📖 ZKIZ Archives

好想做artist 李家仁

1 : GS(14)@2011-01-09 15:10:26

2011-1-6 NM

一曲《小明上廣州》，兒科醫生李家仁紅爆YouTube，但也惹來高登仔狂轟猛炸，他自得其樂：「演藝事業，最緊要你來看，『God's favorite word is come!』嚟啦，你嚟教會就得，就像老千，最怕你唔嚟！我一樣，你罵我不緊要，睇片就得，睇多幾次仲好，點擊率更高！」

這天他教記者看YouTube數據：「十二月八日出街，第一日十萬（點擊），第二日廿萬，第三日卅萬。當然香港最多（觀眾），英國又有，紐西蘭又有，澳洲又有，北美洲又有……再看陳奕迅那首《陀飛輪》，一百六十幾萬，再睇statistic，原來三月開始，而且他只有這裡（中國）！」

小明歌詞，別說高登仔，李家仁也摸不着頭腦，「我發覺現在的歌要無厘頭，好像這些，無厘頭rap。以前《小明坐火車》（《小明上廣州》前身），我?晒頭，但作咗就唱囉！」後來才發現極具深意：「坐火車坐了十幾年先去到廣州，其實我教年輕人要捱。」咁都得？「柴九都捱咗廿年啦！」

第三部曲定名《小明去東莞》，再挑戰網友底線，曲詞俱備，問你死未，「小明去佛山，去澳洲，去邊都得。剛剛想到《小明唔索Ｋ》，我搞反吸煙十幾年，好失敗的經驗：好難跟年輕人溝通，找個教授講吸煙害處，無人理你，個個都知，但唔關佢事，因為有排未死；你話易老，佢都未老。如果有機會（唱歌）可以跟他們溝通，即使被人笑，覺得對就做。」

自小希望登上舞台，「我好鍾意表演事業，但做不到歌星、影星。」唸小三時帶領全校唱校歌，「我唱到唔走音就算。」中六參加星島業餘歌唱比賽，唱得太高音，夢想幻滅，「這不是我的世界，沒什麼，繼續讀書吧。」

反而中年走運，九七年吸煙與健康委員會開騷，他跑上紅館舞台唱歌，羨煞很多奀星，可是製作機構有線電視竟然不能播放，「我在香港唱歌，只能在無綫播。」原來他是無綫合約歌手，失敬失敬！「我是兒歌歌手好多年了，我不是歌星嘛，歌手啫！」他有一番理論：「係人都識唱歌，你識講話發音就得，但（做歌星）講因緣。」

為何專攻兒歌？「不唱兒歌唱什麼歌？情歌麼，幾十歲人了。兒歌無甚要求嘛！」但他想過找老師學唱歌，電台朋友勸阻：「你唱來唱去都係咁o架啦！」

《小明上廣州》實在太hit，無綫抗議被侵權，YouTube只有刪除片段，「我作為音樂人，覺得無可厚非。」幾日前他自費上廣州拍ＭＶ，先到 outlet店買外套，再向廣州親戚借Ｔ恤，小本經營，只怪英皇不簽他，「李家仁沒有商業價值嘛，哪有公司簽我？我簽自己囉！」

也恨演戲，可惜只拍過一部電影《寶貝計劃》，飾演醫生，見不着主角成龍、導演陳木勝，「原來拍戲可以咁兒戲！」早上七時半到場，問：「導演呢？」工作人員答：「今日導演不在，副導演拍。」「劇本呢？」「你係醫生，你度！」李家仁慨嘆：「我甚至要教其他演員點做，原來這就拍成一齣戲，兒戲過無綫，係人都做得到，只要你有機會。」

自認表演慾強，因此頻上電視，「普通人對着鏡頭會驚，我好relax，我上電視是為了減壓。你們唱Ｋ減壓，我不需要，我用工作分開，我唱歌時，你不要叫我李家仁醫生，我是李家仁。

