📖 ZKIZ Archives

20歲男子無工開樹上睡覺

1 : GS(14)@2011-02-27 13:14:11

http://hk.apple.nextmedia.com/te ... 335&art_id=15018996

江蘇無錫一名 20歲的男子日前一個人到南京打工，但遲遲未找到工作，身無分文之下，每晚爬到樹上睡覺。上周四，市民周先生途經南京雨花西路時，聽到陣陣鼻鼾聲，懷疑有人在路邊睡着了，但四處尋找卻不見人，最後抬頭一看，一名男子伏在 3米高的樹杈上睡得正香。
警員接報到場後，男子被吵醒並「涮」一聲動作熟練地下了樹。男子說，他自小在農村野慣了，爬樹睡覺是常事，不會掉下來。有家中開飯店的市民見況，讓男子到飯店當學徒，男子感動不已，連聲道謝。
江蘇《揚子晚報》

---

2 : abbychau(1)@2011-02-27 13:29:42

有工開我都想係度訓

---

3 : 龍生(798)@2011-02-27 17:52:12

這人是 樹懶嗎?

---

4 : abbychau(1)@2011-02-27 17:58:54

我覺得幾好訓咁@@

---

5 : 龍生(798)@2011-02-27 18:05:56

條樹枝頂住細佬喎....
能人所不能呢....

---

6 : abbychau(1)@2011-02-27 18:20:08

可能已經比佢訓到arm 哂身型

---

對沖人生：冇工開股樓怎唱得起

1 : GS(14)@2012-10-01 12:27:43

http://hk.apple.nextmedia.com/financeestate/art/20120928/18026851
截至週三，美國標普500指數已是第五個交易日走低，QE3效應、iPhone5熱潮均已被消化，而歐洲的危機卻再度升溫。
落筆一刻，資金追A50成份股，「市場力量」令港股即日「大抽升」，飆升200多點。而打「世界波」的操作者，更會看芝加哥CBOE VIX波幅指數變化。約兩週前QE3宣佈推出後，VIX一直在低位徘徊，而美股經歷了「五連跌」後，VIX也於週三上升至16.81。當環球局勢再變得「混亂」，大市變成波動市（Whipsaw Market），任何風吹草動，都足以導致大市抽升或急插，「順勢而行」也不再適用。
在此，短談歐洲亂局。希臘工會繼2月後，又在雅典發起罷工和大規模示威，約有35000人上街，抗議政府的緊縮財政方案。在西班牙，10年期國債孳息率再次升至6釐水平。
而荷蘭、芬蘭及德國，認為歐洲金融穩定機制（EFSF）應該只承擔部份注資銀行的成本，更令市場擔心，歐豬國家能否真的可以承擔銀行業壞賬損失。
美國人借貸變謹慎
由歐洲再轉戰美洲，聯儲局推出「無限量」QE3，希望挽救樓市，刺激經濟，製造更多就業機會。有人說，這是聯儲局主席伯南克一廂情願的想法。而生意人與企業家，又是如何看待QE及OT後的美國經濟呢？
過去兩週走訪美國，發現不少本地人經過07至08年次按及金融海嘯後，也趨向反璞歸真。你可能會說，「欠債」是美國人的特性，而我的觀察是，普通人對瘋狂槓桿與借貸的心態卻是收斂了很多。
美國兩大商會NFIB及NAM訪問了800家小型企業及廠家，55%表示現時經營環境相對三年前更惡劣，而當中45%的受訪者認為，政府及國會決策，令不少生意人不敢將生意擴張，以及僱用更多職員。或許可說美國正走向經濟復甦，但小生意老闆對未來前景看不通，這「疑似」的好轉，實質是一個Jobless Recovery！沒有工作，唱好股市樓市也是假象，Got It？
勿因年尾追數亂加注
結束前，讓我短談操作篇。還有一季，2012年便將成為歷史。不少人現在喪玩Catch Up Trade，即沒有章法地亂下大注碼，結果很多時Big Bets變成了Wrong Bets。我的意見是，與其如此，不如追求「Make The Right Bet」！不要因「年度倒數」緊迫，而做錯誤的投資決定。過往和一些操盤人交流，我也分享以下建議：「Get Smaller。」
這是注碼，即Position Sizing的問題，特別在行情不明朗時，更加不要加碼博大賺。或較可行的方法，是減低每次落盤的量，出入可能變得更頻密，但風險相對也減少！
最後，11月10號下午，香港證券及投資學會（HKSI）有一個新工作坊，名為「Logical Investor」，有興趣瞭解，可用電郵聯絡我。祝平安！
錢志健

