楊秀惠抄劇：多人留意
1 :
GS(14)@2016-03-06 03:14:37楊秀惠和林俊賢的女兒林鈺洧（Denice）前晚在灣仔會展為珠寶展擔任模特兒。戴上價值百萬首飾的楊秀惠以低胸晚裝示人，被問到有份演出的劇集《潮流教主》被指是抄襲日劇《First Class》，她表示未有看過該日劇：「係個幾好嘅talking point，等更加多人留意套劇，其實冇壞，fashion嚟嚟去都係呢啲，最緊要係劇情組合有火花，希望我做得好似佢哋咁好。」
Denice表示做運動時弄傷左肩膊，她說：「我應該要做針灸，但我冇時間加上驚，所以冇做，又仲未睇醫生。舉重我都舉咗一年，因為瘦得快，啲肉又結實啲。暫時唔舉得，連掌上壓都做唔到。」採訪、攝影：譚倩宜
來源:
http://hk.apple.nextmedia.com/entertainment/art/20160305/19516834
楊秀惠：有人求婚即應承
1 :
GS(14)@2016-03-17 14:52:55楊秀惠昨日在紅磡出席婚紗活動，穿上兩套婚紗行騷，現與有米男友打得火熱的她表示暫無結婚打算：「如果有人求婚即應承，但冇人咁做，陳豪成日追問我幾時結婚生仔。」提到陳豪為三子之父，她說：「佢好勁呀！佢話有咗小朋友後早瞓，將來結婚都要學佢。」至於被指拍劇素顏似村姑，但許亦妮被指似巫婆，她說：「我嗰個係新劇造型，咁代表好成功。我見過許亦妮個妝，唔似。」同場的莊思敏稱相士指今年有機會拍拖，她在家已佈桃花陣，問她是否急於結婚，她說：「隨時結得，希望唔使做。」另外，最近她與黃宗澤拍劇，對方被指蜜運，她說：「冇特別問，但見佢幾精神、健康。」採訪：王連連攝影：陳俊強
來源:
http://hk.apple.nextmedia.com/entertainment/art/20160317/19532377
踩入飲食界賣日式刨冰楊秀惠打躉拉客
1 :
GS(14)@2016-04-12 18:16:37【大坑】楊秀惠前年同屋企人擲過百萬，投資代理美容品牌生意，過吓做老闆癮，美容生意起步冇耐，但原來楊秀惠最近又喺大坑開咗間甜品舖，主打食刨冰同日式蛋糕。日前記者見到楊秀惠喺舖頭入面打躉招呼客人，見佢幫手擔凳仔，又落手落腳用碗布抹枱，老闆娘事事親力親為。其間記者見有兩個後生女入舖頭幫襯買沙冰，當佢哋見到楊秀惠嗰陣，就嗌咗出嚟，仲主動拉住楊秀惠影合照。
惡補廚藝
記者事後喺舖頭同楊秀惠打招呼，佢大方承認開甜品舖：「其實自己一向鍾意食雪糕同蛋糕，咁啱我識嘅日式甜品師傅想擴張，所以咪同朋友夾份開呢間甜品舖。」楊秀惠坦言自己今次同三個朋友夾份，投資咗6位數字：「以前我都鍾意整嘢食，試過整聖誕大餐同情人節餐畀男友食，最鍾意就係整甜品，因為食完甜品個人都會開心啲！」不過，楊秀惠話而家連廚藝都生疏埋，所以趁住今次開甜品舖，要惡補一吓。
【粉絲捧場】■有粉絲幫襯時捕獲楊秀惠，立刻影相。
【交帶員工】■楊秀惠（右）親自交帶員工，非常認真。
■楊秀惠（左）日前在Instagram貼相，晒好友莊思敏都有到甜品舖捧場！
■楊秀惠早前與葉樹培傳出緋聞。資料圖片
問楊秀惠會唔會再搞其他生意，佢就笑笑口話：「其實我本身鍾意扮靚，所以都係主力做番美容生意！」採訪、攝影：王梓嫚