「某方面我好想做artist，但是很難，辛康納利不做007，人家仍叫他007，所以這身份（醫生）對我投身演藝界不好，例如你在劇集見到我，『李醫生呀！』我都唔想做醫生！無論我做得幾好，你都叫我李醫生，我入唔到去，我無辦法做到柴九，不可以做古靈精怪角色，例如做賊。」

望穿秋水，有次港台電視部叫他拍《性本善》，角色終於古怪，他卻耍手擰頭，也難怪，不是人人敢扮嫖客，「我仍當醫生，始終有形象，做其他無問題，做賊都得，嫖客唔得。」只有繼續飾演醫生，「我唔係有咁多機會拍戲，要過吓癮，無辦法，007也做了很多年才不再做007。」

也恨演戲，可惜只拍過一部電影《寶貝計劃》，飾演醫生，見不着主角成龍、導演陳木勝，「原來拍戲可以咁兒戲！」早上七時半到場，問：「導演呢？」工作人員答：「今日導演不在，副導演拍。」「劇本呢？」「你係醫生，你度！」李家仁慨嘆：「我甚至要教其他演員點做，原來這就拍成一齣戲，兒戲過無綫，係人都做得到，只要你有機會。」

自認表演慾強，因此頻上電視，「普通人對着鏡頭會驚，我好relax，我上電視是為了減壓。你們唱Ｋ減壓，我不需要，我用工作分開，我唱歌時，你不要叫我李家仁醫生，我是李家仁。

「某方面我好想做artist，但是很難，辛康納利不做007，人家仍叫他007，所以這身份（醫生）對我投身演藝界不好，例如你在劇集見到我，『李醫生呀！』我都唔想做醫生！無論我做得幾好，你都叫我李醫生，我入唔到去，我無辦法做到柴九，不可以做古靈精怪角色，例如做賊。」

望穿秋水，有次港台電視部叫他拍《性本善》，角色終於古怪，他卻耍手擰頭，也難怪，不是人人敢扮嫖客，「我仍當醫生，始終有形象，做其他無問題，做賊都得，嫖客唔得。」只有繼續飾演醫生，「我唔係有咁多機會拍戲，要過吓癮，無辦法，007也做了很多年才不再做007。」

Limitation

行醫並非童年志願，自小愛聽收音機，最憎讀書，「我常叫人不要學我！」聖保羅男女中學測驗不多，考試一鋪定生死，「我好鍾意，平時不用讀書，考試前你俾一晚我讀書就夠。」名次維持六、七，「夠啦，別要我考一、二、三，好痛苦，keep住六、七好happy。」

當年父母在灣仔開設書局，就在大有商場對面，李家仁自小博覽群書，中史科不必用力，「王安石變法總是那些東西，只須寫長一點。中文也不用讀書，最緊要讀少科！」中文好到後來替壹仔寫稿，「梁天偉主政時，我寫過幾篇。」結果會考中文摘Ａ，中史拿Ｂ。

自認偷懶，只想說明人貴自知，「永遠有人叻過我，我知道爭不到第一，我知道自己的limitation，最緊要知道自己可以去到哪裡，不要強求。」正如他早知當不上明星，「Know your limitation，我歌喉又不是好到殺死人，我又不是高大威猛，又不是靚仔。」

一次做勞作，被老師當眾取笑，「全班跟住笑，我就唔識笑，我做咗成晚，點解你要笑我？我只想學嘢，你又唔講我衰乜。當時我發誓，美術、書法我只會僅僅合格，不會做好。」

中文了得，卻揀理科，「我只考慮出路，我不想做官，又沒耐性教書，上堂我都瞓覺，自己也沒興趣，教書只會誤人子弟。理科有哪幾科？Engine，我最憎計數。」那次羞辱影響深遠，「我不愛繪畫，不能讀建築。有什麼剩？Medicine，焗住去。」

