶妻，亦要通過政府設立的重重關卡，包括調查兩人的溝通、年紀差別、外貌相襯度等，防止有人假結婚，「不過這些關卡只要有錢就可以打通，娶一個越南新娘至少8千元美金(約6萬多港元)」。
記者聯絡到在港專做越港婚介的莊女士，她甫與記者見面即硬銷娶越南新娘的好處：「佢哋好聽話，越南新娘開放自由，好識得錫老公；北越新娘保守傳統，純樸勤勞，肯同老公捱。香港嘅女仔喺呢方面無得比」。從事婚介五年多的莊女士，日前帶同兩名剛從越南來港的少女讓記者「睇辦」，務求在兩星期旅遊簽證期滿前將其嫁出。「你可以帶返去屋企見父母，拖下手仔都得，但唔可以做其他嘢(指上床)」。她哈哈大笑說：「佢哋乜都唔識，未拍過拖，人家仲係女仔嚟㗎！」

唔準做壞事，但又硬消係豬仔，結左，原來係假豬，咁可以點啊？

---

8 : hh0610(1603)@2012-05-31 17:27:36

同台灣一樣, 娶唔起大陸女仔, 轉向越南埋手.

---

9 : 亞力士(1473)@2012-05-31 23:37:22

3樓提及

---

"「佢哋乜都唔識，未拍過拖，人家仲係女仔嚟㗎！」"
難道有人買左佢地反黎變男人?

其實我好鍾意教人野

---

10 : 亞力士(1473)@2012-05-31 23:46:18

7樓提及

---

2樓提及

---

硬銷越南女錫老公
阿得補充，即使外國人要在越南娶妻，亦要通過政府設立的重重關卡，包括調查兩人的溝通、年紀差別、外貌相襯度等，防止有人假結婚，「不過這些關卡只要有錢就可以打通，娶一個越南新娘至少8千元美金(約6萬多港元)」。
記者聯絡到在港專做越港婚介的莊女士，她甫與記者見面即硬銷娶越南新娘的好處：「佢哋好聽話，越南新娘開放自由，好識得錫老公；北越新娘保守傳統，純樸勤勞，肯同老公捱。香港嘅女仔喺呢方面無得比」。從事婚介五年多的莊女士，日前帶同兩名剛從越南來港的少女讓記者「睇辦」，務求在兩星期旅遊簽證期滿前將其嫁出。「你可以帶返去屋企見父母，拖下手仔都得，但唔可以做其他嘢(指上床)」。她哈哈大笑說：「佢哋乜都唔識，未拍過拖，人家仲係女仔嚟㗎！」

唔準做壞事，但又硬消係豬仔，結左，原來係假豬，咁可以點啊？

人地話包換喎 定係整番條鴛鴦帕 比人驗

---

emoji大革新　六膚色任揀

1 : GS(14)@2015-02-25 16:37:38





智能手機普及，令表情符號（emoji）成為「國際語言」，但亦因人物公仔幾乎全部「白雪雪」而被批不夠代表性。有見及此，蘋果公司與規範表情符號的機構Unicode合作，前天將表情符號大革新，人物公仔有六種膚色可選擇（圖）。現時表情符號內只有三個「非西方人」公仔：一個戴哥薩克皮帽、一個深膚色包頭男子，還有一個戴卜帽的「矇豬眼」。但革新版的人物公仔會有六種膚色可選，只要按住公仔，膚色菜單就會彈出，包括白、黃及不同程度的褐色。



用家版數月內面世

革新版亦增加了多種族家庭和同志家庭圖案，國旗數目增至三十二支。新版本目前只有測試版，用家版本預計會在幾個月內面世。英國《衞報》





來源: http://hk.apple.nextmedia.com/international/art/20150225/19053382

---

【食之新登場】食扒嫌悶？　十二款醬汁任揀

1 : GS(14)@2016-04-18 12:13:46

三心兩意，人之天性。食塊扒，又要大塊又要唔過火，只落鹽和胡椒又嫌悶，好難滿足。如心艾朗酒店forte推出半自助晚餐，諗到一次推出十二款肉扒醬汁，比較特別的芒果芥末籽汁、番茄伏特加汁、意式XO醬，還有幾款芥末和海鹽選擇。切一角點一款醬汁，得；整塊用同一款醬汁，又得。主菜可以選牛扒、羊扒以外，又有鮟鱇魚扒、豆腐千層，食肉食素都有得揀。主菜以外，生蠔、蟹腳、魚生等等都任食，適唔適合三心兩意嘅你？記者：李聰



