36E新咪神陳偉琪想做律師變做大台奀星
1 :
GS(14)@2016-12-11 14:12:50擁有36E上圍、25歲嘅無綫新咪神陳偉琪，無啦啦捲入床照事件，由「幫港出聲」周融旗下《HKG報》「獨家報道」，稱疑似陳偉琪同疑似民主黨中央委員、公共專業聯盟主席吳永輝嘅床照「網上瘋傳」，但其實兩人嘅交集，只係2012年吳參選建築、測量及都市規劃界議員時，陳已擔任其形象顧問，當時《蘋果》都有報道，更以「翻版楊采妮」形容陳偉琪添。陳偉琪回覆《香港01》時已否認自己係所謂網上瘋傳嗰張床照嘅女主角(邊度有瘋傳？)仲反問「點解可以爭咁遠都當係？」至於佢同吳永輝係點識嘅呢？陳偉琪就解釋係透過姑姐識佢。家陣陳偉琪成為無綫新咪神，郁下出招胸狠，其實佢來頭好勁，包括係2011年溫哥華華裔小姐亞軍，喺卑詩省大學主修政治系，更曾為溫哥華市長助選，幫手聯繫當地嘅年輕人組織，落區開會等等：「一個人嘅坐姿、衣着，都會影響到別人對你嘅觀感。參選，令我學識點樣面對傳媒、點樣自信咁表達自己。」志願其實係做律師嘅陳偉琪，返港後認為香港嘅政治氣氛「唔同晒」：「我好鍾意政治，但由細到大，我嘅志願其實係做律師。不過，無論政治抑或法律其實都同生活息息相關。選議員，佢入到議會，代我哋監察政府；法律呢？就保障我哋嘅權利。我希望利用我嘅專業知識，幫到有需要嘅人。」
來源:
http://hk.apple.nextmedia.com/entertainment/art/20161211/19861925