當時港大法律系創立不久，何不去馬？「我那年代當然不去港大讀Law，一定去英國，新開點會好？除咗壹仔。」這個人說話跟他面形一般圓滑：「當時係好勁啊，一出，嘩，勁到，邊個唔俾面壹仔……」言歸正傳：「如果Medicine唔收，係咁先，我都唔知點搞。」

醫科畢業，不揀外科，也跟羞辱有關，「內科不用揸刀做手術，我不喜歡勞作，也不會做得好，只會俾人笑，我知道自己的limitation。內科再分精神科，精神科要慢慢講，講到自己都癲埋咁滯。」

剩下大人科、小兒科，「大人科好多老人家，不只是身體問題，也是社會問題，公公入院有婆仔送，婆仔出院無人接，可能老公仔死咗，子女又不想要，你醫好她，但問題解決不到。」只剩兒科，全港最出位的兒科醫生就此誕生。

夕陽行業

多年來見證兒科盛衰，「那時baby boom，世界幾好；現在是夕陽行業，人不生子，你見都是大陸人來港生，生完返上去……私人執業market小了。」

現時好做的，首選皮膚科，「第一沒有急症，最多痕癢，怎會急？你不用半夜起身（診症）；第二，皮膚敏感、身痕，永遠治不好，最多用止痕膏，到咁上下條友應該返嚟，永遠有好多病人。」最難做呢？「心臟科最大鑊，會死人，突然心痛，你敢唔睇？你敢唔敢？有什麼事怨你一世。」

這叫壓力，「你打工有何壓力？你做過醫生才知，當你去到life and death，出一宗事，有人死了，你一世唔安樂。做醫生最難是什麼？梁智鴻教落，考試不是考你識幾多，反正你一定唔識，而是看你能否承受壓力做醫生。」

李家仁鼓勵後輩做醫生嗎？「在香港做醫生是受人尊敬的職業，可有溫飽，但你不要想着發達，要發達唔該你做金融。」近來不少公立醫院高級醫生辭職，私人執業搵真銀，「他們以為世界咁好，唔係o架，別以為你是高級醫生，一出來就好多人睇，病人帶不走。

「私家醫生好似搵多好多，因為時間長好多，effort多好多。你在大學做，在公家醫院做，放假一樣有錢搵，我們手停口停。當然你有好多錢，you don't care，但我不是去到那地步，I do care!」

很多醫生頂唔順醫管局？「每個機構都有自己的問題，不是頂唔頂得順的問題，你要adjust，難道你做壹週不用聽老細講？老細叫你訪問李家仁，『妖，最憎佢！』你都要做。」

本來他在伊利沙伯醫院工作，後來自立門戶，「當年我無官升，伊利沙伯只有兩個顧問醫生位，瑪嘉烈有兩個，而這四個人看來不會走，我前面仍有好多人排隊，老細（其中一名顧問醫生）叫我走，我仲唔走？」

八七年設立診所，他說跑上婦女節目全無宣傳作用，還是「靠隔籬三嬸睇過ＯＫ」，靠口碑，「最成功那些（私家醫生）營業時間好長，年中無休，價錢唔貴，最緊要『等埋我啦醫生！』『好，等埋你！』」有些醫生日看二百幾個病人，李家仁望塵莫及，「荃灣耳鼻喉科兩分幾鐘睇一個，睇到夜晚十二點！」

耳鼻喉科要做手術，不是他杯茶，「耳鼻喉搵到錢，因為鼻敏感也是永遠治不好，空氣污濁，愈來愈多人鼻敏感，除非十三億人不見了十二億，空氣一定好。開會講減排無用，人係咁多，個個呼出口氣，你叫佢哋唔好呼吸吖笨！」

