【1111】真獨不可恥 銀龍獨食更安心
1 :
GS(14)@2016-11-12 05:55:38大學講師Nick覺得令人安心獨食的地方，即使貴少少，「同路人」都不介意付。
周一晚上7點半，走入天水圍銀龍粉麵茶餐廳的女記者可說是異類。放眼看，一支公，通處坐。細枱，一張一個；大枱，六座三個。
睇餐牌，我驚呆了5秒，在銀包乾過我塊面的日子，看到接近80元的晚餐，飲嘢仲要加錢，我覺得塊面嗰刻潤咗。我還在盤算，王駿（Nick）從容點了一客霸王雞飯。菜上了，沒有驚世的香味，雞肉腍但不滑，淡而無味，雞下的豉油明顯上枱前才與雞碰面；飯很硬，我終於找到比我銀包乾的東西。收咁貴，你交出咁嘅貨色？仲要咁多人來食，我睇唔透。Nick似乎不覺有何不妥，然後他給我看了一段文：「今晚晚餐盛惠75蚊，75蚊，可以去酒樓外賣三盒切雞飯，但係我選擇去銀龍叫咗一碟霸王雞飯，銀龍既無service，又無美女，有嘅就係貴人一倍有多嘅食物，點解仲有咁多麻甩佬獨自搭枱食飯？」
自願被劏同路人零尷尬
乜事呀，用潮文大我呀？講啦你，點解呀？點解呀？「因為呢度瀰漫着一股孤獨寂寞嘅氣息。」「銀龍冇一對對嘅愛人，冇齊整嘅一家四口，就好似有盤尼西林嘅地方，周圍就好難有細菌滋生，而呢度嘅盤尼西林，就係高昂嘅定價。獨獨嘅你，之所以會畀多份錢，為嘅就係買一處可以安心獨食嘅空間。」世事都被呢位冇乜味覺的兄台看透了。
Nick在香港科技大學任教語文，是一級講師，有女友，但同對方住處相隔好遠，long D咁款，加上工作唔定時，所以成日一個人食飯。我笑：「偽毒可恥呀，扮乜啫你！」佢話：「偽毒係扮自己一個人，有得揀。我係真『獨』，冇得揀，逼住要自己一個人。」一支公去銀龍自願被劏的人有太多個，觀察家上身的Nick覺得因為嗰度大部份都是獨自覓食的同路人，零尷尬，冇歧視。
有女友講師：需要獨處
曾在旺角工作的他在人來人往、插針唔入的旺角，一樣找到「一人前」好地方。他帶我到黑布街的Knockbox，他熟練地選了cafe吧枱最入的一個位，遠離門口，也避免坐方形枱可能要搭枱嘅問題。「有時你會因為alone，睇多好多嘢，例如原來人哋係咁樣沖咖啡喎；但你獨處時覺得lonely係因為你覺得只得自己一個，你完全睇唔到身邊有其他事。」跟自己相處都係一門學問，點樣化寂寞為思考空間，的確要時間適應。佢有時仲會去酒樓外買飯盒，再行去麥花臣球場的看台上面食。「我覺得冇人會留意有乜人坐响嗰度瞓响嗰度，睇乜報紙，從來冇熟人見到我坐响上面一個人食飯。」嗰度一樣唔會出現情侶。「我估如果真係帶女朋友去，嗰對情侶還維繫到，就一定係真愛。」一個人，可以有七個樣，對住唔同人，就換個面具。「幾時可以做自己呢？自己食飯嗰刻，就真係可以做自己啦。一個人，個世界真的簡單好多。」偶然獨處，就係為咗畀自己唞下，面面俱圓唔是唔好，偶然畀啲稜角出番來，都唔是壞事。記者：葉青霞攝影：劉永發
很多麻甩佬在收費高昂的銀龍搭枱食飯的現象，令Nick覺得好有趣。
Nick認為坐bar枱，大家都只向前望，不用理周圍的人，看眼前的咖啡機就好。
由於麥花臣球場正在維修，Nick只好在旁邊公園獨食飯盒。
平日麥花臣球場看台上有好多阿叔分散而坐，人好多但話好少，好適合獨食。
來源:
http://hk.apple.nextmedia.com/su ... t/20161112/19830857
楊鳴章四稱港獨不可能 成主教接班人後談政治 對釋法感遺憾
1 :
GS(14)@2016-11-15 08:05:10楊鳴章
