出門兩個月回來，香港的負面新聞鋪天蓋地，頗叫人喘不過氣。誰知竟有娛樂新聞上到頭版：韓國歌手PSY打入英美流行榜第一位？Youtube點擊率3億幾次？全球爭相改編？譁，不得了!
第一時間去Youtbube 睇 Ganam Style，第一次睇覺得好騎呢[主角好似谷德昭]，第二次開始就停唔到，首歌節奏好上腦[典型Disco Beat]，d舞步又幾過癮[其實唔係咁易跳，好多人offbeat]，一口氣看了四、五個版本, Loop 左近30次，先捨得熄機，老實講，我都幾鍾意首歌！
Kpop 打進世界殿堂，意義重大，因為連文化頂峰期的日本，都做唔到。
今日無論係去東南亞、定係南美洲[如秘魯]，都可以找到韓國流行歌的影跡，其文化滲透力之強，在亞洲只有日本的動漫畫，和香港的功夫片可以比美，但韓曲不如日本漫畫和功夫片獨特和難以複製，為甚麼會如此流行呢？
我想，應該同韓國的Disco文化有關。他們的流行曲就和英、美的Style 走得很近，容易獲得外國人認同，碰巧新興國家又是抄足西方的娛樂，日本的流行曲文化又早已沒落，韓曲正好乘這個東風，加上互聯網可以無國界地發行，終於造 就了Ganam Style 橫掃全球的神話。
韓國真係唔講得笑，一家三星，打底哂d外國同日本的大Brand； 踢世界盃，踢到世界第四。五千萬人的國家，造出這樣的成績，確實有值得值鏡的地方。
反觀中國，在國際流行文化上就無甚影響力。今日我們講中國文化，還是老祖宗的東西，創意是中國的死穴，但一日中國的制度和政治控制不改，都無法釋放創意。可見的將來，中國都只能做二流國家。
在大吹特吹中國模式之餘，總要保持頭腦清醒，研究人家韓國模式怎麼做得這麼出色罷。
呢首Live氣氛真係超好！
今次遊美國，印象最深的，是美國物價比香港便宜得多！
美國的東西真是超便宜。減價後更是嚇死人： Levis 牛仔褲USD 25-45 [連稅，下同] ，Polo 減價後比東涌Outlet平2-3成。以為只有本地牌子便宜，原來唔係，連外國品牌也平：高檔西裝如 Hugo Boss, Zenga, Armani 等，減價後只要香港的三分一到一半。鞋呢？ 大家都是減價，美國Clarks 要平兩成。Puma/ Nike 平過Giodarno！名不經傳的品牌更是嚇人，登山鞋二=百多就有交易，質量還不錯！相比之下，香港 Outlet 預先Mark Up 的情況很嚴重！
清貨(clearance)起來就更離譜，有時比香港出口店更平!
如果網購的話，沒減價的產品也便宜： 電子產品，普遍是香港的8-9 折。
要買便宜的牌子？去JC Penny/ Cosco / Walmart, 地方四正但價格可能平過廟街！
樓價，起碼平一半。
吃高檔餐館，價格和香港差不多。
唯獨吃平民餐，比香港貴，正常吃一餐快餐，要5-6美元吧！
我一位朋友，工餘嚐好是看大減價網站，找最便便宜的東西買，再轉售圖利…
香港呢？當然是貴到冇眼睇，而且加價快。不到兩個月時間，可樂就漲價了…
至於東涌 Outlet, 價格都是 Markup 了再減，比專門店便宜一點矣， 真是不提也罷…
結果是，去中南美買的手信得少，反而在美國就瘋狂購物，買了一皮箱戰利品！