來源:
http://hk.apple.nextmedia.com/entertainment/art/20160412/19567082
租金回落執筍舖 楊秀惠逆市再開店
1 :
GS(14)@2016-08-09 08:04:152016-08-03 EW
三十二歲的楊秀惠演藝事業發展平平，近年轉型從商，除投資代理美容產品外，最近更進軍埋飲食界，與友人合資近百萬元開設日式刨冰店，做老闆娘做上癮。
見生意發展迅速，已有樓上舖的她趁住租金回落，日前親身到銅鑼灣一帶向地產代理了解行情，密謀搵過千呎面積單位開地舖，逆市下擴充，似乎愈危愈有機。
一年翻本
因受家人做生意薰陶，楊秀惠一四年豪擲七位數字進軍美容界，在銅鑼灣開設六百呎的樓上舖，專門代理外國美容產品，不時親身落場打點sell客，又在社交網站催谷產品，相當落力。開業不到一年已回本，為她從商打下一支強心針。
野心勃勃的她，剛又在美容展擺檔做推廣，更一連三日到場做生招牌，雖然貴為老闆娘，但由執頭執尾到派宣傳單張都一腳踢，不假手於人。見到不少顧客對她指手劃腳，她主動出擊上前介紹產品，又替顧客搽精華素試驗品質及大派贈品，大收宣傳之效。事後她大談生意經︰「我主力做批發，今年生意係難做，所以我代理多咗唔同嘅護膚產品，讓啲客多啲選擇。」
親自搵盤
雖然今年經濟低迷，但其美容生意可算是逆市奇葩，睇好後市的她，計劃擴張業務，有意由樓上舖轉移至地舖。由於近月舖租持續暴跌，她打好如意算盤後，日前走訪多間銅鑼灣的地產代理執平貨。
她心儀是搵過千呎面積的舖位，一方面賣美容產品，一方面提供埋美容療程，實行一條龍服務。當日她不斷向經紀打聽行情和租盤價格，其後索性自行走到附近多個空置的舖位實地考察，觀察人流和環境，又於舖外以手機拍下店面及附近情況，做足資料搜集。
在銅鑼灣鬧市巡視完一輪後，她便駕車到其開業僅四個月的日式刨冰店，視察生意狀況。因近日天氣炎熱，店內座無虛席，她見店員忙到踢晒腳，即落手製刨冰給食客，同時又請客人試食新口味，從中收集意見改良，十分識做。
姐妹檔上陣
雖然要忙打理兩盤生意，但她還要開拍新劇《心理追兇》，堅持要同步發展：「從商同演藝工作，我兩邊都會做。難得TVB都好支持我，佢哋只要我做好公司嘅嘢，就會喺時間上配合我做生意，最緊要唔好搞到兩頭唔到岸。」不過女強人唔易做，她不禁大呻攰得想在公司紮營，幸好細妹楊秀靈及時由家鄉大馬過來打氣，為她減壓。
她還帶同細妹一齊為無綫拍攝旅遊節目，在中環石板街來回介紹風景點。穿上斗零高跟鞋的她在凹凸不平路面，行到左搖右擺，細妹即時出手扶實，兩姊妹又不時互相幫忙整理儀容，有講有笑，寓工作於團聚。她指細妹出鏡純屬玩票性質，無意入無綫，反而細妹負責在大馬推廣她的美容產品，二人拍住做生意。
大馬
網絡紅人
楊秀惠細妹楊秀靈，今年廿九歲，曾於○九年參加馬來西亞《Astro國際華裔小姐競選》，憑清純的外表及大方的談吐晉身十強，可惜因在才藝表演失手而絕緣五強。她其後亦有涉足娛樂圈，偶而參與演藝工作，曾拍攝微電影。
被選為大馬網絡美女之一的她，現時是頗具知名度的fashion blogger，並兼職模特兒工作，不時被邀請拍攝時尚雜誌及出席品牌活動，在時尚圈相當活躍。不過已婚的她，育有一子，但家庭生活十分低調。
