客串新片犧牲靚樣尹恩惠翻脹變220磅肥妹
1 :
GS(14)@2015-01-27 09:06:07
■現年三十歲的尹恩惠為保持現時的身材，下了不少苦功。
韓劇《咖啡王子》女星尹恩惠的體質一向容易發胖，曾因貪吃暴肥搞到體重高達一百二十八磅，被喻為少女壯士。為了演藝事業，尹恩惠以嚴格的減肥方式來減磅，最終成功踢走二十磅肥肉。不過近日尹恩惠為了電影《許三觀》而犧牲索女形象，再嘗做肥妹的滋味，並以特技化妝變身成體重達二百二十磅的角色，十足韓版《瘦身男女》一樣。
曾經是少女壯士
現年三十歲的尹恩惠為了保持身材，試過每天只喝一瓶乳酪來節食，最終體力不支而暈倒。當年她高峯時期體重高達一百二十八磅，配上她一米六十九的身高及纖細的骨格，頓時令她變成少女壯士。之後為了健康着想，她放棄苛刻的減肥法，並自創「泡菜減肥法」，一天吃足三餐，每餐吃半碗白飯配泡菜及蔬菜，最後成功減磅，體重保持於一百磅左右。
■尹恩惠為了電影《許三觀》而作出大犧牲，靠特技化妝變做肥妹。
■網友大讚尹恩惠的肥妹造型，似足鄭秀文（左）在《瘦身男女》的角色。
數小時特技化妝
由於減肥之路既艱辛又困難，尹恩惠亦不希望打回原型做肥妹，所以平日她對飲食都很節制，亦會勤做運動。不過近日尹恩惠為了河正宇和河知雲合演的電影《許三觀》，她不惜放棄現時的標準體形，在片中飾演肥胖的林芬芳一角。
尹恩惠為了演活林芬芳一角，需要接受長達幾個小時的特技化妝。由於拍攝時正值夏天，所以為了方便尹恩惠，劇組亦趕緊拍攝，現場更安排了皮膚科醫生，以防尹恩惠因過量的化妝而敏感。而尹恩惠本身亦十分專業，她沒有刻意理會化妝問題，更二話不說就進行拍攝。
■《許三觀》由河正宇和河知雲主演，已於本月中在韓國上映。
昨日《許三觀》劇組公開了尹恩惠的肥妹劇照，只見尹恩惠身形暴脹不少，就連手指都變得又肥又粗，雙下巴亦頓時現形，扮相維肖維妙。不少網友看到她的肥妹造型都大讚十分可愛，更覺得她似足港產片《瘦身男女》中的鄭秀文，完美演繹出角色。電影《許三觀》是改編自中國著名作家余華的同名小說，描寫男主角靠賣血度過人生難關的故事。身兼男主角及導演的河正宇早前受訪時大讚尹恩惠，他說：「我把角色介紹給尹恩惠時，雖然戲份不多，但她爽快答應演出，她身為演員不挑剔，大方挑戰的精神令人敬佩。」撰文：施洛冰
來源:
http://hk.apple.nextmedia.com/entertainment/art/20150127/19017467
【馮仁昭四圍超】八杯水保靚樣61歲發哥跑山喼弗
1 :
GS(14)@2016-07-09 06:36:02■發哥而家逢一、三、五跑山，二、四、六就做肌肉訓練。
今年61歲嘅周潤發越來越fit，有乜嘢秘訣？原來佢近年愛上跑山，人哋就喺平地跑步，但佢就走去郊外跑山，而且仲跑到上癮，每日唔跑番半粒鐘會周身唔舒服，發哥話：「跑嘅時候有個胺多酚走咗出嚟，我入面隻鬼到時到候就叫你，如果唔去周身唔舒服，跑完個人好開心。」原本體重185磅嘅發哥，自從開始做運動就瘦咗好多，最瘦時只得148磅。
■跑山跑上癮嘅發哥，曾喺山上遇到劉嘉玲。資料圖片
■發哥話原本體重有185磅，開始做運動後曾減到148磅。
唔食補品
問發哥會唔會同發嫂一齊跑步？佢抵死咁笑話：「我唔同得佢跑，佢跑得好快，佢爭啲貴利數多嘛，佢要跑山呀！你知我就好少借錢啦，我就冇乜爭貴利數，所以好悠悠閒閒咁跑。佢就大鑊喇，借落好多通街數，一走起嚟最快嗰個劉易斯都追佢唔到。」呢個發哥噏得就噏，坐喺身邊嘅發嫂聽到都冇佢咁好氣。既然發哥個body就靠做運動keep，咁個靚仔樣又點keep先？佢話：「我乜嘢都唔食，又唔食補品，我淨係飲水，八杯水就最基本。除咗一、三、五去跑山做呢啲帶氧運動之外，二、四、六我就去做肌肉訓練，每日呢啲就係補品嚟，呢啲有時補到你標鼻血喇！」撰文：馮仁昭