牛扒是澳洲穀飼牛西冷。

刺身同樣任食。



來源: http://hk.apple.nextmedia.com/su ... t/20160418/19575477

---

【情人節嚟喇】$1,500情人節套餐包四道菜　任揀山頂海景免費畫人像

1 : GS(14)@2017-02-09 23:44:52

情人節又是各位男士大破慳囊的時候，每間餐廳都推出不同的情人節套餐，但是款款都差不多，應該怎樣選擇？記者就找了幾間1500蚊連加一，各有優缺點的情人節餐廳給各位，希望各位今年順利渡過情人節！

【Gaucho四道菜$1,200】


中高價餐廳Gaucho推出的情人節餐只限2月14當晚供應，以平日每人埋單近千元來說，$1200兩位算是滿划算。前菜有以小龍蝦千層沙律，頭盤分別有兩款，一款是以橙汁腌製的三文魚刺身伴鮮牛油果、西柚及萵苣沙律配甜椒醬和墨西哥辣椒粉。另一款是紅辣椒醬牛柳伴帕瑪芝士片、火箭菜、驢蹄草及松露油。主菜亦有紅菜頭海鮮意大利燴飯配上皇后扇貝、虎蝦及薰衣草蜂蜜；200克的肉眼扒伴以脆皮薯仔及自家製番紅花。當日餐廳更安排有免費畫人像畫作，算是比起其他餐廳多點心思。地址：中環皇后大道中31號陸海通大廈5樓菜式：阿根廷優勝點：免費畫人像畫作缺點：環境一般


【富士山媽媽四道菜$706】


在山頂吃情人節晚餐當然情調十足，但這間餐廳價錢卻不算貴，裝修充滿日本複古氣氛，能看到山頂風景，只可惜食物比較普通。套餐包括壽司剌身拼盤（三文魚、油甘魚剌身、富士山卷），炸物拼盤（烤松露忌廉薯球、炸雞件、泡菜餃子）、銀鱈魚西京燒配和牛後腿肉扒伴柑橘汁及甜品。地址：山頂山頂道128號凌霄閣2樓4號舖菜式：日本菜優勝點：山頂風景缺點：食物普通


【The Boathouse四道菜$1,088】


位於赤柱的小藍屋The Boathouse，推出四道菜情人節餐，前菜有鴨肝伴法式多士配焦糖蘋果及無花果和龍蝦粟米周打湯伴脆香芝士作，主菜可選烤牛柳伴黑松露薯蓉及根莖蔬菜配紅酒汁或是以南瓜配海鮮濃汁製成的海鱸魚伴鑽石蜆，甜品為朱古力紅桑子慕思餅。地址：赤柱赤柱大街86-88號菜式：多國菜優勝點：赤柱海景缺點：位置偏僻


【堤岸酒吧及餐廳六道菜$1,314】


皇家太平洋酒店入面的這間餐廳能看到尖沙咀海景，價錢相對上面幾間貴，但亦是較少有，無需加額外費用便有香檳提供的餐廳。頭盤為經典凱薩沙律作配自家製醬汁和烘意大利香草包、香焗蟶子配牛角椒、煙熏青瓜配檸檬及火箭菜、澳洲海鮮濃湯配茴香、蠶豆、小扁豆和蕃茄；兩道主菜為香煎澳洲鱸魚伴松露花椰菜和燉煮露筍，或炭燒西冷牛扒和焗龍蝦，配以香滑薯蓉、歐洲西蘭花和梅洛紅酒濃汁，最後配上甜點拼盤。地址：尖沙咀中港城皇家太平洋酒店海景翼大堂高座菜式：澳洲菜優勝點：無需加錢便有Charles de Cazanove香檳提供缺點：菜式驚喜不足記者：李泳烔2017果籽繼續認真知味。識買惜用。行以求知。好事多為。重修舊好。緊貼果籽報道，即like：http://fb.me/AS.AppleDaily