撰文、採訪 娛樂組攝影 蔡豪、梁比利、何國豪設計 黎志堅
楊秀惠樂瞳街頭唱K
1 :
GS(14)@2016-09-28 05:04:26■楊秀惠（右）上周六與樂瞳在其刨冰店打躉。
楊秀惠早前於大坑開刨冰店，上周六記者發現她在舖頭打躉，好友樂瞳就全程陪伴左右，二人還拿唱K神器玩直播，將舖頭當作K房。之後，楊秀惠再與樂瞳舉起自拍神器，在大坑街頭漫步自拍，行了15分鐘才折返。其間有馬來西亞遊客幫襯，身為大馬人的楊秀惠即熱情招呼，又合照留念。
■樂瞳直播拿着唱K神器唱歌，楊秀惠亦跟住唱。互聯網圖片
對於與樂瞳在舖頭直播唱K，楊秀惠日前在電話中說：「唱歌純粹玩吓！除咗刨冰店，我自己都有喺網上賣護膚品，做直播係想同客人講吓護膚心得，大家可以互動吓！嗰日我哋一路行仲一路介紹埋大坑有乜好嘢食！」採訪、攝影：畢紹基、徐錦池
來源:
http://hk.apple.nextmedia.com/entertainment/art/20160928/19783703
傳女網民不滿男友沉迷楊秀惠誤做第三者
1 :
GS(14)@2016-11-24 07:39:38大台劇《來自喵喵星的你》收視唔多掂，男女主角幾乎無一倖免俾人插，惟獨劇中飾演姣爆Natasha嘅楊秀惠，就俾人讚做得搞笑又夠放。唔知楊秀惠喺劇中係咪做得太入型入格，搞到啲宅男痴痴迷迷。近日喺網上討論區，就出現咗個po，內容大致係講有個女網民，不滿男友沉迷一個女明星，仲開女星個名叫「楊X惠」，唔難估到「楊X惠」就係楊秀惠。呢個女網民仲話唔介意男友無錢無骨氣，但就十分極之介意男友成日將楊秀惠同自己比較，就連電腦wallpaper都係用楊秀惠嘅相，同埋有一個專屬佢嘅相嘅folder。搞到女網民最後同男友炒大鑊！事後楊秀惠接受傳媒訪問時，就話有朋友之前send過呢個po俾佢睇，佢話：「哈哈！其實我自己都有追韓劇，都試過追星，之前就係《來自星星的你》，o依家就係《藍海傳說》，所以我都明白追星嘅心態。講真，唔知呢個係咪惡作劇，亦唔知真定假，但如果呢件事係真嘅，我就覺得男仔喺女友面前，最好唔好討論其他女仔，因為女友先係最重要嘛！」
來源:
http://hk.apple.nextmedia.com/entertainment/art/20161124/19843639
楊秀惠開新舖進軍港澳
1 :
GS(14)@2017-06-16 01:47:55楊秀惠再做老闆娘，在新加坡的美妝店將於本月底開幕，這趟投資過百萬開新店，而過去三年間的營業額已過千萬。她透露今次開新店連選址及裝修花了半年時間，幸好有親戚幫手。楊秀惠又定於9月進軍港澳分店，她說：「喺澳門已揀定新店位置裝修緊，香港會開多間，都有幾個舖位傾緊。」拍劇方面，楊秀惠跟張衞健合作的劇集《大帥哥》，下月底會到內地取景。為了抗暑，她已自備數把小風扇、雨傘及外景椅，最緊要準備涼茶包及電飯煲，可以隨時煮飯，不用捱飯盒。但最識嘆的是她跟同劇演員商量，買一部雪櫃帶到外景場地，讓大家可以隨時有冰凍飲品享用。撰文：李森
來源:
http://hk.apple.nextmedia.com/entertainment/art/20170614/20054842
Next Page