---

接演《小男人周記3》證有工開娜姐玩父女戀：想有人錫

1 : GS(14)@2016-03-13 02:40:28

■周秀娜將會在《小男人周記3吾家有囡33D》與鄭丹瑞譜出一段父女戀。攝影：陳俊強


現年30歲的宅男女神周秀娜，因為有腦有身材早年已火速彈出，不過最近有雜誌報道娜姐戀上已婚超級富二代的緋聞，鬧得熱烘烘，又指她過去一年工作量不多，因而有停產的傳聞。未知娜姐是否要以事實闢謠，近日娜姐接拍了新戲《小男人周記3吾家有囡33D》，以證明自己有工開。娜姐戲中會飾演現年61歲鄭丹瑞的女朋友，譜出一段父女戀。好記性又年過40的觀眾都會記得，兩集《小男人周記》系列電影內鄭丹瑞飾演的梁寬，跟鄭裕玲（DoDo）是一對，今集會交代他們已經離婚，未知會否找DoDo客串一兩個鏡頭，但據聞與娜姐同屬一間公司的陳瀅、連詩雅都會有份演出，到時會有三位女神同場。



■鄭丹瑞與鄭裕玲在《小男人周記II錯在新宿》飾演夫婦。劇照

■據聞陳瀅亦有份在《小》片演出。資料圖片



被指《小》片中演父女戀，娜姐昨日在電話中回覆：「《小男人周記》係好經典嘅小說，我細個接觸係佢嘅電影，曾幻想過幾時有個梁寬咁嘅男友，而家30周年紀念，我開心可以做梁寬女友呢個角色，梁寬非旦哥（鄭丹瑞）莫屬，佢都入型入格。」兩人似父女戀，娜姐說：「梁寬都有番咁上下年紀，幾好吖，成熟穩重，當我妹妹仔咁錫，女仔人家想有個人錫吓自己啫。」今年是鄭丹瑞聲演的廣播劇《小男人周記》自1986年播出之後，先後拍過《小男人周記》同《小男人周記II錯在新宿》兩集，今年剛好是30周年紀念，所以鄭丹瑞萌生再拍念頭，除主演外亦會負責導演同編劇，他昨日接受電話訪問時透露：「其實一直以來好多人都想我拍番套片，不過一直都搵唔到用乜嘢角度切入，後來諗到就係話我同DoDo姐離咗婚，佢帶走當時8歲嘅女，有一日有人按門鐘，就係呢個女長大後返嚟搵老竇，仲有33D身材㖭，同做我女朋友嘅周秀娜都喺33D，搞到我連女朋友都唔敢掂，總之就係男人由小變大嘅奇幻旅程。」


■周秀娜前晚與鄭伊健到旺角一間戲院，為電影《iGirl．夢情人》謝票。

避談戀富豪

另外，娜姐前晚跟鄭伊健現身旺角為電影《iGirl．夢情人》謝票，娜姐表示戲中全裸戲出場戲份是後加，因為機械人沒有理由甫出場就有衫着。對於「戀富豪」緋聞，娜姐反應很大的說：「嘩，又講，其實都講咗好多次，回應咗就唔想再講。」採訪：李森





