中環在線：胡應湘玩封嘴 李華華
2008-11-05 AppleDaily
呢排大富豪定小市民，個個都冇晒心機咁，一向風趣幽默嘅合和（054）主席胡應湘，噚日都冇咁鬼馬。胡主席以前間唔時都會同記者傾幾句，講吓政經熱門話題。不過佢噚日喺香港管理專業協會研討會上發表「香港成功之道」嘅演講，似乎冇咗以前嘅風趣抵死。
阿仔胡文新同一陣線
佢 喺演講度只係提到65年恒生（011）都發生過擠提，人龍由中環恒生排到舊天星小輪碼頭，早前東亞（023）都發生過擠提，好彩事件好快平息，若然發生喺 65年，就好大件事。胡應湘發表完演講，傳媒都期待佢會傾幾句，點知佢一支箭咁快步離開，只係拋低一句：「封刀蔽隱」。咁即係玩封嘴？封嘴嘅原因，係唔想 再俾是非糾纏？定係金融海嘯下搞到冇晒心機呢？唔少大富豪疑似炒賣衍生工具搞到損手，其中一個被傳嘅係合和大公子胡文新，不過佢已高調否認，噚日同老竇胡 應湘一齊出席研討會，一於同老竇同一陣線封嘴。