---

2 : 拔刺者(4132)@2011-01-11 01:55:42

http://www.youtube.com/watch?v=HeOUNq66alE

---

3 : abbychau(1)@2011-01-11 16:30:01

短的

---

4 : abbychau(1)@2011-01-11 16:59:08

---

5 : GS(14)@2011-01-11 20:49:57

http://hk.apple.nextmedia.com/te ... 462&art_id=14849625

「你話雞貴定龜貴？我話冇所謂，最緊要好食！」兒科醫生李家仁隨本報到市場買餸，拿着老婆大人的購物 list，邊買邊 rap出《小明上廣州》的爆笑急口令。 59歲老頑童，憑此曲一過歌星癮，雖也換來嘲笑抨擊，但他仍然自得其趣。人人知唱小明之樂，而不知醫生之樂其樂也。　撰文：馬建華

「煲個冬瓜猛咁，你我哈哈笑。」穿上西裝、結起煲呔的李家仁醫生，緊隨拍子搖頭搖腦擺手擺腳，牙斬斬作勢食冬瓜的模樣盞鬼兼得意。這首《小明上廣州》當選林海峯「我最喜愛歌曲」五強；網上點擊次數突破 30萬；英、美、加、澳 fans無限 loop爆網；甚至有師奶打上電台問醫生幾時出碟，李家仁也覺是意外驚喜：「估唔到 59歲都實現到夢想！」

肯聽就 OK
放大圖片

12345678910

一曲熱爆，除了李家仁的生鬼演繹，負責曲詞的韋然歌詞精準啜核外，也不得不歸功於網民狂 like、討論區瘋狂轉載、甚至形形色色的惡搞版本出現，有洗腦版、倒轉版、小明北上尋歡版層出不窮。別人笑佢太瘋癲，佢笑他人看不穿，李家仁依然故我，被惡搞也落落大方：「正常吖，創意吖嘛，只要唔好太粗鄙啦……希望！」還引用「 God's favorite word is come」，即叫大家肯聽就 O：「你鍾唔鍾意冇問題 o架！最緊要點擊率咋嘛！你聽，我就開心。」
面前的李家仁醫生，從電話鈴聲以至上班裝束，都充滿着「大唔透」的童真，然而閒談間既有星爺的幽默、也有老叟的睿智，更甚是渾身散發正能量。一點更可以肯定，他絕對不是扮小丑或愛出風頭類型，他是真心喜歡唱歌，也希望將歡樂分享出去。難怪他是小朋友、大朋友、中學生、大學生的偶像，畢竟港孩是李家仁的強項。
發夢當歌星

其實《小明上廣州》是《小明坐火車》的延續篇， 01年推出時曾引起一時佳話，也讓人知道李家仁是實力偶像派兒歌歌手。提到為何有衝動整首廣州版？李家仁哈哈笑說：「小明坐咗好多年火車，我同韋然話：『喂，整番首小明啦！』當時佢唔鍾意，唔想咪由佢先囉。 05年開始我好多時候返廣州過年，咁之後又亞運，廣州唔同晒，我話係時候整番首廣州啦，真係出咗嚟。」《上廣州》歌詞最抵死肯定是 rap的一段，甚麼「入實驗室 㩒緊急掣」、「一蚊一隻雞」的 old school急口令盡出，令人聯想起撐粵語；至於「唔做河蟹打橫嚟」更被視為有政治意思。李家仁依舊哈哈笑說：「呢個其實冇乜嘢政治意識嘅，唱隻歌仔咋嘛，使乜咁緊張呢？曹雪芹寫《紅樓夢》都未必咁多嘢諗啦！」
李家仁不諱言年幼時已打算做歌手：「發吓夢唔得咩！」中六時讀聖保羅男女中學，膽粗粗報名參加歌唱比賽，唱完第一段就被人叮走冇得留低，他清楚「真係唔得喎」，於是發憤讀書考進港大讀醫：「呢條路唔通，就去第二條路囉！你要知道你能力所限，明明做唔到，係都要去做，咪盞做一世配角、茄喱啡囉！」
《小明上廣州》　曲/詞：韋然