來源: http://hk.apple.nextmedia.com/entertainment/art/20160312/19526042

---

甩拖又冇工開袁嘉敏跪禱半粒鐘

1 : GS(14)@2016-09-25 10:28:19

【心事重重】■袁嘉敏心事重重，直至教堂關門才離開。DV圖片





【中環】現年31歲嘅袁嘉敏，09年獲吳君如提名參選港姐入行，在無綫發展不順的她，豁出去接拍三級片《鴨王》博到盡露點演出。不過為她帶來人氣的卻是她的是非，除與何佩瑜（Jeana）、唐紫睿（Hazel）兩女先後傳不和，何浩文亦點名寸她，就連杜汶澤亦曾在網上加入戰團，留言說：「我懷疑你講緊一條八婆。」



【誠心禱告】■袁嘉敏走到教堂最前排位置跪低祈禱。

【念念有詞】■禱告期間，袁嘉敏一直念念有詞。

【開心吹水】■和朋友傾電話，袁嘉敏才心情轉好。


神情落寞

然而，袁嘉敏全裸演出後，人氣亦返回起點，早前與外籍男友Kenneth分手後，未有工開的她頓變「雙失」，大前日下午約5時，穿貼身粉色衫加透視外套的她，獨個兒由灣仔行去中環聖若翰座堂，神情落寞，途中更先去了一間書局打書釘，大約半小時後再行去旁邊的教堂。



■袁嘉敏和老外男友Kenneth已經分手。資料圖片

關門先走

走入教堂後，袁嘉敏隨即走到最前排位置跪低，然後一直念念有詞祈禱約半小時，直至教堂6時關門才離開。她之後坐在教堂外的長凳發呆，若有所思，其後更拿出電話，從不同角度影教堂的外觀。不過影相期間有電話打入，她突然心情變好，七情上面跟電話中人傾足20分鐘，惟雀躍心情只維持了短時間，掛線後她又再回復木無表情，然後慢慢由中環向灣仔行去。採訪、攝影：陳辰、楊浩賢




來源: http://hk.apple.nextmedia.com/entertainment/art/20160925/19780859

---

【打牌治瘀傷?】衛詩雅三年冇工開畀唔出家用「好羞恥」

1 : GS(14)@2017-05-14 10:50:59

■3個仔女中，衛媽最錫詩雅，因為佢最貼心，不過有時都好激心。



32歲衛詩雅(Michelle)早前拍攝電影《失眠》演慰安婦，拍到成身瘀傷(新聞連結：http://bit.ly/2qq1CbY)，當時佢唔敢話畀屋企人知，怕佢哋擔心，但紙點會包得住火吖，最後咪俾細心嘅衛媽媽發現，詩雅話：「我好唔開心都會見屋企人前先吸一啖氣，跟住入門口就笑。」對住呢種乜都自己孭晒上身所有嘢嘅女，衛媽有乜方法？衛媽話：「我有陣時會偷睇佢電話囉，哈哈！趁佢沖涼就睇佢有關工作上嘅事，因為佢乜都唔講囉！」



■詩雅話同媽媽關係似情侶。

■情侶到…成日互Check行蹤。

■打牌唔可以醫病，不過對衛家嚟講，喺麻雀枱上係一碗心靈雞湯。

衛媽除咗煲湯同幫詩雅執靚間房去支持個女，衛媽同一家人仲有殺手鐧：「支持佢咪我哋得閒打吓麻雀呀、玩吓大富翁！」佢哋仲同工作人員即場開枱打牌，即時生猛晒，詩雅又搞笑話媽媽呢幾年變晒、好情緒化：「唔知係咪更年期？！」而衛媽轉頭就話因為自己年紀大有啲情緒病喇。



■佢兩個仲會玩呢樣「竹簽」聯誼感情。

■詩雅(右)細細個對眼就好大好得意，同父母姐姐合照。(被訪者提供圖片)

■詩雅(右一)懂事開始就要做姊(左一)弟(左二手抱)中最強嗰個，希望可以照顧晒全家人。(被訪者提供圖片)

