📖 ZKIZ Archives

破碎的石　無缺的心

1 : GS(14)@2012-01-21 17:22:32


【本報訊】馬鞍山烏溪沙碼頭旁邊的沙灘上，有一個用無數小石砌成的巨心。這心闊七米、長六米，可站立百人，每當潮退便浮出水面。不少人看過如此奇景，卻沒多少人知道巨心由來，亦不知道「海之心」背後是孤獨長者為聽別人笑聲而默默耕耘的故事。記者：邱錦綉、黃江奇


氣溫只得幾度的清晨，沙灘冷冷清清，身披狐皮背心、踏着水靴的長鬚老頭，獨自在巨心上砌石，細心修補被潮水冲散的巨心邊緣。記者打招呼，他詐聽不見，很不友善。不一會，他拿着膠袋沿海灘執垃圾，袋內很快裝滿玻璃碎、鐵枝和蠔殼。記者再搭訕，他望一望，說︰「我好似唔識你，我有好多工夫做，唔得閒。」


...
幾年前嘅農曆八月十六，我第一次嚟呢個沙灘，見到清潔工將鏟起嘅臘頭冲落海。我心諗啲魚點算，第二日就的起心肝嚟執臘頭。」他在沙灘執垃圾時，發現有大堆亂石，靈感一到，萌起砌心念頭。
「送畀天下母親嘅禮物」

「砌咗兩年左右，完成嗰日咁啱係母親節，就當係送畀天下母親嘅禮物。」說到這裏，記者首次見他咧嘴而笑。他說自己有兩位女兒，但關係疏離，老婆早就走了，「一支公」的生活說不上快樂，只有在這沙灘上找到樂趣。
「見到啲人嚟呢度影結婚相，專登搵我個心做背景，又有人讚賞我嘅工作，係好開心㗎。」為讓遊人有更多休憩地方，他特意在巨心旁多砌一條長堤。
「好多人鍾意喺個心上面捉蟹仔同掟石，浪又會冲散啲石頭，所以要日日修補。加上沙灘有好多爛玻璃同鐵枝，遊人踩到就大件事，所以要盡量清走，日日都好忙。」
採訪當日是星期日，沙灘較平日熱鬧，不少人走到巨心前拍照留影，亦有學生在長堤上嬉戲。
「你聽到啲笑聲嗎？啲笑聲幾開心！你一個人辛苦，但係好多人開心。」吳伯說時一臉滿足。他堅拒透露姓名，原因很簡單：愚公移山的故事，也沒人知道愚公姓甚名誰。
PermaLink: https://articles.zkiz.com/?id=277377
Next Page
ZKIZ Archives @ 2019