📖 ZKIZ Archives

[惡搞文]人頭大: 「我一定是無食菜。」

惡搞原文如此文，該文原採自此文。

「我一定是無食菜。」
森大鱷。

以精神爽利來形容森大鱷，一點也不過份。以前傳媒稱森大鱷為「食肉鱷」，在飲食版出現居多，讀者最關心是他的打獵戰績。工作方面，最記得是他在1997年以高價買入一大隻恐龍，令在寶島食緊魚柳包的森巨鱷嚇左一跳，之後粥水都無啖好食，變左隻吸水大笨鱷，魚缸的蟲仔都變蟲乾。這些年，森大鱷變左食菜，為素食挽回不少尊嚴。森大鱷逐漸左食菜界的領袖。
森大鱷接受訪問，談到當年管理野生動物園，他承認年輕好勝，不惜狠下重本獵食奇珍異獸，贏了口福，輸了身體：「我一定是無食菜，特別是大頭蔡，否則我當時就會有便便排毒，唔會搞到身體咁差。」識得保養的人懂得回望過去。
飲食之道做到又有肉又有菜，並不容易，森大鱷在這幾年也無肉食，他指種菜本身也無肉食，但自己的健康卻是可以保持，最重要是有機會教導使其他人身體變得健康。我看過食肉鱷的身體架構，有多個唔同的器官，森大鱷要注意這些器官需要食唔同的菜，一不小心隨時踩到身體的健康警號。

大傻仔
PermaLink: https://articles.zkiz.com/?id=55745

電視風雲 - 王奇雲 無食老本 (2013年05月10日)

1 : GS(14)@2013-05-11 15:40:18

http://www.am730.com.hk/article.php?article=154181&d=2038

【am730專欄】如果話《金枝慾孽2》是一部爛劇，確係有啲冤枉，雖然雯女跳船，賴編劇飛紙仔，但至少陳豪同蔡少芬都肯為套戲辯護，話觀眾未識欣賞；相比上線劇集《神探高倫布》，就連話題性都不及《金枝慾孽2》，長期收視低迷，有人響網上大叫腰斬，我特登去討論區睇，連日嚟好多呢套劇的討論，高倫布同梅妹成日幻想、馬賽狂loop三十五次「布布」，包平安浮誇演出，忠奸上天下海嘅科幻對打，徹底挑戰觀眾底線。
監製添哥係我偶像，佢歷年作品我都有追看，今次可謂老貓燒鬚，不過佢唔承認失敗，佢老人家力撐咁話：此劇從來不是喜劇，製作《神》劇時，不想再沉迷於警匪忠奸題材，要做敢死隊要拍以前未拍過的。」佢又話：「我們要用不同方式演繹，故事有布局，角色有人性，只是有些場面抽離。」我好欣賞呢種冒險精神，唔試一定唔會有新嘢，雖然試咗未必得，但係結果出嚟，如果輸咗嘅話，又係咪應該事後孔明式批鬥？
無人係創作上嘅長勝將軍，人會老，機器會壞，過度有信心會盲目，尤其編劇年紀大咗，你要預咗自己會out至得，淨係用番以前套成功方程式，Loop完再loop，係遲早玩完！何況以添哥年紀，早就可以退休享清福，佢肯行新路、玩新招，我哋係唔係應該欣賞多啲呢？所以講番轉頭，《金枝慾孽2》食老本，比起《神探高倫布》略欠創意；而後者至少肯摒棄舊模式，玩轉觀眾，最後結局可能仲有飛碟出現添，平時又話無記唔創新，一創新又接受唔到，觀眾真係好難服侍囉！

王奇雲  (逢周一至五刊載)
PermaLink: https://articles.zkiz.com/?id=282799
Next Page
ZKIZ Archives @ 2019