📖 ZKIZ Archives

唔怕湯怡有BB洪卓立：我一向都好安全

1 : GS(14)@2015-04-13 08:56:18

前晚《饑饉三十》喺黃竹坑運動場舉行，洪卓立就上年就帶病上陣，扁桃腺發炎，而前日立立都係有病，佢話大前日跑步前嘅時候，諗住去食啲嘢，就去咗食燒鵝，食完之後就即刻肚屙，佢就話：「之後我上網睇番，嗰間嘢20個人留言都係鬧，今日就最嚴重，又肚屙又胃痛，不過都唔敢睇醫生住，因為今晚要唱歌，食咗藥會聲沙，同埋搞到把聲乾晒。」立立都有講到上年「饑饉」自已都係病，佢就話：「可能係個天叫我要食少啲，我啲朋友話我之前同女朋友去旅行好食好住，依家要還。」講到如果係女朋友又屙又嘔的話，會唔會怕女朋友有咗BB，立立就話：「唔驚，我一向都好安全，我係一個幾安全同幾有計劃嘅人。」至於去到探Yumiko嘅時候，會唔會取經，佢就話唔使咁快，仲講多次：「我都話我好安全。」講咗兩次，睇嚟立立真係好安全。





來源: http://hk.apple.nextmedia.com/entertainment/art/20150413/19110822
PermaLink: https://articles.zkiz.com/?id=289542

洪卓立送驚喜嚇喊湯怡

1 : GS(14)@2015-10-19 07:37:58

洪卓立昨日在沙田出席商台活動，洪卓立自爆本來為女友湯怡的28歲生日製造驚喜慶祝，卻鬧出笑料，他說：「每年都搞驚喜派對，早兩日叫晒佢既朋友先匿喺房，佢返嚟時我扮打機，點知佢入屋即除淨底褲，想換條舒服褲，佢見朋友走出嚟嚇到喊，都嬲嬲哋。」搞出大頭佛後，洪卓立如何氹女友？他說：「冇事嘅，以後唔喺屋企搞就得喇！」笑問兩人是否平日在家隨處也幹大事，他即裝儍說：「我聽唔明喎！」





來源: http://hk.apple.nextmedia.com/entertainment/art/20151018/19337547
PermaLink: https://articles.zkiz.com/?id=293348

湯怡嫁定洪卓立

1 : GS(14)@2016-09-09 05:37:01

湯怡前晚到灣仔出席智能運動腕錶發佈會，她表示平日有玩kick boxing，但怕操得太大隻和粗線條，問是否男友洪卓立不喜歡？湯怡衝口而出說：「只係自己唔鍾意，平日喺屋企同佢玩兩個人嘅運動，但佢啲筋骨好硬。」她還讚男友廚藝了得嫁得過，兩人有共識幾年後會結婚。同場的鄧穎芝被網民封為樂壇四小強，繼阮民安宣佈重組E-kids後，鄧穎芝亦復出樂壇：「自己有新歌，加上五年冇出碟，希望集中音樂事業上。」採訪、攝影：黃曉妍




來源: http://hk.apple.nextmedia.com/entertainment/art/20160909/19764703
PermaLink: https://articles.zkiz.com/?id=308366

湯怡爆男友呷愛犬醋

1 : GS(14)@2016-10-02 13:45:47

湯怡（右）日前亮相有線節目《寵物ER》訪問，湯怡與男友洪卓立共同養了兩隻貴婦狗，她自覺如有一對子女，感情增進不少：「有時都會有爭拗，我哋各有各忙，我會怪佢唔可以一齊放狗，冇咗呢個情趣。」自嘲是深歸媽媽的湯怡，工作完便回家陪伴愛犬，男友曾因此呷醋：「我返屋企通常黐住狗仔多，反而唔係第一時間搵佢，所以佢有時都會玩呷醋。」




來源: http://hk.apple.nextmedia.com/entertainment/art/20161002/19788207
PermaLink: https://articles.zkiz.com/?id=310997

【馮仁昭四圍超】張惠雅露股賀湯怡

1 : GS(14)@2016-10-27 06:02:47

張惠雅（Regen）、梁榮忠、林奕匡等，噚日喺港台出席微電影《流星飛過後許願前的一秒》記者會。戲中Regen會有一幕出浴戲，佢笑住話：「冇露點，tube以下有嘢遮，拍完有毛巾準備好，現場整花灑嗰位工作人員都係女性，專業演員係唔介意，我亦冇嘢俾人睇。」講到日前Regen露股祝賀湯怡生日，佢話：「冇其他女仔肯咪犧牲吓囉！信任現場朋友冇影到。」撰文：馮仁昭




來源: http://hk.apple.nextmedia.com/entertainment/art/20161027/19813002
PermaLink: https://articles.zkiz.com/?id=313711

湯怡計劃五年後結婚

1 : GS(14)@2016-10-30 14:36:02

湯怡及馬天佑昨日到九龍灣出席活動，湯怡早前獲男友洪卓立送上倫敦之旅作生日驚喜，她笑謂：「其實我真係好surprise，平時佢係驚多過喜㗎嘛。今次去倫敦好開心，因為同成班朋友去，影到好多平時影唔到嘅相。」但湯怡強調這次不是預影婚紗照，又指已與男友有共識四、五年後才結婚。而馬天佑正忙於為個人品牌服飾籌備，計劃下月舉行品牌發佈會。




來源: http://hk.apple.nextmedia.com/entertainment/art/20161030/19816583
PermaLink: https://articles.zkiz.com/?id=314139