*小明上廣州，探親友樂同遊
小明問阿媽，買乜嘢畀親戚好友
小明上廣州，搭高鐵樂悠悠
飛馳越秀山，家陣廣州乜都有
#廣州話的確最妙，盞鬼兼得意
煲個冬瓜猛咁，你我哈哈笑
珠江旭光接亞運，食在廣州正
沙面西關說故事，嘆吓真寫意咯
rap：一蚊一隻龜，一蚊一隻雞
你話龜貴定雞貴，其實乜嘢都冇問題
做人最緊要心足，千祈唔好咁虛偽
你好我好大家好
我幫你，你幫我，實唔驚冇計
兄弟手足要和睦，鄰里互助互包容
一齊嚟開心唱隻歌仔
呢個世界冇閉翳
Repeat*#
rap：去實驗室 㩒緊急掣，
做人做事點可以亂嚟
以前就話行路上廣州，家上落快過鬼
直通車啜聲就到，將來高鐵快得重巴閉
省港澳其實都係一家人，
樹同根，水同源
飲下早茶，唱隻歌仔，唔做河蟹打橫嚟
Repeat#
小明上廣州，探親友樂同遊
開懷在唱歌：家陣廣州乜都有！

唱出風格老婆潑冷水
2011年01月09日


現在的李家仁也算是當紅歌手，多了人關注及抨擊，他也想過搵老師學唱歌，「可以唔使太難聽」，不過同事卻認為多此一舉，他說：「啲人接受你就接受，唔接受你唱成點佢都係鬧你。唔需要刻意追求劉德華呀、張學友呀，因為佢就係佢，你就係你，呢個就係李家仁風格。」雖則如此，李家仁也不時被老婆扭耳仔：「老婆話你仲唱乜鬼嘢吖，一把年紀！我都俾老婆鬧慣 o架啦，咪又照做，吖竟然 hit咗喎！」那老婆可有改觀？李家仁擰晒頭裝出一臉垂頭喪氣樣說：「唉，冇啦！平常心呀，你估你真係歌星咩？我咪又係我！」笑聲響徹全房。
預告小明過新年

李家仁又預告快有新歌出籠，就是《小明過新年》供 fans獨家試唱，至於《小明上東莞》更隨時 ready。他說：「因為我要返鄉下 o架嘛，你唔返鄉下，啲鄉親父老唔係好 like o架嘛，佢哋會話『喂，你有冇搞錯呀？淨係去廣州，唔返東莞點得？』」那到時可會給太太過目呢？李家仁說：「未俾人鬧過呀？梗係冇啦！」說罷又一輪喪笑。

---

6 : BreezeRain(748)@2011-01-16 18:49:07

睇完了

佢係咪打算出小明系列??

---

7 : abbychau(1)@2011-01-16 18:49:54

係啊, 正確黎講係韋然想出

---

8 : GS(14)@2011-01-16 18:51:19

7樓提及

---

係啊, 正確黎講係韋然想出

why?

---

9 : abbychau(1)@2011-01-16 18:55:10

佢先係作者

---

10 : GS(14)@2011-01-23 18:00:56

2011-1-12 EW
唱兒歌 得快樂 李家仁   

撰文 覃慧 攝影 張家宣 設計 黃潤群

「小明上廣州，探親友樂同遊，小明問阿媽，買乜嘢畀親戚好友……（Rap）一蚊一隻龜，一蚊一隻雞，你話龜貴定雞貴……」

因為一曲〈小明上廣州〉在Youtube播放幾天，便有幾十萬點擊率，李家仁醫生最近爆紅！既有網民為這首兒歌製作出N個版本，稱他為「兒歌王子」，農夫的C君又公開讚他是殿堂級Rapper，連電台節目都以此做話題，多個訪問也自動找上門，點睇先？

