|
||||||
|
喺內地經營大潤發大賣場嘅高鑫（6808），噚日首日招股，聽講國際配售部份已經夠飛兼超額。至於公開認購，就有超過兩億銀孖展認購。不過，唔知係咪見高鑫招股熱爆，所以「有心人」幫佢贈興。華華噚日收到料，話高鑫旗下主打嘅大潤發，喺上海間分店有炸彈。 有位「騰訊微博」師兄同華華講，「噚日晏晝兩點幾，上海嘉定區新郁路大潤發發生爆炸，具體傷亡唔知。聽聞係寄存箱內有小型爆炸裝置發生爆炸。係咪同IPO有關，咁就唔知喇」。 發言人：冇人傷亡 華 華心諗，咁大單嘢，電視新聞冇理由唔講。點知位師兄圖文並茂，有相為證。華華睇啲相，現場都唔算混亂，但就真係有公安拉晒封鎖線，全套裝備咁，單睇相真係 畀佢嚇一跳。於是即刻搵高鑫相關人士問問，發言人話，係發現有「可疑物品」，已經處理咗，冇人傷亡，就連財物損失都冇。至於，有冇發生爆炸，發言人就冇講 喇。 雖然整件事撲朔迷離，但若然事件冇造成傷亡，兼且高鑫上市後，股價可以炸到一飛冲天，對認購咗嘅股民嚟講，都不失為好事！ 李華華 |
||||||