📖 ZKIZ Archives

中環在線：超人夜帶Victor巡地盤 李華華

2011-8-5  AD



 

每逢長實 （001）同和黃（013）派成績表，又係超人首富李嘉誠向香港人發表「國情咨文」嘅時候！噚日都唔例外，除咗叫大家繼續跟佢買長和，佢又驚爆2017香 港有普選外，當然唔少得，就係叫買唔起樓嘅大家買樓嗰陣小心小心！講開樓市，咪又係帶大家回到過去，講番佢老人家「一生中最愛」、幾十年前嘅代表作──賽 西湖大廈囉！

鍾意同記者傾偈

超人話，賽西湖呢個project佢樣樣都記得嘅，尤其係當年，佢仲夜麻麻帶住仲係豆丁嘅小超人 李澤鉅Victor去巡地盤……（唔知關個樓市咩事），佢又話，當年賽西湖大廈平均呎價係330蚊一呎，今日建築費都要每呎3000蚊以上喇，咁今日都值 一萬兩萬蚊一呎，絕對抵到爛……之不過現場好多人應該都唔係咁諗，幾十年前嘅人工物價生活指數點同o依家比啫，點樣計得出抵到爛呢？超人個算盤，果然係零 舍唔同！

姑勿論你喜歡或唔喜歡超人，若然佢話同你傾偈，相信無人會say no，但超人若真係開talk，又值幾多呢？乜都俾人問comment嘅超人話，講自己嘅嘢係無問題嘅，仲可以由佢十幾歲（即係戰前！）講起，如果佢搞個 午餐會，佢相信就算要收錢都會有人捧場嘅，佢又話自己其實好鍾意同記者（應該唔計華華）傾偈，只不過一年唔多過四次，兩次業績同一次股東會，如果大家應承 唔寫任何嘢嘅話，佢會諗諗搵個機會同大家傾吓偈，咁應該收幾多錢？無人肯答佢老人家。

梗係喇，講錢就失感情，好似超人份人工咁，咁多年嚟都 得嗰5000大元，以workload計，佢應該第一個上街fight最低工資o架！超人話，其實佢收5億都唔過份，因為佢身邊嗰兩位（即係佢大仔 Victor同埋頭馬霍建寧）都貴過佢，but too late to change！所以佢無諗過加人工……君子一言出，記住咪下次話never too late就得囉！

歷年展望

每次長實業績都會有一個主題，而呢六字或四字「對聯」，就係下個年度嘅前景所在，雖然每次 唔同，但細心睇真啲，其實來來去去都係嗰幾句，甚至乎畀人有少少「詞窮」嘅感覺！之不過「詞窮」又點都好過「技窮」，其實小股東話之你寫乜，總之有息派有 增長唔使靠賣嘢食老本就得喇，係咪？

2011年中：潛力雄厚商機無限

2010年末：基礎穩固前景秀麗

2010年中：發展蓬勃前景秀麗

2009年末：穩健開拓潛力龐大

2009年中：穩步開拓強化發展

2008年末：鞏固根基穩健邁進

2008年中：基礎穩固潛力更晉

2007年末：創新發展理念延展業務增長

2007年中：穩健增長潛力更晉

2006年末：開拓新機遇啟動新增長

2006年中：穩健部署開建未來

2005年末：優化資產強化實力

2005年中：動力充盈穩步擴張

2004年末：根基穩固發展無限

2004年中：強化核心業務推進全球擴張

李華華

[email protected]
 


PermaLink: https://articles.zkiz.com/?id=26774

大公子Victor有話說… 朱泙漫屠龍記

http://johnchrysostom.blogspot.hk/2012/08/victor.html
在2012年8月2日長和系半年業績發佈會上，李超人暢談和黃前景亮麗，集團負債比率低故仍有能力進行收購。當李超人回答暫告一個段落後，大公子李 澤鉅先生突然開腔，說因自己傷風不在狀態，故希望對早前3G問題想要作補充。此時父親李嘉誠卻阻止說：「我知你諗咩，等我答。」究竟Victor想講甚麼 呢？