【本報訊】教宗方濟各前日任命天主教香港教區輔理主教楊鳴章為助理主教，即現任天主教香港教區主教湯漢的接班人。楊上任翌日召開記者會，談及不少時事議題，包括用強硬措辭稱港獨絕不可能發生，並指自己流着中國血、在中國出生，不明白為何提出港獨論的人拒透過落實《基本法》解決「本土化」問題。楊又指對早前人大釋法感遺憾，覺得未必要走到這一步。記者：廖梓霖楊鳴章昨召開記者會，感謝教宗任命，他幾度提到自己性格「好直」，談話不會轉彎抹角，只會講真心說話。被問到港獨問題時，楊鳴章語氣強硬、4次強調港獨不可能，「呢樣嘢唔可能，absolutely impossible（絕對不可能）、不可能、infeasible（不可實行的）」。
稱熱愛中國文化
他指自己熱愛中國文化，雙親亦為中國人，「我點可以話我唔係中國人？」他認為港獨與本土化問題有關，相信港人只想與內地保持距離，令內地文化不會影響本港，而訴求透過落實《基本法》、一國兩制便可實行。對早前的人大釋法，楊鳴章嘆一口氣，形容事件遺憾，他指自己並非法律專業，《基本法》寫明人大有權釋法，但他覺得未必要走到這一步。楊又提到湯漢曾在2015年發出牧函就香港現況、政改等事項表達意見，事隔一年他的看法沒太大改變，惟身為香港巿民看到社會如此大分歧亦感難過。問及中梵建交進度，及會否要求中方先保障人權問題才建交，楊鳴章指建交一直進行，惟他不在該會議當中，但相信雙方不會因遇上問題便不建交。楊舉例指，英美和梵帝岡於上世紀才建交，彼此關係是一步一步建立的，中梵關係同樣，無可能「一覺瞓醒所有事都傾完」，即建交進度如教宗所言非短期能辦妥。至於有傳梵蒂岡或會為中國度身訂做有中國特色的主教任命方式，楊則指「或者係傾緊啩」，解釋因所有事暫未有定案，「我唔可以畀一個肯定答覆你」。
被指忠實執行者
談到來年特首選舉，楊指香港教區一向不同意現行選舉制度，但任何天主教徒想成為選委，經核實後便可登記，而他自己並非選舉人，所以「犯不着說三道四」。浸會大學宗教及哲學系高級講師陳士齊認為，楊鳴章未來擔任教區主教，對梵蒂岡而言，只會是個忠實的執行者，並不會像天主教香港教區榮休主教陳日君一樣有主見、勇於表達政治、時事立場。陳預期，楊任內會協助中梵建交的重任，受特朗普當選美國總統影響，中國或會加快與梵蒂岡建交，以增加其在國際上的影響力，以免一旦美俄建交而受威脅。身為天主教徒的浸大政治及國際關係學系副教授陳家洛指，楊個人有太多既定觀點，如在討論港獨方面，言論和權貴無大分別，「我唔係要佢講個人意見，只係想佢符合教義、社會訓導」。陳促楊認真學習，提升自己。另外，天主教香港教區刊物《公教報》昨在facebook上公佈楊鳴章的任命，大批網民留言指「楊鳴章不代表我！」、「永遠懷念陳日君樞機。陳日君樞機代表我」。
楊鳴章語錄
港獨問題：「港獨呢樣嘢唔可能，absolutely impossible、不可能、infeasible……我嘅血係中國血，我喺中國出世、我爸爸媽媽係中國人、我熱愛中國文化，你叫我點可以話我而家唔係一個中國人？」特首選舉：「教區講過好多次，我哋唔同意咁嘅選舉制度，我哋希望有直選……但係我哋冇權阻止天主教徒參選選委……政府要我哋去證明參選嘅人係天主教徒，我哋咪按照政府需要咁做囉。」同志婚姻：「我唔同意同性關係，唔代表我唔可以尊重佢。事實上我做牧民接觸時，遇過子女係同性戀嘅父母求助，我同佢哋講，唔係世界末日……可能彼此（父母與子女）會搵到互相相愛嘅地方呢？」中梵關係：「教廷國務卿對中梵關係感樂觀，建交過程亦都係一直進行，唔會一有問題就不建交，（中梵關係）冇可能一覺瞓醒就所有事都傾好。」人大釋法：「我覺得係一件遺憾嘅事，係咪一定要行到呢一步呢？未必嘅。人大有權係咪一定要咁做呢？我有好大嘅疑問。」資料來源：楊鳴章記者會
來源:
