📖 ZKIZ Archives

無綫成功賣盤，由「殼王」陳國強 及「台灣女首富」王雪紅等新股東入主，同一時間，卻發現以往賺錢能力甚高的藝員部，上半年收入持續下跌；當中除了因吸金女王佘詩曼離巢外，最得寵的林峯亦 因「潘霜霜事件」影響，形象插水，工作量下調，愈賺愈少。為了止血，無綫緊急在兩星期內搞補鑊重頭劇藝員大晒冷活動，call齊廣告客戶，下令全台藝員出 席陪客影相、簽名?撈，力挽狂瀾！姐仔賺得少

近幾年，無綫吸金男女分別有榜首的佘詩曼，林峯僅隨其後，出名多廣告拍的「筍盤」陳豪排第三。今年無綫易主，當家花旦阿佘嫌人工奀加上失落「視后」堅持離 巢外闖，林保怡、郭晉安及廖碧兒等亦排住隊走，令無綫一下子無咗幾棵搖錢樹，連帶藝員部收入數字，也直線下降。除了阿佘，另一吸金王林峯今年三月爆出「床 照事件」，傷盡少女心更令形象插水，不少品牌亦因此打退堂鼓，令其工作量大幅下調逾半。即使當紅姐仔如鍾嘉欣、陳法拉等密密有job做，但出席的活動或剪 綵工作，酬勞幾萬計，比起一嚿過幾十萬，甚至阿佘過百萬廣告價，實在無肉食。姐仔賺得濕碎，對成盤數無甚幫助；早前六嬸睇數，發現藝員部收入遠未達標，於 是大發雷霆，下令藝員部高層樂易玲，盡快「整靚條數」。

陳豪甩底

無計可施，樂易玲唯有臨急臨忙，在兩星期內，向各大品牌及廣告商發出邀請，破例在十一月台慶以外，於本週二（六月七日）在環球貿易廣場舉行一個名為TVB Power「天際任飛翔」活動，並下令全台過百藝員務必出席，與廣告客聯誼晒冷?撈。不過，近年被傳削權的樂易玲唔夠牙力，《花花世界花家姐》的男女主角 佘詩曼及林峯，講明唔出席，阿佘剛拍完電影《人約離婚後》，新劇《4 in love》又未開工，根本好得閒；而林峯則以身在上海，參加電視節活動為由拒出席，連原本答應蒲頭的陳豪，也臨時甩底。三大台柱唔見人，只有黎耀祥、吳卓 羲、黃宗澤、鄭嘉穎、鍾嘉欣及陳法拉等撐場。

亞視去年七月誤報江澤民死訊後，被廣管局禁止參與管理甚少現身公司的王征，即使匿埋幕後操控，卻變本加厲，將亞視當為私人俱樂部。早前，腳傷未癒的王征親自出馬，安排一班冇工開但隨傳隨到的亞姐及亞洲先生返公司陪客。

要又唱又跳氹客開心，一毫子都冇得收，但王征意猶未盡，竟然成立「亞洲會」，以振興公司為由，要求藝人員工交五百蚊入會，在石頭鑽血，搾乾搾淨。后冠晚裝恭候

盛傳將亞視大埔總台變為私人俱樂部，要求旗下亞姐及藝人要載歌載舞陪富豪食飯劈酒的王征，日前又再吹雞，率領一班陪客多過開工的亞姐及亞洲先生，列陣迎接其內地好友、著名法學家萬鄂湘教授。

接近下午一點，張家瑩、許瑩、王欣以及今屆亞姐冠軍馮雪冰陸續返抵大埔亞視總台，未幾，揸住過百萬林寶堅尼的有米亞洲先生涂諾載住同屆徐丁出現。

四點貴賓到，但一班負責迎賓的亞姐，十二點便要返到公司化妝、戴后冠着晚裝呆等足幾粒鐘。

五百蚊救亞視

據知，貴賓例牌先觀光一番後，陪客活動才正式開始。平日空置的錄影廠房會變為臨時俱樂部表演場所，一班亞姐上台唱懷舊歌後，再由一班筋肉人亞洲先生接力， 上台表演功夫。壓軸環節就由星光幫獻唱，必唱包括王征至愛，在內地十分流行的電視劇主題曲《霍元甲》。活動於黃昏六點左右結束，王征會親自送行，若有下場 的話，王征會叫司機一支箭駛入沙田馬場，然後由其他出口鬆人，十分小心。「一個月前王征喺公司搞飯局，當晚啲亞姐都係着旗袍唱英文懷舊歌，個感覺搞到好似 夜總會咁，啲亞姐仲要陪住王生啲朋友跳舞，嗰日王生好緊張，因為有好多內地富豪喺度。」知情者說。跳舞唱歌娛賓冇騷計，王征當日更宣布成立「亞洲會」，要 求旗下藝人報名參加。「總之入會就要交五百蚊，好多同事都話唔知做乜要參加，個會就話係集合力量幫亞視，但大家已經冇嘢做，都想搵人打救，而家竟然要掉轉 頭救亞視，王生計得好盡，連自己人嘅錢都要賺。」一名亞視人說。

陪客三美

愈搞愈衰

王征掌管亞視以來，不單將亞視收視推向新低，去年七月更搶先誤播江澤民死訊，舉動震撼全城；自此，王征由揸弗人變為投資者，表面扮低調的他，繼續發功，要幾騎呢，有幾騎呢！

播錯新聞

去年七月，亞視未得官方證實搶先報導江澤民死訊，並將台徽轉為黑色，18小時後，新華社發表英文新聞稿闢謠，亞視破紀錄被罰30萬，成為國際大笑話。

直擊奧運

有線電視賣大包，半賣半送讓亞視獨家播奧運，點知亞視有金唔識執，跟無綫夾埋聯播，王征亦粉墨登場親自揸機拍《大王小蔡睇奧運》，與蔡錦豐齊赴倫敦直擊奧運，結果被踩騎騎呢呢。

三個台慶

為賺錢，亞視今年竟然有三個台慶日，5月29日在大埔總廠騎呢升國旗慶祝台慶後，6月中又移師北京做多一次，唔夠觀眾甚至搵紙牌人頂替，稍後將到深圳舉行台慶動土儀式，總之有錢賺，日日都可以慶祝台慶。