來源:
http://hk.apple.nextmedia.com/entertainment/art/20160707/19684084
公園拍拖亂丟煙頭50歲關秀媚素顏碌眼保靚樣
1 :
GS(14)@2016-08-16 06:28:02【肉緊舌戰】■關秀媚與男友李尚文前日在數碼港海濱公園談心，傾到指手畫腳七情上面。DV圖片
【數碼港】曾選港姐的關秀媚今年50歲，那些年被封為性感女神的她，退隱10年已經洗盡鉛華，前日她跟男友李尚文拍拖行公園舌戰，素顏的她着阿媽款背心襯灰裙，打扮隨意舒適，而且全程不停扯煙，還將煙頭丟在草叢做垃圾蟲，又用手隔衫整理bra帶，腿張開坐姿更不慎春光乍洩，昔日女神光環灰飛煙滅，回歸平淡享受人生。
於1987年參選港姐落敗的關秀媚，憑三級片《賊王》跟任達華床上肉搏出位，被封為性感女神的她接拍多部王晶電影，收歸為「晶女郎」後在影圈平步青雲，惟02年捲入頂包官非判監14日，05年拍完《黑白戰場》後絕迹影圈至今。現年50歲的關秀媚前日再現芳蹤，孖前藝人男友李尚文到數碼港海濱公園拍拖，雖然兩人年紀相差7歲，但保養得宜的她跟姐弟戀男友十分合襯。
坐姿豪邁走光
前日下午約4時許，李尚文駕駛白色波子載女友到公園拍拖，素顏的關秀媚戴cap帽遮樣，着阿媽款背心收起性感身材，甫落車即煙癮起點火吸煙，擔住煙邊扯邊跟男友行入公園，幸好範圍又大又空曠，令公園內的小朋友未至於被迫吸二手煙；二人散步了一會兒後，關秀媚就坐在長凳上休息，嘆完一支煙後起身離座，以為她找垃圾桶，怎知卻是用第一支煙點第二支煙，然後隨手將煙頭丟在草叢，男友就跟在她的身後陪散步。
【貪靚碌眼】■素顏的關秀媚即買即用導入眼霜，女人唔補好易老！
【踎住吹水】■李尚文有凳唔坐，蹲在女友面前似聽訓示。
行了一陣之後，關秀媚又再次坐下休息，李尚文在她身前邊踱步邊閒聊，兩人各自篤手機，顯得百無聊賴，其後李尚文蹲在女友面前傾偈，講到興起終於陪女友坐下，兩人更指手畫腳舌戰，關秀媚還肉緊指着自己心口，傾到七情上面的她，隨意地用手隔衫整理bra帶、伸懶腰，本來將手袋放在大髀上的她，將手袋改放在身旁長凳上，腿張開坐姿豪邁不慎洩春光！
【煙癮發作】■關秀媚煙癮好大幾乎全程煙駁煙，在公園內吞雲吐霧。
【吸完即棄】■關秀媚將煙頭丟在草叢，當街做垃圾蟲。
■當年選港姐入行的關秀媚被封性感女神，樣靚身材正。資料圖片
用特價抗皺霜
由於關秀媚全程幾乎煙駁煙，的確會影響皮膚的狀態，眼圈有點浮腫，不過貪靚的她都很注重保養，隨手拿出新買的兩支導入眼霜，拆開其中一支即用，邊跟男友傾偈邊搽眼霜，不介意在男友面前做保養工夫，愛情長跑9年的他們，表現有如老夫老妻，令人羨慕。其實近年很多女星潮用導入美容器，如徐若瑄、林心如亦曾用被喻為「瘦面神器」的日本Beauty Bar24K金瘦臉電動按摩棒，而關秀媚前日就用L'OREAL活力緊緻透明質酸充盈導入眼霜，這支眼霜聲稱有抗皺、修減眼袋及減淡眼紋等功效，原價215元，現於某連鎖店做特價150.5元，不知她是否在連鎖店購入，所以連買兩支呢！採訪、攝影：畢紹基、吳耀輝
來源:
http://hk.apple.nextmedia.com/entertainment/art/20160816/19737399
【add‧Beauty】Fiona愛飲茶展示Fresh凍齡清新靚樣