「好開心！不過人生無常，實會衰、實會落，所以我現在看似好紅，但其實我已經做定心理準備，接受跟住嚟嘅唔開心。」畢竟他活了五十九個年頭，看人生總有點透，所以，他還是趁著活在當下，盡量把握脫下醫生袍的時間，享受當他自稱的業餘歌手身份，享受唱他喜愛的兒歌，rap他的「一蚊一隻龜，一蚊一隻雞」，相當快樂。

結果，這個訪問我聽了他現場演繹〈小明上廣州〉，起碼五次。

解構小明熱

這是我很想問李家仁醫生的問題：之前有一首〈小明坐火車〉，現在又來一首〈小明上廣州〉，那到底小明係邊個呢？「是他也是你和我。」他笑笑口的說，我的眼白反到幾乎見不到眼珠。「〈小明上廣州〉雖然早就錄好了，但一直未有機會出街，直至上年十二月八日才在《都市閒情》正式登場。」

歌曲登場後才一小時，有網民便把他演唱的片段放到Youtube去，「那天下午六時多有朋友告訴我，那段片幾個鐘已經有過萬人次觀看過；第二日，韋然（此曲作曲填詞人）致電給我，已經是十萬大軍！好開心！但同時壓力就來了，因為我每日都在追著觀看數字上升了幾多，好過睇股市，起碼唔會跌！」直至同月二十日，因為版權問題，片段卻被無綫刪除了。「那時已經五十二萬人次看過，無綫刪除後，我們惟有再拍一個ＭＶ囉。」

這首歌能有如此佳績，他說，完全是意料之外。「就如《紅樓夢》，曹雪芹最初寫的時候，也沒有想過會成為後人的研究作品！」據他分析，這歌之所以能夠爆，是因為歌詞很正面。「最初我看到『煲個冬瓜猛咁』，我都要問韋然：『喂，煮熟了的冬瓜，點可以用來呀？』但後來我又覺得幾得意。嗱，中間rap那句『一蚊一隻龜，一蚊一隻雞』同埋『入實驗室㩒緊急掣』以前都好流行呀，啲年輕人咪覺得好有共鳴好鍾意囉。」

他預告，「小明」系列的兒歌還會延續下去的。「嚟緊仲有一首〈小明去拜年〉，會在年初一登場。小明其實是一個好好的形象，做乜都得，去邊都得㗎！」看來，這位小明應該有排冇得返屋企。

咪話小兒科

其實早於李家仁唱兒歌前，他已在不同媒體中發聲亮相。「一九八五年，商台ＤＪ伍曼儀，邀請我到節目《日日好時光》中講解醫學，講十分鐘有一百五十蚊，到最後個環節cut到只有一分鐘，都係一百五十蚊。那段日子我識了很多傳媒人，後尾就有人搵我上去婦女節目講醫學囉。」

其中一個他主持的醫學環節，叫《咪話小兒科》，「每日我咪抱住個ＢＢ公仔，對住鏡頭同大家講（吊高嗓子說）：『小朋友三日一次大便唔使驚……』。」

後來在一個活動場合中認識了韋然，年多後韋然提議他唱唱兒歌玩嚇。「我九二年開始唱，最初每年一、兩首，後來愈唱愈多，冇錢㗎，但ＴＶＢ肯播，我都有份滿足感。」

其他醫生工餘時間都以高級玩意作消閒，他卻以uncle身份唱兒歌細路做消遣，不會覺得難堪嗎？「唔難堪，我做兒科醫生㗎嘛，啲小朋友根本就冇年齡概念，佢哋只要溝通到就當你係friend。」除了唱兒歌，沒有別的喜好了嗎？「我每日又要去醫院巡房，又要應診，邊有咁多時間呀？唱兒歌只是我一個 hobby，我只是一個業餘歌手，我不會做到陳奕迅，可以拍片、拍劇、接show，我錄一首兒歌個幾兩個鐘，之後就已經好他條。不過唱兒歌並冇令我多了睇症生意，個ＢＢ仔根本就唔會識，睇開我啲婆婆，又唔會理我係咪唱兒歌。」

