2010-11-09 AD
|
||||||
再有女主播投身財經界!自從趙海珠06年底離開無綫電視加盟法巴做PR之後,都好耐冇聽過啲小花下海嘅消息,最新就係做過亞視《主播天下》主持嘅黃珊,9月底離開咗亞視,原來早兩星期轉去耀才證券(1428)做公關經理,同大隻佬郭思治做同事! 唔知耀才係咪有鋪搵主播癮,電視廣告就搵咗老一代主播何守信做主角,今次除咗搵黃珊做PR,佢哋個耀才財經台就搵咗啲前亞視人做主播,包括鄺晶晶同劉幸鈺,而至省鏡嘅,相信係07年參選過港姐、有「翻版陳法拉」之稱嘅王卉霖。一班靚女主播拱照住大隻佬,聽落都幾夠號召力。 至於新加盟嘅黃珊,個樣okay嬌俏,不過把聲就成日俾人彈好「牛」,所以去到耀才,應該都唔使拋頭露面同大家講「耀才證券是你首選」囉! |
||||||
4樓提及
電視台好似一直都有同類問題
6樓提及
鳳凰衛視香港台 點至睇到?