1970年代初期華資大戶藉香港資本市場的開放和發展而陸續上市，適逢香港經濟蓬勃帶來可觀的地產收益加速這些華資地產商迅速壯大。不過相比當年手 執香港經濟命脈的英資大行如怡和和太古系，李嘉誠先生的長實(00001：HK)亦只不過是「二打六」矣！不過踏入1970年代末英國大班連番投資失利， 卻又偏偏遇上中英就香港前途的談判。到了1982年前英國首相戴卓爾夫人於北京人民大會堂前失足跌倒的一刻開始，英商對香港前途信心盡失，亦展開了一連串 有若史詩式的華洋對決收購戰。
當年長實(00001：HK)獲匯豐(00005：HK)支持而鯨吞和黃(00013：HK)可謂這系列收購戰中的經典。若果李超人代表「地產霸 權」，則其「霸業」是奠基於中英角力下的「共同祝福」而從英國大班手接管香港經濟。多年來李超人一直批評香港政治環境令香港投資機遇不如外國，因此或明或 暗表示撤資意圖。不知道若果沒有香港前途的問題，以李嘉誠為首的華商可會在這塊寶地撈得風生水起？
可能當年收購和黃(00013：HK)一役令李超人希望一再回味，因此長和系近年一直積極拓展海外，當中對英國資產更是情有獨鐘。在2000年伊始 的科網風潮下，和黃(00013：HK)乘買賣Orange的電訊業務嘗過甜頭，於是投資近千億競購歐洲各地多個3G牌。豈料後來科網泡沫爆破，和黃 (00013：HK)3G業務不但連年嚴重虧損，還要不斷注資建網和補貼手機以維持營運。那究竟和黃(00013：HK)3G業務對公司整體影響有幾深 呢？公司業務和信貸前景又是否如李超人所言的亮麗呢？
根據和黃(00013：HK)2002年至2011年業績公告所示，每股盈利由2.76港元上升至13.14港元，複合增長16.89%；每股資產 淨值由51.40港元上升至80.70港元，複合增長4.61%；每股EBITDA由7.37港元上升至22.86港元，複合增長11.99%；每股股息 由1.73港元上升至2.08港元，複合增長卻僅1.86%，與「亮麗」的盈利、資產淨值和EBITDA增長不匹配。

由同期各分部業務的除稅前盈利(EBIT)計，港口及相關服務、地產及酒店、零售、赫斯基能源和由長江基建(01038：HK)所貢獻的溢利增長均 不錯，其年複合增長分別是2.17%(難怪要用港口信託上市散貨)、13.98%(又係「磚頭」)、24.64%(其實百佳同屈臣士真係利潤深)、 15.28%(不如買中海油(00883：HK)好了)和10.44%(長建其實便是港燈啫)。以2011年業績計，主要盈利來源依次計有長江基建 (01038：HK；26.24%)、地產及酒店(18.53%)、零售(18.16%)、赫斯基能源(16.77%)和港口及相關服務 (16.01%)。

3G業務由2002年虧損港幣20.70億元，上升至2004年的虧損港幣384.49億元高峰後回落，直至2010年才見微利港幣29.31億 元。期內共虧損高達港幣1,439.45億元！不要忘記2011年和黃(00013：HK)最好景的一年EBIT亦只有港幣513.70億元(當中有多少 是透過財技變出來呢？)，3G業務歷年的嚴重虧損幸好由其他香港業務補貼而令其3G業務可勉強維持下去。筆者不禁概嘆原來大英帝國透過一個3G牌已經報了 當年一箭之仇，所謂「地產霸權」的暴利原來係補貼大英帝國子民用手機上網的開支矣！

2012年5月2日和30日，Moody’s先後給予和黃(00013：HK)所擔保的旗下子公司美元和毆羅票據分別是Baa2和A3的評級。雖然 這些評級並非特別低，但Moody’s卻一再對和黃(00013：HK)的信用前景表現負面(Negative)。看來有關和黃(00013：HK)的現 況可能比一般人想像中尚另有文章！(本拙文是《君子愛財…》延續篇，尚有下文待續。)


PermaLink: https://articles.zkiz.com/?id=35868
Next Page
ZKIZ Archives @ 2019