天生表演者

唱兒歌，雖然不能讓李家仁成為陳奕迅，也不能為他的診所生意更興隆，但卻令他享受到表演層面上的認同感。「○五年，中大邵逸夫千人宴請我去唱，嚇死我！我唱〈小明坐火車〉同〈小時候〉，啲學生攞曬牌，又同我握手，他們原來聽我的兒歌大。」

那麼，在街上有人會找你簽名和合照嗎？「哈哈哈，有。」他靦腆的笑著說。不覺得騷擾了私生活嗎？「唔覺，幫得人咪幫囉。」他再展示了滿足的笑容。

無可否認，他的表演慾是天生的。「我站在台上、面對鏡頭，我都覺得好輕鬆，我小學時已帶領全校唱院歌，中學時又玩朗誦，每次演出都是一個經驗。」

他就讀聖保羅男女中學，一間很重視學生課外活動的學校。「我中一時不懂看樂譜，音樂不及格，媽咪就用七十五蚊買了個小提琴給我，趁老竇出街我就練琴，結果畀我考到五級。」既然熱愛音樂，又有表演細胞，當年大學何不索性讀音樂而不讀醫呢？「老竇唔鍾意我讀音樂，覺得搵唔到食！」

唔好講屋企

他小時候在灣仔長大，上有一位大他七年的姐姐，姐姐有她自己的朋友，小仁每天放學後便到父母開的書局裏幫手。「父母要做嘢，我讀小學五年級已經要自己煲定飯先返學，無辦法，環境係咁，邊似家啲小朋友，放學後就去補習，學鋼琴，來睇醫生有兩、三個人陪？」

父母書局售賣英文書，但父母不諳英文，小仁在店裏便經常看見雙親因此被夥計恰。「我睇見阿媽嗰陣忍得好辛苦呀！然後我就明白，登天難，靠人更難，靠人好慘……」李家仁在四、五年前跟韋然作了一首〈搭叮叮〉用來思念他的母親，問到他的母親何時過身，他顯得不欲多談：「○四年左右囉，都九十四、五歲咯……都冇話唔開心嘅，只係想唱首歌思念嚇佢啫。」

另一個他不想談論的話題，是他的妻兒。例如問他的兒子現時年紀，他卻說：「我老婆唔想我講屋企嘢。」那兒子是否聽他的兒歌大？「我在家裏不會唱歌的，放工回到家已經很累了，除非第二日有演出，我咪等半夜十二點，個個瞓曬覺，細細聲喺書房練嚇囉……」接著他又再rap起來：「一蚊一隻龜，一蚊一隻雞……」

---

Celine爸爸想收Artist級學生　「一哥」布偉傑學唱歌有折扣

1 : GS(14)@2017-06-25 09:31:25

曾經係大台「御用老外」嘅「阿一」布偉傑（Brian Burrell）日前同拍拖3年嘅化妝師女友Celia拉埋天窗，原來佢都曾經跟Celine爸爸譚順生(DR.Steve)學過唱歌。而譚順生嘅facebook都曾經以一哥作招倈話曾經跟過佢學唱歌。前日布偉傑接受《蘋果》電話訪問，佢話去年初經朋友介紹下跟譚順生學唱歌，佢話﹕「係TVB一位排舞老師介紹，佢話Steve想搵一啲artist級嘅學生，所以就去咗。(有冇收平啲？)都算係有big discount嘅。(知唔知facebook用你嚟宣傳，介唔介意？)冇問題，我哋係朋友。」對於薛家燕對譚順生嘅批評，一哥就話唔太清楚。不過，阿一上咗幾個月就跟咗其他老師學唱歌，佢解釋﹕「佢都教得好好，不過因為我有其他原因，所以轉咗老師。」問到跟譚順生學唱歌最大得着係乜？佢話﹕「最得着係震音，佢好鍾意集中喺震音。」




來源: http://hk.apple.nextmedia.com/entertainment/art/20170624/20066978

---