富士山媽媽食物普通，但假如想到山景渡過一個日式情人節的話，可以不妨考慮一下。

The Boathouse環境舒服，氣氛浪漫，但可惜要遠征赤柱，情人節當日會有塞車的可能性。

晚上的The Boathouse充滿異國風情，飯後到海邊散步是一個不錯的選擇。


阿根廷菜Gaucho平日走中高價路線，滿佈牛皮的裝修不失豪華跟霸氣感。

堤岸酒吧及餐廳的甜點拼盤非常大份吸引，相信是不少女生的最愛。



來源: http://hk.apple.nextmedia.com/su ... t/20170209/19922079

---

【DIY薄餅】60款配料醬汁任揀　自創叻沙風味無難度

1 : GS(14)@2017-05-28 10:38:55

「Create your own pizza」，由客人作主是冒險？



一餐飯稱心與否，食材幾乎是主宰，廚師味蕾則是主腦。「Create your own pizza」，由客人作主是冒險？「我的概念是，想客人有多少許嘗試、試驗，放自己的idea於薄餅中，看看有什麼更好玩的原素。」風馬牛不相及？不要緊也並非戴頭盔，選不了，侍應會從中給意見，「當中有很多隱藏的配搭，如烤鴨及京蔥。」是為北京填鴨薄餅，奇怪？食是一場選擇，不只用口食，腦袋也在消化。



記者之選﹕叻沙海鮮風味pizza，$157

木魚花八爪魚大根沙律及子薑配柚子汁，$98

蒸松露蝦蓉粉包，$148


雜綿拼盤，有五款小食，$198

照燒汁芝士肉丸串燒（雜綿拼盤）

炸秋葵魷魚（雜綿拼盤）

「意大利餐的薄餅、意粉，近10至15年都沒有太大變化。」因此60款配料及醬汁出現了，眼花花卻不繚亂，最後我選了一個偏東南亞風味的配搭，實質是叻沙海鮮。廚師先將粉團搓成10.5吋餅底，畫圈般塗上叻沙醬，陸續放上蝦、帶子、椰子絲及碎芝士。其後放入焗爐焗約莫10分鍾，直到批邊微焦、芝士溶化且「蠢蠢欲動」即成。食材為大路選擇，我享受選料過程，貪其每次都有不同變化。



墨西哥辣椒蜜餞雞翼（雜綿拼盤）

4款醬汁（上至下）﹕蜜糖黑松露醬、紅甜椒杏仁醬、香草醬、越式魚露

椰紫薰衣（mocktail），$45


彩虹下的寶藏（mocktail），$45

客人可自行填寫想要的pizza配搭。

行政總廚Zero Yu。

若自問患上選擇困難症，不怕，小食的花款亦多。四處可見的雜錦拼盤，這裏可見之餘亦具心思。其摩天輛外型逗趣，惟轉歸轉，小心有「墜地」意外。摩天輛共有五卡，當中有烤土耳其麵包、照燒汁芝士肉丸串燒、伊比利亞火腿炸薯丸、墨西哥辣椒蜜餞雞翼及炸秋葵魷魚，全是香口惹味小食；故醬汁方面亦以清新、酸甜為主，如蜜糖黑松露、紅甜椒杏仁、香草醬、越式魚露。不想一來就重口味，木魚花八爪魚大根沙律、子薑，再配柚子汁，聞其名已覺清新；喜平實的話，蒸松露蝦蓉粉包亦不俗，煙靭粉皮裹蝦蓉，淡簿松露味，有餘香。
Zero香港旺角朗豪坊12樓05-09店記者﹕湯珮然攝影﹕伍慶泉，劉永發2017果籽繼續認真知味。識買惜用。行以求知。好事多為。重修舊好。緊貼果籽報道，即like：http://fb.me/AS.AppleDaily