屋企有家姐同細佬嘅詩雅，由細就已經想做最強嗰個，指嘅係要分擔父母嘅責任，衛媽話：「三個仔女入面，佢都係最乖、好貼心。以前屋企最艱難時，佢就話要出去做嘢，嗰陣佢做一個鑽石Sales(銷售員)有幾多錢啫，佢都可以攞6千蚊返嚟，我哋嗰陣時真係靠嗰6千蚊生活。」詩雅之後慢慢學做珠寶批發，喺22、3歲嗰陣已經每月平均賺到大約4萬蚊，不過佢都選擇咗一份明知冇穩定收入嘅工作——演員。一入行雖然擔正劇集同電影，但點會咁順風順水吖，詩雅：「接近兩三年係冇電影拍，又冇乜任何工作，不過對我嚟講最難過係我冇錢畀屋企。我竟然我為咗追我嘅理想，我有幾個月竟然畀唔到錢佢哋，甚至乎要佢哋照顧番自己，覺得好羞恥。」



■阿女拍《失眠》受傷唔出聲，衛媽見到都心痛。(資料圖片)

■衛媽講到當年冇辦法供詩雅去外國讀書…佢哋都忍唔住…

■衛媽仲同詩雅講對唔住…

而衛媽又憶起詩雅中學時嘅難過事，就係供唔到詩雅去外國讀書：「我睇過佢個日記，佢每一頁，寫完佢嗰日嘅嘢就寫住『我好想去外國讀書』，當年我睇到嗰本日記嗰陣，眼淚係咁流、係咁流。」衛媽媽都忍唔住喊咗出嚟，「我覺得我好揼心，點解周邊嘅朋友啲仔女話去外國讀書，可以去到嘅？！但點解我唔可以呢，我當時唔知點樣去面對，所以好對唔住！」呢個時候傍邊嘅詩雅邊喊邊安慰媽媽。媽媽嘅心願只想一家人，尤其三個子女平安健康快樂，而詩雅話：「媽咪，我知道我嘅脾氣唔係好好，有陣時可能會唔小心講咗啲難聽嘅說話，同埋你成日都好就我，我知道嘅。如果有下一世，我做你媽咪，我照顧番你！」服裝：Michael Kors場地：Our Place採訪：懷鈺攝錄：馮峰、Neo




來源: http://hk.apple.nextmedia.com/entertainment/art/20170514/20020430

---

【馮仁昭四圍超】傅嘉莉叠水懶理冇工開

1 : GS(14)@2017-05-19 05:43:49

互聯網圖片





傅嘉莉上個月被爆同已婚富豪莊天龍喺峴港一間酒店做完SPA後，出動火辣泳衣誘人夫，兩個貼住坐一齊飲茶，全程有講有笑，結果被無綫踢入雪櫃。噚日有周刊話傅嘉莉一於懶理，仲即刻去咗歐遊兼學騎馬，上周出發去咗威尼斯散心。雖然佢?緊無綫雞碎咁多錢，但就可以月租6萬住南灣豪宅，又有司機接送、果然係財來自有方。撰文：馮仁昭




來源: http://hk.apple.nextmedia.com/entertainment/art/20170519/20025704

---

【星爺睇中】林子善坎坷冇工開

1 : GS(14)@2017-07-29 03:40:49

《喜劇之王》



林子善讀到中三就輟學，16歲時參加電影《喜劇之王》試鏡，幸運地被周星馳睇中，扮演黑社會角色「洪爺」出位，與星爺簽下5年合約，曾經兩年沒工開，雖然每月仍照出底薪，但約滿後就沒續約。林子善曾轉到夜場學做DJ，因經濟問題要女友家人接濟，直至07年黃子華拍無綫劇《奸人堅》，點名要求林子善演「金錢豹」一角，其後又獲艾威大力推薦，自此拍了不少劇集，包括《怒火街頭》、《鐵馬尋橋》等。12年林子善更榮升老闆，跟友人合資七位數字在大坑開設「龍鳳冰室」。




來源: http://hk.apple.nextmedia.com/entertainment/art/20170728/20103817

---