http://hk.apple.nextmedia.com/news/art/20161115/19834153
彭定康：爭港獨不智 勿混淆民主 批評梁游將宣誓當學生遊戲
1 :
GS(14)@2016-11-26 13:40:55■彭定康昨日演講表現風趣，其妻林穎彤（右二）亦展歡顏。易仰民攝
【本報訊】港獨爭議不斷，為不少港人懷緬的「末代港督」彭定康訪港更主動談及港獨問題，直言港獨是不可能發生，把港獨和民主混為一談是可恥和鹵莽，又形容勇敢的年輕人兩年前為爭取民主建立了道德高地，若因港獨失去道德高地是悲劇。他亦批評被取消議員資格的梁頌恆和游蕙禎，將宣誓變成學生遊戲，梁頌恆則認為港人追求自決呼聲一直存在。記者：鍾雅宜
彭定康伉儷訪港多日，昨午出席公開活動參加香港外國記者會午餐會。他致辭時原本討論美國特朗普上場和英國脫歐問題，但全程約35分鐘演辭便花去大約一半時間談及本港問題。
港獨會沖淡民主力量
彭定康指，自己很欽佩那些爭取民主的人，亦支持香港爭取民主，但認為港獨不可能發生（not going to happen），將民主及港獨混為一談是不誠實、可恥和鹵莽，港獨會沖淡支持民主的力量，亦為社會帶來了不必要的鬧劇。他讚揚兩年前勇敢的年輕人為爭取民主建立道德高地，但「如果因港獨這種荒謬行為而失去這片道德高地，將會是悲劇。」會後他被問到有何話想對支持港獨的年輕人說，彭認為討論焦點應回歸爭取民主，指是中央官員可回應的訴求，形容爭取港獨是不智（unwise），又指追求港獨可能引起中央反彈。他致辭時亦主動提及宣誓問題，指宣誓是嚴肅的事，與言論自由、新聞自由及司法獨立等混為一談是錯誤，自己擔任港督及國會議員時亦要宣誓，若議員未能宣誓便不能進入議會，如英國北愛爾蘭有議員拒絕向女皇宣誓效忠，終不能取得國會議席，世界上其他地方亦會有相似要求。會後他被問釋法是否合適，他認為釋法任何時候都應克制，應交由香港法庭去處理。離開時被追問對特首梁振英表現的評價，他最初無回應，其後表示「No」（不作回應）。彭定康早前接受英國《金融時報》訪問時亦批評梁頌恆和游蕙禎推動港獨是「完全適得其反」，指兩人錯誤地將宣誓變成學生遊戲，強烈呼籲推動港獨的人回到對民主訴求上，港獨只會令香港加劇分化。但對於北京被批干預香港司法獨立，彭定康認為中央政府「能夠亦應該更克制」，指自己始終是爭取香港民主發展和促進政府改善的「巨大支持者」。就彭定康的批評，梁頌恆指尊重其想法，但他與游蕙禎也有自己想法，就是追求香港獨立，港人追求自決的呼聲一直存在，而且為數不少，需尊重客觀事實。至於港獨會否沖淡民主力量，梁認為爭取民主制度時不能夠避免要處理北京政府及香港人的關係，自決或追求獨立可說是過程的其中一步。
識睇睇留言
James Law：肥彭有道理，泛民是追求真民主真普選，不是獨立，所以一定要跟港獨+講獨人士切割，免被拖累，旗幟鮮明做好議會抗爭。
Tak Hung Yip：港獨必定無可能發生也不是一條出路，因中央一定不會讓步。我們只能在一國兩制下，克制地爭取民主！
Kelvin Yu Ka Wan：不如你回來選特首。
Chan Sum Sum Catherine：大陸眼中嘅千古罪人，即係我地香港眼中嘅千古戀人，今日返咗嚟，好想見吓佢。
Bernie Wong：知識廣博，氣定神閒……真係同現今的政客官員高二萬幾皮。
Stanley Chow：懷念彭督冶港好過港人治港（特首治港），英國政制好過一國兩制。資料來源：《蘋果》fb
來源:
http://hk.apple.nextmedia.com/news/art/20161126/19846210
Next Page