來源: http://hk.apple.nextmedia.com/su ... t/20170528/20036037

---

【飲食籽】6種煮法任揀　銅鑼灣水產版omakase

1 : GS(14)@2017-06-22 08:03:56

磯野海鮮盛合　（2人前）＄1,498包括一條喜之次或赤鯥、一份松葉蟹、一隻粒貝、兩隻帆立貝、兩隻鮑魚，以及兩隻赤蝦。



【飲食籽：心水食桌】大型水產市場，眾多海鮮養缸，魚蝦蟹貝，應有盡有，假若有選擇困難症的話，真的不知道如何下手。但水產市場有個好處，就是客人可以自選海鮮，兼且自己決定如何煮，一般餐廳甚少提供這個做法。最近銅鑼灣開了間餐廳，以水產做主題，選了海鮮拼盤之後，更可因應不同食材而自選不同煮法，可說是水產版的廚師發辦，只不過今次就由食客發辦了。



揭開餐牌，海鮮盛合共有三款，當中最貴的一款「磯野海鮮盛合」價錢是$1,498，比起其餘兩款，這個拼盤主打時令魚及活粒貝。時令魚方面，可以選擇喜之次或赤鯥。最便宜的那款「磯野海鮮盛合——寶」只需$898，也有時令魚，不過就只得池魚，相比之下，價錢當然差得很遠。雖說是自選煮法，但煮海鮮的方法始終不能太離譜，否則只會浪費海鮮本身的鮮味，所以餐廳都限定了刺身、蒸、汁煮、炸、鹽燒，以及煮粥六款煮法讓客人自選。除了煮粥要額外加$100外，其他料理方式都不用加錢，若果嫌花多眼亂，最好就是請專人講解一下各種海鮮的建議煮法，「北海道的深海魚喜之次，可以選鹽燒或汁燒的方法；另外的赤海蝦，則以天婦羅、刺身做法較好，或者做浜燒也可以。」侍應答得有板有眼，也很會變通，當我說想用喜之次的魚身做刺身，魚頭做汁煮時，他想了一想後，很快就說沒問題。喜之次上枱時的確分開兩碟，第一碟喜之次除了原條刺身外，還有以火槍炙燒過的魚生片；第二碟則是以豉油、味醂等調味料做的汁燒魚頭，雖則魚頭肉少，但就非常香濃入味。除了喜之次外，拼盤內還有一份松葉蟹、一隻粒貝、兩隻帆立貝、兩隻鮑魚，以及兩隻赤蝦。松葉蟹雖非原隻，但也有一隻蟹腳、一隻蟹鉗和半隻蟹身，我加了$100煲個蟹粥，蟹粥內會多一份蟹肉，也算足料，松葉蟹肉本已鮮甜，粥底更加入了木魚湯，倍添鮮味。粒貝，其實即響螺，大多數吃到的粒貝都是以浜燒方式來煮，這是因為刺身級數的粒貝成本不便宜，而這裏的活粒貝正正是可以做刺身的，所以我當然選做刺身。



汁煮喜之次魚頭

松葉蟹粥（需另加$100）

喜之次刺身


浜燒鮑魚鮮甜　赤蝦天婦羅不油膩

帆立貝則只得浜燒一種煮法，但就可以選用清酒煮或者牛油黑松露煮，師傅會即場在店中間的位置煮，天花板有兩部強力抽氣機，完全不怕油煙侵擾，而且一邊看着師傅準備及浜燒，一邊等食物上枱也是件賞心樂事。赤蝦用來作刺身會非常鮮甜，但其實只要天婦羅做得好，薄薄一層脆漿也不會搶去主角的鮮味，這裏的赤蝦夠大隻，香脆熱辣辣，多吃兩隻也不覺油膩。鮑魚是南非鮑，不用加任何調味料，直接浜燒已很鮮甜。餐廳開業至今大約半個月，現在仍是試業中，聽老闆說海鮮盛合即將推出福盒版，即客人柯打海鮮盛合後，到上枱一刻才知道有甚麼食材，再選煮法，原理就像日本百貨公司於新年時賣的福袋一樣，不過套用在餐廳菜式上，真的要試試才知道是否可行了。



