買房託比買樓更佳?? Home Blogger
http://www.homebloggerhk.com/?p=5205
可能你都聽過人講:「我有個uncle炒股票好叻，成間半島豪庭就用佢炒股賺既錢買番黎。佢比過兩個number我，506我冇買點知升到傻左，所以今次813我買番幾手。另外佢話有d股票可以長唔放，好似823, 2778咁! 有錢就買d用黎收息，唔使成日睇住咁煩，派息都派成6厘。你而家買樓都冇收成6厘息啦!」
首先樓確實係香港人至愛，連衝量人炒股成唔成功都要用舊錢大到可買樓黎表明。Well，希望可以由本篇討論下港人在投資上幾個諗法。「比number」呢個term真係好神聖，每隻股票只要經「比個number你」呢個詞彙修飾一下，即刻變得有神聖感同吸引力! 另外比number一定要配合仙股用，因仙股市場係無理得唔可以用任何基本或技術分析去解釋。只能用民間口耳相傳一些關於該公司既謠言，而當股價稍有眉目大批民眾即可協助炒高爆上。
但係，炒仙股而發達既機會有幾大呢? 相信長睹必輸既理論適用。由於你唔係insider(即係該公司管理層或關連人仕)，所以你買入該股贏錢既機會最好只係50%贏面。你玩幾鋪確實有連贏機會，但次數一多你必然輸返哂落去。所以除非你真係insider，否則都唔好指望靠股仔賺錢，恐怕賺個名牌手袋都難!
近排房託咁hit都因為823升到40蚊，但係奇在d人仲以為佢派息仲係6厘。首先諗樣認為你筆錢主打收息就唔好買股，主打賺價就唔好買債，每樣投資工具皆有其優劣而投資人需做就好適當運用其特性。就因為咁買房託請先留意佢現時派息率及價格。仲有買股一般好少可做高倍數槓桿借貸，買樓就可以，因為抵押品質素大有不同，此乃股樓其一大分別。係冇槓桿下，用40萬買股票只可以用該筆數留黎計6%息。而樓房提供五倍或至近十倍槓桿下，你比40萬首期後可以用400萬去近3%回報收租，分別好大! 當然風險係可輸到唔要間樓都甩唔到身。
最後，亦係聽過n咁多次，就係講呢個投資方法係你唔使成日睇住。其實投資都係一分耕耘，一分收穫。請唔好再相信咩買隻匯豐擺埋佢放十年呢樣野啦。一係比心機搵多d，一係就分些少時間睇下你既投資啦!
樓市短打(27)：新世代買樓模式之簡化需求付令買樓更容易 梁隼
http://notcomment.com/wp/?p=17034過去好多人買樓只有一個概念，就係買到自己的心頭好，所以又要考慮居住條件，又要考慮返工去街方唔方便，更甚係又要新淨又要抵買，結果就係甚麼都買不到。
另外眾多發展商都表示樓價難以大跌，因為建築成本上升，查實唔只建築成本，裝修及大小工程的人工都上漲了不少，就算買到樓，都還要花錢去裝修，買樓真係要勇氣外還要金錢！
成本上升同時令人聯想起通漲問題，再加上持續低息環境，中港股票市場表現呆滯，資金一係在銀行收低息，一係在股票市場胡裡胡塗地蝕去，要保持購買力，唯有買樓。
又返回第一個point，好多人只會考慮新樓，或入伙數年的半新盤，貪其新淨又有會所，換來的代價就係捱貴樓，因為過去數年新樓往往比二手樓有兩至三成溢價，就算最近發展商劈價兼打折當送稅，賣價仍然與二手樓差一截。結果就係捱貴樓。
筆者有一位朋友曾說道：麥當勞D野好食，你去幫襯咪得囉，唔駛自己開番間卦？！其實住新樓亦如是，只要租便可以了。
在投資角度而言，買新樓是嚴重犯本的行為，因為新樓的收樓時間十分接近，即係話市場上會一下子有好多相似的貨物流出市面，結果就係令到市場供應增加而要減價，我們都不難見到每逢新樓入伙，都有不少劈租劈到平過舊樓的報導吧。
咁就有條好簡單的數學，舊樓同新樓差唔多租金，但係舊樓賣得比新樓平兩三成，咁點解唔買間舊樓收租，再租新樓？
在租新買舊呢個概念下，買樓再也不用考慮太多個人需要，因為買左都唔係自己住，只需要考慮易唔易租出去同埋回報率多少便可，咁買樓的機會便會增加，無需要為無件實物揸手而煩惱。
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
有人會質疑，舊樓的升值潛力會唔會比新樓差呀？蝕折舊都蝕死了。
要回應此點，首先同大家討論一下香港的資金流向。
雖然外地買家要比BSD，而按數據在BSD實施後外地資金買樓的確少左，但係總不會消失掉。
外地資金在香港買樓，鑑於隔山買牛，只會買一線物業或者新盤，結果就係大部份香港人將來買樓都會自動降一級。
即係原本買到太古城，而家只可以買康怡或南豐；原來買德福就要退一步考慮淘大得寶。
加上SSD同雙倍印花稅效應下，將資金一拆幾買多幾間細樓成本比買一間大樓平，在市場需求一下子大變下，舊樓的吸引力並唔比新樓差。
周顯：港樓更細 負擔比率自然跌
1 :
GS(14)@2017-02-02 01:00:12【明報專訊】近日Demographia發表了每年一度的報告，說香港2016年的供樓負擔比率是18.1倍，雖較2015年的19倍歷史高位稍為好轉，但已是全球「七連冠」了。
這報道被廣泛傳閱和引用，但我發現，無論是寫的記者，抑或是引用的人，都完全不知道這數據其中的含義。事實上，我告訴大家，在香港，炒樓好叻的人也許有不少，但真正明白房屋政策的人，一個也沒有，他們都是蠢得像豬，不消說的，今日房屋政策的問題，就是因為這些笨人充斥在社會之所致。
不用呎價計算 各城市無法比較
供樓負擔比率的計算方式，是以樓價的中位數，去除市民的收入，這種計算方式，有什麼問題呢？問題在於，樓價的中位數是一個絕對數值，並非呎價的中位數，因此，在其他城市，一個單位的平均面積是一千呎，在香港，一個單位的平均面積是四百呎，這兩者價格中位數，又怎可以相提並論呢？
至於為何2016年的供樓負擔比率會稍微倒跌呢？這並非因為香港市民的負擔輕了，而是因為新樓的面積減少了。在數學上，假設呎價不變，新樓面積減少，相等於樓價的中位數也減低了，因此，計算出來的供樓負擔比率也減少了。
所以，這其實是一個數學陷阱，只是用來騙騙無知的笨蛋，只是由於環顧香港，無知的笨蛋實在太多了，所以雖然有很多評論樓市的人，但卻並沒有人看得出來。
用來評估泡沬風險 非樓價水平
對，我是直指，財金官員是笨蛋，立法會議員是笨蛋，房屋政策評論員是笨蛋，我係咁寸，因為我是周顯大師，我識嘢，佢哋唔識，誤盡蒼生，我用事實證明這些人統統是笨蛋，這是有料之人取笑無料之人，我寸得起，吹咩！
最後一提，供樓負擔比率的用途，不是用來評估樓價有多高，而是評估樓市的泡沫風險，這些分析數據的基本知識，當然也是很少人會留意到的。
[周顯 投資二三事]
來源:
http://www.mpfinance.com/fin/dai ... 1143&issue=20170201
Next Page