【馮仁昭四圍超】湯怡外遊前貼凸肚相

1 : GS(14)@2017-01-05 08:01:10

互聯網圖片





湯怡同洪卓立拍拖多年，噚日佢喺Ig放咗張側面肚凸凸嘅相，睇落似有咗幾個月咁。其實張相係兩年前㗎，當時佢喺北海道旅行，食到肥晒，湯怡留言：「不用害怕，這只是我兩年前去北海道的收穫，我的胃腩跟肚腩好比我姐姐懷孕四個月的時候，厲害吧，相信沒有人見過我這麼圓潤的身材。」原來佢又去北海道旅行，所以放舊相，話要拭目以待，睇吓今次會肥幾多磅。撰文：馮仁昭




來源: http://hk.apple.nextmedia.com/entertainment/art/20170103/19884536
PermaLink: https://articles.zkiz.com/?id=321250

【馮仁昭四圍超】湯怡嗜甜過年肥8磅

1 : GS(14)@2017-02-02 02:34:14

湯怡與麥子樂早前為有線電視拍攝賀年特輯《鼓「樂」齊鳴迎新春》，今次佢哋挑戰舞獅，現場所見，他們都舞得有板有眼，麥子樂話：「第一次玩醒獅，原來個獅頭咁重，舞完真係有啲攰。」湯怡最喜歡食賀年糕點，現場有人發現佢口水流流咁望住個全盒，湯怡話：「我好鍾意食甜嘢，賀年食物基本上都鍾意，我試過一個新年肥咗8磅。」撰文：馮仁昭




來源: http://hk.apple.nextmedia.com/entertainment/art/20170201/19913871
PermaLink: https://articles.zkiz.com/?id=324978

渣馬明日舉行　群星Ready湯怡狂食飯　胡諾言晒肌攞彩

1 : GS(14)@2017-02-11 18:58:04

■湯怡趁30歲前挑戰自己，首度參加半馬。攝影：沈健程



明日舉行一年一度「渣打香港馬拉松2017」，不知是否贊助商Nike的關係，過往鐵腳如劉心悠、周柏豪、陳山聰等今年都沒有參加。不過，仍然有不少圈中藝人參賽，如湯怡、胡諾言、徐濠縈、崔碧珈和甄茵等，已準備就緒。



■湯怡只準備了兩星期，家人及男友洪卓立擔心她體力不支。

兩星期準備


湯怡今年首度出戰半馬賽事，昨日她在維園練跑時接受訪問：「之前一路都係參加十公里賽，但今年跑半馬係想挑戰自己，想喺30歲前完成。」但是湯怡只得兩星期時間準備，她說：「3、4個月前我仲拍緊電影，上個月又同鍾舒漫擺緊攤位賣曲奇。」問到湯怡十公里賽與半馬賽事的賽程不同，怕不怕難應付？她說：「我又唔擔心，只係最想完成賽事，完成對自己嘅挑戰，所以對比賽好有信心。」湯怡指男友洪卓立（Ken）和家人都支持，她說：「起初Ken同媽咪都擔心我體力支持唔到，覺得我只係應付到十公里，後來見我係咁練習，佢哋都放心咗好多，Ken仲不斷逼我食多啲飯。」


陳琪勁擔心

胡諾言今年挑戰42.195公里全馬，已練到一身肌肉的他接受傳媒訪問說：「?家咁涼爽，對跑長途嚟講係好事，只要裝備充裕，應該係冇問題。」問胡仔參加全馬目標？他說：「第一次玩，我希望喺4個鐘頭內完成，時間唔重要，要比都係同自己比。我哋唔係運動員，我相信呢個係一個肯定。」胡仔透露太太陳琪不知為何憂心忡忡，他說：「上次都冇咁緊張，呢排有啲報道話跑手身體不適，佢就多說話囉！咁都好嘅，即係佢緊張我，關心我。」而女子組合B.Gs的21歲師妹甄茵，昨日接受本報電話訪問：「我大概兩年前開始跟教練練跑，今次渣馬報咗半馬，希望可以超越自己。」採訪：曹家誠、陳杰


■湯怡去年參加十公里賽以54分06秒成績，成為女藝人之冠。資料圖片

■胡諾言指太太陳琪看到近日報道有不少跑手身體不適，表現憂心。



來源: http://hk.apple.nextmedia.com/entertainment/art/20170211/19924655
PermaLink: https://articles.zkiz.com/?id=326388

湯怡變白多仔追

1 : GS(14)@2017-07-05 03:49:46

湯怡與泳兒昨日於尖沙嘴出席悅仁醫療開幕禮，湯怡日前在社交網貼了一張中學時期皮膚黑黑的學生照片，她笑說：「嗰時青春期，皮膚好黑又有暗瘡，慢慢白啲先有人追，嗰時真係冇市場。」身旁的泳兒亦取笑她：「白番之後市場就返晒嚟。」湯怡說：「唔一定要好白，健康就得，到識得扮靚，見身邊女仔都好白好靚，自己都貪靚，做防曬同做運動變白，幾年後就白番。」同場的泳兒因皮膚敏感患濕疹致眼腫腫，她說：「之前去泰國，開頭個幾禮拜都好好，點知去到尾就爆發，好痕，連眼都睜唔大，好躁底。」採訪：羅慧敏攝影：陳俊強




來源: http://hk.apple.nextmedia.com/entertainment/art/20170703/20076641
PermaLink: https://articles.zkiz.com/?id=338042
Next Page
ZKIZ Archives @ 2019