赤海蝦天婦羅

粒貝刺身



浜燒帆立貝

浜燒鮑魚

磯野水產銅鑼灣軒尼詩道525號澳門逸園中心19樓記者：黃子卓攝影：許先煜編輯：梁浩維美術：黃創泰




來源: http://hk.apple.nextmedia.com/su ... t/20170620/20061341

---

【飲食籽】車仔麵店70款餸任揀　必食瑞士雞翼豬大腸

1 : GS(14)@2017-10-09 03:18:00

車仔麵每款餸以不同醬汁調製，細細粒的珍珠冬菇燜得入味。$40



【飲食籽：識飲惜食】這是深水埗最旺的食街，福榮街租貴，至少十幾廿萬，是同區最貴的街道。「競爭大，無咁上下都做不來，全部都是有料、有名堂，否則如何頂得住？」在這條街有三間舖的「文記車仔麵」黃老闆說。「我賺幾多？不要說了，唔想其他人覺得我招積，你寫賣約千碗啦！差不多是這個數。」



他原在白田邨賣車仔麵，6年前在深水埗開店。車仔麵舖當然主打車仔麵餸，這裏做得特別出色，「車仔麵要款式多選擇多，我們的餸起碼超過70、80款，每款8至12元。今天食這5款，明天食另外5款，這樣才可循環不息，起碼不會悶先。」舖頭設十大招牌，邊款最好賣？員工卿姐表示，「其實好平均，瑞士雞翼、大腸、牛腩、牛筋，全部都好熱門，一日賣好多。」還有較冷門的餸，像上湯柚皮，工夫多，較罕見；牛膀，滷水燜得入味；豬油渣，自家製，咬落仍脆身。「事前工夫很多，餸不能少。選擇多，工夫自然多。」文記黃老闆說。這間車仔麵人龍店，有70多款餸選擇，流量極大，廚房近乎要24小時運作，「做老闆都要親力親為，我通常凌晨三、四時回舖頭煮食物，煮汁醬不是短時間內可完成，要有地方空間去做。」走入舖後工場，數名員工正在忙碌地準備，熬湯、備料……「任何粉麵舖頭最緊要嘅，第一是湯底，第二是汁水。煲湯用筒骨熬湯，是濃縮的湯膽，每日起碼要煲四煲湯。有些人煮車仔麵餸，千篇一律都是豉油汁，但我覺得車仔麵的餸要配上不同汁。冬菇要蠔油冬菇汁、豬皮要沙嗲豬皮、滷水要有滷水香味、雞翼要有瑞士汁等等。煮的秘制辣汁，都是採用新鮮辣椒，還有自炒菜脯。」最受歡迎的十大招牌，記者推介有玻璃魷魚，頗為爽口；南乳豬手，燜得極軟腍；豬大腸、柱侯牛腩等等。「這叫做珍珠冬菇，細細粒，一啖一粒，我們預早要剪定菇椗，單是這些工夫便要花時間去做；山東蘿蔔，這隻蘿蔔摸上去很重手，我要求削蘿蔔不是削一吓，起碼削兩至三吓，削到入心為止，所以要求不能有渣，看！這個不是皮，這個是心。」不過他最堅持的是堂食不用外賣碗，「如果正正經經，在舖頭食碗麵都用外賣碗，這是不能接受的。我用瓦碗可以保持湯的溫度，好過用膠碗。奈何現在香港的環境，連酒樓都用膠碗，皆因損耗太多。等於飲一杯凍飲，你用玻璃杯同膠杯是兩回事，啤酒如是，器皿能發揮到碗麵的特色。」