1 :
GS(14)@2017-01-08 19:02:50入行超過10年的薛凱琪Fiona，已踏中女之齡，依然keep到高顏值及窈窕身型，難怪會吸引到護膚品牌Fresh找來阿Fi合作，分享她的凍齡秘密。阿Fi前日就到灣仔出席「FRESH都市茶園」發佈會，會上更播出由鄧永鏗愛女鄧愛嘉操刀的廣告短片，當中紀錄了阿Fi排練、護膚、運動等日常生活及工作，為配合新作「紅茶緊緻塑顏面霜」，今次短片亦以「茶」為主題，與喜歡喝茶及崇尚天然護膚原則的阿Fi不謀而合！
世上沒有醜女人，只有懶女人。勤力護膚以外，做運動與健康生活都好重要。
「我係工作狂，日日做嘢要化妝，所以要落得乾淨，但有好多洗面產品好乾，我會用落妝油，再洗兩次面，所以會揀mild但又乾淨嘅洗面產品。」阿Fi又表示特別注重面霜，「我會揀有firming嘅面霜，因為我好懶又好忙，可能半年先做一次facial，所以一定要揀啲好滋潤嘅cream去抵觸番唔做facial，另外我又會厚敷，抵觸番冇時候敷mask。」飲食同樣重要，阿Fi會飲有機果汁去保持靚皮膚，「每日飲一杯果汁，無論對身體同皮膚都好好，盡量食有機嘢，cream會被皮膚吸收，所以護膚我都會用natural嘅嘢，好似fresh會用水果、磨砂係用糖，又或者用杞子、黑荼，所以我內至外都希望用natural嘅嘢。」「FRESH都市茶園」會在今個周末（1月7日至8日）開放予公眾參加，提供多款美肌紅茶、以紅茶及杞子果實入饌的精緻茶點，及茶道、書法等工作坊，參加者更可免費獲贈紅茶護膚體驗套裝及限定tote bag。
阿Fi出席「FRESH都市茶園」發佈會兼分享護膚tips
轉眼之間，阿Fi三十有五，但依然一臉童顏，難怪獲Fresh選中拍廣告。
紅茶緊緻塑顏面霜$820/50ml
期間限定「FRESH都市茶園」日期：1月7至8日地點：灣仔永豐街8號地下D1號舖時間：10：30 am-8pm更多時尚、美容新聞，即上：
http://add.appledaily.com
來源:
http://hk.apple.nextmedia.com/entertainment/art/20170108/19890193
Do姐為執靚樣P到巨胸翠如變ET
1 :
GS(14)@2017-01-23 07:45:14今時今日喺相機行先嘅世代，好多人影完相都第一時間擺上網，同朋友開心share，而時下又有唔少美圖Apps，美白瘦面磨皮修身功能要乜有乜，藝人話晒靠樣搵食，執靚個樣都無可厚非，可惜由於唔係個個都係P圖高手，所以時不時都會出現P到過晒火嘅情況。
DoDo鄭裕玲日前喺商台節目《口水多過浪花》，訪問呢排宣傳緊新戲《小男人週記3之吾家有喜》嘅阿旦鄭丹瑞同巨胸翠如鄧月平(Larine)。通常做完節目，DoDo都慣性會將自己同拍檔余迪偉、麻利再加受訪者嘅合照，放上Ig。不過平時做大騷，執生了得嘅DoDo姐，執相技術就似乎麻麻地。睇番DoDo出事張相，DoDo姐皮光肉滑冇乜走樣，不過企佢隔籬嘅鄧月平，右邊額好似俾人打咗一拳咁──凹咗，仲要嘴歪加哨牙，真係同平時巨胸翠如個樣差十萬八千里……經好心網民提醒，DoDo用咗唔夠10分鐘，就刪咗出事嗰張相，貼返原相出嚟，而巨胸翠如就好似食咗還原靚靚拳咁，話咁快變番個靚樣！事後有網民讚DoDo實事求事，話改就改，做事絕唔會拖泥帶水咁話。
來源:
http://hk.apple.nextmedia.com/entertainment/art/20170122/19905308
Next Page