瑞士雞翼，日賣過千隻，不會太甜膩。$12

煲湯用筒骨煲湯，每日起碼四煲湯。

牆上貼了十大推介，一目了然。

文記車仔麵總店深水埗福榮街121號地下記者：何嘉茵攝影：伍慶泉、梁志永、劉永發編輯：翟純恩




來源: http://hk.apple.nextmedia.com/su ... t/20170922/20160033

---

【中秋送禮】$1,000網購水果　12款任揀入禮盒

1 : GS(14)@2017-10-09 03:47:30

以前每逢中秋都會送楊桃、碌柚等應節水果，合時令之餘也好意頭；近年潮流轉變，大家都愛送日本水果，葡萄蜜瓜水蜜桃，全部都是又甜又多汁。網購水果品牌Fruitmaster，趁着今個中秋就推出了網上自訂水果禮盒，$1,000有12款水果、1款果汁、1款水果啫喱，其中超過一半水果種類都是來自日本。



登入網站，選購「自訂禮盒」後，會出現一個有12個方格的禮盒；每款水果因應價格、體積等因素，分佔據不同的方格數目。舉幾個例子，靜岡溫室蜜瓜佔4格；岡山「晴王」香印青提佔4格；岡山 Pione貓眼黑提佔2格。按自己喜好，用水果填滿12個方格之後，留下電話地址，揀選送貨日期即可完成，最快翌日就可以收到禮盒，好處是送禮還是自用都不用自己搬搬抬抬，畢竟這些水果都是有點份量的。不過要留意，由於是網購水果，他們一般怕運輸時水果受損，所以盡量都會選一些比較生澀，看起來較新鮮、摸起來較結實的水果，一來即使受到碰撞，也會減低水果受損的機會；二來看起來新鮮，送禮也更得體。所以，收到這個水果禮盒固然開心，但想水果更加甜美，不妨多放兩三天，待水果更加成熟時再吃。



$1,000有12款水果、1款果汁、1款水果啫喱，可以按自己喜好隨意挑選。

每款水果因應價格、體積等因素，分佔據不同的方格數目。

facebook：@fruitmasterhk記者、攝影：黃子卓2017果籽繼續認真知味。識買惜用。行以求知。好事多為。重修舊好。緊貼果籽報道，即like：http://fb.me/AS.AppleDaily




來源: http://hk.apple.nextmedia.com/su ... t/20170923/20161319

---

【超市新服務】免費醃肉六種醬任揀　幫你切埋菜每100g收$1

1 : GS(14)@2017-10-22 17:28:04

圓方的超市九月底翻新後，店舖設計成幾個橢圓形的購物區，位置很闊落得像逛外國超市。



全新旅遊專頁，即like籽想旅行：https://fb.com/travel.appleseed圓方的超市九月底翻新後，主打各地的健康食材，店舖設計成幾個圓形的購物區，位置很闊落得像逛外國超市。翻新後最特別是新增了「無痛準備食材」服務如醃肉、切海鮮。在超市買肉後可免費幫你醃好，有燒肉汁、照燒汁、黑椒汁、蠔油、蒜油醬和阿根廷青醬共六款醬汁可選，青醬算是比較少見，一塊醃好的豬扒價錢比普通超市貴一些。



另一個貼心服務就是買完菜可以切菜，醃肉和處理海鮮都是免費的，不過切菜就要另外收費，每100g收$1，最低消費$5。亦有賣已切絲的蔬果，刀功麻麻的人不用愁。記者買了個270g的紅菜頭連切，不消五分鐘切好，但就要$17。這超市普遍的食材價格會較一般街市貴，新服務似乎較適合附近上班人士，收工來買菜夠方便。



翻新後，最特別是新增了「無痛準備食材」服務，在超市買肉後可免費幫你醃好。

另一個貼心服務就是買完可以切菜，不過切菜就要另外收費。

除了買餸，這裏還有酒品專區和四個熟食專區，超市裏的拉麵店推出新口味抹茶拉麵，湯底是明顯的綠色，抹茶味卻不太濃，第一口嚐到甘苦的茶味，日式叉燒的味道有點像平時吃的蜜汁叉燒。超市的熟食都頗多元化，附近上班的人午飯時間又多個選擇了。



亦有賣已切絲的蔬果，刀功麻麻的人不用愁。

超市裏的拉麵店推出新口味抹茶拉麵，湯底有明顯的綠色，抹茶味卻不太濃，$92。

記者：黎婉婷攝影：蕭志南




來源: http://hk.apple.nextmedia.com/su ... t/20171021/20189634

---